Siraatअरण्यकाण्डः सर्गः 49
35 verses
सीताया वचनं श्रुत्वा दशग्रीवः प्रतापवान्। हस्ते हस्तं समाहत्य चकार सुमहद् वपुः॥
sītāyā vacanaṃ śrutvā daśagrīvaḥ pratāpavān| haste hastaṃ samāhatya cakāra sumahad vapuḥ||
Hearing those words of Sītā the highly powerful Ten necked one striking his hands together, increased his body too high.
— M.N. Dutt (1891–94, public domain)
स मैथिली पुनर्वाक्यं बभाषे वाक्यकोविदः। नोन्मत्तया श्रुतौ मन्ये मम वीर्यपराक्रमौ॥
sa maithilī punarvākyaṃ babhāṣe vākyakovidaḥ| nonmattayā śrutau manye mama vīryaparākramau||
Thereupon, that one skilled in speech again spake to Maithili, Methinks you have run mad. Have you not heard of my valour and prowess?
— M.N. Dutt (1891–94, public domain)
उद्वहेयं भुजाभ्यां तु मेदिनीमम्बरे स्थितः। आपिबेयं समुद्रं च मृत्युं हन्यां रणे स्थितः॥
udvaheyaṃ bhujābhyāṃ tu medinīmambare sthitaḥ| āpibeyaṃ samudraṃ ca mṛtyuṃ hanyāṃ raṇe sthitaḥ||
Stationing myself in the welkin I can with my hands raise up the earth. I can drink up the waters of the ocean. And engaged in conflict I can destroy Death itself
— M.N. Dutt (1891–94, public domain)
अर्क तुद्यां शरैस्तीक्ष्णैर्विभिन्द्यां हि महीतलम्। कामरूपेण उन्मत्ते पश्य मां कामरूपिणम्॥
arka tudyāṃ śaraistīkṣṇairvibhindyāṃ hi mahītalam| kāmarūpeṇa unmatte paśya māṃ kāmarūpiṇam||
With my sharpened shafts I can pierce the Sun and cut asunder the earth. You are mad with your beauty. Do you look upon me, who am capable of illusions.
— M.N. Dutt (1891–94, public domain)
एवमुक्तवतस्यस्य रावणस्य शिखिप्रभे। क्रुद्धस्य हरिपर्यन्ते रक्ते नेत्रे बभूवतुः॥
evamuktavatasyasya rāvaṇasya śikhiprabhe| kruddhasya hariparyante rakte netre babhūvatuḥ||
When he had spoken thus, his yellow eyes became blood-red with rage and assumed the, semblance of flaming fire.
— M.N. Dutt (1891–94, public domain)
सद्यः सौम्यं परित्यज्य तीक्ष्णरूपं स रावणः। स्वं रूपं कालरूपाभं भेजे वैश्रवणानुजः॥
sadyaḥ saumyaṃ parityajya tīkṣṇarūpaṃ sa rāvaṇaḥ| svaṃ rūpaṃ kālarūpābhaṃ bheje vaiśravaṇānujaḥ||
Thereat Răvana, the younger brother of the Lord of wealth, changing his placid countenance, instantly assumed his own terrible shape resembling that of Yama.
— M.N. Dutt (1891–94, public domain)
संरक्तनयनः श्रीमांस्तप्तकाञ्चनभूषणः। क्रोधेन महताविष्टो नीलजीमूतसंनिभः॥ दशास्यो विंशतिभुजो बभूव क्षणदाचरः। स परिव्राजकच्छद्म महाकायो विहाय तत्॥
saṃraktanayanaḥ śrīmāṃstaptakāñcanabhūṣaṇaḥ| krodhena mahatāviṣṭo nīlajīmūtasaṃnibhaḥ|| daśāsyo viṃśatibhujo babhūva kṣaṇadācaraḥ| sa parivrājakacchadma mahākāyo vihāya tat||
Highly exercised with ire, that ranger of the night became of ten countenances and twenty arms; his eyes were bloody and he appeared beautiful like to blue clouds, being dressed in gold-hued apparel.
— M.N. Dutt (1891–94, public domain)
प्रतिपेदे स्वकं रूपं रावणो राक्षसाधिपः। रक्ताम्बरधरस्तस्थौ स्त्रीरत्नं प्रेक्ष्य मैथिलीम्॥
pratipede svakaṃ rūpaṃ rāvaṇo rākṣasādhipaḥ| raktāmbaradharastasthau strīratnaṃ prekṣya maithilīm||
Leaving aside the semblance of a mendicant, that lord of Raksasas, Ravana, increasing in bulk, assumed his own shape. And wearing a blood-red cloth he stood there fixing his look upon that jewel of a damsel–Maithili.
— M.N. Dutt (1891–94, public domain)
स तामसितकेशान्तां भास्करस्य प्रभामिव । वसनाभरणोपेतां मैथिली रावणोऽबवीत्॥ त्रिषु लोकेषु विख्यातं यदि भारमिच्छसि। मामाश्रय वरारोहे तवाहं सदृशं पतिः॥
sa tāmasitakeśāntāṃ bhāskarasya prabhāmiva | vasanābharaṇopetāṃ maithilī rāvaṇo'bavīt|| triṣu lokeṣu vikhyātaṃ yadi bhāramicchasi| māmāśraya varārohe tavāhaṃ sadṛśaṃ patiḥ||
Thereupon Rāvaņa spake to Mathili like to the rays of the sun, having a head of black hair and wearing apparel and ornaments, saying, O you fine damsel, if you did wish to have a husband known all over the world, do you surrender yourself to me.
— M.N. Dutt (1891–94, public domain)
मां भजस्व चिराय त्वमहं श्लाघ्यः पतिस्तव। नैव चाहं क्वचिद् भद्रे करिष्ये तव विप्रियम्॥
māṃ bhajasva cirāya tvamahaṃ ślāghyaḥ patistava| naiva cāhaṃ kvacid bhadre kariṣye tava vipriyam||
I am a worthy husband for you. Do you serve me for ever, your praiseworthy husband. O fine lady, I hall never do what you did not like.
— M.N. Dutt (1891–94, public domain)
त्यजतां मानुषो भारो मयि भावश्च प्रणीयताम्। राज्याच्च्युतमसिद्धार्थं रामं परिमितायुषम्॥ कैर्गुणैरनुरक्तासि मूढे पण्डितमानिनि। यः स्त्रियो वचनाद् राज्यं विहाय ससुहज्जनम्॥ अस्मिन् व्यालानुचरिते वने वसति दुर्मतिः।
tyajatāṃ mānuṣo bhāro mayi bhāvaśca praṇīyatām| rājyāccyutamasiddhārthaṃ rāmaṃ parimitāyuṣam|| kairguṇairanuraktāsi mūḍhe paṇḍitamānini| yaḥ striyo vacanād rājyaṃ vihāya sasuhajjanam|| asmin vyālānucarite vane vasati durmatiḥ|
Renouncing your attachment for a man, do you place your love in me. O foolish girl, worthy of being adored by the learned, for what quality are you attached to Rāma of a limited life, who has been deprived of his kingdom and has his desire frustrated, and who of an evil intent, has, at the words of his wife, renouncing his kingdom and kinsmen, been living in this forest-the abode of voracious animals.
— M.N. Dutt (1891–94, public domain)
इत्युक्त्वा मैथिली वाक्यं प्रियाहाँ प्रियवादिनीम्॥ अभिगम्य सुदृष्टात्मा राक्षसः काममोहितः। जग्राह रावणः सीतां बुधः खे रोहिणीमिव ॥
ityuktvā maithilī vākyaṃ priyāhā~ priyavādinīm|| abhigamya sudṛṣṭātmā rākṣasaḥ kāmamohitaḥ| jagrāha rāvaṇaḥ sītāṃ budhaḥ khe rohiṇīmiva ||
Speaking thus to Maithili, sweet-speeched and worthy of being sweetly addressed, that highly wicked Raksasa, Rāvaņa, being exercised with lust, approached towards Sītā and got hold of her, like to Budha holding Rohinī in the sky.
— M.N. Dutt (1891–94, public domain)
वामेन सीतां पद्माक्षी मूर्धजेषु करेण सः। ऊर्वोस्तु दक्षिणेनैव परिजग्राह पाणिना॥
vāmena sītāṃ padmākṣī mūrdhajeṣu kareṇa saḥ| ūrvostu dakṣiṇenaiva parijagrāha pāṇinā||
With his left hand he held her, having eyes like to lotus-petals, by the hair, and with his right hand got hold of her thighs.
— M.N. Dutt (1891–94, public domain)
तं दृष्ट्वा गिरिशृङ्गाभं तीक्ष्णदंष्ट्र महाभुजम्। प्राद्रवन् मृत्युसंकाशं भयार्ता वनदेवताः॥
taṃ dṛṣṭvā giriśṛṅgābhaṃ tīkṣṇadaṃṣṭra mahābhujam| prādravan mṛtyusaṃkāśaṃ bhayārtā vanadevatāḥ||
Seeing Rāvaņa of sharpened teeth, and mighty arms, resembling the summit of a mountain and like to death itself, the deities of the forest became highly terrified and fled in different directions.
— M.N. Dutt (1891–94, public domain)
स च मायामयो दिव्यः खरयुक्तः खरस्वनः। प्रत्यदृश्यत हेमाङ्गो रावणस्य महारथः॥
sa ca māyāmayo divyaḥ kharayuktaḥ kharasvanaḥ| pratyadṛśyata hemāṅgo rāvaṇasya mahārathaḥ||
Instantly appeared there the celestial car of Ravana, decked in gold, drawn by asses and making a terrible sound.
— M.N. Dutt (1891–94, public domain)
ततस्तां परुषैर्वाक्यैरभितM महास्वनः। अंकेनाद्य वैदेहीं रथमारोपयत् तदा॥
tatastāṃ paruṣairvākyairabhitaM mahāsvanaḥ| aṃkenādya vaidehīṃ rathamāropayat tadā||
Thereupon, that one emmiting terrible accents, remonstrated with Vaidehī in harsh words and clasping her ascended the car.
— M.N. Dutt (1891–94, public domain)
सा गृहीतातिचुक्रोश रावणेन यशस्विनी। रामेति सीता दुःखार्ता रामं दूरं गतं वने॥
sā gṛhītāticukrośa rāvaṇena yaśasvinī| rāmeti sītā duḥkhārtā rāmaṃ dūraṃ gataṃ vane||
The virtuous Sīta, being thus caught by Ravana, began to cry aloud, addressing Rama, who had gone away to a distant forest.
— M.N. Dutt (1891–94, public domain)
तामकामां स कामार्तः पन्नगेन्द्रवधूमिव। विचेष्टमानामादाय उत्पपताथ रावणः॥
tāmakāmāṃ sa kāmārtaḥ pannagendravadhūmiva| viceṣṭamānāmādāya utpapatātha rāvaṇaḥ||
Rāvaņa, racked with lust, rose high up with her like to the wife of a Pannaga, though she tried her best (to get rid of him), for she was not in the least attached to him.
— M.N. Dutt (1891–94, public domain)
ततः सा राक्षसेन्द्रेण ह्रियमाणा विहायसा। भृशं चुक्रोश मत्तेव भ्रान्तचित्ता यथातुरा ॥
tataḥ sā rākṣasendreṇa hriyamāṇā vihāyasā| bhṛśaṃ cukrośa matteva bhrāntacittā yathāturā ||
Being thus carried away by the ethereal track by that Lord of Rākṣasas, Sītā began to cry aloud, like one mad, distressed and of deranged senses.
— M.N. Dutt (1891–94, public domain)
हा लक्ष्मण महाबाहो गुरुचित्तप्रसादक। ह्रियमाणां न जानीषे रक्षसा कामरूपिणा॥
hā lakṣmaṇa mahābāho gurucittaprasādaka| hriyamāṇāṃ na jānīṣe rakṣasā kāmarūpiṇā||
Ah! mighty Laksmana, ever ministering to the satisfaction of your superiors, do you not know that I have been stolen away by a Rākṣasa assuming shapes at will?
— M.N. Dutt (1891–94, public domain)
जीवितं सुखमर्थं च धर्महेतोः परित्यजन्। ह्रियमाणामधर्मेण मां राघव न पश्यसि॥
jīvitaṃ sukhamarthaṃ ca dharmahetoḥ parityajan| hriyamāṇāmadharmeṇa māṃ rāghava na paśyasi||
O Rāghava, for virtue have you renounced your life, happiness and wealth,-do you not see that I have been carried away by one of mighty iniquity?
— M.N. Dutt (1891–94, public domain)
ननु नामाविनीतानां विनेतासि परंतप। कथमेवंविधं पापं न त्वं शाधि हि रावणम्॥
nanu nāmāvinītānāṃ vinetāsi paraṃtapa| kathamevaṃvidhaṃ pāpaṃ na tvaṃ śādhi hi rāvaṇam||
O you the subduer of foes, you did always control the rebellious,-why do you not punish such a vicious Rākşasa?
— M.N. Dutt (1891–94, public domain)
ननु सद्योऽविनीतस्य दृश्यते कर्मणः फलम्। कालोऽप्यङ्गीभवत्यत्र सस्यानामिव पक्तये॥
nanu sadyo'vinītasya dṛśyate karmaṇaḥ phalam| kālo'pyaṅgībhavatyatra sasyānāmiva paktaye||
The vicious do not instantaneously meet with the fruits of their actions, as for corn to ripen requires the assistance of time.
— M.N. Dutt (1891–94, public domain)
त्वं कर्म कृतवानेतत् कालोपहतचेतनः। जीवितान्तकरं घोरं रामाद् व्यसनमाप्नुहि ॥
tvaṃ karma kṛtavānetat kālopahatacetanaḥ| jīvitāntakaraṃ ghoraṃ rāmād vyasanamāpnuhi ||
For this iniquitous deed, which you have perpetrated, availing of the time and losing your sense, you shall meet with a mighty disaster from Rāma, bringing about your end.
— M.N. Dutt (1891–94, public domain)
हन्तेदानीं सकामा तु कैकेयी बान्धवैः सह। हियेयं धर्मकामस्य धर्मपत्नी यशस्विनः॥
hantedānīṃ sakāmā tu kaikeyī bāndhavaiḥ saha| hiyeyaṃ dharmakāmasya dharmapatnī yaśasvinaḥ||
Ah! being the virtuous wife of the virtuous and far-famed Rāma, I have been stolen away. Now has the desire of Kaikeyi and other relations been fulfilled.
— M.N. Dutt (1891–94, public domain)
आमन्त्रये जनस्थाने कर्णिकारांश्च पुष्पितान्। क्षिप्रं रामाय शंसध्वं सीतां हरति रावणः॥
āmantraye janasthāne karṇikārāṃśca puṣpitān| kṣipraṃ rāmāya śaṃsadhvaṃ sītāṃ harati rāvaṇaḥ||
I invoke this Janasthāna and these flowery Karnikās to tell Rāma that Rāvana has stolen away Sītā.
— M.N. Dutt (1891–94, public domain)
हंससारससंघुष्टां वन्दे गोदावरी नदीम्। क्षिप्रं रामाय शंस त्वं सीतां हरति रावणः॥
haṃsasārasasaṃghuṣṭāṃ vande godāvarī nadīm| kṣipraṃ rāmāya śaṃsa tvaṃ sītāṃ harati rāvaṇaḥ||
I invoke you, O Godāvarī, having swans and cranes sporting in your stream, to tell Ráma that Rāvana has stolen away Sītã.
— M.N. Dutt (1891–94, public domain)
दैवतानि च यान्यस्मिन् वने विविधपादपे। नमस्करोम्यहं तेभ्यो भर्तुः शंसत मां हृताम्॥
daivatāni ca yānyasmin vane vividhapādape| namaskaromyahaṃ tebhyo bhartuḥ śaṃsata māṃ hṛtām||
I salute and invoke the deities that live in this forest of many trees to tell my husband of my being stolen away (by Ravana).
— M.N. Dutt (1891–94, public domain)
यानि कानिचिदप्यत्र सत्त्वानि विविधानि च। सर्वाणि शरणं यामि मृगपक्षिगणानि वै॥ ह्रियमाणां प्रियां भर्तुः प्राणेभ्योऽपि गरीयसीम्। विवशा.ते हृता सीता रावणेनेति शंसत ॥
yāni kānicidapyatra sattvāni vividhāni ca| sarvāṇi śaraṇaṃ yāmi mṛgapakṣigaṇāni vai|| hriyamāṇāṃ priyāṃ bhartuḥ prāṇebhyo'pi garīyasīm| vivaśā.te hṛtā sītā rāvaṇeneti śaṃsata ||
I do seek the refuge of all deer, birds and other animals that live in this forest, and may they all cominunicate to Rāma the news of his dear spouse being carried away, and tell him that Sītā, losing her control, has been stolen away by Rāvana.
— M.N. Dutt (1891–94, public domain)
विदित्वा तु महाबाहुरमुत्रापि महाबलः। आनेष्यति पराक्रम्य वैवस्वतहृतामपि॥
viditvā tu mahābāhuramutrāpi mahābalaḥ| āneṣyati parākramya vaivasvatahṛtāmapi||
Even if I am taken away by Yama, and if the mighty-armed Rāma is apprised of it, surely shall he bring me back by the display of his prowess.
— M.N. Dutt (1891–94, public domain)
सा तदा करुणा वाचो विलपन्ती सुदुःखिता। वनस्पतिगतं गृधं ददर्शायतलोचना॥
sā tadā karuṇā vāco vilapantī suduḥkhitā| vanaspatigataṃ gṛdhaṃ dadarśāyatalocanā||
Racked with sorrow that one of expansive eyes, while thus bewailing in piteous accents, she espied Jațāyu, the king of vultures, seated on a tree.
— M.N. Dutt (1891–94, public domain)
सा तमुवीक्ष्य सुश्रोणी रावणस्य वशंगता। समाक्रन्दद् भयपरा दु:खोपहतया गिरा॥
sā tamuvīkṣya suśroṇī rāvaṇasya vaśaṃgatā| samākrandad bhayaparā du:khopahatayā girā||
Thereat the daughter of Janaka, brought under the control of Rāvana and terrified, began to cry and utter those piteous words.
— M.N. Dutt (1891–94, public domain)
जटायो पश्य मामार्य ह्रियमाणामनाथवत्। अनेन राक्षसेन्द्रेणाकरुणं पापकर्मणा॥
jaṭāyo paśya māmārya hriyamāṇāmanāthavat| anena rākṣasendreṇākaruṇaṃ pāpakarmaṇā||
O worshipful Jațāyu, do you see that this vicious lord of Rākşasas has ruthlessly carried me away like one having no husband.
— M.N. Dutt (1891–94, public domain)
नैष वारयितुं शक्यस्त्वया क्रूरो निशाचरः। सत्त्ववाञ्जितकाशी च सायुधश्चैव दुर्मतिः॥
naiṣa vārayituṃ śakyastvayā krūro niśācaraḥ| sattvavāñjitakāśī ca sāyudhaścaiva durmatiḥ||
You will not be able to withstand this mighty, wicked and cruel night-ranger wearing emblems of conquest and having a scimitar in his hand!
— M.N. Dutt (1891–94, public domain)
रामाय तु यथातत्वं जटायो हरणं मम। लक्ष्मणाय च तत्सर्वमाख्यातव्यमशेषतः॥
rāmāya tu yathātatvaṃ jaṭāyo haraṇaṃ mama| lakṣmaṇāya ca tatsarvamākhyātavyamaśeṣataḥ||
Do you relate to Rāma and to Lakşmaņa everything about my being carried away from the beginning to the end.
— M.N. Dutt (1891–94, public domain)