Siraatकिष्किन्धाकाण्डः सर्गः 1
110 verses
स तां पुष्करिणीं गत्वा पद्मोत्पलझषाकुलाम्। रामः सौमित्रिसहितो विललापाकुलेन्द्रियः॥
sa tāṃ puṣkariṇīṃ gatvā padmotpalajhaṣākulām| rāmaḥ saumitrisahito vilalāpākulendriyaḥ||
Repairing with Lakşmaņa to the lake Pampā filled with red and while lotuses and fish Rāma having his senses agitated began to lament.
— M.N. Dutt (1891–94, public domain)
तत्र दृष्ट्वैव तां हर्षादिन्द्रियाणि चकम्पिरे। स कामवशमापन्नः सौमित्रिमिदमब्रवीत्॥
tatra dṛṣṭvaiva tāṃ harṣādindriyāṇi cakampire| sa kāmavaśamāpannaḥ saumitrimidamabravīt||
And beholding there that lake, his senses were stirred with delight. Troubled with passion he spoke to Saumitri saying,
— M.N. Dutt (1891–94, public domain)
सौमित्रे शोभते पम्पा वैदूर्यविमलोदका। फुल्लपद्मोत्पलवती शोभिता विविधैर्दुमैः॥
saumitre śobhate pampā vaidūryavimalodakā| phullapadmotpalavatī śobhitā vividhairdumaiḥ||
Behold, O Saumitri, how beautifully appear Pampā of transparent water like to Vaidurya, graced with full-blown red and white lotuses and various trees.
— M.N. Dutt (1891–94, public domain)
सौमित्रे पश्य पम्पायाः काननं शुभदर्शनम्। यत्र राजन्ति शैला वा द्रुमाः सशिखरा इव॥
saumitre paśya pampāyāḥ kānanaṃ śubhadarśanam| yatra rājanti śailā vā drumāḥ saśikharā iva||
Observe again, O son of Sumitra, the picturesque wood-land around the lake, where trees, crowned with large branches resembling the summits of a mountain, appear like so many hills.
— M.N. Dutt (1891–94, public domain)
मां तु शोकाभिसंतप्तमाधयः पीडयन्ति वै। भरतस्य च दुःखेन वैदेह्या हरणेन च॥
māṃ tu śokābhisaṃtaptamādhayaḥ pīḍayanti vai| bharatasya ca duḥkhena vaidehyā haraṇena ca||
Mental agony arising from Sītā's ravishment and Bharata's grief, have been grinding me who am already stricken with sorrow.
— M.N. Dutt (1891–94, public domain)
शोकार्तस्यापि मे पम्पा शोभते चित्रकानना। व्यवकीर्णा बहुविधैः पुष्पैः शीतोदका शिवा॥ नलिनैरपि संच्छिन्ना हत्यर्थशुभदर्शना। सर्पव्यालानुचरिता मृगद्विजसमाकुला॥
śokārtasyāpi me pampā śobhate citrakānanā| vyavakīrṇā bahuvidhaiḥ puṣpaiḥ śītodakā śivā|| nalinairapi saṃcchinnā hatyarthaśubhadarśanā| sarpavyālānucaritā mṛgadvijasamākulā||
Verily conduce to my felicity the pleasant lake Pampã of cool water, scattered with various flowers, covered with lotuses, highly graceful, girt with variegated' woods abounding in voracious animals and frequented by deer and birds.
— M.N. Dutt (1891–94, public domain)
अधिकं प्रविभात्येतन्नीलपीतं तु शाद्वलम्। दुमाण विविधैः पुष्पैः परिस्तोमैरिवार्पितम्॥
adhikaṃ pravibhātyetannīlapītaṃ tu śādvalam| dumāṇa vividhaiḥ puṣpaiḥ paristomairivārpitam||
This green common, chequered with yellow and blue, appeared of enhanced beauty by the various flowers of the trees as if covered with a blanket of diverse hues.
— M.N. Dutt (1891–94, public domain)
पुष्पभारसमृद्धानि शिखराणि समन्ततः। लताभिः पुष्पिताग्राभिरुपगूढानि सर्वतः॥ सुखानिलोऽयं सौमित्रे कालः प्रचुरमन्मथः। गन्धवान् सुरभिर्मासो जातपुष्पफलद्रुमः॥
puṣpabhārasamṛddhāni śikharāṇi samantataḥ| latābhiḥ puṣpitāgrābhirupagūḍhāni sarvataḥ|| sukhānilo'yaṃ saumitre kālaḥ pracuramanmathaḥ| gandhavān surabhirmāso jātapuṣpaphaladrumaḥ||
The tops of the trees rich with flowery bunches are gnarled with creepers of blossoming tips. Now has appeared, O Saumitri, the fragrant spring of pleasant breezes, when greatly prevail the influence of Cupid and the trees are graced with fruits and flowers.
— M.N. Dutt (1891–94, public domain)
पश्य रूपाणि सौमित्रे वनानां पुष्पशालिनाम्। सृजतां पुष्पवर्षाणि वर्णे तोयमुचामिव ॥
paśya rūpāṇi saumitre vanānāṃ puṣpaśālinām| sṛjatāṃ puṣpavarṣāṇi varṇe toyamucāmiva ||
Behold, O Saumitri, the beauty of the flowery woods, showering flowers like to clouds pouring forth rain.
— M.N. Dutt (1891–94, public domain)
प्रस्तरेषु च रम्येषु विविधाः काननद्रुमाः। वायुवेगप्रचलिताः पुष्पैरवकिरन्ति गाम्॥
prastareṣu ca ramyeṣu vividhāḥ kānanadrumāḥ| vāyuvegapracalitāḥ puṣpairavakiranti gām||
Various trees growing on rock surfaces, moved by the wind have been scattering flowers on the earth.
— M.N. Dutt (1891–94, public domain)
पतितैः पतमानैश्च पादपस्थैश्च मारुतः। कुसुमैः पश्य सौमित्रे क्रीडतीव समन्ततः॥
patitaiḥ patamānaiśca pādapasthaiśca mārutaḥ| kusumaiḥ paśya saumitre krīḍatīva samantataḥ||
Behold, O Saumitri, the wind is sporting at all sides as it were with flowers drops, dropping and hanging on the trees.
— M.N. Dutt (1891–94, public domain)
विक्षिपन् विविधाः शाखा नगानां कुसुमोत्कटाः। मारुतश्चलितस्थानैः षट्पदैरनुगीयते॥
vikṣipan vividhāḥ śākhā nagānāṃ kusumotkaṭāḥ| mārutaścalitasthānaiḥ ṣaṭpadairanugīyate||
The black bees, driven off and singing, pursue the wind, moving the many kinds of flowery branches of the trees.
— M.N. Dutt (1891–94, public domain)
मत्तकोकिलसंनादैर्नर्तयन्निव पादपान्। शैलकंदरनिष्क्रान्तः प्रगीत इव चानिलः॥
mattakokilasaṃnādairnartayanniva pādapān| śailakaṃdaraniṣkrāntaḥ pragīta iva cānilaḥ||
While issuing out of the mountainous hollows the wind is singing as it were and making the trees dance with the musical notes of the delighted cuckoos.
— M.N. Dutt (1891–94, public domain)
तेन विक्षिपतात्यर्थं पवनेन समन्ततः। अमी संसक्तशाखाग्रा ग्रथिता इव पादपाः॥
tena vikṣipatātyarthaṃ pavanena samantataḥ| amī saṃsaktaśākhāgrā grathitā iva pādapāḥ||
The wind, which was violently shaking them, making the tops of the trees collide with each other, appear as it were stringing them together.
— M.N. Dutt (1891–94, public domain)
स एव सुखसंस्पर्शो वाति चन्दनशीतलः। गन्धमभ्यवहन् पुण्यं श्रमापनयनोऽनिलः॥
sa eva sukhasaṃsparśo vāti candanaśītalaḥ| gandhamabhyavahan puṇyaṃ śramāpanayano'nilaḥ||
The sandal-cool wind, of pleasant touch, ever removing the exhaustion of toil, is blowing every where carrying with it pure fragrance.
— M.N. Dutt (1891–94, public domain)
अमी पवनविक्षिप्ता विनदन्तीव पादपाः। षट्पदैरनुकूजद्भिर्वनेषु मधुगन्धिषु॥
amī pavanavikṣiptā vinadantīva pādapāḥ| ṣaṭpadairanukūjadbhirvaneṣu madhugandhiṣu||
Violently shaken by wind the trees in this nectar-smelling forest are sounding as it were with the hum of bees.
— M.N. Dutt (1891–94, public domain)
गिरिप्रस्थेषु रम्येषु पुष्पवद्भिर्मनोरमैः। संसक्तशिखराः शैला विराजन्ति महाद्रुमैः॥
giriprastheṣu ramyeṣu puṣpavadbhirmanoramaiḥ| saṃsaktaśikharāḥ śailā virājanti mahādrumaiḥ||
Hillocks over-topped with picturesque and flowery trees stand beautifully on this mountainous expanse.
— M.N. Dutt (1891–94, public domain)
पुष्पसंछन्नशिखरा मारुतोत्क्षेपचञ्चलाः। अमी मधुकरोत्तंसाः प्रगीता इव पादपाः॥
puṣpasaṃchannaśikharā mārutotkṣepacañcalāḥ| amī madhukarottaṃsāḥ pragītā iva pādapāḥ||
Trees with flowery tops, tossed by the airy currents and crested with the bees, are as if dancing in accompaniment with melodious strains.
— M.N. Dutt (1891–94, public domain)
सुपुष्पितांस्तु पश्यैतान् कर्णिकारान् समन्ततः। हाटकप्रतिसंछन्नान् नरान् पीताम्बरानिव ॥
supuṣpitāṃstu paśyaitān karṇikārān samantataḥ| hāṭakapratisaṃchannān narān pītāmbarāniva ||
Behold, the Karņikāras covered with flowers appear on all sides like to human beings decorated with golden ornaments and wearing yellow cloths.
— M.N. Dutt (1891–94, public domain)
अयं वसन्तः सौमित्रे नानाविहगनादितः। सीतया विप्रहीणस्य शोकसंदीपनो मम॥
ayaṃ vasantaḥ saumitre nānāvihaganāditaḥ| sītayā viprahīṇasya śokasaṃdīpano mama||
This spring, O Saumitri, sounded by the musical notes of the birds of different spacies has been kindling my grief who am without Sītā.
— M.N. Dutt (1891–94, public domain)
मां हि शोकसमाक्रान्तं संतापयति मन्मथः। हृष्टं प्रवदमानश्च समाह्वयति कोकिलः॥
māṃ hi śokasamākrāntaṃ saṃtāpayati manmathaḥ| hṛṣṭaṃ pravadamānaśca samāhvayati kokilaḥ||
Cupid has been smiting me the more who am stricken with grief, and the cuckoos have been defying me, displaying their mirth, O Laksmana.
— M.N. Dutt (1891–94, public domain)
एष दात्यूहको हृष्टो रम्ये मां वननिझरे। प्रणदन्मन्मथाविष्टं शोचयिष्यति लक्ष्मण ॥
eṣa dātyūhako hṛṣṭo ramye māṃ vananijhare| praṇadanmanmathāviṣṭaṃ śocayiṣyati lakṣmaṇa ||
At the pleasant fountains the delighted Dátyūahas with their warblings have been afflicting me who am possessed by Cupid.
— M.N. Dutt (1891–94, public domain)
श्रुत्वैतस्य पुरा शब्दमाश्रमस्था मम प्रिया। मामाहूय प्रमुदिता परमं प्रत्यनन्दत ॥
śrutvaitasya purā śabdamāśramasthā mama priyā| māmāhūya pramuditā paramaṃ pratyanandata ||
Formerly my dear one, while in the asylum, delighted with the music of these birds, used to attain to a greater joy addressing me to hear them.
— M.N. Dutt (1891–94, public domain)
एवं विचित्राः पतगा नानारावविराविणः। वृक्षगुल्मलताः पश्य सम्पतन्ति समन्ततः॥
evaṃ vicitrāḥ patagā nānārāvavirāviṇaḥ| vṛkṣagulmalatāḥ paśya sampatanti samantataḥ||
Behold, birds of variegated hues, emitting forth diverse notes have been alighting upon the trees, groves and creepers from various quarters.
— M.N. Dutt (1891–94, public domain)
विमिश्रा विहगाः पुंभिरात्मव्यूहाभिनन्दिताः। भृङ्गराजप्रमुदिताः सौमित्रे मधुरस्वराः॥
vimiśrā vihagāḥ puṃbhirātmavyūhābhinanditāḥ| bhṛṅgarājapramuditāḥ saumitre madhurasvarāḥ||
O Saumitri, birds and bees of melodious notes accompanied by their co-mates and delighted with their mutual companionship are on the banks of this lake.
— M.N. Dutt (1891–94, public domain)
अस्याः कूले प्रमुदिताः सङ्घशः शकुनास्त्विह। दात्यूहरतिविक्रन्दैः पुंस्कोकिलरुतैरपि॥ स्वनन्ति पादपाश्चेमे ममानङ्गप्रदीपकाः।
asyāḥ kūle pramuditāḥ saṅghaśaḥ śakunāstviha| dātyūharativikrandaiḥ puṃskokilarutairapi|| svananti pādapāśceme mamānaṅgapradīpakāḥ|
There live happily flocks of delighted vultures. The trees sounded by the lascivious murmurs of Dätyűhas and Purnskokilas have been kindling my amour.
— M.N. Dutt (1891–94, public domain)
अशोकस्तवकाङ्गारः षट्पदस्वननिःस्वनः॥ मां हि पल्लवताम्रचिर्वसन्ताग्निः प्रधक्ष्यति।
aśokastavakāṅgāraḥ ṣaṭpadasvananiḥsvanaḥ|| māṃ hi pallavatāmracirvasantāgniḥ pradhakṣyati|
The fire of spring having clusters of Asokas as its embers, the hum of bees as its sound, the rendness of the twigs as its flame, has been burning i.e.
— M.N. Dutt (1891–94, public domain)
नहि तां सूक्ष्मपक्ष्माक्षीं सुकेशी मृदुभाषिणीम्॥ अपश्यतो मे सौमित्रे जीवितेऽस्ति प्रयोजनम्।
nahi tāṃ sūkṣmapakṣmākṣīṃ sukeśī mṛdubhāṣiṇīm|| apaśyato me saumitre jīvite'sti prayojanam|
O Saumitri, of what avail is this life to me, lot beholding Sītā of sweet accents, having eyes with their eye-lashes, and a head of curly hair.
— M.N. Dutt (1891–94, public domain)
अयं हि रुचिरस्तस्याः कालो रुचिरकाननः॥ कोकिलाकुलसीमान्तो दयिताया ममानघ।
ayaṃ hi rucirastasyāḥ kālo rucirakānanaḥ|| kokilākulasīmānto dayitāyā mamānagha|
O blameless one, this season, when the groves become charming and the border-lands resound with melodious strains of the cuckoos, is the most beloved of my dear one.
— M.N. Dutt (1891–94, public domain)
मन्मथायाससम्भूतो वसन्तगुणवर्धितः॥ अयं मां धक्ष्यति क्षिप्रं शोकाग्निर्नचिरादिव।
manmathāyāsasambhūto vasantaguṇavardhitaḥ|| ayaṃ māṃ dhakṣyati kṣipraṃ śokāgnirnacirādiva|
Methinks, this fire of distress, originating from amorous trouble and enhanced by the influence of spring, shall soon burn me down.
— M.N. Dutt (1891–94, public domain)
अपश्यतस्तां वनितां पश्यतो रुचिरान् दुमान्॥ ममायमात्मप्रभवो भूयस्त्वमुपयास्यति।
apaśyatastāṃ vanitāṃ paśyato rucirān dumān|| mamāyamātmaprabhavo bhūyastvamupayāsyati|
My amorous feelings shall attain to an intense height, as I do not behold Sītā before, whereas see the beautiful trees around.
— M.N. Dutt (1891–94, public domain)
अदृश्यमाना वैदेही शोकं वर्धयतीह मे॥ दृश्यमानो वसन्तश्च स्वेदसंसर्गदूषकः।
adṛśyamānā vaidehī śokaṃ vardhayatīha me|| dṛśyamāno vasantaśca svedasaṃsargadūṣakaḥ|
Sītä, away from my vision and the spring, drying up perspiration, have been both inciting my amour.
— M.N. Dutt (1891–94, public domain)
मां हि सा मृगशावाक्षी चिन्ताशोकबलात्कृतम्॥ संतापयति सौमित्रे क्रूरश्चैत्रवनानिलः।
māṃ hi sā mṛgaśāvākṣī cintāśokabalātkṛtam|| saṃtāpayati saumitre krūraścaitravanānilaḥ|
That one having the eyes of a fawn and ruthless vernal breeze, O Saumitri, have been oppressing me who am overpowered with anxiety and grief.
— M.N. Dutt (1891–94, public domain)
अमी मयूराः शोभन्ते प्रनृत्यन्तस्ततस्ततः॥ स्वैः पक्षैः पवनोद्भूतैर्गवाक्षैः स्फाटिकैरिव।
amī mayūrāḥ śobhante pranṛtyantastatastataḥ|| svaiḥ pakṣaiḥ pavanodbhūtairgavākṣaiḥ sphāṭikairiva|
These peacocks and pea-hens unfurling then wings like to crystal lattices, have been dancing hither and thither.
— M.N. Dutt (1891–94, public domain)
शिखिनीभिः परिवृतास्त एते मदमूर्च्छिताः॥ मन्मथाभिपरीतस्य मम मन्मथवर्धनाः।
śikhinībhiḥ parivṛtāsta ete madamūrcchitāḥ|| manmathābhiparītasya mama manmathavardhanāḥ|
These maddened peacocks encircled by the pea-hens, have been aggravating my amorous desire who am already possessed by the Cupid.
— M.N. Dutt (1891–94, public domain)
पश्य लक्ष्मण नृत्यन्तं मयूरमुपनृत्यति ॥ शिखिनी मन्मथातॆषा भर्तारं गिरिसानुनि।
paśya lakṣmaṇa nṛtyantaṃ mayūramupanṛtyati || śikhinī manmathātèṣā bhartāraṃ girisānuni|
Observe, O Laksmana, there dance with her dancing mate on the mountainous expanse, the pea-hen, troubled with amorous sentiments.
— M.N. Dutt (1891–94, public domain)
तामेव मनसा रामां मयूरोऽप्यनुधावति ॥ वितत्य रुचिरौ पक्षौ रुतैरुपहसन्निव।
tāmeva manasā rāmāṃ mayūro'pyanudhāvati || vitatya rucirau pakṣau rutairupahasanniva|
The peacock unfolding his charming wings is moving after his dear mate mocking me as if were with his cry.
— M.N. Dutt (1891–94, public domain)
मयूरस्य वने नूनं रक्षसा न हृता प्रिया॥ तस्मान्नृत्यति रम्येषु वनेषु सह कान्तया।
mayūrasya vane nūnaṃ rakṣasā na hṛtā priyā|| tasmānnṛtyati ramyeṣu vaneṣu saha kāntayā|
Surely the Rākşasa has not brought my dear one in this forest of peacocks and therefore they dance with their mates in this picturesque forest land.
— M.N. Dutt (1891–94, public domain)
मम त्वयं विना वास: पुष्पमासे सुदुःसहः॥ पश्य लक्ष्मण संरागस्तिर्यग्योनिगतेष्वपि। यदेषा शिखिना कामाद् भर्तारमभिवर्तते।॥
mama tvayaṃ vinā vāsa: puṣpamāse suduḥsahaḥ|| paśya lakṣmaṇa saṃrāgastiryagyonigateṣvapi| yadeṣā śikhinā kāmād bhartāramabhivartate|||
It is unbearable for me to live without Sītā in this season of flowers. Behold, O Laksmana, this attachment is to be seen even among the brutes. The pea-hen being influenced by passion is approaching her mate.
— M.N. Dutt (1891–94, public domain)
ममाप्येवं विशालाक्षी जानकी जातसम्भ्रमा। मदनेनाभिवर्तेत यदि नापहता भवेत्॥
mamāpyevaṃ viśālākṣī jānakī jātasambhramā| madanenābhivarteta yadi nāpahatā bhavet||
Sītā of expansive eyes would have thus neared me being influenced by amour had she not been carried away.
— M.N. Dutt (1891–94, public domain)
पश्य लक्ष्मण पुष्पाणि निष्फलानि भवन्ति मे। पुष्पभारसमृद्धानां वनानां शिशिरात्यये॥ रुचिराण्यपि पुष्पाणि पादपानामतिश्रिया। निष्फलानि मही यान्ति समं मधुकरोत्करैः॥
paśya lakṣmaṇa puṣpāṇi niṣphalāni bhavanti me| puṣpabhārasamṛddhānāṃ vanānāṃ śiśirātyaye|| rucirāṇyapi puṣpāṇi pādapānāmatiśriyā| niṣphalāni mahī yānti samaṃ madhukarotkaraiḥ||
Behold, O Laksmana, In this season of spring flowers of this forest rich in their load of flowers are of no avail to me. These pleasant flowers of the trees have been uselessly falling on the earth along with the swarms of black bees.
— M.N. Dutt (1891–94, public domain)
नदन्ति कामं शकुना मुदिताः सदृशः कलम्। आह्वयन्त इवान्योन्यं कामोन्मादकरा मम।४६।।
nadanti kāmaṃ śakunā muditāḥ sadṛśaḥ kalam| āhvayanta ivānyonyaṃ kāmonmādakarā mama|46||
The birds exciting my desire have been delightedly warbling in flocks as if welcoming each other.
— M.N. Dutt (1891–94, public domain)
वसन्तो यदि तत्रापि यत्र मे वसति प्रिया। नूनं परवशा सीता सापि शोचत्यहं यथा।४७।।
vasanto yadi tatrāpi yatra me vasati priyā| nūnaṃ paravaśā sītā sāpi śocatyahaṃ yathā|47||
Surely Sītā, under the influence of another person, is lamenting in the same strain, as I do, if spring has appeared there.
— M.N. Dutt (1891–94, public domain)
नूनं न तु वसन्तस्तं देशं स्पृशति यत्र सा। कथं ह्यसितपद्माक्षी वर्तयेत् सा मया विना ॥
nūnaṃ na tu vasantastaṃ deśaṃ spṛśati yatra sā| kathaṃ hyasitapadmākṣī vartayet sā mayā vinā ||
Even if spring has not appeared there how can Sītā having eyes resembling full-blown lotuses live in my separation?
— M.N. Dutt (1891–94, public domain)
अथवा वर्तते तत्र वसन्तो यत्र मे प्रिया। किं करिष्यति सुश्रोणी सा तु निर्भर्त्सता परैः।॥
athavā vartate tatra vasanto yatra me priyā| kiṃ kariṣyati suśroṇī sā tu nirbhartsatā paraiḥ|||
If spring is there, what can it do her having a beautiful hip and loins, who has already been overpowered by a mighty enemy?
— M.N. Dutt (1891–94, public domain)
श्यामा पद्मपलाशाक्षी मृदुभाषा च मे प्रिया। नूनं वसन्तमासाद्य परित्यक्ष्यति जीवितम्॥
śyāmā padmapalāśākṣī mṛdubhāṣā ca me priyā| nūnaṃ vasantamāsādya parityakṣyati jīvitam||
Surely shall my dear wife of a slender make, having eyes like lotus-petals and of sweet accents renounce her life at the appearance of this spring?
— M.N. Dutt (1891–94, public domain)
दृढं हि हृदये बुद्धिर्मम सम्परिवर्तते। नालं वर्तयितुं सीता साध्वी मद्विरहं गता॥
dṛḍhaṃ hi hṛdaye buddhirmama samparivartate| nālaṃ vartayituṃ sītā sādhvī madvirahaṃ gatā||
Methinks, for certain, the chaste Sītā shall not be able to maintain her being at my separation.
— M.N. Dutt (1891–94, public domain)
मयि भावो हि वैदेह्यास्तत्त्वतो विनिवेशितः। ममापि भावः सीतायां सर्वथा विनिवेशितः॥
mayi bhāvo hi vaidehyāstattvato viniveśitaḥ| mamāpi bhāvaḥ sītāyāṃ sarvathā viniveśitaḥ||
Vaidehi's attachment is entirely centred in me and my affection also riveted entirely in Sītā.
— M.N. Dutt (1891–94, public domain)
एष पुष्पवहो वायुः सुखस्पर्शो हिमावहः। तां विचिन्तयतः कान्तां पावकप्रतिमो मम॥
eṣa puṣpavaho vāyuḥ sukhasparśo himāvahaḥ| tāṃ vicintayataḥ kāntāṃ pāvakapratimo mama||
This cool breeze of a pleasant touch, carrying the fragrance of flowers appears like a fire-brand to me who am thinking of my spouse.
— M.N. Dutt (1891–94, public domain)
सदा सुखमहं मन्ये यं पुरा सह सीतया। मारुतः स बिना सीतां शोकसंजननो मम।।५४
sadā sukhamahaṃ manye yaṃ purā saha sītayā| mārutaḥ sa binā sītāṃ śokasaṃjanano mama||54
That breeze appears painful to me in Sītā's absence which ere this, had been regarded by me as a source of pleasure in her company.
— M.N. Dutt (1891–94, public domain)
तां विनाथ विहङ्गोऽसौ पक्षी प्रणदितस्तदा। वायसः पादपगतः प्रहृष्टमभिकूजति॥
tāṃ vinātha vihaṅgo'sau pakṣī praṇaditastadā| vāyasaḥ pādapagataḥ prahṛṣṭamabhikūjati||
This bird set up a cry in the sky at that time* and now in the absence of Sītā, that crow, sitting on the tree is crying delightedly. This refers to the time when Rāma was united with Sītā i.e. at the time of his wedding, At that time the bird, flying up in the sky set up an inauspicious cry indicating that in no distant time he should be separated form her; and now his sitting on the tree and cawing delightedly indicated that he should soon be re-united with her.
— M.N. Dutt (1891–94, public domain)
एष वे तत्र वैदेह्या विहगः प्रतिहारकः। पक्षी मां तु विशालाक्ष्याः समीपमुपनेष्यति ॥
eṣa ve tatra vaidehyā vihagaḥ pratihārakaḥ| pakṣī māṃ tu viśālākṣyāḥ samīpamupaneṣyati ||
This bird flying up in the sky brought about Sītā's ravishment and this bird shall take me to her having expansive eyes.
— M.N. Dutt (1891–94, public domain)
पश्य लक्ष्मण संनादं वने मदविवर्धनम्। पुष्पिताग्रेषु वृक्षेषु द्विजानामवकूजताम्॥
paśya lakṣmaṇa saṃnādaṃ vane madavivardhanam| puṣpitāgreṣu vṛkṣeṣu dvijānāmavakūjatām||
Hear, O Laksmana, the maddening notes of those birds sitting on the tops of the flowery trees and setting up their melody.
— M.N. Dutt (1891–94, public domain)
विक्षिप्तां पवनेनैतामसौ तिलकमञ्जरीम्। षट्पदः सहसाभ्येति मदोद्भूतामिव प्रियाम्॥
vikṣiptāṃ pavanenaitāmasau tilakamañjarīm| ṣaṭpadaḥ sahasābhyeti madodbhūtāmiva priyām||
The Bhramaras (black-bees) are approaching the flower-stalk of Tilaka trees tossed by the wind like to intoxicated damsels.
— M.N. Dutt (1891–94, public domain)
कामिनामयमत्यन्तमशोकः शोकवर्धनः। स्तबकैः पवनोत्क्षिप्तैस्तर्जयन्निव मां स्थितः॥
kāmināmayamatyantamaśokaḥ śokavardhanaḥ| stabakaiḥ pavanotkṣiptaistarjayanniva māṃ sthitaḥ||
This Asoka, enhancing the desires of the amorous, stands here, as if remonstrating with me by its clusters shaken by the wind.
— M.N. Dutt (1891–94, public domain)
अमी लक्ष्मण दृश्यन्ते चूताः कुसुमशालिनः। विभ्रमोत्सिक्तमनसः साङ्गरागा नरा इव ॥
amī lakṣmaṇa dṛśyante cūtāḥ kusumaśālinaḥ| vibhramotsiktamanasaḥ sāṅgarāgā narā iva ||
There appear, O Laksmana, those blossoming mango trees like to persons, exercised with passion and smeared with unguents of sandal.
— M.N. Dutt (1891–94, public domain)
सौमित्रे पश्य पम्पायाचित्रासु वनराजिषु। किंनरा नरशार्दूल विचरन्ति यतस्ततः॥ इमानि शुभगन्धीनि पश्य लक्ष्मण सर्वशः। नलिनानि प्रकाशन्ते जले तरुणसूर्यवत्॥
saumitre paśya pampāyācitrāsu vanarājiṣu| kiṃnarā naraśārdūla vicaranti yatastataḥ|| imāni śubhagandhīni paśya lakṣmaṇa sarvaśaḥ| nalināni prakāśante jale taruṇasūryavat||
Behold, O Saumitri, O foremost of men, the Kinnaras are ranging at large in this variegated forest land on the banks of Pampā. Behold, O Lakşmaņa, here the fragrant red lotuses are shedding forth their splendour like to the newly risen sun.
— M.N. Dutt (1891–94, public domain)
एषा प्रसन्नसलिला पद्मनीलोत्पलायुता। हंसकारण्डवाकीर्णा पम्पा सौगन्धिकायुता॥ जले तरुणसूर्याभैः षट्पदाहतकेसरैः। पङ्कजैः शोभते पम्पा समन्तादभिसंवृता॥ चक्रवाकयुता नित्यं चित्रप्रस्थवनान्तरा। मातङ्गमृगयूथैश्च शोभते सलिलार्थिभिः॥
eṣā prasannasalilā padmanīlotpalāyutā| haṃsakāraṇḍavākīrṇā pampā saugandhikāyutā|| jale taruṇasūryābhaiḥ ṣaṭpadāhatakesaraiḥ| paṅkajaiḥ śobhate pampā samantādabhisaṃvṛtā|| cakravākayutā nityaṃ citraprasthavanāntarā| mātaṅgamṛgayūthaiśca śobhate salilārthibhiḥ||
Here appear beautifully the lake Pampā of transparent water, filled with blue and fragrant lotuses, swans and Kõrandavas and abounding in red lotuses like to the virgin rays of the sun and having their filaments crushed by the bees. And the beautiful woods around the lake have been manifesting their beauty, filled with Cakravākas and the herds of elephants and deer desirous of drinking water.
— M.N. Dutt (1891–94, public domain)
पवनाहतवेगाभिरुर्मिभिर्विमलेऽम्भसि। पङ्कजानि विराजन्ते ताड्यमानानि लक्ष्मण ॥
pavanāhatavegābhirurmibhirvimale'mbhasi| paṅkajāni virājante tāḍyamānāni lakṣmaṇa ||
Behold, O Laksmana, the picturesque view of the lotuses oscillated by the ripples driven to and fro by the wind.
— M.N. Dutt (1891–94, public domain)
पद्मपत्रविशालाक्षी सततं प्रियपङ्कजाम्। अपश्यतो मे वैदेही जीवितं नाभिरोचते॥
padmapatraviśālākṣī satataṃ priyapaṅkajām| apaśyato me vaidehī jīvitaṃ nābhirocate||
I do not delight in my life, not beholding Sītā, having expansive eyes like to lotus-petals and ever fond of lotuses.
— M.N. Dutt (1891–94, public domain)
अहो कामस्य वामत्वं यो गतामपि दुर्लभाम्। स्मारयिष्यति कल्याणी कल्याणतरवादिनीम्॥
aho kāmasya vāmatvaṃ yo gatāmapi durlabhām| smārayiṣyati kalyāṇī kalyāṇataravādinīm||
O how wily is the course of Kāma who has been presenting to my mind that auspicious one, hard to attain and of sweet-accents!
— M.N. Dutt (1891–94, public domain)
शक्यो धारयितुं कामो भवेदभ्यागतो मया। यदि भूयो वसन्तो मां न हन्यात् पुष्पितगुमः॥
śakyo dhārayituṃ kāmo bhavedabhyāgato mayā| yadi bhūyo vasanto māṃ na hanyāt puṣpitagumaḥ||
Had I not been overpowered by this season of spring with blossoming trees, I would have been able to put up with the presentamorous infliction.
— M.N. Dutt (1891–94, public domain)
यानि स्म रमणीयानि तया सह भवन्ति मे। तान्येवारमणीयानि जायन्ते मे तया विना ॥
yāni sma ramaṇīyāni tayā saha bhavanti me| tānyevāramaṇīyāni jāyante me tayā vinā ||
The objects which appeared beautiful to me while in the company of Sītā, now seem shorn of all grace in her separation.
— M.N. Dutt (1891–94, public domain)
पद्मकोशपलाशानि द्रष्टुं दृष्टिर्हि मन्यते। सीताया नेत्रकोशाभ्यां सदृशानीति लक्ष्मण। ७१।।
padmakośapalāśāni draṣṭuṃ dṛṣṭirhi manyate| sītāyā netrakośābhyāṃ sadṛśānīti lakṣmaṇa| 71||
My eyes pant for beholding those lotus-petals, O Lakṣmaṇa, because of their resemblance with Sītā's eyes.
— M.N. Dutt (1891–94, public domain)
पद्मकेसरसंसृष्टो वृक्षान्तरविनिःसृतः। निःश्वास इव सीताया वाति वायुमनोहरः॥
padmakesarasaṃsṛṣṭo vṛkṣāntaraviniḥsṛtaḥ| niḥśvāsa iva sītāyā vāti vāyumanoharaḥ||
Issuing out of the trees and touching the filaments, the pleasant wind is blowing like to Sita's breath.
— M.N. Dutt (1891–94, public domain)
सौमित्रे पश्य पम्पाया दक्षिणे गिरिसानुषु। पुष्पितां कर्णिकारस्य यष्टिं परमशोभिताम्॥
saumitre paśya pampāyā dakṣiṇe girisānuṣu| puṣpitāṃ karṇikārasya yaṣṭiṃ paramaśobhitām||
Behold O Lakşmaņa, the flowery branches of the Karņikāras on the summits of the mountain situated on the southern bank of Pampā.
— M.N. Dutt (1891–94, public domain)
अधिकं शैलराजोऽयं धातुभिस्तु विभूषितः। विचित्रं सृजते रेणुं वायुवेगविघट्टितम्॥
adhikaṃ śailarājo'yaṃ dhātubhistu vibhūṣitaḥ| vicitraṃ sṛjate reṇuṃ vāyuvegavighaṭṭitam||
This prince of mountains, beautified with various metals, has been throwing up dusts of diverse colours driven by the wind.
— M.N. Dutt (1891–94, public domain)
गिरिप्रस्थास्तु सौमित्रे सर्वतः सम्प्रपुष्पितैः। निष्पत्रैः सर्वतो रम्यैः प्रदीप्ता इव किंशुकैः॥
giriprasthāstu saumitre sarvataḥ samprapuṣpitaiḥ| niṣpatraiḥ sarvato ramyaiḥ pradīptā iva kiṃśukaiḥ||
O Saumitri, these mountainous expanses are burning in beauty with blossoming and beautiful Kinsukas void of leaves.
— M.N. Dutt (1891–94, public domain)
पम्पातीररुहाश्चेमे संसिक्ता मधुगन्धिनः। मालतीमल्लिकापद्मकरवीराश्च पुष्पिताः।७६ ।। केतक्यः सिन्दुवाराश्च वासन्त्यश्च सुपुष्पिताः। माधव्यो गन्धपूर्णाश्च कुन्दगुल्माश्च सर्वशः॥ चिरिबिल्वा मधूकाश्च वञ्जुला बकुलास्तथा। चम्पकास्तिलकाश्चैव नागवृक्षाश्च पुष्पिताः॥ पद्मकाश्चैव शोभन्ते नीलाशोकाश्च पुष्पिताः। लोध्राश्च गिरिपृष्ठेषु सिंहकेसरपिञ्जराः। ७९।।
pampātīraruhāśceme saṃsiktā madhugandhinaḥ| mālatīmallikāpadmakaravīrāśca puṣpitāḥ|76 || ketakyaḥ sinduvārāśca vāsantyaśca supuṣpitāḥ| mādhavyo gandhapūrṇāśca kundagulmāśca sarvaśaḥ|| ciribilvā madhūkāśca vañjulā bakulāstathā| campakāstilakāścaiva nāgavṛkṣāśca puṣpitāḥ|| padmakāścaiva śobhante nīlāśokāśca puṣpitāḥ| lodhrāśca giripṛṣṭheṣu siṃhakesarapiñjarāḥ| 79||
These fragrant Mālatis, Mallikäs, Karavīras and lotuses, growing on the banks of Pampā, and fostered by Pampā's water, and Ketakis, Sinduvāras, Basantis in full blossom, the climber Madhavi full of fragrance, and Jasmin shrubs groves on every side. Ciribilvas, Madhukas, Vañjulas, Bakulas, Campakas, Tilakas, Nāgas, Padmakas, blue Asokas, and yellow Lodhras on the hills like to manes of a lion, are in flowers.
— M.N. Dutt (1891–94, public domain)
अङ्कोलाश्च कुरण्टाश्च चूर्णकाः परिभद्रकाः। चूताः पाटलयश्चापि कोविदाराश्च पुष्पिताः॥ मुचुकुन्दार्जुनाश्चैव दृश्यन्ते गिरिसानुषु। केतकोद्दालकाश्चैव शिरीषाः शिंशपा धवाः॥ शाल्मल्यः किंशुकाश्चैव रक्ताः कुरवकास्तथा। तिनिशा नक्तमालाश्च चन्दनाः स्यन्दनास्तथा॥ हिन्तालास्तिलकाश्चैव नागवृक्षाश्च पुष्पिताः। पुष्पितान् पुष्पिताग्राभिलताभिः परिवेष्टितान्॥ दुमान् पश्येह सौमित्रे पम्पाया रुचिरान् बहून्। वातविक्षिप्तविटपान् यथासन्नान् दुमानिमान्॥ लताः समनुवर्तन्ते मत्ता इव वरस्त्रियः।
aṅkolāśca kuraṇṭāśca cūrṇakāḥ paribhadrakāḥ| cūtāḥ pāṭalayaścāpi kovidārāśca puṣpitāḥ|| mucukundārjunāścaiva dṛśyante girisānuṣu| ketakoddālakāścaiva śirīṣāḥ śiṃśapā dhavāḥ|| śālmalyaḥ kiṃśukāścaiva raktāḥ kuravakāstathā| tiniśā naktamālāśca candanāḥ syandanāstathā|| hintālāstilakāścaiva nāgavṛkṣāśca puṣpitāḥ| puṣpitān puṣpitāgrābhilatābhiḥ pariveṣṭitān|| dumān paśyeha saumitre pampāyā rucirān bahūn| vātavikṣiptaviṭapān yathāsannān dumānimān|| latāḥ samanuvartante mattā iva varastriyaḥ|
There appear beautifully on the hills, Ankolas, Kurantas, Curnakas, Paribhadrakas, blossoming mango, Patali, Kovidāras, Mucukundas, Arjunas, Ketakas, Uddalakas, Sirisas, Sinsapās, Dhavas, Salmalis, Kinsukas, Raktas Kurabakas, Tinisas, Naktamalas, sandal trees, Syandanas, Hintālas, Tilakas and Nagas. Behold, O Saumitri, many a beautiful and blossoming tree growing on the banks of Pampā and gnarled by creepers having flowery tips. Like into inebriate damsels, these creepers are embracing the trees, hard by, having their branches tossed by the wind.
— M.N. Dutt (1891–94, public domain)
पादपात् पादपं गच्छशैलाच्छैलं वनाद् वनम्॥ वाति नैकरसास्वादसम्मोदित इवानिलः।
pādapāt pādapaṃ gacchaśailācchailaṃ vanād vanam|| vāti naikarasāsvādasammodita ivānilaḥ|
The breeze, delighted with various tastes is passing from tree to tree, mountain to mountains and forest to forest.
— M.N. Dutt (1891–94, public domain)
केचित् पर्याप्तकुसुमाः पादपा मधुगन्धिनः॥ केचिन्मुकुलसंवीता: श्यामवर्णा इवाबभुः। इदं मृष्टमिदं स्वादु प्रफुल्लमिदमित्यपि॥ रागरक्तो मधुकरः कुसुमेष्वेव लीयते। निलीय पुनरुत्पत्य सहसान्यत्र गच्छति। मधुलुब्धो मधुकरः पम्पातीरद्रुमेष्वसौ॥
kecit paryāptakusumāḥ pādapā madhugandhinaḥ|| kecinmukulasaṃvītā: śyāmavarṇā ivābabhuḥ| idaṃ mṛṣṭamidaṃ svādu praphullamidamityapi|| rāgarakto madhukaraḥ kusumeṣveva līyate| nilīya punarutpatya sahasānyatra gacchati| madhulubdho madhukaraḥ pampātīradrumeṣvasau||
Some fragrant trees, covered with flowers and some with buds, appear beautifully green. Saying, 'this is sweet', 'this is pleasant' and 'this is full-blown', the attached bees are falling to the trees. And rising again they are approaching the other trees growing on the banks of Pampā.
— M.N. Dutt (1891–94, public domain)
इयं कुसुमसंघातैरुपस्तीर्णा सुखाकृता। स्वयं निपतितैभूमिः शयनप्रस्तरैरिव ॥
iyaṃ kusumasaṃghātairupastīrṇā sukhākṛtā| svayaṃ nipatitaibhūmiḥ śayanaprastarairiva ||
This forest-land, strewn with flowers dropping spontaneously from the trees like to a bed sheet, has become pleasant.
— M.N. Dutt (1891–94, public domain)
विविधा विविधैः पुष्पैस्तैरेव नगसानुषु। विस्तीर्णाः पीतरक्ताभाः सौमित्रे प्रस्तराः कृताः॥
vividhā vividhaiḥ puṣpaistaireva nagasānuṣu| vistīrṇāḥ pītaraktābhāḥ saumitre prastarāḥ kṛtāḥ||
O Saumitri, the mountainous levels variegated with flowers of different species, are appearing like to beds.
— M.N. Dutt (1891–94, public domain)
हिमान्ते पश्य सौमित्रे वृक्षाणां पुष्पसम्भवम्। पुष्पमासे हि तरवः संघर्षादिव पुष्पिताः॥ आह्वयन्त इवान्योन्यं नगाश्च षट्पदनादिताः। कुसुमोत्तंसविटपाः शोभन्ते बहु लक्ष्मण॥
himānte paśya saumitre vṛkṣāṇāṃ puṣpasambhavam| puṣpamāse hi taravaḥ saṃgharṣādiva puṣpitāḥ|| āhvayanta ivānyonyaṃ nagāśca ṣaṭpadanāditāḥ| kusumottaṃsaviṭapāḥ śobhante bahu lakṣmaṇa||
Behold O Saumitri, the origination of flowers in the trees at the expiry of the winter. The trees as if viewing with each other, have blossomed in this season of flowers. The trees, O Lakşmaņa, with bees humming around and with flowery branches are as if welcoming each other.
— M.N. Dutt (1891–94, public domain)
एव कारण्डवः पक्षी विगाह्य सलिलं शुभम्। रमन्ते कान्तया साधु काममुद्दीपयन्निव॥
eva kāraṇḍavaḥ pakṣī vigāhya salilaṃ śubham| ramante kāntayā sādhu kāmamuddīpayanniva||
This swan, has been sporting with its mate in the lucid water of Pampă exciting my amour.
— M.N. Dutt (1891–94, public domain)
मन्दाकिन्यास्तु यदिदं रूपमेतन्मनोरमम्। स्थाने जगति विख्याता गुणास्तस्या मनोरमाः॥
mandākinyāstu yadidaṃ rūpametanmanoramam| sthāne jagati vikhyātā guṇāstasyā manoramāḥ||
Truly does this lake like to Mandākini itself, deserve the accomplishments that are known all over the world.
— M.N. Dutt (1891–94, public domain)
यदि दृश्येत सा साध्वी यदि चेह वसेमहि। स्पृहयेयं न शक्राय नायोध्यायै रघूत्तम ॥
yadi dṛśyeta sā sādhvī yadi ceha vasemahi| spṛhayeyaṃ na śakrāya nāyodhyāyai raghūttama ||
O best of Raghus, I do not desire Ayodhyā or the dignity of Indra if that chaste Sītā be found here and if I can live with her.
— M.N. Dutt (1891–94, public domain)
न ह्येवं रमणीयेषु शाद्वलेषु तया सह। रमतो मे भवेच्चिन्ता न स्पृहान्येषु वा भवेत्॥
na hyevaṃ ramaṇīyeṣu śādvaleṣu tayā saha| ramato me bhaveccintā na spṛhānyeṣu vā bhavet||
I shall renounce all desires and thoughts if I can sport with her in this picturesque and green forest-land.
— M.N. Dutt (1891–94, public domain)
अमी हि विविधैः पुष्पैस्तरवो विविधच्छदाः। काननेऽस्मिन् विना कान्तां चिन्तामुत्पादयन्ति मे॥
amī hi vividhaiḥ puṣpaistaravo vividhacchadāḥ| kānane'smin vinā kāntāṃ cintāmutpādayanti me||
These trees, clothed in diverse flower attires, have been exciting my thought in this forest, who have been deprived of my dear one.
— M.N. Dutt (1891–94, public domain)
पश्य शीतजलां चेमां सौमित्रे पुष्करायुताम्। चक्रवाकानुचरितां कारण्डवनिषेविताम्॥ प्लवैः क्रौञ्चैश्च सम्पूर्णां महामृगनिषेविताम्।
paśya śītajalāṃ cemāṃ saumitre puṣkarāyutām| cakravākānucaritāṃ kāraṇḍavaniṣevitām|| plavaiḥ krauñcaiśca sampūrṇāṃ mahāmṛganiṣevitām|
O Saumitri, behold this Pampā of cool water, enveloped on all sides with lotuses, and frequented by Cakravākas, Karandavas, Krauñcas, Plavas and high deer.
— M.N. Dutt (1891–94, public domain)
अधिकं शोभते पम्पा विकूजद्भिर्विहङ्गमैः॥ दीपयन्तीव मे कामं विविधा मुदिता द्विजाः। श्यामां चन्द्रमुखीं स्मृत्वा प्रियां पद्मनिभेक्षणाम्॥
adhikaṃ śobhate pampā vikūjadbhirvihaṅgamaiḥ|| dīpayantīva me kāmaṃ vividhā muditā dvijāḥ| śyāmāṃ candramukhīṃ smṛtvā priyāṃ padmanibhekṣaṇām||
The beauty of Pampā has been further enhanced by the birds carolling. Diverse delighted birds have been exciting my passion, reminding me of my dear spouse, of blameless countenance, having a moon like face and eyes resembling lotus-petals.
— M.N. Dutt (1891–94, public domain)
पश्य सानुषु चित्रेषु मृगीभिः सहितान् मृगान्॥ मां पुनर्मूगशालाक्ष्या वैदेह्या विरहीकृतम्। व्यथयन्तीव मे चित्तं संचरन्तस्ततस्ततः॥
paśya sānuṣu citreṣu mṛgībhiḥ sahitān mṛgān|| māṃ punarmūgaśālākṣyā vaidehyā virahīkṛtam| vyathayantīva me cittaṃ saṃcarantastatastataḥ||
Behold on the yonder mountainous expanse of various colours, stags sporting with hinds and myself on the other hand forsaken by Vaidehi having eyes resembling those of an antelope.
— M.N. Dutt (1891–94, public domain)
अस्मिन् सानुनि रम्ये हि मत्तद्विजगणाकुले। पश्येयं यदि तां कान्तां ततः स्वस्ति भवेन्मम ॥
asmin sānuni ramye hi mattadvijagaṇākule| paśyeyaṃ yadi tāṃ kāntāṃ tataḥ svasti bhavenmama ||
These deer ranging hither and thither have been distressing my soul. It is then only that I shall attain to mental quietude if I can behold Sītā on this charming mountainous expanse filled with birds and deer.
— M.N. Dutt (1891–94, public domain)
जीवेयं खलु सौमित्रे मया सह सुमध्यमा। सेवेत यदि वैदेही पम्पायाः पवनं शुभम्॥ पद्मसौगन्धिकवहं शिवं शोकविनाशनम्। धन्या लक्ष्मण सेवन्ते पम्पाया वनमारुतम्॥
jīveyaṃ khalu saumitre mayā saha sumadhyamā| seveta yadi vaidehī pampāyāḥ pavanaṃ śubham|| padmasaugandhikavahaṃ śivaṃ śokavināśanam| dhanyā lakṣmaṇa sevante pampāyā vanamārutam||
It is then that I shall draw my vital breath, O Saumitri, if Vaidehi, of slender waist, with me, enjoy the fine breeze of Pampā dispersing the fragrance of lotuses and Saugandhikas and ever assuaging grief. Blessed are they, O Laksmana who enjoy this wild breeze of Pampā.
— M.N. Dutt (1891–94, public domain)
श्यामा पद्मपलाशाक्षी प्रिया विरहिता मया। कथं धारयति प्राणान् विवशा जनकात्मजा॥
śyāmā padmapalāśākṣī priyā virahitā mayā| kathaṃ dhārayati prāṇān vivaśā janakātmajā||
How has that exquisitely fine daughter of Janaka, my beloved spouse, having eyes resembling lotus-petals, brought under the control of another person, been living forsaken by me?
— M.N. Dutt (1891–94, public domain)
किं नु वक्ष्यामि धर्मज्ञं राजानं सत्यवादिनम्। जनकं पृष्टसीतं तं कुशलं जनसंसदि॥
kiṃ nu vakṣyāmi dharmajñaṃ rājānaṃ satyavādinam| janakaṃ pṛṣṭasītaṃ taṃ kuśalaṃ janasaṃsadi||
What shall I speak to that virtuous, truthful king Janaka when he shall interrogate me about Sītā's welfare in an assembly?
— M.N. Dutt (1891–94, public domain)
या मामनुगता मन्दं पित्रा प्रस्थापितं वनम्। सीता धर्मं समास्थाय क्व नु सा वर्तते प्रिया॥
yā māmanugatā mandaṃ pitrā prasthāpitaṃ vanam| sītā dharmaṃ samāsthāya kva nu sā vartate priyā||
Where is that Sītā now who followed me in the track of virtue, who am unfortunate and have been exiled to woods by my Sire?
— M.N. Dutt (1891–94, public domain)
तया विहीनः कृपणः कथं लक्ष्मण धारये। या मामनुगता राज्याद् भ्रष्टं विहतचेतसम्॥
tayā vihīnaḥ kṛpaṇaḥ kathaṃ lakṣmaṇa dhāraye| yā māmanugatā rājyād bhraṣṭaṃ vihatacetasam||
How shall I keep up (my being) being poorly, O Lakşmaņa, being forsaken by that Sītā who followed me, deprived of kingdom and sense?
— M.N. Dutt (1891–94, public domain)
तच्चार्वञ्चितपद्माक्षं सुगन्धि शुभमव्रणम्। अपश्यतो मुखं तस्याः सीदतीव मतिर्मम ॥
taccārvañcitapadmākṣaṃ sugandhi śubhamavraṇam| apaśyato mukhaṃ tasyāḥ sīdatīva matirmama ||
My heart is sinking not beholding her fine spotless countenance, having eyes resembling lotuses and smelling sweet.
— M.N. Dutt (1891–94, public domain)
स्मितहास्यान्तरयुतं गुणवन्मधुरं हितम्। वैदेह्या वाक्यमतुलं कदा श्रोष्यामि लक्ष्मण॥
smitahāsyāntarayutaṃ guṇavanmadhuraṃ hitam| vaidehyā vākyamatulaṃ kadā śroṣyāmi lakṣmaṇa||
When shall I hear again O Lakṣmaṇa, the sweet incomparable and auspicious accents of Vaidehī, intervened by smiles and couched in an elegant and easy style?
— M.N. Dutt (1891–94, public domain)
प्राप्य दु:खं वनेश्यामा मां मन्मथविकर्शितम्। नष्टदु:खेव हृष्टेव साध्वी साध्वभ्यभाषत॥
prāpya du:khaṃ vaneśyāmā māṃ manmathavikarśitam| naṣṭadu:kheva hṛṣṭeva sādhvī sādhvabhyabhāṣata||
Thai chaste and exquisitely fine damsel even when afflicted in the woods used to welcome me under the influence of Cupid as if she were delighted and had her sorrows removed.
— M.N. Dutt (1891–94, public domain)
किं नु वक्ष्याम्ययोध्यायां कौसल्यां हि नृपात्मज। क्व सा स्नुषेति पृच्छन्तीं कथं चापि मनस्विनीम्।।११२ ।
kiṃ nu vakṣyāmyayodhyāyāṃ kausalyāṃ hi nṛpātmaja| kva sā snuṣeti pṛcchantīṃ kathaṃ cāpi manasvinīm||112 |
O son of a king, what shall I speak to Kausalya in Ayodhyā when she will ask me of her high-souled daughter-in-law's welfare and whereabouts?
— M.N. Dutt (1891–94, public domain)
गच्छ लक्ष्मण पश्य त्वं भरतं भ्रातृवत्सलम्। नह्यहं जीवितुं शक्तस्तामृते जनकात्मजाम्॥ इति रामं महात्मानं विलपन्तमनाथवत्। उवाच लक्ष्मणो भ्राता वचनं युक्तमव्ययम्॥
gaccha lakṣmaṇa paśya tvaṃ bharataṃ bhrātṛvatsalam| nahyahaṃ jīvituṃ śaktastāmṛte janakātmajām|| iti rāmaṃ mahātmānaṃ vilapantamanāthavat| uvāca lakṣmaṇo bhrātā vacanaṃ yuktamavyayam||
Do you proceed, O Lakşmaņa, and join Bharata gifted with fraternal affection. I am incapable of living any more without that daughter of Janaka. Thereupon Lakşmaņa addressed to the high-souled Rāma who was thus bewailing like one helpless with the following pregnant and immutable words.
— M.N. Dutt (1891–94, public domain)
संस्तम्भ राम भद्रं ते मा शुचः पुरुषोत्तम। नेदृशानां मतिर्मन्दा भवत्यकलुषात्मनाम्॥
saṃstambha rāma bhadraṃ te mā śucaḥ puruṣottama| nedṛśānāṃ matirmandā bhavatyakaluṣātmanām||
Forsake your grief, O Rāma. May good betide you. Do not grieve O best of men. Even the sinless persons lose their sense when they are afflicted with grief.
— M.N. Dutt (1891–94, public domain)
स्मृत्वा वियोगजं दुःखं त्यज स्नेहं प्रिये जने। अतिस्नेहपरिष्वङ्गाद् वर्तिरार्दापि दह्यते॥
smṛtvā viyogajaṃ duḥkhaṃ tyaja snehaṃ priye jane| atisnehapariṣvaṅgād vartirārdāpi dahyate||
Remembering the grief consequent on separation do you forsake your attachment to your dear one. Out of an excess of oil even the wick burn itself.
— M.N. Dutt (1891–94, public domain)
यदि गच्छति पातालं ततोऽभ्यधिकमेव वा। सर्वथा रावणस्तात न भविष्यति राघव॥
yadi gacchati pātālaṃ tato'bhyadhikameva vā| sarvathā rāvaṇastāta na bhaviṣyati rāghava||
O worshipful one, even if he hide himself in the region under the earth or in a darker quarter, Rāvana shall not be able to draw his breath.
— M.N. Dutt (1891–94, public domain)
प्रवृत्तिर्लभ्यतां तावत् तस्य पापस्य रक्षसः। ततो हास्यति वा सीतां निधनं वा गमिष्यति ॥
pravṛttirlabhyatāṃ tāvat tasya pāpasya rakṣasaḥ| tato hāsyati vā sītāṃ nidhanaṃ vā gamiṣyati ||
Do you procure information about the vicioussouled Rākṣasa; either he shall give up Sītā or meet with destruction.
— M.N. Dutt (1891–94, public domain)
यदि याति दितेर्गर्भ रावणं सह सीतया। तत्राप्येनं हनिष्यामि न चेद् दास्यति मैथिलीम्॥
yadi yāti ditergarbha rāvaṇaṃ saha sītayā| tatrāpyenaṃ haniṣyāmi na ced dāsyati maithilīm||
Unless he gives back Sītā, forsooth I shall kill him even if he enters with her into Diti's womb.
— M.N. Dutt (1891–94, public domain)
स्वास्थ्यं भद्रं भजस्वार्य त्यज्यतां कृपणा मतिः। अर्थो हि नष्टकार्या१रयत्नेनाधिगम्यते॥
svāsthyaṃ bhadraṃ bhajasvārya tyajyatāṃ kṛpaṇā matiḥ| artho hi naṣṭakāryā1rayatnenādhigamyate||
Do you, console yourself and renounce your poorliness of mind, O worshipful one. Without sufficient endeavours even men of energy do not regain their lost ends.
— M.N. Dutt (1891–94, public domain)
उत्साहो बलवानार्य नास्त्युत्साहात् परं बलम्। सोत्साहस्य हि लोकेषु न किंचिदपि दुर्लभम्॥
utsāho balavānārya nāstyutsāhāt paraṃ balam| sotsāhasya hi lokeṣu na kiṃcidapi durlabham||
O worshipful one mighty is the course of energy. And than this there is no greater powerful on earth. And there is nothing unattainable in this world to one gifted with energy.
— M.N. Dutt (1891–94, public domain)
उत्साहवन्तश्च पुरुषा नावसीदन्ति कर्मसु। उत्साहमात्रमाश्रित्य प्रतिलप्स्याम जानकीम्॥
utsāhavantaśca puruṣā nāvasīdanti karmasu| utsāhamātramāśritya pratilapsyāma jānakīm||
Persons endowed with zeal do never wear away in their actions. And resorting to this energy only that we shall regain Jānaki.
— M.N. Dutt (1891–94, public domain)
त्यजतां कामवृत्तत्वं शोकं संन्यस्य पृष्ठतः। महात्मानं कृतात्मानमात्मानं नावबुध्यसे॥
tyajatāṃ kāmavṛttatvaṃ śokaṃ saṃnyasya pṛṣṭhataḥ| mahātmānaṃ kṛtātmānamātmānaṃ nāvabudhyase||
Do you not perceive that you are high-souled and highly educated? And leaving behind grief do you forsake your amorous madness.
— M.N. Dutt (1891–94, public domain)
एवं सम्बोधितस्तेन शोकोपहतचेतनः। त्यज्य शोकं च मोहं च रामो धैर्यमुपागमत्॥
evaṃ sambodhitastena śokopahatacetanaḥ| tyajya śokaṃ ca mohaṃ ca rāmo dhairyamupāgamat||
Being thus accosted by Lakşmaņa, Rāma having his mind stricken with sorrow, attained to mental quietude renouncing grief and dolour.
— M.N. Dutt (1891–94, public domain)
सोऽभ्यतिक्रामदव्यग्रस्तामचिन्त्यपराक्रमः। रामः पम्पां सुरुचिरां रम्या पारिप्लवद्रुमाम्॥
so'bhyatikrāmadavyagrastāmacintyaparākramaḥ| rāmaḥ pampāṃ surucirāṃ ramyā pāriplavadrumām||
Thereupon Răma, of unimaginable prowess, passed slowly by the pleasant and charming Pampā with banks girt with trees shaken by the wind.
— M.N. Dutt (1891–94, public domain)
निरीक्षमाणः सहसा महात्मा सर्वे वनं निर्झररकन्दरं च। उद्विग्नचेताः सह लक्ष्मणेन विचार्य दुःखोपहतः प्रतस्थे॥
nirīkṣamāṇaḥ sahasā mahātmā sarve vanaṃ nirjhararakandaraṃ ca| udvignacetāḥ saha lakṣmaṇena vicārya duḥkhopahataḥ pratasthe||
Thereupon the high-souled Rāma, stricken with grief passed along beholding the forestland, fountains, caves and revolving aside (the 'pregnant words of Laksmana).
— M.N. Dutt (1891–94, public domain)
तं मत्तमातङ्गविलासगामी गच्छन्तमव्यग्रमना महात्मा। स लक्ष्मणो राघवमिष्टचेष्टो ररक्ष धर्मेण बलेन चैव॥
taṃ mattamātaṅgavilāsagāmī gacchantamavyagramanā mahātmā| sa lakṣmaṇo rāghavamiṣṭaceṣṭo rarakṣa dharmeṇa balena caiva||
And the high-souled Lakşmaņa, of unagitated mind, intent upon Rāma's welfare and wending like to an infuriated elephant, cheered him up by means of moral and heroic counsels.
— M.N. Dutt (1891–94, public domain)
तावृष्यमूकस्य समीपचारी चरन् ददर्शाद्भुतदर्शनीयौ। शाखामृगाणामधिपस्तरस्वी वितत्रसे नैव विचेष्ट चेष्टाम्॥
tāvṛṣyamūkasya samīpacārī caran dadarśādbhutadarśanīyau| śākhāmṛgāṇāmadhipastarasvī vitatrase naiva viceṣṭa ceṣṭām||
Beholding their countenances passing strange, that mighty chief, of monkeys, while ranging near the mount Rșyamuka, became highly terrified and motionless.
— M.N. Dutt (1891–94, public domain)
स तौ महात्मा गजमन्दगामी शाखामृगस्तत्र चरंश्चरन्तौ। दृष्ट्वा विषादं परमं जगाम चिन्तापरीतो भयभारभग्नः॥
sa tau mahātmā gajamandagāmī śākhāmṛgastatra caraṃścarantau| dṛṣṭvā viṣādaṃ paramaṃ jagāma cintāparīto bhayabhārabhagnaḥ||
Observing them range there, that high-souled monkey, wending slowly like to an elephant and stricken with fear and grief, became exceedingly sorry.
— M.N. Dutt (1891–94, public domain)
तमाश्रमं पुण्यसुखं शरण्यं सदैव शाखामृगसेवितान्तम्। महौजसौ राघवलक्ष्मणौ तौ॥
tamāśramaṃ puṇyasukhaṃ śaraṇyaṃ sadaiva śākhāmṛgasevitāntam| mahaujasau rāghavalakṣmaṇau tau||
Espying the highly powerful Rāma and Lakş mana there, monkeys, terrified, entered into that holy and pleasant asylum, a worthy refuge and having its inside always frequented by them.
— M.N. Dutt (1891–94, public domain)