Siraatबालकाण्डः सर्गः 1
81 verses
ॐ तपः स्वाध्यायनिरतं तपस्वी वाग्विदां वरम्। नारदं परिपप्रच्छ वाल्मीकिर्मुनिपुङ्गवम्॥
oṃ tapaḥ svādhyāyanirataṃ tapasvī vāgvidāṃ varam| nāradaṃ paripapraccha vālmīkirmunipuṅgavam||
The ascetic Vālmīki asked Nārada, the best of sages and foremost of those conversant with words, ever engaged in austerities and Vedic studies.
— M.N. Dutt (1891–94, public domain)
कोन्वस्मिन् साम्प्रतं लोके गुणवान् कश्च वीर्यवान्। धर्मज्ञश्च कृतज्ञश्च सत्यवाक्यो दृढत्नतः॥
konvasmin sāmprataṃ loke guṇavān kaśca vīryavān| dharmajñaśca kṛtajñaśca satyavākyo dṛḍhatnataḥ||
Who at present in this world is like crowned with qualities, and with prowess, knowing duty, and grateful, and truthful, and firm in vow.
— M.N. Dutt (1891–94, public domain)
चारित्रेण च को युक्तः सर्वभूतेषु को हितः। विद्वान् कः कः समर्थश्च कश्चैकप्रियदर्शनः॥
cāritreṇa ca ko yuktaḥ sarvabhūteṣu ko hitaḥ| vidvān kaḥ kaḥ samarthaśca kaścaikapriyadarśanaḥ||
Who is qualified by virtue of his character, and who is engaged in the welfare of all creatures? Who is learned and capable. Who alone is ever lovely to behold?
— M.N. Dutt (1891–94, public domain)
आत्मवान् को जितक्रोधो द्युतिमान् कोऽनसूयकः। कस्य बिभ्यति देवाश्च जातरोषस्य संयुगे॥
ātmavān ko jitakrodho dyutimān ko'nasūyakaḥ| kasya bibhyati devāśca jātaroṣasya saṃyuge||
Who has subdued his heart, and controlled his anger, is endowed with splendour, and devoid of malice; and whom enraged in battle, do even the gods, fear?
— M.N. Dutt (1891–94, public domain)
एतदिच्छाम्यहं श्रोतुं परं कौतूहलं हि मे। महर्षे त्वं समर्थोऽसि ज्ञातुमेवंविधं नरम्॥
etadicchāmyahaṃ śrotuṃ paraṃ kautūhalaṃ hi me| maharṣe tvaṃ samartho'si jñātumevaṃvidhaṃ naram||
I have great curiosity to hear of such a person. You can, O Maharşi,* know about a man of this description. *A great saint. The word, however, signifies one belonging to a particular order of saints.
— M.N. Dutt (1891–94, public domain)
श्रुत्वा चैतत्रिलोकज्ञो वाल्मीकेर्नारदो वचः। श्रूयतामिति चामन्त्र्य प्रहष्टो वाक्यमब्रवीत्॥
śrutvā caitatrilokajño vālmīkernārado vacaḥ| śrūyatāmiti cāmantrya prahaṣṭo vākyamabravīt||
Hearing Vālmīki's words, Nărada, cognizant of the three worlds, said with alacrity, “listen to me”!
— M.N. Dutt (1891–94, public domain)
बहवो दुर्लभाश्चैव ये त्वया कीर्तिता गुणाः। मुने वक्ष्याम्यहं बुद्ध्वा तैर्युक्तः श्रूयतां नर।७।।
bahavo durlabhāścaiva ye tvayā kīrtitā guṇāḥ| mune vakṣyāmyahaṃ buddhvā tairyuktaḥ śrūyatāṃ nara|7||
Rare as are the qualities mentioned by you, I will, O sage, having duly considered, describe to you a person endued with them.
— M.N. Dutt (1891–94, public domain)
इक्ष्वाकुवंशप्रभवो रामो नाम जनैः श्रुतः। नियतात्मा महावीर्यो श्रुतिमान् धृतिमान् वशी॥
ikṣvākuvaṃśaprabhavo rāmo nāma janaiḥ śrutaḥ| niyatātmā mahāvīryo śrutimān dhṛtimān vaśī||
There is one sprung from the line of Ikşvāku, known by the name of Rāma. He is of subdued soul; and is exceedingly powerful; effulgent; endowed with patience; having senses under control.
— M.N. Dutt (1891–94, public domain)
बुद्धिमान् नीतिमान् वाग्मी श्रीमाञ्छत्रुनिबर्हणः। विपुलांसो महाबाहुः कम्बुग्रीवो महाहनुः॥
buddhimān nītimān vāgmī śrīmāñchatrunibarhaṇaḥ| vipulāṃso mahābāhuḥ kambugrīvo mahāhanuḥ||
He is intelligent; learned in morality; eloquent; crowned with grace; the slayer of foes: broad-shouldered; possessed of mighty arms, a conch-shaped neck, fleshy jaws.
— M.N. Dutt (1891–94, public domain)
महोरस्को महेष्वासो गूढजत्रुररिंदमः। आजानुबाहुः सुशिराः सुललाटः सुविक्रमः॥
mahorasko maheṣvāso gūḍhajatrurariṃdamaḥ| ājānubāhuḥ suśirāḥ sulalāṭaḥ suvikramaḥ||
And a broad chest; a powerful bowman; the repressor of foes; having plump shoulder-blades; of arms reaching down to his knees; with a beautiful head, and a graceful forehead; and endowed with excellent might.
— M.N. Dutt (1891–94, public domain)
समः समविभक्ताङ्गः स्निग्धवर्णः प्रतापवान्। पीनवक्षा विशालाक्षो लक्ष्मीवाञ्छुभलक्षणः॥
samaḥ samavibhaktāṅgaḥ snigdhavarṇaḥ pratāpavān| pīnavakṣā viśālākṣo lakṣmīvāñchubhalakṣaṇaḥ||
And having symmetrical limbs, and of a cool hue; and possessed of prowess; and having a well-developed chest; with expansive eyes; crowned with auspiciousness and favourable marks.
— M.N. Dutt (1891–94, public domain)
धर्मज्ञः सत्यसंधश्च प्रजानां च हिते रतः। यशस्वी ज्ञानसम्पन्नः शुचिर्वश्यः समाधिमान्॥
dharmajñaḥ satyasaṃdhaśca prajānāṃ ca hite rataḥ| yaśasvī jñānasampannaḥ śucirvaśyaḥ samādhimān||
Knowing duty; firm in promise; always engaged in the good of his subjects; of accomplished renown; furnished with knowledge; pure in body and spirit; obedient towards superiors; versed in self-knowledge.
— M.N. Dutt (1891–94, public domain)
प्रजापतिसमः श्रीमान् धाता रिपुनिषूदनः। रक्षिता जीवलोकस्य धर्मस्य परिरक्षिता॥
prajāpatisamaḥ śrīmān dhātā ripuniṣūdanaḥ| rakṣitā jīvalokasya dharmasya parirakṣitā||
Narada says-Like Prajapati himself; blessed with prosperity; protecting all; the destroyer of enemies, and protector of all living beings.
— M.N. Dutt (1891–94, public domain)
रक्षिता स्वस्य धर्मस्य स्वजनस्य च रक्षिता। वेदवेदाङ्गतत्त्वज्ञो धनुर्वेदे च निष्ठितः॥
rakṣitā svasya dharmasya svajanasya ca rakṣitā| vedavedāṅgatattvajño dhanurvede ca niṣṭhitaḥ||
Practising all the duties of his class; and preserving those cleaving to him; versed in the profundities of the Vedas and the Vedāngas; accomplished in archery.
— M.N. Dutt (1891–94, public domain)
सर्वशास्त्रार्थतत्वज्ञः स्मृतिमान् प्रतिभानवान्। सर्वलोकप्रियः साधुरदीनात्मा विचक्षणः॥
sarvaśāstrārthatatvajñaḥ smṛtimān pratibhānavān| sarvalokapriyaḥ sādhuradīnātmā vicakṣaṇaḥ||
Well versed in the dicta of all the sciences; brilliant; gifted with a good memory; the darling of all; unreproved; of unvanquished spirit; proficient in every branch of learning.
— M.N. Dutt (1891–94, public domain)
सर्वदाभिगतः सद्भिः समुद्र इव सिन्धुभिः। आर्यः सर्वसमश्चैव सदैव प्रियदर्शनः॥
sarvadābhigataḥ sadbhiḥ samudra iva sindhubhiḥ| āryaḥ sarvasamaścaiva sadaiva priyadarśanaḥ||
Ever resorted to by the good persons even as the ocean is by the rivers; worthy of being honoured; having an equal regard for all; and capable of filling the heart with ever new sensations.
— M.N. Dutt (1891–94, public domain)
स च सर्वगुणोपेतः कौसल्यानन्दवर्धनः। समुद्र इव गाम्भीर्ये धैर्येण हिमवानिव॥
sa ca sarvaguṇopetaḥ kausalyānandavardhanaḥ| samudra iva gāmbhīrye dhairyeṇa himavāniva||
Crowned with all sort of qualities, he enhances the joys of Kausalyā; being like that of the sea in gravity, and that of the Himavat in patience.
— M.N. Dutt (1891–94, public domain)
विष्णुना सदृशो वीर्ये सोमवत्प्रियदर्शनः। कालाग्निसदृशः क्रोधे क्षमया पृथिवीसमः॥
viṣṇunā sadṛśo vīrye somavatpriyadarśanaḥ| kālāgnisadṛśaḥ krodhe kṣamayā pṛthivīsamaḥ||
In prowess, he is like as Vişnu, and boasts of the personal attractions of the Moon. In anger he resembles the fire raging at the time of dissolution; and in forgiveness, he is like that of the Earth.
— M.N. Dutt (1891–94, public domain)
धनदेन समस्त्यागे सत्ये धर्म इवापरः। तमेवं गुणसम्पन्नं रामं सत्यपराक्रमम्॥ ज्येष्ठं ज्येष्ठगुणैर्युक्तं प्रियं दशरथः सुतम्। प्रकृतीनां हितैर्युक्तं प्रकृतिप्रियकाम्यया॥ यौवराज्येन संयोक्तुमैच्छत् प्रीत्या महीपतिः।
dhanadena samastyāge satye dharma ivāparaḥ| tamevaṃ guṇasampannaṃ rāmaṃ satyaparākramam|| jyeṣṭhaṃ jyeṣṭhaguṇairyuktaṃ priyaṃ daśarathaḥ sutam| prakṛtīnāṃ hitairyuktaṃ prakṛtipriyakāmyayā|| yauvarājyena saṃyoktumaicchat prītyā mahīpatiḥ|
In giving away, he is like the Bestower of riches Kubera, and in truth, he is like another Dharma. Desirous of doing that which would be acceptable to his subjects, king Dasaratha, from fuilness of affection, wished to install as his associate in the kingdom his beloved and meritorious eldest son. Rāina who of infallible prowess, and endued with sterling virtues, and ever intent on the welfare of the people. The king Dasaratha with great pleasure wished to install as the hairapparent of the kingdom.
— M.N. Dutt (1891–94, public domain)
तस्याभिषेकसम्भारान्दृष्ट्वा भार्याऽथ कैकयी॥ पूर्वं दत्तवरा देवी वरमेनमयाचत। विवासं च रामस्य भरतस्याभिषेचनम्॥
tasyābhiṣekasambhārāndṛṣṭvā bhāryā'tha kaikayī|| pūrvaṃ dattavarā devī varamenamayācata| vivāsaṃ ca rāmasya bharatasyābhiṣecanam||
Beholding the provisions of the installation, that lady the king's consort, Kaikeyī, who had previously been promised two boons, even asked him for those viz., the exile of Ráma, and the installation of Bharata.
— M.N. Dutt (1891–94, public domain)
स सत्यवचनात् राजा धर्मपाशेन संयतः। विवासयामास सुतं रामं दशरथः प्रियम्॥
sa satyavacanāt rājā dharmapāśena saṃyataḥ| vivāsayāmāsa sutaṃ rāmaṃ daśarathaḥ priyam||
Bound by the ties of duty in consequence of his promise, king Dasaratha banished his favourite son Rāma.
— M.N. Dutt (1891–94, public domain)
स जगाम वनं वीरः प्रतिज्ञामनुपालयन्। पितुर्वचननिर्देशात् कैकेय्याः प्रियकारणात्॥
sa jagāma vanaṃ vīraḥ pratijñāmanupālayan| piturvacananirdeśāt kaikeyyāḥ priyakāraṇāt||
In pursuance of his father's promise, and with the view of compassing the pleasure of Kaikeyī, that heroic one, commanded by his sire, repaired to the forest.
— M.N. Dutt (1891–94, public domain)
तं व्रजन्तं प्रियो भ्राता लक्ष्मणोऽनुजगाम ह। स्नेहाद् विनयसम्पन्नः सुमित्रानन्दवर्धनः॥ भ्रातरं दयितो भ्रातुः सौभ्रात्रमनुदर्शयन्।
taṃ vrajantaṃ priyo bhrātā lakṣmaṇo'nujagāma ha| snehād vinayasampannaḥ sumitrānandavardhanaḥ|| bhrātaraṃ dayito bhrātuḥ saubhrātramanudarśayan|
On the eve of his departure for the forest, that enhancer of Sumitrā's joy and favourite of his brother (Rāma), his dear brother Lakşmaņa, endowed with humility, displaying brotherliness, followed him out of affection.
— M.N. Dutt (1891–94, public domain)
रामस्य दयिता भार्या नित्यं प्राणसमाहिता॥ जनकस्य कुले जाता देवमायेव निर्मिता। सर्वलक्षणसम्पन्ना नारीणामुत्तमा वधूः॥ सीताप्यनुगता रामं शशिनं रोहिणी यथा। पौरैरनुगतो दूरं पित्रा दशरथेन च॥
rāmasya dayitā bhāryā nityaṃ prāṇasamāhitā|| janakasya kule jātā devamāyeva nirmitā| sarvalakṣaṇasampannā nārīṇāmuttamā vadhūḥ|| sītāpyanugatā rāmaṃ śaśinaṃ rohiṇī yathā| paurairanugato dūraṃ pitrā daśarathena ca||
As Rohini followed with the moon, Rāma's beloved spouse, sprung in Janaka's line-like as an embodiment of Divine power-sear (Rāma) as life itself, and engaged in acts of good, and furnished with every auspicious mark, and the best of wives, followed Rāma. Having been followed far by his father Dasaratha along with the citizens.
— M.N. Dutt (1891–94, public domain)
शृङ्गवेरपुरे सुतं गङ्गाकूले व्यसर्जयत्। गुहमासाद्य धर्मात्मा निषादाधिपतिं प्रियम्॥ गुहेन सहितो रामो लक्ष्मणेन च सीतया।
śṛṅgaverapure sutaṃ gaṅgākūle vyasarjayat| guhamāsādya dharmātmā niṣādādhipatiṃ priyam|| guhena sahito rāmo lakṣmaṇena ca sītayā|
Rāma met with the virtuous and beloved king of the Nişādas; and then in company with Guha, Laksmana, and Sita, Rama dismissed his charioteer on the banks of the Ganges at Srigaverapura.
— M.N. Dutt (1891–94, public domain)
ते वनेन वनं गत्वा नदीस्तीर्वा बहूदकाः॥ चित्रकूटमनुप्राप्य भरद्वाजस्य शासनात्। रम्यमावसथं कृत्वा रममाणा वने त्रयः॥
te vanena vanaṃ gatvā nadīstīrvā bahūdakāḥ|| citrakūṭamanuprāpya bharadvājasya śāsanāt| ramyamāvasathaṃ kṛtvā ramamāṇā vane trayaḥ||
Then wending from one forest to another, and having crossed many broad rivers, they, in accordance with Bharadvăja's directions, arrived at the Citrakūta; and constructing a romantic abode, the three began to live there.
— M.N. Dutt (1891–94, public domain)
देवगन्धर्वसंकाशास्तत्र ते न्यवसन् सुखम्। चित्रकूटं गते रामे पुत्रशोकातुरस्तदा॥ राजा दशरथः स्वर्ग जगाम विलपन् सुतम्।
devagandharvasaṃkāśāstatra te nyavasan sukham| citrakūṭaṃ gate rāme putraśokāturastadā|| rājā daśarathaḥ svarga jagāma vilapan sutam|
They spent their days in delight, in the company of gods and Gandharvas. And when Rāma had reached the Citrakuța, king Dasaratha, distressed on account of his son, went to heaven, bewailing the latter.
— M.N. Dutt (1891–94, public domain)
गते तु तस्मिन् भरतो वसिष्ठप्रमुखैर्द्विजैः॥ नियुज्यमानो राज्याय नैच्छद् राज्यं महाबलः। स जगाम वनं वीरो रामपादप्रसादकः॥
gate tu tasmin bharato vasiṣṭhapramukhairdvijaiḥ|| niyujyamāno rājyāya naicchad rājyaṃ mahābalaḥ| sa jagāma vanaṃ vīro rāmapādaprasādakaḥ||
When king Dasaratha had passed away heaven, the mighty Bharata, although pressed by the Brāhmaṇas headed by Vasiştha, to rule the kingdom, did not wish for dominion. And that hero went the forest, with the view of propitiating Rāma.
— M.N. Dutt (1891–94, public domain)
गत्वा तु स महात्मानं रामं सत्यपराक्रमम्। अयाचद् भ्रातरं राममार्यभावपुरस्कृतः॥
gatvā tu sa mahātmānaṃ rāmaṃ satyaparākramam| ayācad bhrātaraṃ rāmamāryabhāvapuraskṛtaḥ||
Having come to the high-souled Rāma, with truth for his prowess, he besought his brother, with every mark of respect.
— M.N. Dutt (1891–94, public domain)
त्वमेव राजा धर्मज्ञ इति रामं वचोऽब्रवीत्। रामोऽपि परमोदारः सुमुखः सुमहायशाः॥ न चैच्छत् पितुरादेशाद् राज्यं रामो महाबलः। पादुके चास्य राज्याय न्यासं दत्त्वा पुनः पुनः॥ निवर्तयामास ततो भरतं भरताग्रजः।
tvameva rājā dharmajña iti rāmaṃ vaco'bravīt| rāmo'pi paramodāraḥ sumukhaḥ sumahāyaśāḥ|| na caicchat piturādeśād rājyaṃ rāmo mahābalaḥ| pāduke cāsya rājyāya nyāsaṃ dattvā punaḥ punaḥ|| nivartayāmāsa tato bharataṃ bharatāgrajaḥ|
Bharata said, You are only the king conversant with Dharma. And the exceedingly generous, illustrious and mighty Rāma of a cheerful countenance did not wish for the kingdom, in consonance with his father's injunction. And having made over to Bharata, as his substitute on the throne, his own sandals, Bharata's elder brother repeatedly forbade him.
— M.N. Dutt (1891–94, public domain)
स काममनवाप्यैव रामपादावुपस्पृशन्॥ नन्दिग्रामेऽकरोद् राज्यं रामागमनकाङ्क्षया।
sa kāmamanavāpyaiva rāmapādāvupaspṛśan|| nandigrāme'karod rājyaṃ rāmāgamanakāṅkṣayā|
And then Bharata, finding his desire not fulfilled, touched Rama's feet, and began to rule at Nandigrāma, expecting the return of Rāma.
— M.N. Dutt (1891–94, public domain)
गते तु भरते श्रीमान् सत्यसंधो जितेन्द्रियः॥ रामस्तु पुनरालक्ष्य नागरस्य जनस्य च। तत्रागमनमेकाग्रो दण्डकान् प्रविवेश ह॥
gate tu bharate śrīmān satyasaṃdho jitendriyaḥ|| rāmastu punarālakṣya nāgarasya janasya ca| tatrāgamanamekāgro daṇḍakān praviveśa ha||
And when the auspicious Bharata, firm in his promise and of subdued sense, had gone away, Rāma again perceiving there the influx of citizens and others, eagerly entered Dandaka.
— M.N. Dutt (1891–94, public domain)
प्रविश्य तु महारण्यं रामो राजीवलोचनः । विराधं राक्षसं हत्वा शरभङ्गं ददर्श ह ॥ सुतीक्ष्णं चाप्यगस्त्यं च अगस्त्यभ्रातरं तथा।
praviśya tu mahāraṇyaṃ rāmo rājīvalocanaḥ | virādhaṃ rākṣasaṃ hatvā śarabhaṅgaṃ dadarśa ha || sutīkṣṇaṃ cāpyagastyaṃ ca agastyabhrātaraṃ tathā|
Having entered that mighty vast, the lotuseyed Rāma slew the Räkşasa Virädha, and saw Sarabhanga, Sutiksna, Agastya and Agastya's brother.
— M.N. Dutt (1891–94, public domain)
अगस्त्यवचनाच्चैव जग्राहैन्द्रं शरासनम्॥ खङ्गं च परमप्रीतस्तूणी चाक्षयसायको।
agastyavacanāccaiva jagrāhaindraṃ śarāsanam|| khaṅgaṃ ca paramaprītastūṇī cākṣayasāyako|
He then, advised by Agastya, gladly possessed himself of Indra's bow, the inexhaustible arrows, the scimitar, and the quiver.
— M.N. Dutt (1891–94, public domain)
वसतस्तस्य रामस्य वने वनचरैः सह॥ ऋषयोऽभ्यागमन् सर्वे वधायासुररक्षसाम्।
vasatastasya rāmasya vane vanacaraiḥ saha|| ṛṣayo'bhyāgaman sarve vadhāyāsurarakṣasām|
While Rāma was dwelling there with the rangers of forests, the sages came to him in a body, for the destruction of the Asuras and Raksasas.
— M.N. Dutt (1891–94, public domain)
स तेषां प्रतिशुश्राव राक्षसानां तदा वने॥ प्रतिज्ञातश्च रामेण वधः संयति राक्षसाम्। ऋषीणामग्निकल्पानां दण्डकारण्यवासिनाम्॥
sa teṣāṃ pratiśuśrāva rākṣasānāṃ tadā vane|| pratijñātaśca rāmeṇa vadhaḥ saṃyati rākṣasām| ṛṣīṇāmagnikalpānāṃ daṇḍakāraṇyavāsinām||
Thereupon in the presence of those ascetics like the flaming fire, inhabiting the Daņdaka forest, he promised to slay those Räkşasas in battle.
— M.N. Dutt (1891–94, public domain)
तेन तत्रैव वसता जनस्थाननिवासिनी। विरूपिता शूर्पणखा राक्षसी कामरूपिणी॥
tena tatraiva vasatā janasthānanivāsinī| virūpitā śūrpaṇakhā rākṣasī kāmarūpiṇī||
It was while he was living there that, that dweller of Janasthāna, the Rākṣasī Śūrpanakhā, capable of assuming any form at will, was disfigured.
— M.N. Dutt (1891–94, public domain)
ततः शूर्पणखावाक्यादुद्युक्तान् सर्वराक्षसान्। खरं त्रिशिरसं चैव दूषणं चैव राक्षसम्॥ निजधान रणे रामस्तेषां चैव पदानुगान्। वने तस्मिन् निवसता जनस्थाननिवासिनाम्॥ रक्षसां निहतान्यासन् सहस्राणि चतुर्दश।
tataḥ śūrpaṇakhāvākyādudyuktān sarvarākṣasān| kharaṃ triśirasaṃ caiva dūṣaṇaṃ caiva rākṣasam|| nijadhāna raṇe rāmasteṣāṃ caiva padānugān| vane tasmin nivasatā janasthānanivāsinām|| rakṣasāṃ nihatānyāsan sahasrāṇi caturdaśa|
It was while living there in the society of the inhabitants of Janasthāna, that Rāma slew in battle the Rākşasas Khara and Trisiras and Dusana, together with their followers, who all had been stirred up by the words of Śūrpanakhā. And fourteen thousand Räksasas were slain in that battle.
— M.N. Dutt (1891–94, public domain)
ततो ज्ञातिवधं श्रुत्वा रावणः क्रोधमूर्च्छितः।॥ सहायं वरयामास मारीचं नाम राक्षसम्।
tato jñātivadhaṃ śrutvā rāvaṇaḥ krodhamūrcchitaḥ||| sahāyaṃ varayāmāsa mārīcaṃ nāma rākṣasam|
Having learnt of the destruction of his relatives, Rāvaņa wrought into frenzy by anger, sought the help of a Rākşasa named Mārīca.
— M.N. Dutt (1891–94, public domain)
चार्यमाणः सु.हुशो मारीचेन स रावणः॥ न विरोधो बलवता क्षमो रावण तेन ते। अनादृत्य तु तद्वाक्यं रावणः कालचोदितः॥ जगाम सहमारीचस्तस्याश्रमपदं तदा।
cāryamāṇaḥ su.huśo mārīcena sa rāvaṇaḥ|| na virodho balavatā kṣamo rāvaṇa tena te| anādṛtya tu tadvākyaṃ rāvaṇaḥ kālacoditaḥ|| jagāma sahamārīcastasyāśramapadaṃ tadā|
And although strongly dissuaded by Mārīca, saying. You ought not to enter into hostilities with that powerful one. Do you, therefore, O Ravana, excuse me! yet, disregarding those words of his, Ravana, urged on by Fate, went into that asylum in company with Mārīca.
— M.N. Dutt (1891–94, public domain)
तेन मायाविना दूरमपवाह्य नृपात्मजौ ॥ जहार भार्या रामस्य गृधं हत्वा जटायुषम्।
tena māyāvinā dūramapavāhya nṛpātmajau || jahāra bhāryā rāmasya gṛdhaṃ hatvā jaṭāyuṣam|
That one (Mārīca) commanding illusions, having drawn far the king's sons (Rāma and Lakşmaņa), he (Rāvana) carried away Rāma's wife, slaying the vulture Jatayu.
— M.N. Dutt (1891–94, public domain)
गृधं च निहतं दृष्ट्वा हृतां श्रुत्वा च मैथिलीम् ॥ राघवः शोकसंतप्तो विललापाकुलेन्द्रियः।
gṛdhaṃ ca nihataṃ dṛṣṭvā hṛtāṃ śrutvā ca maithilīm || rāghavaḥ śokasaṃtapto vilalāpākulendriyaḥ|
And beholding the vulture slain and learning of the kidnapping of Mithila's daughter, the descendant of Raghu, deprived of sense, bewailed in grief.
— M.N. Dutt (1891–94, public domain)
ततस्तेनैव शोकेन गृधं दग्ध्वा जटायुषम्॥ मार्गमाणो वने सीतां राक्षसं संददर्श ह। कबन्धं नाम रूपेण विकृतं घोरदर्शनम्॥ तं निहत्य महाबाहुर्ददाह स्वर्गतश्च सः।
tatastenaiva śokena gṛdhaṃ dagdhvā jaṭāyuṣam|| mārgamāṇo vane sītāṃ rākṣasaṃ saṃdadarśa ha| kabandhaṃ nāma rūpeṇa vikṛtaṃ ghoradarśanam|| taṃ nihatya mahābāhurdadāha svargataśca saḥ|
Having with unassuaged sorrow burnt the vulture Jațāyu, as he was searching for Sità in that forest, he fell in with a Rākṣasa, Kabandha by name, of a dreadful and deformed shape. Having slain him, the mighty-armed one burnt his body,-and thereupon he went to heaven.
— M.N. Dutt (1891–94, public domain)
स चास्य कथयामास शबरी धर्मचारिणीम्॥ श्रमणां धर्मनिपुणामभिगच्छेति राघव।
sa cāsya kathayāmāsa śabarī dharmacāriṇīm|| śramaṇāṃ dharmanipuṇāmabhigaccheti rāghava|
And the Rākşasa addressed Rama saying, O descendant of Raghu, Do you repair to the ascetic, Śabarī, conversant with all systems of morality.
— M.N. Dutt (1891–94, public domain)
सोऽभ्यगच्छन्महातेजाः शबरीं शत्रुसूदनः॥ शबर्या पूजितः सम्यग् रामो दशरथात्मजः।
so'bhyagacchanmahātejāḥ śabarīṃ śatrusūdanaḥ|| śabaryā pūjitaḥ samyag rāmo daśarathātmajaḥ|
Repairing to Sabarī, that destroyer of foes, gifted with exceeding energy, Rāma, the son of Dasaratha, highly honoured by Sabari.
— M.N. Dutt (1891–94, public domain)
पम्पातीरे हनुमता सङ्गतो वानरेण ह॥ हनुमद्वचनाच्चैव सुग्रीवेण समागतः। सुग्रीवाय च तत्सर्वं शंसद्रामो महाबलः।५९।। आदितस्तद् यथावृत्तं सीतायाश्च विशेषतः
pampātīre hanumatā saṅgato vānareṇa ha|| hanumadvacanāccaiva sugrīveṇa samāgataḥ| sugrīvāya ca tatsarvaṃ śaṃsadrāmo mahābalaḥ|59|| āditastad yathāvṛttaṃ sītāyāśca viśeṣataḥ
Than he met with Hanuman on the banks of the Pampā. Then, agreeably to Hanumān's advice, the exceedingly powerful Rāma saw Sugrīva. And detailed to him all specially touching Sitā.
— M.N. Dutt (1891–94, public domain)
सुग्रीवश्चापि तत्सर्वं श्रुत्वा रामस्य वानरः॥ चकार सख्यं रामेण प्रीतश्चैवाग्निसाक्षिकम्।
sugrīvaścāpi tatsarvaṃ śrutvā rāmasya vānaraḥ|| cakāra sakhyaṃ rāmeṇa prītaścaivāgnisākṣikam|
Then the monkey Sugrīva, having heard all from Rāma was well pleased with Rāma, and in the presence of fire, made friends with him.
— M.N. Dutt (1891–94, public domain)
ततो वानरराजेन वैरानुकथनं प्रति ॥ रामायावेदितं सर्वं प्रणयात् दुःखितेन च।
tato vānararājena vairānukathanaṃ prati || rāmāyāveditaṃ sarvaṃ praṇayāt duḥkhitena ca|
Then the king of monkeys, out of friendship, mournfully related to him all about his hostilities with Vali.
— M.N. Dutt (1891–94, public domain)
प्रतिज्ञातं च रामेण तदा वालिवधं प्रति ॥ वालिनश्च बलं तत्र कथयामास वानरः। सुग्रीवः शङ्कितश्चासीनित्यं वीर्येण राघवे॥
pratijñātaṃ ca rāmeṇa tadā vālivadhaṃ prati || vālinaśca balaṃ tatra kathayāmāsa vānaraḥ| sugrīvaḥ śaṅkitaścāsīnityaṃ vīryeṇa rāghave||
Then Ráma vowed that he would slay Vālī. Thereupon the monkey described to Raghava the prowess of Vālī, and he feared lest Räma should not prove a match for Válī.
— M.N. Dutt (1891–94, public domain)
राघवप्रत्ययार्थं तु दुन्दुभेः कायमुत्तमम्। दर्शयामास सुग्रीवो महापर्वतन्निभम्॥
rāghavapratyayārthaṃ tu dundubheḥ kāyamuttamam| darśayāmāsa sugrīvo mahāparvatannibham||
And with the view of convincing Raghava (as to Vali's might), Sugriva showed to him the huge corpse of Dundubhi, resembling a hill.
— M.N. Dutt (1891–94, public domain)
उत्स्मयित्वा महाबाहुः प्रेक्ष्य चास्थि महाबलः। पादाङ्गुष्ठेन चिक्षेप सम्पूर्ण दशयोजनम्॥
utsmayitvā mahābāhuḥ prekṣya cāsthi mahābalaḥ| pādāṅguṣṭhena cikṣepa sampūrṇa daśayojanam||
And looking at the skeleton, Rāma endued with exceeding prowess, smiling the while, with his toe cast it off at the distance of full ninety miles.
— M.N. Dutt (1891–94, public domain)
बिभेद च पुनस्तालान् सप्तैकेन महेषुणा। गिरिं रसातलं चैव जनयन् प्रत्ययं तदा॥
bibheda ca punastālān saptaikena maheṣuṇā| giriṃ rasātalaṃ caiva janayan pratyayaṃ tadā||
With a single mighty shaft he pierced seven palmyra palms, a hill, and the sixth nether worlds, carrying conviction to Sugriva.
— M.N. Dutt (1891–94, public domain)
ततः प्रीतमनास्तेन विश्वस्तः स महाकपिः। किष्किन्धां रामसहितो जगाम च गुहां तदा॥
tataḥ prītamanāstena viśvastaḥ sa mahākapiḥ| kiṣkindhāṃ rāmasahito jagāma ca guhāṃ tadā||
Thus convinced, the mighty monkey well pleased went with Rāma towards the cave called Kiskindha.
— M.N. Dutt (1891–94, public domain)
ततोऽगर्जद्धरिवरः सुग्रीवो हेमपिङ्गलः। तेन नादेन महता निर्जगाम हरीश्वरः॥ अनुमान्य तदा तारां सुग्रीवेण समागतः। निजघान च तत्रैनं शरेणैकेन राघवः॥
tato'garjaddharivaraḥ sugrīvo hemapiṅgalaḥ| tena nādena mahatā nirjagāma harīśvaraḥ|| anumānya tadā tārāṃ sugrīveṇa samāgataḥ| nijaghāna ca tatrainaṃ śareṇaikena rāghavaḥ||
And having arrived there, that best of monkeys, Sugrīva of a tawny and golden hue, set up loud roars. And at those mighty sounds, out came the lord of monkeys; and having obtained Tārā's consent came before Sugrīva for battle. Then Rāghava killed Vālī on the spot with a single shaft.
— M.N. Dutt (1891–94, public domain)
ततः सुग्रीववचनाद्धत्वा बालिनमाहवे। सुग्रीवमेव तद्राज्ये राघवः प्रत्यपादयत्॥
tataḥ sugrīvavacanāddhatvā bālinamāhave| sugrīvameva tadrājye rāghavaḥ pratyapādayat||
And, in compliance with Sugrīva's request, having slain Vālī in battle, Raghava conferred the kingdom on Sugriva.
— M.N. Dutt (1891–94, public domain)
स च सर्वान् समानीय वानरान् वानरर्षभः। दिशः प्रस्थापयामास दिदृक्षुर्जनकात्मजाम्।७१ ।।
sa ca sarvān samānīya vānarān vānararṣabhaḥ| diśaḥ prasthāpayāmāsa didṛkṣurjanakātmajām|71 ||
Then that best of monkeys having summoned all the various monkeys, sent them in various directions in search of Janaka's daughter.
— M.N. Dutt (1891–94, public domain)
ततो गृध्रस्य वचनात् सम्पातेर्हनुमान् बली। शतयोजनविस्तीर्णं पुप्लुवे लवणार्णवम्॥
tato gṛdhrasya vacanāt sampāterhanumān balī| śatayojanavistīrṇaṃ pupluve lavaṇārṇavam||
Then at the suggestion of the vulture Sampāti, the mighty Hanuman crossed the salt sea extending for a hundred Yojanas (900 miles).
— M.N. Dutt (1891–94, public domain)
तंत्र लङ्कां समासाद्य मुरीं रावणपालिताम्। ददर्श सीतां ध्यायन्तीमशोकवनिकां गताम्॥
taṃtra laṅkāṃ samāsādya murīṃ rāvaṇapālitām| dadarśa sītāṃ dhyāyantīmaśokavanikāṃ gatām||
Thereby arriving at the city of Lankā, ruled by Rāvana, he found Sītā in the midst of an Asoka garden, absorbed in thought.
— M.N. Dutt (1891–94, public domain)
निवेदयित्वाभिज्ञानं प्रवृत्तिं विनिवेद्य च। समाश्वास्य च वैदेहीं मर्दयामास तोरणम्॥
nivedayitvābhijñānaṃ pravṛttiṃ vinivedya ca| samāśvāsya ca vaidehīṃ mardayāmāsa toraṇam||
Then having shown her the sign, he rtlated to her all about the friendship between Rāma and Sugrīva, and having convinced Videha's daughter, he smashed the gate of the place.
— M.N. Dutt (1891–94, public domain)
पञ्च सेनाग्रगान् हत्वा सप्त मन्त्रिसुतानपि। शूरमक्षं च निक्षिप्य ग्रहणं समुपागमत्॥
pañca senāgragān hatvā sapta mantrisutānapi| śūramakṣaṃ ca nikṣipya grahaṇaṃ samupāgamat||
Then having slain five generals, and seven counsellors' sons, and crushed the heroic Aksa, he was bound fast (by the arms of Indrajit.)
— M.N. Dutt (1891–94, public domain)
अस्त्रेणोन्मुक्तमात्मानं ज्ञात्वा पैतामहाद् वरात्। मर्षयन् राक्षसान् वीरो यन्त्रिणस्तान् यदृच्छया॥
astreṇonmuktamātmānaṃ jñātvā paitāmahād varāt| marṣayan rākṣasān vīro yantriṇastān yadṛcchayā||
Then knowing that in virtue of the grandsire's boon, he was free, he forgave those Raksasas that were leading him (to Ravana.)
— M.N. Dutt (1891–94, public domain)
ततो दग्ध्वा पुरीं लङ्कामृते सीतां च मैथिलीम्। रामाय प्रियमाख्यातुं पुनरायान्महाकपिः। ७७।।
tato dagdhvā purīṃ laṅkāmṛte sītāṃ ca maithilīm| rāmāya priyamākhyātuṃ punarāyānmahākapiḥ| 77||
Then having burnt down the city of Lankā, with the exception of the place occupied by Mithila's daughter, the mighty one returned, with the intention of delivering the glad tidings to Rama.
— M.N. Dutt (1891–94, public domain)
सोऽभिगम्य महात्मानं कृत्वा रामं प्रदक्षिणम्। न्यवेदयदमेयात्मा दृष्टा सीतेति तत्त्वतः। ७८ ।।
so'bhigamya mahātmānaṃ kṛtvā rāmaṃ pradakṣiṇam| nyavedayadameyātmā dṛṣṭā sīteti tattvataḥ| 78 ||
That one of immeasurable soul having come before the high-souled Rāma, and circled him addressed him, saying,— I have truly seen Sītā.
— M.N. Dutt (1891–94, public domain)
ततः सुग्रीवसहितो गत्वा तीरं महोदधेः। समुद्र क्षोभयामास शरैरादित्यसंनिभैः॥
tataḥ sugrīvasahito gatvā tīraṃ mahodadheḥ| samudra kṣobhayāmāsa śarairādityasaṃnibhaiḥ||
Thereafter accompanied by Sugrīva, Rāma repaired to the shore of the mighty ocean, and with shafts resembling the sun, vexed the deep.
— M.N. Dutt (1891–94, public domain)
दर्शयामास चात्मानं समुद्रः सरितां पतिः। समुद्रवचनाच्चैव नलं सेतुमकारयत्॥
darśayāmāsa cātmānaṃ samudraḥ saritāṃ patiḥ| samudravacanāccaiva nalaṃ setumakārayat||
Then that lord of rivers, the Ocean, showed himself. And agreeably to the advice of the Ocean, Nala constructed a bridge (over the water.)
— M.N. Dutt (1891–94, public domain)
तेन गत्वा पुरी लङ्कां हत्वा रावणमाहवे। रामः सीतामनुप्राप्य परां व्रीडामुपागमत् ॥
tena gatvā purī laṅkāṃ hatvā rāvaṇamāhave| rāmaḥ sītāmanuprāpya parāṃ vrīḍāmupāgamat ||
By that bridge Rama went to the city of Lankā, and slew Rāvana in battle. And, having recovered Sītā, Rāma experienced high shame (in consequence of Sītā's having lived so long in Ravana's place.)
— M.N. Dutt (1891–94, public domain)
तामुवाच ततो रामः परुषं जनसंसदि। अमृष्यमाणा सा सीता विवेश ज्वलनं सती॥
tāmuvāca tato rāmaḥ paruṣaṃ janasaṃsadi| amṛṣyamāṇā sā sītā viveśa jvalanaṃ satī||
Language towards Sītā in the presence of all. Incapable of bearing it, the chaste Sītā entered flaming fire.
— M.N. Dutt (1891–94, public domain)
ततोऽग्निवचनात् सीतां ज्ञात्वा विगतकल्मषाम्। कर्मणा तेन महता त्रैलोक्यं सचराचरम्॥ सदेवर्षिगणं तुष्टं राघवस्य महात्मनः।
tato'gnivacanāt sītāṃ jñātvā vigatakalmaṣām| karmaṇā tena mahatā trailokyaṃ sacarācaram|| sadevarṣigaṇaṃ tuṣṭaṃ rāghavasya mahātmanaḥ|
Thereupon assured by Agni as to the sinlessness of Sītā, Rāma became exceedingly pleased, and was honoured by all the deities. And at that great act of Rāma's the three worlds with all that was mobile and immobile in them, along with the sages and gods, were well pleased with the mighty-souled Rāghava.
— M.N. Dutt (1891–94, public domain)
बभौ रामः सम्प्रहृष्टः पूजितः सर्वदैवतैः५५८४ ।। अभिषिच्य च लङ्कायां राक्षसेन्द्रं विभीषणम्। कृतकृत्यस्तदा रामो विज्वरः प्रमुमोद ह॥
babhau rāmaḥ samprahṛṣṭaḥ pūjitaḥ sarvadaivataiḥ5584 || abhiṣicya ca laṅkāyāṃ rākṣasendraṃ vibhīṣaṇam| kṛtakṛtyastadā rāmo vijvaraḥ pramumoda ha||
Then installing that foremost of Rākşasas, Vibhișana, on the throne of Lankā, Rāma was perfectly easy, and rejoiced exceedingly.
— M.N. Dutt (1891–94, public domain)
देवताभ्यो वरं प्राप्य समुत्थाप्य च वानरान्। अयोध्या प्रस्थितो रामः पुष्पकेण सुहृद्वृतः॥
devatābhyo varaṃ prāpya samutthāpya ca vānarān| ayodhyā prasthito rāmaḥ puṣpakeṇa suhṛdvṛtaḥ||
Then Rāma, obtaining a boon from the celestials, revived the monkeys fallen in battle, and surrounded by friends, set out for Ayodhyā on the Puspaka.
— M.N. Dutt (1891–94, public domain)
भरद्वाजाश्रमं गत्वा रामः सत्यपराक्रमः। भरतस्यान्तिके रामो हनूमन्तं व्यसर्जयत् ॥
bharadvājāśramaṃ gatvā rāmaḥ satyaparākramaḥ| bharatasyāntike rāmo hanūmantaṃ vyasarjayat ||
And repairing to Bharadvāja's hermitage, Rāma, having truth for his prowess, despatched Hanuman to Bharata.
— M.N. Dutt (1891–94, public domain)
पुनराख्यायिकां जल्पन् सुग्रीवसहितस्तदा। पुष्पकं तत् समारुह्य नन्दिग्रामं ययौ तदा॥
punarākhyāyikāṃ jalpan sugrīvasahitastadā| puṣpakaṃ tat samāruhya nandigrāmaṃ yayau tadā||
Then talking over past affairs, accompanied with Sugriva, Rama, mounted on the Puspaka, and departed for Nandigrāma.
— M.N. Dutt (1891–94, public domain)
नन्दिग्रामे जटां हित्वा भ्रातृभिः सहितोऽनघः। रामः सीतामनुप्राप्य राज्यं पुनरवाप्तवान्॥
nandigrāme jaṭāṃ hitvā bhrātṛbhiḥ sahito'naghaḥ| rāmaḥ sītāmanuprāpya rājyaṃ punaravāptavān||
Having arrived at Nandigrāma, the sinless Rāma sheared himself of his matted locks along with his brothers, and having regained Sītā, got back his kingdom
— M.N. Dutt (1891–94, public domain)
प्रहृष्टमुदितो रेकस्तुष्टः पुष्टः सुधार्मिकः। निरामयो रोगश्च दुर्भिक्षभयवर्जितः॥
prahṛṣṭamudito rekastuṣṭaḥ puṣṭaḥ sudhārmikaḥ| nirāmayo rogaśca durbhikṣabhayavarjitaḥ||
(During his reign) his subjects will enjoy happiness, and contentment, and become hale, and grow in righteousness, and be devoid of mental disquietude and disease, and free from the fear of famine.
— M.N. Dutt (1891–94, public domain)
न पुत्रमरणं केचिद् द्रक्ष्यन्ति पुरुषाः क्वचित्। नार्यश्चाविधवा नित्यं भविष्यन्ति पतिव्रताः॥
na putramaraṇaṃ kecid drakṣyanti puruṣāḥ kvacit| nāryaścāvidhavā nityaṃ bhaviṣyanti pativratāḥ||
Where a no person is to witness his son's death, and women will be ever chaste, and never bear widow-hood.
— M.N. Dutt (1891–94, public domain)
न चाग्निजं भयं किंचिन्नाप्सु मज्जन्ति जन्तवः। न वातजं भयं किंचिन्नापि ज्वरकृतं तथा॥ न चापि क्षुद्भयं तत्र न तस्करभयं तथा। नगराणि च राष्ट्राणि धनधान्ययुतानि च॥ नित्यं प्रमुदिताः सर्वे यथा कृतयुगे तथा।
na cāgnijaṃ bhayaṃ kiṃcinnāpsu majjanti jantavaḥ| na vātajaṃ bhayaṃ kiṃcinnāpi jvarakṛtaṃ tathā|| na cāpi kṣudbhayaṃ tatra na taskarabhayaṃ tathā| nagarāṇi ca rāṣṭrāṇi dhanadhānyayutāni ca|| nityaṃ pramuditāḥ sarve yathā kṛtayuge tathā|
And no fear of conflagration (will exercise people), nor creatures be drowned in water. And no danger will come from hunger, or from thieves. And all will live happily as at the Krta age.
— M.N. Dutt (1891–94, public domain)
अश्वमेधशतैरिष्ट्वा तथा बहुसुवर्णकैः॥ गवां कोट्ययुतं दत्त्वा विद्वद्भयो विधिपूर्वकम्। असंख्येयं धनं दत्त्वा ब्राह्मणेभ्यो महायशाः॥ राजवंशाञ्छतगुणान् स्थापयिष्यति राघवः। चातुर्वयं च लोकेऽस्मिन् स्वे स्वे धर्मे नियोक्ष्यति।।९६
aśvamedhaśatairiṣṭvā tathā bahusuvarṇakaiḥ|| gavāṃ koṭyayutaṃ dattvā vidvadbhayo vidhipūrvakam| asaṃkhyeyaṃ dhanaṃ dattvā brāhmaṇebhyo mahāyaśāḥ|| rājavaṃśāñchataguṇān sthāpayiṣyati rāghavaḥ| cāturvayaṃ ca loke'smin sve sve dharme niyokṣyati||96
Having performed with countless gold an hundred horse-sacrifices, and bestowed with due rites ayutas and kotis* of kine on learned persons, and countless wealth famous Brāhmaṇas, Rāghava will establish an bundred royal families, and will employ each of the four castes in its own duties. Ayuta is ten thousand; and koti is ten millions.
— M.N. Dutt (1891–94, public domain)
दशवर्षसहस्राणि दशवर्षशतानि च। रामो राज्यमुपासित्वा ब्रह्मलोकं प्रयास्यति॥
daśavarṣasahasrāṇi daśavarṣaśatāni ca| rāmo rājyamupāsitvā brahmalokaṃ prayāsyati||
And having reigned for ten thousand and as many hundred years. Rāma will depart for the regions of Brahmā.
— M.N. Dutt (1891–94, public domain)
इदं पवित्रं पापघ्नं पुण्यं वेदैश्च सम्मितम्। यः पठेत् रामचरितं सर्वपापैः प्रमुच्यते॥
idaṃ pavitraṃ pāpaghnaṃ puṇyaṃ vedaiśca sammitam| yaḥ paṭhet rāmacaritaṃ sarvapāpaiḥ pramucyate||
He that reads this sacred, sin-destroying, merit-bestowing history of Rāma like that of the Veda itself, becomes cleansed from all sin.
— M.N. Dutt (1891–94, public domain)
एतदाख्यानमायुष्यं पठन् रामायणं नरः। सपुत्रपौत्रः सगणः प्रेत्य स्वर्गे महायते॥
etadākhyānamāyuṣyaṃ paṭhan rāmāyaṇaṃ naraḥ| saputrapautraḥ sagaṇaḥ pretya svarge mahāyate||
And the man that reads this Rāmāyaṇa conferring length of days, after death, is on honoured in heaven, along with his sons, and grandsons, and relations.
— M.N. Dutt (1891–94, public domain)
पठन् द्विजो वागृषभत्वमीयात् स्यात् क्षत्रियो भूमिपतित्वमीयात्। ज्जनश्च शूद्रोऽपि महत्त्वमीयात्॥
paṭhan dvijo vāgṛṣabhatvamīyāt syāt kṣatriyo bhūmipatitvamīyāt| jjanaśca śūdro'pi mahattvamīyāt||
If a Brāhmaṇa reads it, he attains excellence in speech; if a Kșatriya, he will acquire lordship over landed possessions, if a Vaisya, abundance of wealth in trade; and if a Sudra, greatness.
— M.N. Dutt (1891–94, public domain)