Siraatअयोध्याकाण्डः सर्गः 64
67 verses
वधमप्रतिरूपं तु महर्षेस्तस्य राघवः। विलपन्नेव धर्मात्मा कौसल्यामिदमब्रवीत्॥
vadhamapratirūpaṃ tu maharṣestasya rāghavaḥ| vilapanneva dharmātmā kausalyāmidamabravīt||
Remembering the extraordinary death of the Maharsi, that righteous descendant of Raghu, lamenting his son, thus spoke to Kausalyā.
— M.N. Dutt (1891–94, public domain)
तदज्ञानान्महत्पापं कृत्वा संकुलितेन्द्रियः। एकस्त्वचिन्तयं बुद्ध्या कथं नु सुकृतं भवेत्॥
tadajñānānmahatpāpaṃ kṛtvā saṃkulitendriyaḥ| ekastvacintayaṃ buddhyā kathaṃ nu sukṛtaṃ bhavet||
Having unwittingly committed that great sin, I, with my senses oppressed through grief, thought within myself as to how I could mend it.
— M.N. Dutt (1891–94, public domain)
ततस्तं घटमादाय पूर्णं परमवारिणा। आश्रमं तमहं प्राप्य यथाख्यातपथं गतः॥
tatastaṃ ghaṭamādāya pūrṇaṃ paramavāriṇā| āśramaṃ tamahaṃ prāpya yathākhyātapathaṃ gataḥ||
Then taking up the pitcher filled with excellent water, I went by the way mentioned and (at last) reached the asylum.
— M.N. Dutt (1891–94, public domain)
तत्राहं दुर्बलावन्धौ वृद्धावपरिणायकौ। अपश्यं तस्य पितरौ लूनपक्षाविव द्विजौ॥ तन्निमित्ताभिरासीनौ कथाभिरपरिश्रमौ। तामाशां मत्कृते हीनावुपासीनावनाथवत्॥
tatrāhaṃ durbalāvandhau vṛddhāvapariṇāyakau| apaśyaṃ tasya pitarau lūnapakṣāviva dvijau|| tannimittābhirāsīnau kathābhirapariśramau| tāmāśāṃ matkṛte hīnāvupāsīnāvanāthavat||
There I found his aged, infirm, forlorn, parents, without any one to help them in moving about, like to birds whose wings have been severed, keeping up a talk about (their son) without experiencing any fatigue, and like helpless ones feeding on a hope which had been blasted by me.
— M.N. Dutt (1891–94, public domain)
शोकोपहतचित्तश्च भयसंत्रस्तचेतनः। तच्चाश्रमपदं गत्वा भूयः शोकमहं गतः॥
śokopahatacittaśca bhayasaṃtrastacetanaḥ| taccāśramapadaṃ gatvā bhūyaḥ śokamahaṃ gataḥ||
My senses overpowered by grief, and my consciousness almost lost through apprehension, I, arrived at the hermitage, again overwhelmed with sorrow.
— M.N. Dutt (1891–94, public domain)
पदशब्दं तु मे श्रुत्वा मुनिर्वाक्यमभाषत। किं चिरायसि मे पुत्र पानीयं क्षिप्रमानय॥
padaśabdaṃ tu me śrutvā munirvākyamabhāṣata| kiṃ cirāyasi me putra pānīyaṃ kṣipramānaya||
Hearing my footsteps, the ascetic said, “Why, my son, delay you? Bring the drink at once.
— M.N. Dutt (1891–94, public domain)
यनिमित्तमिदं तात सलिले क्रीडितं त्वया। उत्कण्ठिता ते मातेयं प्रविश क्षिप्रमाश्रमम्॥
yanimittamidaṃ tāta salile krīḍitaṃ tvayā| utkaṇṭhitā te māteyaṃ praviśa kṣipramāśramam||
Your mother, O child, was exceedingly anxious in consequence of your sporting in the waters. Do you speedily enter the asylum.
— M.N. Dutt (1891–94, public domain)
यद् व्यलीकं कृतं पुत्र मात्रा ते यदि वा मया। न तन्मनसि कर्तव्यं त्वया तात तपस्विना॥
yad vyalīkaṃ kṛtaṃ putra mātrā te yadi vā mayā| na tanmanasi kartavyaṃ tvayā tāta tapasvinā||
O child, it behove you not to take to heart any unkind action that, O son, may have been done to you of high fame either by your mother or myself.
— M.N. Dutt (1891–94, public domain)
त्वं गतिस्त्वगतीनां च चक्षुस्त्वं हीनचक्षुषाम्। समासक्तास्त्वयि प्राणाः कथं त्वं नाभिभाषसे॥
tvaṃ gatistvagatīnāṃ ca cakṣustvaṃ hīnacakṣuṣām| samāsaktāstvayi prāṇāḥ kathaṃ tvaṃ nābhibhāṣase||
You are the resource of these helpless ones; you are the eyes of these bereft of their sight. was Our lives are bound up with you. Why do not answer?'
— M.N. Dutt (1891–94, public domain)
मुनिमव्यक्तया वाचा तमहं सज्जमानया। हीनव्यञ्जनया प्रेक्ष्य भीतचित्त इवाब्रुवम्॥ मनसः कर्म चेष्टाभिरभिसंस्तभ्य वाग्बलम्। आचचक्षे त्वंहं तस्मै पुत्रव्यसनजं भयम्॥
munimavyaktayā vācā tamahaṃ sajjamānayā| hīnavyañjanayā prekṣya bhītacitta ivābruvam|| manasaḥ karma ceṣṭābhirabhisaṃstabhya vāgbalam| ācacakṣe tvaṃhaṃ tasmai putravyasanajaṃ bhayam||
Seeing the ascetic with a choked utterance indistinctly speaking thus with the letters not articulated clearly, I, dashed in spirits, yet concealing the real state of my mind by assuming a doughty tongue, communicated to him the danger that had befallen him in consequence of the calamity of his son:
— M.N. Dutt (1891–94, public domain)
क्षत्रियोऽहं दशरथो नाहं पुत्रो महात्मनः। सज्जनावमतं दुःखमिदं प्राप्तं स्वकर्मजम् ॥
kṣatriyo'haṃ daśaratho nāhaṃ putro mahātmanaḥ| sajjanāvamataṃ duḥkhamidaṃ prāptaṃ svakarmajam ||
I am a Ksatriya, Dasaratha (by name), and no son of yours, O magnanimous one. I have come by a misfortune in consequence of an act blamed by the good.
— M.N. Dutt (1891–94, public domain)
भगवंश्चापहस्तोऽहं सरयूतीरमागतः। जिघांसुः श्वापदं किंचिनिपाने वागतं गजम्॥
bhagavaṃścāpahasto'haṃ sarayūtīramāgataḥ| jighāṃsuḥ śvāpadaṃ kiṃcinipāne vāgataṃ gajam||
O revered one, desirous of killing some beast of prey, and elephant (or some other), come to the waters, I went to the banks of the Sarayū bow in hand.
— M.N. Dutt (1891–94, public domain)
ततः श्रुतो मया शब्दो जले कुम्भस्य पूर्यतः। द्विपोऽयमिति मत्वाहं बाणेनाभिहतो मया॥ गत्वा तस्यास्ततस्तीरमपश्यमिषुणा हृदि। विनिर्भिन्नं गतप्राणं शयानं भुवि तापसम्॥
tataḥ śruto mayā śabdo jale kumbhasya pūryataḥ| dvipo'yamiti matvāhaṃ bāṇenābhihato mayā|| gatvā tasyāstatastīramapaśyamiṣuṇā hṛdi| vinirbhinnaṃ gataprāṇaṃ śayānaṃ bhuvi tāpasam||
Then hearing sounds from the water of a filling pitcher, I thought, This must be an elephant. I wounded it with a shaft. Next coming to the edge of the river, I saw an ascetic lying down on the ground almost deprived of life, with his heart pierced with an arrow.
— M.N. Dutt (1891–94, public domain)
ततस्तस्यैव वचनादुपेत्य परितप्यतः। स मया सहसा बाण उद्धृतो ममतस्तदा॥
tatastasyaiva vacanādupetya paritapyataḥ| sa mayā sahasā bāṇa uddhṛto mamatastadā||
Then coming forward, I in accordance with the direction given by him as he lay in agony, suddenly extracted the arrow from his vitals.
— M.N. Dutt (1891–94, public domain)
स चोद्धृतेन बाणेन सहसा स्वर्गमास्थितः। भगवन्तावुभौ शोचन्नन्धाविति विलप्य च॥
sa coddhṛtena bāṇena sahasā svargamāsthitaḥ| bhagavantāvubhau śocannandhāviti vilapya ca||
And as soon as the arrow had been extracted, he ascended heaven, O reverend sir, lamenting and bewailing you, both grown old.
— M.N. Dutt (1891–94, public domain)
अज्ञानाद् भवतः पुत्रः सहसाभिहतो मया। शेषमेवं गते यत्स्यात् तत् प्रसीदतु मे मुनिः॥
ajñānād bhavataḥ putraḥ sahasābhihato mayā| śeṣamevaṃ gate yatsyāt tat prasīdatu me muniḥ||
It is through ignorance that I suddenly wounded your son. This having been past, do you favour me with telling me what is now to be done, O ascetic.
— M.N. Dutt (1891–94, public domain)
स तच्छ्रुत्वा वचः क्रूरं मया तदघशंसिना। नाशकत् तीव्रमायासं स कर्तुं भगवानृषिः॥
sa tacchrutvā vacaḥ krūraṃ mayā tadaghaśaṃsinā| nāśakat tīvramāyāsaṃ sa kartuṃ bhagavānṛṣiḥ||
Having heard these cruel words, the worshipful ascetic could well by his curse consume me to ashes.
— M.N. Dutt (1891–94, public domain)
स बाष्पपूर्णवदनो निःश्वसशोकमूर्च्छितः। मामुवाच महातेजाः कृताञ्जलिमुपस्थितम्॥
sa bāṣpapūrṇavadano niḥśvasaśokamūrcchitaḥ| māmuvāca mahātejāḥ kṛtāñjalimupasthitam||
With eyes flooded with tears, and well nigh deprived of his senses by grief, that highly energetic one said to me standing with joined hands.
— M.N. Dutt (1891–94, public domain)
यद्येतदशुभं कर्म न स्म मे कथयेः स्वयम्। फलेन्मूर्धा स्म राजन् सद्यः शतसहस्रधा॥
yadyetadaśubhaṃ karma na sma me kathayeḥ svayam| phalenmūrdhā sma rājan sadyaḥ śatasahasradhā||
If, O king, you had not of yourself immediately communicated to us this unpleasant news, your head would have been reduced to a thousand flaws.
— M.N. Dutt (1891–94, public domain)
क्षत्रियेण वधो राजन् वानप्रस्थे विशेषतः। ज्ञानपूर्वं कृतः स्थानाच्च्यावयेदपि वज्रिणम्॥
kṣatriyeṇa vadho rājan vānaprasthe viśeṣataḥ| jñānapūrvaṃ kṛtaḥ sthānāccyāvayedapi vajriṇam||
Not to speak of Kștriyas, I can even drag the very wielder of the thunderbolt himself from his position, if he knowingly kills one, in especial, that has assumed the Vånaprastha mode of life.
— M.N. Dutt (1891–94, public domain)
सप्तधा तु भवेन्मूर्धा मुनौ तपसि तिष्ठति। ज्ञानाद् विसृजतः शस्त्रं तादृशे ब्रह्मवादिनि॥
saptadhā tu bhavenmūrdhā munau tapasi tiṣṭhati| jñānād visṛjataḥ śastraṃ tādṛśe brahmavādini||
Your head would have been severed in seven, if you had discharged the weapon knowingly at such an ascetic staying in austerities and versed in the Vedas.
— M.N. Dutt (1891–94, public domain)
अज्ञानाद्धि कृतं यस्मादिदं ते तेन जीवसे। अपि ह्यकुशलं न स्याद् राघवाणां कुतोभवान् ॥
ajñānāddhi kṛtaṃ yasmādidaṃ te tena jīvase| api hyakuśalaṃ na syād rāghavāṇāṃ kutobhavān ||
It is because you have done this through ignorance that you (still) live, else the race itself of the Rāghavas should be not, and where are you?
— M.N. Dutt (1891–94, public domain)
ते नय नौ नृप तं देशमिति मां चाभ्यभाषत। अद्य तं द्रष्टुमिच्छावः पुत्रं पश्चिमदर्शनम्॥
te naya nau nṛpa taṃ deśamiti māṃ cābhyabhāṣata| adya taṃ draṣṭumicchāvaḥ putraṃ paścimadarśanam||
He then said, 'Do you, o king, take us to the scene. To day will we look our last on our son besmeared with blood, his deer-skin garb falling off (from his body), lying senseless on the earth, and come under the subjection of the lord of righteousness.'
— M.N. Dutt (1891–94, public domain)
रुधिरेणावसिक्ताङ्गं प्रकीर्णाजिनवाससम्। शयानं भुवि निःसंज्ञं धर्मराजवशं गतम्॥ अथाहमेकस्तं देशं नीत्वा तौ भृशदुःखितौ। अस्पर्शयमहं पुत्रं तं मुनि सह भार्यया॥
rudhireṇāvasiktāṅgaṃ prakīrṇājinavāsasam| śayānaṃ bhuvi niḥsaṃjñaṃ dharmarājavaśaṃ gatam|| athāhamekastaṃ deśaṃ nītvā tau bhṛśaduḥkhitau| asparśayamahaṃ putraṃ taṃ muni saha bhāryayā||
Thereupon I alone taking them exceedingly disconsolate to the spot, made the ascetic and his wife touch their son.
— M.N. Dutt (1891–94, public domain)
तौ पुत्रमात्मनः स्पृष्ट्वा तमासाद्य तपस्विनौ। निपेततुः शरीरेऽस्य पिता चैनमुवाच ह॥
tau putramātmanaḥ spṛṣṭvā tamāsādya tapasvinau| nipetatuḥ śarīre'sya pitā cainamuvāca ha||
And having approached their son and touched him, ascetics fell on his person, and then his father addressed him thus.
— M.N. Dutt (1891–94, public domain)
नाभिवादयसे माऽद्य न च मामभिभाषसे। किं च शेषे तु भूमौ त्वं वत्स किं कुपितो ह्यसि।।३०।
nābhivādayase mā'dya na ca māmabhibhāṣase| kiṃ ca śeṣe tu bhūmau tvaṃ vatsa kiṃ kupito hyasi||30|
You salute me not to-day, nor did you speak to me. Why, my child, did you lie down on the ground? Art you angry (with us)?
— M.N. Dutt (1891–94, public domain)
नन्वहं तेऽप्रियः पुत्र मातरं पश्य धार्मिकीम्। किं च नालिङ्गसे पुत्र सुकुमार वचो वद॥
nanvahaṃ te'priyaḥ putra mātaraṃ paśya dhārmikīm| kiṃ ca nāliṅgase putra sukumāra vaco vada||
If, my son, you do not feel kindly to me, do you look up to your virtuous mother. And why, O son, do you not embrace me? Do you speak tender words.
— M.N. Dutt (1891–94, public domain)
कस्य वा पररात्रेऽहं श्रोष्यामि हृदयङ्गमम्। अधीयानस्य मधुरं शास्त्रं वान्यद् विशेषतः॥
kasya vā pararātre'haṃ śroṣyāmi hṛdayaṅgamam| adhīyānasya madhuraṃ śāstraṃ vānyad viśeṣataḥ||
At the small hours, form whom engaged in study, shall I hear the scriptures sweetly read in a way coming home to the listener's mind?
— M.N. Dutt (1891–94, public domain)
को मां संध्यामुपास्यैव स्नात्वा हुतहुताशनः। श्लाघयिष्यत्युपासीनः पुत्रशोकभयादितम् ॥
ko māṃ saṃdhyāmupāsyaiva snātvā hutahutāśanaḥ| ślāghayiṣyatyupāsīnaḥ putraśokabhayāditam ||
Who, having performed his daily devotions and offered oblation to the sacrificial fire, will bathe me, afflicted with grief for my son?
— M.N. Dutt (1891–94, public domain)
कन्दमूलफलं हृत्वा यो मां प्रियमिवातिथिम्। भोजयिष्यत्यकर्मण्यमप्रग्रहमनायकम्॥
kandamūlaphalaṃ hṛtvā yo māṃ priyamivātithim| bhojayiṣyatyakarmaṇyamapragrahamanāyakam||
Who procuring Kandas, fruits and roots, will feed me like an welcome guest, incapable of and doing anything and furnishing provisions, and without any one to take care of myself.?
— M.N. Dutt (1891–94, public domain)
इमामन्धां च वृद्धां च मातरं ते तपस्विनीम्। कथं पुत्र भरिष्यामि कृपणां पुत्रगर्धिनीम्॥
imāmandhāṃ ca vṛddhāṃ ca mātaraṃ te tapasvinīm| kathaṃ putra bhariṣyāmi kṛpaṇāṃ putragardhinīm||
And, my son, how will I maintain this blind ascetic mother of yours, proud of her son, who is passing her days in misery?
— M.N. Dutt (1891–94, public domain)
तिष्ठ मा मा गमः पुत्र यमस्य सदनं प्रति। श्वो मया सह गन्तासि जनन्या च समेधितः॥
tiṣṭha mā mā gamaḥ putra yamasya sadanaṃ prati| śvo mayā saha gantāsi jananyā ca samedhitaḥ||
Do you stay my son, in my behalf. Tomorrow you will go to Yama's mansion with me and your mother.
— M.N. Dutt (1891–94, public domain)
उभावपि च शोकार्तावनाथौ कृपणौ वने। क्षिप्रमेव गमिष्यावस्त्वया हीनौ यमक्षयम्॥
ubhāvapi ca śokārtāvanāthau kṛpaṇau vane| kṣiprameva gamiṣyāvastvayā hīnau yamakṣayam||
Distressed with grief and rendered miserable in the forest, both of us deprived of you shall soon repair to the abode of Yama.
— M.N. Dutt (1891–94, public domain)
ततो वैवस्वतं दृष्ट्वा तं प्रवक्ष्यामि भारतीम्। क्षमतां धर्मराजो मे बिभृयात् पितरावयम्॥
tato vaivasvataṃ dṛṣṭvā taṃ pravakṣyāmi bhāratīm| kṣamatāṃ dharmarājo me bibhṛyāt pitarāvayam||
Seeing Vivasvata's son, I will say to him, Do you, O lord of justice forgive me, and let this my son, continue to maintain us, his parents.
— M.N. Dutt (1891–94, public domain)
दातुमर्हति धर्मात्मा लोकपालो महायशाः। ईदृशस्य ममाक्षय्यामेकामभयदक्षिणाम्॥
dātumarhati dharmātmā lokapālo mahāyaśāḥ| īdṛśasya mamākṣayyāmekāmabhayadakṣiṇām||
It behove you, O righteous and illustrious guardian of the words, to confer on me reduced to such a pass this one enduring dakşiņā capable of removing our fear.
— M.N. Dutt (1891–94, public domain)
अपापोऽसि यथा पुत्र निहतः पापकर्मणा। तेन सत्येन गच्छाशु ये लोकास्त्वस्त्रयोधिनाम्॥ यां हि शूरा गतिं यान्ति संग्रामेष्वनिवर्तिनः। हतास्त्वभिमुखाः पुत्र गतिं तां परमां व्रज॥
apāpo'si yathā putra nihataḥ pāpakarmaṇā| tena satyena gacchāśu ye lokāstvastrayodhinām|| yāṃ hi śūrā gatiṃ yānti saṃgrāmeṣvanivartinaḥ| hatāstvabhimukhāḥ putra gatiṃ tāṃ paramāṃ vraja||
You, my son, are sinless, although slain by this one who has done an unrighteous act; and by the force of this truth , do you repair to the world of warriors. Do you, O son, go the supreme way that is gone by heroes who without turning back from the fight, are slain in open encounter.
— M.N. Dutt (1891–94, public domain)
यां गतिं सगरः शैब्यो दिलीपो जनमेजयः। नहुषो धुन्धुमारश्च प्राप्तास्तां गच्छ पुत्रक॥
yāṃ gatiṃ sagaraḥ śaibyo dilīpo janamejayaḥ| nahuṣo dhundhumāraśca prāptāstāṃ gaccha putraka||
Do you, O son, go the way that has been gone by Sagara and Saivya and Dilīpa and Janamejaya and Nahusa and Dhundhumāra.
— M.N. Dutt (1891–94, public domain)
या गतिः सर्वभूतानां स्वाध्यायात् तपसश्च या। भूमिदस्याहिताग्नेश्च एकपत्नीव्रतस्य च ॥ गोसहस्रप्रदातॄणां गुरुसेवाभृतामपि। देहन्यासकृतां या च तां गतिं गच्छ पुत्रक॥
yā gatiḥ sarvabhūtānāṃ svādhyāyāt tapasaśca yā| bhūmidasyāhitāgneśca ekapatnīvratasya ca || gosahasrapradātṝṇāṃ gurusevābhṛtāmapi| dehanyāsakṛtāṃ yā ca tāṃ gatiṃ gaccha putraka||
Do you, O son, go the way that is gone by all creatures, even by ascetics engaged in the study of the Veda, by bestowers of lands, by those performing fire-sacrifices, by individuals each devoted to a single wife, men giving away a thousand kine, persons tending their preceptors, and individuals renouncing lives by fasting.
— M.N. Dutt (1891–94, public domain)
न हि त्वस्मिन् कुले जातो गच्छत्यकुशलां गतिम्। स तु यास्यति येन त्वं निहतो मम बान्धवः॥
na hi tvasmin kule jāto gacchatyakuśalāṃ gatim| sa tu yāsyati yena tvaṃ nihato mama bāndhavaḥ||
He that is born in such a race cannot come by any evil case. Such a condition be his that has taken the life of you, my friend.'
— M.N. Dutt (1891–94, public domain)
एवं स कृपणं तत्र पर्यदेवयतासकृत्। तथोक्त्वा कर्तुमुदकं प्रवृत्तः सह भार्यया॥
evaṃ sa kṛpaṇaṃ tatra paryadevayatāsakṛt| tathoktvā kartumudakaṃ pravṛttaḥ saha bhāryayā||
Having thus piteously wept, he along with his wife set about performing the watery rites on behalf of his son.
— M.N. Dutt (1891–94, public domain)
स तु दिव्येन रूपेण मुनिपुत्रः स्वकर्मभिः। स्वर्गमध्यारुहत् क्षिप्रं शक्रेण सह धर्मवित्॥
sa tu divyena rūpeṇa muniputraḥ svakarmabhiḥ| svargamadhyāruhat kṣipraṃ śakreṇa saha dharmavit||
Thereupon speedily assuming a celestial shape, the virtuous son of the ascetic by his own actions ascended heaven in company with Sakra.
— M.N. Dutt (1891–94, public domain)
आबभाषे च तौ वृद्धौ शक्रेण सह तापसः। आश्वस्य च मुहूर्तं तु पितरं वाक्यमब्रवीत्॥
ābabhāṣe ca tau vṛddhau śakreṇa saha tāpasaḥ| āśvasya ca muhūrtaṃ tu pitaraṃ vākyamabravīt||
Then (returning) along with Sakra, the ascetic comforting his aged parents, addressed them, sa ing.
— M.N. Dutt (1891–94, public domain)
स्थानमस्मि महत् प्राप्तो भवतोः परिचारणात्। भवन्तावपि च क्षिप्रं मम मूलमुपैष्यथः॥
sthānamasmi mahat prāpto bhavatoḥ paricāraṇāt| bhavantāvapi ca kṣipraṃ mama mūlamupaiṣyathaḥ||
I have attained a high state in consequence of having served you. Do you also without delay come to me.
— M.N. Dutt (1891–94, public domain)
एवमुक्त्वा तु दिव्येन विमानेन वपुष्मता। मामुवाच महातेजाः आरुरोह दिवं क्षिप्रं मुनिपुत्रो जितेन्द्रियः॥
evamuktvā tu divyena vimānena vapuṣmatā| māmuvāca mahātejāḥ āruroha divaṃ kṣipraṃ muniputro jitendriyaḥ||
Having said this, the ascetic's son of restrained sense ascended heaven by means of an excellent and commodious car.
— M.N. Dutt (1891–94, public domain)
स कृत्वाथोदकं तूर्णं तापसः सह भार्यया। कृताञ्जलिमुपस्थितम्॥
sa kṛtvāthodakaṃ tūrṇaṃ tāpasaḥ saha bhāryayā| kṛtāñjalimupasthitam||
Having performed the watery rites, the highly energetic ascetic along with his wife speedily said to me staying with joined hands.
— M.N. Dutt (1891–94, public domain)
अद्यैव जहि मां राजन् मरणे नास्ति मे व्यथा। यः शरेणैकपुत्रं मां त्वमकार्षीरपुत्रकम्॥
adyaiva jahi māṃ rājan maraṇe nāsti me vyathā| yaḥ śareṇaikaputraṃ māṃ tvamakārṣīraputrakam||
Do you, O monarch, slay me on the instant. I do not grieve to die', you have by your shaft rendered me who had an only son, absolutely sonless.
— M.N. Dutt (1891–94, public domain)
त्वयापि च यदज्ञानानिहतो मे स बालकः। तेन त्वामपि शप्स्येऽहं सुदुःखमतिदारुणम्॥ पुत्रव्यसनजं दुःखं यदेतन्मम साम्प्रतम्। एवं त्वं पुत्रशोकेन राजन् कालं करिष्यसि ॥
tvayāpi ca yadajñānānihato me sa bālakaḥ| tena tvāmapi śapsye'haṃ suduḥkhamatidāruṇam|| putravyasanajaṃ duḥkhaṃ yadetanmama sāmpratam| evaṃ tvaṃ putraśokena rājan kālaṃ kariṣyasi ||
Since this sorrow arising from the calamity that has befallen my son, is at present mine (through your instrumentality), I curse you. You shall even in this way find your death from grief born of separation from your son.
— M.N. Dutt (1891–94, public domain)
अज्ञानात्तु हतो यस्मात् क्षत्रियेण त्वया मुनिः। तस्मात् त्वां नाविशत्याशु ब्रह्महत्या नराधिप॥ त्वामप्येतादृशो भावः क्षिप्रमेव गमिष्यति। जीवितान्तकरो घोरो दातारमिव दक्षिणाम्॥
ajñānāttu hato yasmāt kṣatriyeṇa tvayā muniḥ| tasmāt tvāṃ nāviśatyāśu brahmahatyā narādhipa|| tvāmapyetādṛśo bhāvaḥ kṣiprameva gamiṣyati| jīvitāntakaro ghoro dātāramiva dakṣiṇām||
As you a Kşatriya has through ignorance slain an ascetic, the sin, O lord of men, of slaying a Brāhmaṇa will not envelope you speedily; but you shall shortly come by this dreadful and mortal condition, like a donor of Dakşiņās (coming by the things given away).'
— M.N. Dutt (1891–94, public domain)
एवं शापं मयि न्यस्य विलप्य करुणं बहु। चितामारोप्य देहं तन्मिथुनं स्वर्गमभ्ययात्॥
evaṃ śāpaṃ mayi nyasya vilapya karuṇaṃ bahu| citāmāropya dehaṃ tanmithunaṃ svargamabhyayāt||
Having thus inflicted on me the curse and piteously lamented long, the coupe ascended the funeral pile and went to heaven.
— M.N. Dutt (1891–94, public domain)
तदेतच्चिन्तयानेन स्मृतं पापं मया स्वयम्। तदा बाल्यात् कृतं देवि शब्दवेध्यनुकर्षिणा॥
tadetaccintayānena smṛtaṃ pāpaṃ mayā svayam| tadā bālyāt kṛtaṃ devi śabdavedhyanukarṣiṇā||
O noble dame, the crime that I hitting by help of sound, had committed in my boyhood, has reverted to my recollection in course of thought.
— M.N. Dutt (1891–94, public domain)
तस्यायं कर्मणो देवि विपाकः समुपस्थितः। अपथ्यैः सह सम्भुक्ते व्याधिरनरसे यथा॥ तस्मान्मामागतं भद्रे तस्योदारस्य तद् वचः।
tasyāyaṃ karmaṇo devi vipākaḥ samupasthitaḥ| apathyaiḥ saha sambhukte vyādhiranarase yathā|| tasmānmāmāgataṃ bhadre tasyodārasya tad vacaḥ|
O exalted lady, even as a disease generated by one's taking rice with unhealthy curry, this danger is imminent in consequence of that act. O gentle one, the words of that noble-minded person are about to be verified in me.
— M.N. Dutt (1891–94, public domain)
इत्युक्त्वा स रुदंस्त्रस्तो भार्यामाह तु भूमिपः॥ यदहं पुत्रशोकेन संत्यजिष्यामि जीवितम्। चक्षुभ्यां त्वां न पश्यामि कौसल्ये त्वं हि मां स्पृश।।
ityuktvā sa rudaṃstrasto bhāryāmāha tu bhūmipaḥ|| yadahaṃ putraśokena saṃtyajiṣyāmi jīvitam| cakṣubhyāṃ tvāṃ na paśyāmi kausalye tvaṃ hi māṃ spṛśa||
Having said this and weeping, the king said to his wife, “I shall renounce life through grief for my son. And I shall no more behold you with my eyes. Do you, O Kausalyā, touch me."
— M.N. Dutt (1891–94, public domain)
यमक्षयमनुप्राप्ता द्रक्ष्यन्ति नहि मानवाः। यदि मां संस्पृशेद् रामः सकृदन्वारभेत वा॥
yamakṣayamanuprāptā drakṣyanti nahi mānavāḥ| yadi māṃ saṃspṛśed rāmaḥ sakṛdanvārabheta vā||
People going to the mansion of Yama no more behold (their friends): If Rama touch me directly or otherwise, obtain the exchequer, and be installed as the heir-apparent, Meseems, I may yet live.
— M.N. Dutt (1891–94, public domain)
धनं वा यौवराज्यं वा जीवेयमिति मे मतिः। न तन्मे सदृशं देवि यन्मया राघवे कृतम्॥ सदृशं तत्तु तस्यैव यदनेन कृतं मयि।
dhanaṃ vā yauvarājyaṃ vā jīveyamiti me matiḥ| na tanme sadṛśaṃ devi yanmayā rāghave kṛtam|| sadṛśaṃ tattu tasyaiva yadanena kṛtaṃ mayi|
O noble lady, what I have done to Rāghava in not surely like myself; but what (on the other hand) he has done by me is worthy of him.
— M.N. Dutt (1891–94, public domain)
दुर्वृत्तमपि कः पुत्रं त्यजेद् भुवि विचक्षणः॥ कश्च प्रव्राज्यमानो वा नासूयेत् पितरं सुतः।
durvṛttamapi kaḥ putraṃ tyajed bhuvi vicakṣaṇaḥ|| kaśca pravrājyamāno vā nāsūyet pitaraṃ sutaḥ|
What sensible man for sake his son, albeit he may be wicked? And what son being banished, does not bear ill will towards his father?
— M.N. Dutt (1891–94, public domain)
चक्षुषा त्वां न पश्यामि स्मृतिर्मम विलुप्यते॥ दूता वैवस्वतस्यैते कौसल्ये त्वरयन्ति माम्।
cakṣuṣā tvāṃ na paśyāmi smṛtirmama vilupyate|| dūtā vaivasvatasyaite kausalye tvarayanti mām|
But I do not see you with my eyes, and my memory fails. These envoys of Vivasvata's son, OKausalya, urge speed upon me.
— M.N. Dutt (1891–94, public domain)
अतस्तु किं दुःखतरं यदहं जीवितक्षये॥ नहि पश्यामि धर्मज्ञं रामं सत्यपराक्रमम्।
atastu kiṃ duḥkhataraṃ yadahaṃ jīvitakṣaye|| nahi paśyāmi dharmajñaṃ rāmaṃ satyaparākramam|
What can be an object of greater regret than that I during my last moments cannot behold the righteous Rāma having truth for prowess?
— M.N. Dutt (1891–94, public domain)
तस्य दर्शनजः शोकः सुतस्याप्रतिकर्मणः॥ उच्छोषयति वै प्राणान् वारि स्तोकमिवातपः।
tasya darśanajaḥ śokaḥ sutasyāpratikarmaṇaḥ|| ucchoṣayati vai prāṇān vāri stokamivātapaḥ|
Even as the sun dried up a drop of water, grief for not seeing my son of incomparable acts dried my spirits.
— M.N. Dutt (1891–94, public domain)
न ते मनुष्या देवास्ते ये चारुशुभकुण्डलम्॥ मुखं द्रक्ष्यन्ति रामस्य वर्षे पञ्चदशे पुनः।
na te manuṣyā devāste ye cāruśubhakuṇḍalam|| mukhaṃ drakṣyanti rāmasya varṣe pañcadaśe punaḥ|
Those are not men, those are gods who in the fifteenth year shall again behold Rāma's countenance graced with elegant and burnished ear-rings.
— M.N. Dutt (1891–94, public domain)
पद्मपत्रेक्षणं सुभ्र सुदंष्ट्रं चारुनासिकम्॥ धन्या द्रक्ष्यन्ति रामस्य ताराधिपसमं मुखम्।
padmapatrekṣaṇaṃ subhra sudaṃṣṭraṃ cārunāsikam|| dhanyā drakṣyanti rāmasya tārādhipasamaṃ mukham|
O you of graceful eye-brows, blessed are they who shall behold Rāma's countenance furnished with eyes resembling lotus-petals, with excellent teeth and a shapely nose, like to the lord of the stars himself.
— M.N. Dutt (1891–94, public domain)
सदृशं शारदस्येन्दोः फुल्लस्य कमलस्य च॥ सुगन्धि मम रामस्य धन्या द्रक्ष्यन्ति ये मुखम्। निवृत्तवनवासं तमयोध्यां पुनरागतम्॥ द्रक्ष्यन्ति सुखिनो रामं शुक्रं मार्गगतं तथा।
sadṛśaṃ śāradasyendoḥ phullasya kamalasya ca|| sugandhi mama rāmasya dhanyā drakṣyanti ye mukham| nivṛttavanavāsaṃ tamayodhyāṃ punarāgatam|| drakṣyanti sukhino rāmaṃ śukraṃ mārgagataṃ tathā|
Blessed are they that shall behold that fragrant face of his like to the autumnal moon, or the fullblown lotus. Thrice-blessed they who with delighted hearts, shall behold Rāma returned from the forest and come back to Ayodhyā, like to Sukra crowning the zenith?
— M.N. Dutt (1891–94, public domain)
कौसल्ये चित्तमोहेन हृदयं सीदतेतराम्॥ वेदये न च संयुक्ताशब्दस्पर्शरसानहम्। चित्तनाशाद् विपद्यन्ते सर्वाण्येवेन्द्रियाणि हि। क्षीणस्नेहस्य दीपस्य संरक्ता रश्मयो यथा॥
kausalye cittamohena hṛdayaṃ sīdatetarām|| vedaye na ca saṃyuktāśabdasparśarasānaham| cittanāśād vipadyante sarvāṇyevendriyāṇi hi| kṣīṇasnehasya dīpasya saṃraktā raśmayo yathā||
O Kausalyā, my heart is weighed down with grief; and I do not perceive objects of hearing, feeling, or taste. My senses are growing dim in consequence of the mental stupor, like the rays of a lamp reduced to smoke, becoming dim when the oil has been exhausted.
— M.N. Dutt (1891–94, public domain)
अयमात्मभवः शोको मामनाथमचेतनम्। संसाधयति वेगेन यथा कूलं नदीरयः॥
ayamātmabhavaḥ śoko māmanāthamacetanam| saṃsādhayati vegena yathā kūlaṃ nadīrayaḥ||
As the violence of a river wears away its banks, my grief occasioned through my own agency is destroying me, who am helpless and insensible.
— M.N. Dutt (1891–94, public domain)
हा राघव महाबाहो हा ममायासनाशन। हा पितृप्रिय मे नाथ हा ममासि गतः सुत । ७५ ।।
hā rāghava mahābāho hā mamāyāsanāśana| hā pitṛpriya me nātha hā mamāsi gataḥ suta | 75 ||
O mighty-armed Rāghava! O you remover of my troubles! O you that do delight in your father! you are my stay, O my son, that have gone away.
— M.N. Dutt (1891–94, public domain)
हा कौसल्ये न पश्यामि हा सुमित्रे तपस्विनि। हा नृशंसे ममामित्रे कैकेयि कुलपांसनि॥
hā kausalye na paśyāmi hā sumitre tapasvini| hā nṛśaṃse mamāmitre kaikeyi kulapāṃsani||
O Kausalyā, I do not see. O wretched Sumitrā! O cruel one, you enemy of mine, you Kaikeyī, who have befouled your line!
— M.N. Dutt (1891–94, public domain)
इति मातुश्च रामस्य सुमित्रायाश्च संनिधौ। राजा दशरथः शोचञ्जीवितान्तमुपागमत्॥
iti mātuśca rāmasya sumitrāyāśca saṃnidhau| rājā daśarathaḥ śocañjīvitāntamupāgamat||
Having thus lamented in presence of Rāma's mother and Sumitrā, king Daſaratha breathed his last.
— M.N. Dutt (1891–94, public domain)
तथा तु दीनः कथयन् नराधिपः प्रियस्य पुत्रस्य विवासनातुरः। स्तदा जहौ प्राणमुदारदर्शनः। ७८ ।।
tathā tu dīnaḥ kathayan narādhipaḥ priyasya putrasya vivāsanāturaḥ| stadā jahau prāṇamudāradarśanaḥ| 78 ||
Thus that distressed lord of men, smitten with 1e exile of his beloved son, that one possessed fa gracious presence, when the night had been alf spent, wrought up with the violence of his notion, departed this life.
— M.N. Dutt (1891–94, public domain)