Siraatअयोध्याकाण्डः सर्गः 91
70 verses
कृतबुद्धिं निवासाय तत्रैव स मुनिस्तदा। भरतं केकयीपुत्रमातिथ्येन न्यमन्त्रयत्॥
kṛtabuddhiṃ nivāsāya tatraiva sa munistadā| bharataṃ kekayīputramātithyena nyamantrayat||
Then the ascetic asked Bharata, the son of Kaikeyi, when he had decided for staying there, to receive his hospitality.
— M.N. Dutt (1891–94, public domain)
अब्रवीद् भरतस्त्वेनं नन्विदं भवता कृतम्। पाद्यमय॑मथातिथ्यं वने यदुपपद्यते॥
abravīd bharatastvenaṃ nanvidaṃ bhavatā kṛtam| pādyamaya̭mathātithyaṃ vane yadupapadyate||
Thereat Bharata said, “You have for certain done this, (have offered me) water for washing my feet, Arghya, and hospitality with what can be procured in the forest.
— M.N. Dutt (1891–94, public domain)
अथोवाच भरद्वाजो भरतं प्रहसन्निव। जाने त्वां प्रीतिसंयुक्तं तुष्येस्त्वं येन केनचित्॥
athovāca bharadvājo bharataṃ prahasanniva| jāne tvāṃ prītisaṃyuktaṃ tuṣyestvaṃ yena kenacit||
Then Bharadvāja as if in jest, said to Bharata, "I know you to be of a complacent disposition; and that you are pleased with anything and everything."
— M.N. Dutt (1891–94, public domain)
सेनायास्तु तवैवास्याः कर्तुमिच्छामि भोजनम्। मम प्रीतियथारूपा त्वमर्हो मनुजर्षभ॥
senāyāstu tavaivāsyāḥ kartumicchāmi bhojanam| mama prītiyathārūpā tvamarho manujarṣabha||
But I wish to feast your forces. And, O best of men, it behoves you to act in harmony with my desire.
— M.N. Dutt (1891–94, public domain)
किमर्थं चापि निक्षिप्य दूरे बलमिहागतः। कस्मान्नेहोपयातोऽसि सबलः पुरुषर्षभ॥
kimarthaṃ cāpi nikṣipya dūre balamihāgataḥ| kasmānnehopayāto'si sabalaḥ puruṣarṣabha||
Why did you coming higher, leave your army at a distance:? And, you man of men, why did you not come accompanied with your forces?
— M.N. Dutt (1891–94, public domain)
भरतः प्रत्युवाचेदं प्राञ्जलिस्तं तपोधनम्। न सैन्येनोपयातोऽस्मि भगवन् भगवद्भयात्॥
bharataḥ pratyuvācedaṃ prāñjalistaṃ tapodhanam| na sainyenopayāto'smi bhagavan bhagavadbhayāt||
Bharata replied to him, saying, “I had not come accompanied with my forces, from fear of you, O reverend Sir.”
— M.N. Dutt (1891–94, public domain)
राज्ञा हि भगवन् नित्यं राजपुत्रेण वा तथा। यत्नतः परिहर्तव्या विषयेषु तपस्विनः॥
rājñā hi bhagavan nityaṃ rājaputreṇa vā tathā| yatnataḥ parihartavyā viṣayeṣu tapasvinaḥ||
O worshipful one, kings and their sons should always carefully avoid the regions of ascetics.
— M.N. Dutt (1891–94, public domain)
वाजिमुख्या मनुष्याश्च मत्ताश्च वरवारणाः। प्रच्छाद्य भगवन् भूमिं महतीमनुयान्ति माम्॥
vājimukhyā manuṣyāśca mattāśca varavāraṇāḥ| pracchādya bhagavan bhūmiṃ mahatīmanuyānti mām||
Choice steeds, men, and mad elephants of the best kind, covering a spacious tract of country, come in my train, respected Sir.
— M.N. Dutt (1891–94, public domain)
ते वृक्षानुदकं भूमिमाश्रमेषूटजांस्तथा। न हिंस्युरिति तेनाहमेक एवागतस्ततः॥
te vṛkṣānudakaṃ bhūmimāśrameṣūṭajāṃstathā| na hiṃsyuriti tenāhameka evāgatastataḥ||
That these might not injure trees or water or the grounds of the cottages pertaining to the asylums, have I come hither alone.
— M.N. Dutt (1891–94, public domain)
आनीयतामितः सेनेत्याज्ञप्तः परमर्षिणा। तथानुचक्रे भरतः सेनायाः समुपागमम्॥
ānīyatāmitaḥ senetyājñaptaḥ paramarṣiṇā| tathānucakre bharataḥ senāyāḥ samupāgamam||
"Bring the forces here,", thus desired by the mighty ascetic, Bharata accordingly caused the troops to be brought in.
— M.N. Dutt (1891–94, public domain)
अग्निशालां प्रविश्याथ पीत्वापः परिमृज्य च। आतिथ्यस्य क्रियाहेतोर्विश्वकर्माणमाह्वयत्॥
agniśālāṃ praviśyātha pītvāpaḥ parimṛjya ca| ātithyasya kriyāhetorviśvakarmāṇamāhvayat||
Then entering the chamber of the sacrificial fire, (Bharadvāja) having sipped water and rubbed his lips therewith, invoked Viśvakarmā for the purpose of entertaining his guest.
— M.N. Dutt (1891–94, public domain)
आह्वये विश्वकर्माणमहं त्वष्टारमेव च। आतिथ्यं कर्तुमिच्छामि तत्र मे संविधीयताम्॥
āhvaye viśvakarmāṇamahaṃ tvaṣṭārameva ca| ātithyaṃ kartumicchāmi tatra me saṃvidhīyatām||
I invoke Visvakarmā; even Tvasta himself. I wish to entertain guests. Let him accomplish this for me.
— M.N. Dutt (1891–94, public domain)
आह्वयेलोकपालांस्त्रीन् देवाशक्रपुरोगमान्। आतिथ्यं कर्तुमिच्छामि तत्र मे संविधीयताम्॥
āhvayelokapālāṃstrīn devāśakrapurogamān| ātithyaṃ kartumicchāmi tatra me saṃvidhīyatām||
I invoke the three guardians of the worlds, gods headed by Sakra. I wish to entertain guests. Let them accomplish this for me,
— M.N. Dutt (1891–94, public domain)
प्राक्स्रोतसश्च या नद्यस्तिर्यक्स्रोतस एव च। पृथिव्यामन्तरिक्षे च समायान्त्वद्य सर्वशः॥
prāksrotasaśca yā nadyastiryaksrotasa eva ca| pṛthivyāmantarikṣe ca samāyāntvadya sarvaśaḥ||
Let those rivers that flow westwards, and those that move tortuously on the earth and in the sky, come hither in a body.
— M.N. Dutt (1891–94, public domain)
अन्याः स्रवन्तु मैरेयं सुरामन्याः सुनिष्ठिताम्। अपराश्चोदकं शीतमिक्षुकाण्डरसोपमम्॥
anyāḥ sravantu maireyaṃ surāmanyāḥ suniṣṭhitām| aparāścodakaṃ śītamikṣukāṇḍarasopamam||
And let others run Maireya, and others refined wine, and others again cool waters resembling the juice of the sugarcane.
— M.N. Dutt (1891–94, public domain)
आह्वये देवगन्धर्वान् विश्वावसुहहाहुहून्। तथैवाप्सरसो देवगन्धर्वैश्चापि सर्वशः॥
āhvaye devagandharvān viśvāvasuhahāhuhūn| tathaivāpsaraso devagandharvaiścāpi sarvaśaḥ||
I invoke the celestials and the Gandharvas and Viśvāvasu and Hahā and Huhu and also the divine Apsaras and Gandharvis all.
— M.N. Dutt (1891–94, public domain)
घृताचीमथ विश्वाची मिश्रकेशीमलम्बुषाम्। नागदत्तां च हेमां च सोमामद्रिकृतस्थलीम्॥
ghṛtācīmatha viśvācī miśrakeśīmalambuṣām| nāgadattāṃ ca hemāṃ ca somāmadrikṛtasthalīm||
And Ghịtâcī, Viśvācī, Misrakesi and Alambuşā; and Nāgadattā and Hemā and Somā residing in the mountain.
— M.N. Dutt (1891–94, public domain)
शक्रं याश्चोपतिष्ठन्ति ब्रह्माणं याश्च भामिनीः। सर्वास्तुम्बुरुणा सार्धमाह्वये सपरिच्छदाः॥
śakraṃ yāścopatiṣṭhanti brahmāṇaṃ yāśca bhāminīḥ| sarvāstumburuṇā sārdhamāhvaye saparicchadāḥ||
And those ladies that attend Sakra, and those that attend Brahmā. I invoke all these females well attired, in company with Tumuru.
— M.N. Dutt (1891–94, public domain)
वनं कुरुषु यद् दिव्यं वासोभूषणपत्रवत्। दिव्यनारीफलं शश्वत् तत्कौबेरमिहैव तु॥
vanaṃ kuruṣu yad divyaṃ vāsobhūṣaṇapatravat| divyanārīphalaṃ śaśvat tatkauberamihaiva tu||
And let that beautiful forest of Kubera in the north Kuru, having its foliage resembling attires and ornaments, and its fruits debonair damsels, exist even at this very spot.
— M.N. Dutt (1891–94, public domain)
इह भगवान् सोमो विधत्तामन्नमुत्तमम्। भक्ष्यं भोज्यं च चोष्यं च लेह्यं च विविधं बहु॥ विचित्राणि च माल्यानि पादपप्रच्युतानि च। सुरादीनि च पेयानि मांसानि विविधानि च।॥
iha bhagavān somo vidhattāmannamuttamam| bhakṣyaṃ bhojyaṃ ca coṣyaṃ ca lehyaṃ ca vividhaṃ bahu|| vicitrāṇi ca mālyāni pādapapracyutāni ca| surādīni ca peyāni māṃsāni vividhāni ca|||
And here let the worshipful Soma yield me excellent viands of diverse kinds in plenty; things; that may be eaten or enjoyed, sucked or licked; and variegated blossoms growing in the trees, and wines and (other) drinks, and meats of various kinds.
— M.N. Dutt (1891–94, public domain)
एवं समाधिना युक्तस्तेजसाप्रतिमेन च। शिक्षास्वरसमायुक्तं सुव्रतश्चाब्रवीन्मुनिः॥
evaṃ samādhinā yuktastejasāpratimena ca| śikṣāsvarasamāyuktaṃ suvrataścābravīnmuniḥ||
Thus, furnished with unrivalled ascetic energy, did that anchorite observing excellent vows, express himself orthoepically in consonance with Śikṣā.
— M.N. Dutt (1891–94, public domain)
मनसा ध्यायतस्तस्य प्रामुखस्य कृताञ्जलेः। आजग्मुस्तानि सर्वाणि दैवतानि पृथक् पृथक् ॥ मे
manasā dhyāyatastasya prāmukhasya kṛtāñjaleḥ| ājagmustāni sarvāṇi daivatāni pṛthak pṛthak || me
And as he sat with joined hands facing the west with a rapt mind, there came separately all those deities.
— M.N. Dutt (1891–94, public domain)
मलयं दर्दुरं चैव ततः स्वेदनुदोऽनिलः। उपस्पृश्य ववौ युक्त्या सुप्रियात्मा सुखं शिवः॥
malayaṃ darduraṃ caiva tataḥ svedanudo'nilaḥ| upaspṛśya vavau yuktyā supriyātmā sukhaṃ śivaḥ||
And then touching Malaya and Dardura, and laden (with perfumes), a delicious and welcome wind began to blow delightfully, removing sweat.
— M.N. Dutt (1891–94, public domain)
ततोऽभ्यवर्षन्त घना दिव्याः कुसुमवृष्टयः। देवदुन्दुभिघोषश्च दिक्षु सर्वासु शुश्रुवे॥
tato'bhyavarṣanta ghanā divyāḥ kusumavṛṣṭayaḥ| devadundubhighoṣaśca dikṣu sarvāsu śuśruve||
And the clouds poured down a pleasant shower of blossoms; and from all sides were heard sounds of celestial kettle-drums.
— M.N. Dutt (1891–94, public domain)
प्रववुश्चोत्तमा वाता ननृतुश्चाप्सरोगणाः। प्रजगुर्देवगन्धर्वा वीणाः प्रमुमुचुः स्वरान् ॥
pravavuścottamā vātā nanṛtuścāpsarogaṇāḥ| prajagurdevagandharvā vīṇāḥ pramumucuḥ svarān ||
And a rare breeze set in, and the multitudes of Apsaras danced; and the celestials and the Gandharvas sang, and the Vinas let out their notes.
— M.N. Dutt (1891–94, public domain)
स शब्दो द्यां च भूमी च प्राणिनां श्रवणानि च। विवेशोच्चावचः श्लक्ष्णः समो लयगुणान्वितः॥
sa śabdo dyāṃ ca bhūmī ca prāṇināṃ śravaṇāni ca| viveśoccāvacaḥ ślakṣṇaḥ samo layaguṇānvitaḥ||
And the dulcet sounds high and low furnished with Sama and measure, entered the Earth and the firmament and the ears of all creatures.
— M.N. Dutt (1891–94, public domain)
तस्मिन्नेवंगते शब्दे दिव्ये श्रोत्रसुखे नृणाम्। ददर्श भारतं सैन्यं विधानं विश्वकर्मणः॥
tasminnevaṃgate śabde divye śrotrasukhe nṛṇām| dadarśa bhārataṃ sainyaṃ vidhānaṃ viśvakarmaṇaḥ||
When that celestial symphony delightful to the ears of men, had thus developed itself, Bharata's forces saw the workmanship of Visvakarman.
— M.N. Dutt (1891–94, public domain)
बभूव हि समा भूमिः समन्तात् पञ्चयोजनम्। शाद्वलैर्बहुभिश्छन्ना नीलवैदूर्यसंनिभैः॥
babhūva hi samā bhūmiḥ samantāt pañcayojanam| śādvalairbahubhiśchannā nīlavaidūryasaṃnibhaiḥ||
That spot widening into a level plain measuring five Yojanas was covered with thick grass resembling blue lapises.
— M.N. Dutt (1891–94, public domain)
तस्मिन् बिल्वाः कपित्थाश्च पनसा बीजपूरकाः। आमलक्यो बभूवुश्च चूताश्च फलभूषिताः॥
tasmin bilvāḥ kapitthāśca panasā bījapūrakāḥ| āmalakyo babhūvuśca cūtāśca phalabhūṣitāḥ||
And on it stood Bilvas, and Kapitthas, Panasas, citrons, and Amalakas, and mangoes, embellished with fruits.
— M.N. Dutt (1891–94, public domain)
उत्तरेभ्यः कुरुभ्यश्च वनं दिव्योपभोगवत्। आजगाम नदी सौम्या तीरजैर्बहुभिर्वृता॥
uttarebhyaḥ kurubhyaśca vanaṃ divyopabhogavat| ājagāma nadī saumyā tīrajairbahubhirvṛtā||
From the north Kuru had spread a wood capable of conferring every enjoyment; and a beautiful river coursed through bordered by many a tree.
— M.N. Dutt (1891–94, public domain)
चतुःशालानि शुभ्राणि शालाश्च गजवाजिनाम्। हर्म्यप्रासादसंयुक्ततोरणानि शुभानि च॥ सितमेघनिभं चापि राजवेश्म सुतोरणम्। शुक्लमाल्यकृताकारं दिव्यगन्धसमुक्षितम्॥ चतुरस्रमसम्बाधं शयनासनयानवत्। दिव्यैः सर्वरसैर्युक्तं दिव्यभोजनवस्त्रवत्॥ उपकल्पितसर्वान्नं धौतनिर्मलभाजनम्। क्लृप्तसर्वासनं श्रीमत्स्वास्तीर्णशयनोत्तमम्॥
catuḥśālāni śubhrāṇi śālāśca gajavājinām| harmyaprāsādasaṃyuktatoraṇāni śubhāni ca|| sitameghanibhaṃ cāpi rājaveśma sutoraṇam| śuklamālyakṛtākāraṃ divyagandhasamukṣitam|| caturasramasambādhaṃ śayanāsanayānavat| divyaiḥ sarvarasairyuktaṃ divyabhojanavastravat|| upakalpitasarvānnaṃ dhautanirmalabhājanam| klṛptasarvāsanaṃ śrīmatsvāstīrṇaśayanottamam||
And there had arisen white edifices having four divisions; and stables for horses and elephants; and grand gateways belonging to places and mansions; and royal residences with graceful gates, resembling white clouds, bearing white garlands and washed with fragrant waters, having four corners, and spacious, fitted up with beds, seats, and vehicles, having every kind of excellent sapid food, stocked with excellent edibles and apparels, having every variety of food, possessing washed and bright vessels, with every description of seats, graceful, and accommodated with choice beds with coverlets.
— M.N. Dutt (1891–94, public domain)
प्रविवेश महाबाहुरनुज्ञातो महर्षिणा। वेश्म तद् रत्नसम्पूर्ण भरतः कैकयीसुतः॥ अनुजग्मुश्च ते सर्वे मन्त्रिणः सपुरोहिताः। बभूवुश्च मुदा युक्तास्तं दृष्ट्वा वेश्मसंविधिम्॥
praviveśa mahābāhuranujñāto maharṣiṇā| veśma tad ratnasampūrṇa bharataḥ kaikayīsutaḥ|| anujagmuśca te sarve mantriṇaḥ sapurohitāḥ| babhūvuśca mudā yuktāstaṃ dṛṣṭvā veśmasaṃvidhim||
Permitted by the Maharsi, Kaikeyi's son, Bharata, entered that mansion abounding in gems. And he was followed by the counsellors and the priests; and the latter beholding the arrangements of the palace, were filled with delight.
— M.N. Dutt (1891–94, public domain)
तत्र राजासनं दिव्यं व्यजनं छत्रमेव च। भरतो मन्त्रिभिः सार्धमभ्यवर्तत राजवत्॥
tatra rājāsanaṃ divyaṃ vyajanaṃ chatrameva ca| bharato mantribhiḥ sārdhamabhyavartata rājavat||
And Bharata in company with the counsellors there went round the august royal seat, the chowri, and the umbrella, worthy of a king. And having bowed down to Rāma, he worshipped that seat.
— M.N. Dutt (1891–94, public domain)
आसनं पूजयामास रामायाभिप्रणम्य च। वालव्यजनमादाय न्यषीदत् सचिवासने॥
āsanaṃ pūjayāmāsa rāmāyābhipraṇamya ca| vālavyajanamādāya nyaṣīdat sacivāsane||
And then holding the chowri of hair, he sat down on the seat of a minister.
— M.N. Dutt (1891–94, public domain)
आनुपूर्व्यानिषेदुश्च सर्वे मन्त्रिपुरोहिताः। ततः सेनापतिः पश्चात् प्रशास्ता च न्यषीदत॥
ānupūrvyāniṣeduśca sarve mantripurohitāḥ| tataḥ senāpatiḥ paścāt praśāstā ca nyaṣīdata||
Then the counsellors and priests seated themselves according to rank. And thereafter the general and the protector of the encampment (got themselves seated).
— M.N. Dutt (1891–94, public domain)
ततस्तत्र मुहूर्तेन नद्यः पायसकर्दमाः। उपातिष्ठन्त भरतं भरद्वाजस्य शासनात्॥
tatastatra muhūrtena nadyaḥ pāyasakardamāḥ| upātiṣṭhanta bharataṃ bharadvājasya śāsanāt||
Then at Bharadvāja's command, came into being near Bharata streams having Pāyasa for their slime.
— M.N. Dutt (1891–94, public domain)
आसामुभयतः कूलं पाण्डुमृत्तिकलेपनाः। रम्याश्चावसथा दिव्या ब्राह्मणस्य प्रसादजाः॥
āsāmubhayataḥ kūlaṃ pāṇḍumṛttikalepanāḥ| ramyāścāvasathā divyā brāhmaṇasya prasādajāḥ||
And at the pleasure of the Brāhmaṇa, on both their banks arose charming dwellings, covered with pale clay.
— M.N. Dutt (1891–94, public domain)
तेनैव च मुहूर्तेन दिव्याभरणभूषिताः। आगुर्विंशतिसाहस्रा ब्राह्मणा प्रहिताः स्त्रियः।॥
tenaiva ca muhūrtena divyābharaṇabhūṣitāḥ| āgurviṃśatisāhasrā brāhmaṇā prahitāḥ striyaḥ|||
And at that very moment there came twenty thousand women commissioned by Brahma, adorned with divine ornaments.
— M.N. Dutt (1891–94, public domain)
सुवर्णमणिमुक्तेन प्रवालेन च शोभिताः। आगुर्विंशतिसाहस्राः कुबेरप्रहिताः स्त्रियः॥ याभिर्गृहीतः पुरुषः सोन्माद इव लक्ष्यते।
suvarṇamaṇimuktena pravālena ca śobhitāḥ| āgurviṃśatisāhasrāḥ kuberaprahitāḥ striyaḥ|| yābhirgṛhītaḥ puruṣaḥ sonmāda iva lakṣyate|
And there came also twenty thousand females sent by Kuvera, decked out in gold and gems, pearls and corals. The sight of these was capable of filling men's mind with enchanting ravishment.
— M.N. Dutt (1891–94, public domain)
आगुर्विंशतिसाहस्रा नन्दनादप्सरोगणाः॥ नारदस्तुम्बुरुर्गोपः प्रभया सूर्यवर्चसः। एते गन्धर्वराजानो भरतस्याग्रतो जगुः॥
āgurviṃśatisāhasrā nandanādapsarogaṇāḥ|| nāradastumbururgopaḥ prabhayā sūryavarcasaḥ| ete gandharvarājāno bharatasyāgrato jaguḥ||
And there came from Nandana twenty thousand damsels; and Nārada and Tumburů and Gopa, resembling the sun in splendour. The Gandharba kings began to sing before Bharata.
— M.N. Dutt (1891–94, public domain)
अलम्बुषा मिश्रकेशी पुण्डरीकाथ वामना। उपानृत्यन्त भरतं भरद्वाजस्य शासनात्॥
alambuṣā miśrakeśī puṇḍarīkātha vāmanā| upānṛtyanta bharataṃ bharadvājasya śāsanāt||
And Alambusa, and Misrakesi, and Puņdarīka, and Vāmana danced before Bharata, at the command of Bharadvāja.
— M.N. Dutt (1891–94, public domain)
यानि माल्यानि देवेषु यानि चैत्ररथे वने। प्रयागे तान्यदृश्यन्त भरद्वाजस्य तेजसा॥
yāni mālyāni deveṣu yāni caitrarathe vane| prayāge tānyadṛśyanta bharadvājasya tejasā||
And those blossoms that are in the celestial regions, and that bloom in the forest of Caitraratha, became visible in Prayāga at the energy of Bharadvāja.
— M.N. Dutt (1891–94, public domain)
बिल्वा मार्दङ्गिका आसन् शम्याग्राहा बिभीतकाः। अश्वत्था नर्तकाश्चासन् भरद्वाजस्य तेजसा॥
bilvā mārdaṅgikā āsan śamyāgrāhā bibhītakāḥ| aśvatthā nartakāścāsan bharadvājasya tejasā||
And Vilwas did the office of players of the Mặdanga, and Bibhitakas, that of keepers of Soma, and Asvatthas became dancers, at the energy of Bharadvāja.
— M.N. Dutt (1891–94, public domain)
ततः सरलतालाश्च तिलकाः सतमालकाः। प्रहृष्टास्तत्र सम्पेतुः कुब्जा भूत्वाथ. वामनाः॥
tataḥ saralatālāśca tilakāḥ satamālakāḥ| prahṛṣṭāstatra sampetuḥ kubjā bhūtvātha. vāmanāḥ||
And Saralas, Tālas, Tilakas, and Tamālas, being delighted, became hump-backed ones and dwarfs.
— M.N. Dutt (1891–94, public domain)
शिंशपामलकी जम्बूर्याश्चान्याः कानने लताः। मालती मल्लिका जातियश्चान्याः कानने लताः। प्रमदाविग्रहं कृत्वा भरद्वाजाश्रमेऽवसन्॥
śiṃśapāmalakī jambūryāścānyāḥ kānane latāḥ| mālatī mallikā jātiyaścānyāḥ kānane latāḥ| pramadāvigrahaṃ kṛtvā bharadvājāśrame'vasan||
And Sinsapās, Āmalakīs, Jambūs and other plants of the forest, wearing the forms of females, stood at the mansion of Bharadvāja.
— M.N. Dutt (1891–94, public domain)
सुरां सुरापाः पिबत पायसं च बुभुक्षिताः। मांसानि च सुमेध्यानि भक्ष्यन्तां यो यदिच्छति॥
surāṃ surāpāḥ pibata pāyasaṃ ca bubhukṣitāḥ| māṃsāni ca sumedhyāni bhakṣyantāṃ yo yadicchati||
Let wine-drinkers drink wine, the hungry eat Pāyasa, and those that are inclined to it, feed on clean meat.
— M.N. Dutt (1891–94, public domain)
उच्छोद्य स्नापयन्ति स्म नदीतीरेषु वल्गुषु । अप्येकमेकं पुरुषं प्रमदाः सप्त चाष्ट च॥
ucchodya snāpayanti sma nadītīreṣu valguṣu | apyekamekaṃ puruṣaṃ pramadāḥ sapta cāṣṭa ca||
And every seven or eight females taking a man, bathed him on the lovely banks of the rivers.
— M.N. Dutt (1891–94, public domain)
संवाहन्त्यः समापेतुर्नार्यो विपुललोचनाः। परिमृज्य तदान्योन्यं पाययन्ति वराङ्गनाः॥
saṃvāhantyaḥ samāpeturnāryo vipulalocanāḥ| parimṛjya tadānyonyaṃ pāyayanti varāṅganāḥ||
And damsels furnished with expansive eyes, having wiped the persons (of the bathers), pressed their legs, and those magnificent women made them drink (wine).
— M.N. Dutt (1891–94, public domain)
हयान् गजान् खरानुष्ट्रांस्तथैव सुरभेः सुतान्। अभोजयन् वाहनपास्तेषां भोज्यं यथाविधि॥
hayān gajān kharānuṣṭrāṃstathaiva surabheḥ sutān| abhojayan vāhanapāsteṣāṃ bhojyaṃ yathāvidhi||
And the keepers duly fed excellent horses, elephants, camels and Surabhi's sons (oxen), with their (proper) food.
— M.N. Dutt (1891–94, public domain)
इखूश्च मधुलाजांश्च भोजयन्ति स्म वाहनान्। इक्ष्वाकुवरयोधानां चोदयन्तो महाबलाः॥
ikhūśca madhulājāṃśca bhojayanti sma vāhanān| ikṣvākuvarayodhānāṃ codayanto mahābalāḥ||
And some persons possessed of mighty strength, being directed thereto, fed the bearers of the foremost Ikşvāku warriors with sugercanes, honey, and fried paddy.
— M.N. Dutt (1891–94, public domain)
नाश्वबन्धोऽश्वमाजानान्न गजं कुञ्जरग्रहः। मत्तप्रमत्तमुदिता सा चमूस्तत्र सम्बभौ॥
nāśvabandho'śvamājānānna gajaṃ kuñjaragrahaḥ| mattapramattamuditā sā camūstatra sambabhau||
And the groom forgot his horse, and the elephant-keeper his elephant: that army there became transported with wine and exhilaration.
— M.N. Dutt (1891–94, public domain)
तर्पिताः सर्वकामैश्च रक्तचन्दनरुषिताः। अप्सरोगणसंयुक्ताः सैन्या वाचमुदीरयन्॥
tarpitāḥ sarvakāmaiśca raktacandanaruṣitāḥ| apsarogaṇasaṃyuktāḥ sainyā vācamudīrayan||
And sumptuously entertained with every enjoyment, with their bodies decked with red sandal, the soldiery in the company of bevies of Apsaras, exclaimed.
— M.N. Dutt (1891–94, public domain)
नैवायोध्यां गमिष्यामो न गमिष्याम दण्डकान्। कुशलं भरतस्यास्तु रामस्यास्तु तथा सुखम्॥
naivāyodhyāṃ gamiṣyāmo na gamiṣyāma daṇḍakān| kuśalaṃ bharatasyāstu rāmasyāstu tathā sukham||
To Ayodhyā will we not go, nor yet to Dandaka. Peace be to Bharata, and may Rāma reap happiness!
— M.N. Dutt (1891–94, public domain)
इति पादातयोधाश्च हस्त्यश्वारोहबन्धकाः। अनाथास्तं विधिं लब्ध्वा वाचमेतामुदीरयन्॥
iti pādātayodhāśca hastyaśvārohabandhakāḥ| anāthāstaṃ vidhiṃ labdhvā vācametāmudīrayan||
Thus did footmen and the riders and keepers of elephants and horses, as well as others, having experienced such a state, utter words.
— M.N. Dutt (1891–94, public domain)
सम्प्रहृष्टा विनेदुस्ते नरास्तत्र सहस्रशः। भरतस्यानुयातारः स्वर्गोऽयमिति चाब्रुवन्॥ नृत्यन्तश्च हसन्तश्च गायन्तश्चैव सैनिकाः। समन्तात् परिधावन्तो माल्योपेताः सहस्रशः॥
samprahṛṣṭā vineduste narāstatra sahasraśaḥ| bharatasyānuyātāraḥ svargo'yamiti cābruvan|| nṛtyantaśca hasantaśca gāyantaścaiva sainikāḥ| samantāt paridhāvanto mālyopetāḥ sahasraśaḥ||
And men by thousand, exceedinly delighted, sent up shouts. And saying. “This is heaven,” the retiune of Bharata, the soldiers, began to dance and laugh and sing; and bearing garlands, they on all sides rushed by thousands.
— M.N. Dutt (1891–94, public domain)
ततो भुक्तवतां तेषां तदन्नममृतोपमम्। दिव्यानुद्वीक्ष्य भक्ष्यांस्तानभवद् भक्षणे मतिः॥
tato bhuktavatāṃ teṣāṃ tadannamamṛtopamam| divyānudvīkṣya bhakṣyāṃstānabhavad bhakṣaṇe matiḥ||
And beholding the inviting viands resembling ambrosia, they although already fed, became desirous of eating once again.
— M.N. Dutt (1891–94, public domain)
प्रेष्याश्चेट्यश्च वध्वश्च बलस्थाश्चापि सर्वशः। बभूवुस्ते भृशं प्रीताः सर्वे चाहतवाससः॥
preṣyāśceṭyaśca vadhvaśca balasthāścāpi sarvaśaḥ| babhūvuste bhṛśaṃ prītāḥ sarve cāhatavāsasaḥ||
And wearing new clothes, all the servants, and maids, and females of the household, became exceedingly well pleased.
— M.N. Dutt (1891–94, public domain)
कुञ्जराश्च खगोष्ट्राश्च गोऽश्वाश्च मृगपक्षिणः। बभूवुः सुभृतास्तत्र नातो ह्यन्यमकल्पयम्॥
kuñjarāśca khagoṣṭrāśca go'śvāśca mṛgapakṣiṇaḥ| babhūvuḥ subhṛtāstatra nāto hyanyamakalpayam||
And elephants, and asses, camels, kine and horses, and beats and birds, being fed their fill, did not hunger after anything else.
— M.N. Dutt (1891–94, public domain)
नाशुक्लवासास्तत्रासीत् क्षुधितो मलिनोऽपि वा। रजसा ध्वस्तकेशो वा नरः कश्चिददृश्यत॥
nāśuklavāsāstatrāsīt kṣudhito malino'pi vā| rajasā dhvastakeśo vā naraḥ kaścidadṛśyata||
And there appeared no one who wore a soiled habit, or who was hungry, or melancholy, or whose hair was covered with dust.
— M.N. Dutt (1891–94, public domain)
आजैश्चापि,च वाराहैर्निष्ठानवरसंचयैः। फलनिषूहसंसिद्धैः सूपैर्गन्धरसान्वितैः॥ पुष्पध्वजवतीः पूर्णाः शुक्लस्यानस्य चाभितः। ददृशुर्विस्मितास्तत्र नरा लौहीः सहस्रशः॥
ājaiścāpi,ca vārāhairniṣṭhānavarasaṃcayaiḥ| phalaniṣūhasaṃsiddhaiḥ sūpairgandharasānvitaiḥ|| puṣpadhvajavatīḥ pūrṇāḥ śuklasyānasya cābhitaḥ| dadṛśurvismitāstatra narā lauhīḥ sahasraśaḥ||
And the people with wonder beheld before them vessels of precious metals by thousands graceful with chaplets of flowers, filled with essences of fruits and fragrant soups and curries and the flesh of goats and bears, and white rice.
— M.N. Dutt (1891–94, public domain)
बभूवुर्वनपार्वेषु कूपाः पायसकर्दमाः। ताश्च कामदुधा गावो दुमाश्चासन् मधुच्युतः॥
babhūvurvanapārveṣu kūpāḥ pāyasakardamāḥ| tāśca kāmadudhā gāvo dumāścāsan madhucyutaḥ||
And there were on the skirts of the wood wells having Pāyasa for their slime; and the kine yeilded whatever was asked and all the trees dropped honey.
— M.N. Dutt (1891–94, public domain)
वाप्यो मैरेयपूर्णाश्च मृष्टमांसचयैर्वृताः। प्रतप्तपिठरैश्चापि मार्गमायूरकौक्कुटैः॥
vāpyo maireyapūrṇāśca mṛṣṭamāṃsacayairvṛtāḥ| prataptapiṭharaiścāpi mārgamāyūrakaukkuṭaiḥ||
And the tanks were filled with Maireya as well as with clean hot meat of dear, peacocks, and cocks, dressed in pans.
— M.N. Dutt (1891–94, public domain)
पात्रीणां च सहस्राणि स्थालीनां नियुतानि च। न्यर्बुदानि च पात्राणि शातकुम्भमयानि च।७१।।
pātrīṇāṃ ca sahasrāṇi sthālīnāṃ niyutāni ca| nyarbudāni ca pātrāṇi śātakumbhamayāni ca|71||
And there were rice-holders by thousands, and curry-pots by hundred thousands, and golden vessels by Arbudas.
— M.N. Dutt (1891–94, public domain)
स्थाल्यः कुम्भ्यः करम्भ्यश्च दधिपूर्णाः सुसंस्कृताः। यौवनस्थस्य गौरस्य कपित्थस्य सुगन्धिनः॥ ह्रदाः पूर्णा रसालस्य दनः श्वेतस्य चापरे। बभूवुः पायसस्यान्ये शर्कराणां च संचयाः॥
sthālyaḥ kumbhyaḥ karambhyaśca dadhipūrṇāḥ susaṃskṛtāḥ| yauvanasthasya gaurasya kapitthasya sugandhinaḥ|| hradāḥ pūrṇā rasālasya danaḥ śvetasya cāpare| babhūvuḥ pāyasasyānye śarkarāṇāṃ ca saṃcayāḥ||
And there were pitchers and water-pots and cleaned vessels for churning curd, filled with the same. And there were tanks of savoury and yellow butter-milk, well-tempered. And there were tanks filled with Rasāla;* and others filled with milk, and with sugar. *A preparation of butter-milk.
— M.N. Dutt (1891–94, public domain)
कल्कांश्चूर्णकषायांश्च स्नानानि विविधानि च। ददृशुर्भाजनस्थानि तीर्थेषु सरितां नराः॥ शुक्लानंशुमतश्चापि दन्तधावनसंचयान्। शुक्लांश्चन्दनकल्कांश्च समुद्रेष्ववतिष्ठतः॥ दर्पणान् परिमृष्टांश्च वाससां चापि संचयान्। पादुकोपानहं चैव युग्मान्यत्र सहस्रशः॥ आञ्जनीः कङ्कतान् कूर्चाश्छत्राणि च धनूंषि च। मर्मत्राणानि चित्राणि शयनान्यासनानि च॥
kalkāṃścūrṇakaṣāyāṃśca snānāni vividhāni ca| dadṛśurbhājanasthāni tīrtheṣu saritāṃ narāḥ|| śuklānaṃśumataścāpi dantadhāvanasaṃcayān| śuklāṃścandanakalkāṃśca samudreṣvavatiṣṭhataḥ|| darpaṇān parimṛṣṭāṃśca vāsasāṃ cāpi saṃcayān| pādukopānahaṃ caiva yugmānyatra sahasraśaḥ|| āñjanīḥ kaṅkatān kūrcāśchatrāṇi ca dhanūṃṣi ca| marmatrāṇāni citrāṇi śayanānyāsanāni ca||
And men saw sediments, acrid powders and various others things in vessels, for the purpose of bath, on the terraces of tanks; and toothcleaning sticks of Ansuman and other (trees); and white sandal paste lying before; and cleaned mirros; and lots of cloths; and sandals; and shoes in pairs by thousand; and collyrium-pots; and combs; and brushes; and bows at some places; and mail; and various kinds of seats and beds.
— M.N. Dutt (1891–94, public domain)
प्रतिपानह्वदान् पूर्णान् खरोष्ट्रगजवाजिनाम्। अवगाह्य सुतीर्थांश्च ह्रदान् सोत्पलपुष्करान्। आकाशवर्णप्रतिमान् स्वच्छतोयान् सुखाप्लवान्॥ नीलवैदूर्यवर्णाश्च मृदून् यवससंचयान्। निर्वापार्थं पशूनां ते ददृशुस्तत्र सर्वशः।७९ ।।
pratipānahvadān pūrṇān kharoṣṭragajavājinām| avagāhya sutīrthāṃśca hradān sotpalapuṣkarān| ākāśavarṇapratimān svacchatoyān sukhāplavān|| nīlavaidūryavarṇāśca mṛdūn yavasasaṃcayān| nirvāpārthaṃ paśūnāṃ te dadṛśustatra sarvaśaḥ|79 ||
And they saw reservoirs for asses, camels, elephants, and horses, with easy descents, filled with water to assist their digestion; and pools furnished with lotuses, of the hue of the firmament, with transparent water, comfortable for ablutions; and tender (plots of) grass all around coloured like blue lapises, to serve as pasture for beasts.
— M.N. Dutt (1891–94, public domain)
'व्यस्मयन्त मनुष्यास्ते स्वप्नकल्पं तदद्भुतम्। दृष्ट्वाऽतिथ्यं कृतं तादृग् भरतस्य महर्षिणा॥
'vyasmayanta manuṣyāste svapnakalpaṃ tadadbhutam| dṛṣṭvā'tithyaṃ kṛtaṃ tādṛg bharatasya maharṣiṇā||
Witnessing the wonderful hospitality provided by the Maharşi Bharadvāja, like to a vision, the men marvelled.
— M.N. Dutt (1891–94, public domain)
इत्येवं रममाणानां देवानामिव नन्दने। भरद्वाजाश्रमे रम्ये सा रात्रिर्व्यत्यवर्तत ॥
ityevaṃ ramamāṇānāṃ devānāmiva nandane| bharadvājāśrame ramye sā rātrirvyatyavartata ||
Thus entertained like to celestials in Nandana, they passed the night at the hermitage of Bharadvāja.
— M.N. Dutt (1891–94, public domain)
प्रतिजग्मुश्च ता नद्यो गन्धर्वाश्च यथागतम्। भरद्वाजमनुज्ञाप्य ताश्च सर्वा वराङ्गनाः॥
pratijagmuśca tā nadyo gandharvāśca yathāgatam| bharadvājamanujñāpya tāśca sarvā varāṅganāḥ||
Then taking the permission of Bharadvāja, all the Gandharvas as well as the superb damsels went away as they had come.
— M.N. Dutt (1891–94, public domain)
स्तथैव दिव्यागुरुचन्दनोक्षिताः। तथैव दिव्या विविधाः स्रगुत्तमाः पृथग्विकीर्णा मनुजैः प्रमर्दिताः॥
stathaiva divyāgurucandanokṣitāḥ| tathaiva divyā vividhāḥ sraguttamāḥ pṛthagvikīrṇā manujaiḥ pramarditāḥ||
And the men remained intoxicated and highly inebriate with the liquor, their persons daubed with goodly aguru and sandal; and the various elegant garlands beautiful to behold, lay by themselves all around, crushed by the people.
— M.N. Dutt (1891–94, public domain)