Siraatबालकाण्डः सर्गः 45
40 verses
विश्वामित्रवचः श्रुत्वा राघवः सहलक्ष्मणः। विस्मयं परमं गत्वा विश्वामित्रमथाब्रवीत्॥
viśvāmitravacaḥ śrutvā rāghavaḥ sahalakṣmaṇaḥ| vismayaṃ paramaṃ gatvā viśvāmitramathābravīt||
Hearing the words of Viśvāmitra, Rāghava, together with Laksmana, was struck with amazement, and spoke to Viśvāmitra, saying,
— M.N. Dutt (1891–94, public domain)
अत्यद्भुतमिदं ब्रह्मन् कथितं परमं त्वया। गङ्गावतरणं पुण्यं सागरस्यापि पूरणम्॥
atyadbhutamidaṃ brahman kathitaṃ paramaṃ tvayā| gaṅgāvataraṇaṃ puṇyaṃ sāgarasyāpi pūraṇam||
O Brāhmaṇa, wonderful is the story that you have recited to us, viz; that of Ganga's sacred dissension and the replenishing of the Ocean.
— M.N. Dutt (1891–94, public domain)
क्षणभूतेव नौ रात्रिः संवृत्तेयं परंतप। इमां चिन्तयतोः सर्वा निखिलेन कथां तव॥
kṣaṇabhūteva nau rātriḥ saṃvṛtteyaṃ paraṃtapa| imāṃ cintayatoḥ sarvā nikhilena kathāṃ tava||
And, O afflicter of foes, as we had been reflecting upon all this at length, the night has passed away as if it were as moment.
— M.N. Dutt (1891–94, public domain)
तस्य सा शर्वरी सर्वा मम सौमित्रिणा सह। जगाम चिन्तयानस्य विश्वामित्र कथां शुभाम्॥
tasya sā śarvarī sarvā mama saumitriṇā saha| jagāma cintayānasya viśvāmitra kathāṃ śubhām||
And the live-long night has passed away as I in company with Sumitrā's son, was pondering over Viśvāmitra's auspicious speech.'
— M.N. Dutt (1891–94, public domain)
ततः प्रभाते विमले विश्वामित्रं तपोधनम्। उवाच राघवो वाक्यं कृताह्निकमरिंदमः॥
tataḥ prabhāte vimale viśvāmitraṃ tapodhanam| uvāca rāghavo vākyaṃ kṛtāhnikamariṃdamaḥ||
Then in the morning which happened to be bright, that subduer of his foes, Raghu's descendant, addressed the ascetic Viśvāmitra, who had finished his devotion.
— M.N. Dutt (1891–94, public domain)
गता भगवती रात्रिः श्रोतव्यं परमं श्रुतम्। तराम सरितां श्रेष्ठां पुण्यां त्रिपथगां नदीम्॥
gatā bhagavatī rātriḥ śrotavyaṃ paramaṃ śrutam| tarāma saritāṃ śreṣṭhāṃ puṇyāṃ tripathagāṃ nadīm||
The auspicious night is past, and we shall (again) listen to your wonderful narrations. Let us now cross over this sacred stream, foremost of rivers, wending in three ways.
— M.N. Dutt (1891–94, public domain)
नौरेषा हि सुखास्तीर्णा ऋषीणां पुण्यकर्मणाम्। भगवन्तमिह प्राप्तं ज्ञात्वा त्वरितमागता॥
naureṣā hi sukhāstīrṇā ṛṣīṇāṃ puṇyakarmaṇām| bhagavantamiha prāptaṃ jñātvā tvaritamāgatā||
And learning that you have arrived at this place, the pious ascetics have speedily come hither, and have also brought this barque with a spacious carpet.
— M.N. Dutt (1891–94, public domain)
तस्य तद् वचनं श्रुत्वा राघवस्य महात्मनः। संतारं कारयामास सर्षिसङ्घस्य कौशिकः॥ उत्तरं तीरमासाद्य सम्पूज्यर्षिगणं ततः। गङ्गाकूले निविष्टास्ते विशालां ददृशुः पुरीम्॥
tasya tad vacanaṃ śrutvā rāghavasya mahātmanaḥ| saṃtāraṃ kārayāmāsa sarṣisaṅghasya kauśikaḥ|| uttaraṃ tīramāsādya sampūjyarṣigaṇaṃ tataḥ| gaṅgākūle niviṣṭāste viśālāṃ dadṛśuḥ purīm||
Hearing those words of the high-souled Rāghava, Kausika crossed over the crowds of ascetics; and on reaching the north bank, he paid homage to the saints. And when they had landed on the banks of the Gangā, they beheld a city named Viśālā.
— M.N. Dutt (1891–94, public domain)
ततो मुनिवरस्तूर्ण जगाम सहराघवः। विशाला नगरी रम्यां दिव्यां स्वर्गोपमां तदा॥
tato munivarastūrṇa jagāma saharāghavaḥ| viśālā nagarī ramyāṃ divyāṃ svargopamāṃ tadā||
And thereupon speedily that that foremost of ascetics in company with Rāghava, went towards Viśālā, beautiful and elegant like to the celestial regions.
— M.N. Dutt (1891–94, public domain)
अथ रामो महाप्राज्ञो विश्वामित्रं महामुनिम्। पप्रच्छ प्राञ्जलिर्भूत्वा विशालामुत्तमां पुरीम्॥
atha rāmo mahāprājño viśvāmitraṃ mahāmunim| papraccha prāñjalirbhūtvā viśālāmuttamāṃ purīm||
Then the highly wise Rāma, with folded hands, asked that mighty ascetic Viśvāmitra concerning the excellent city of Viśālā.
— M.N. Dutt (1891–94, public domain)
कतमो राजवंशोऽयं विशालायां महामुने। श्रोतुमिच्छामि भद्रं ते परं कौतूहलं हि मे॥
katamo rājavaṃśo'yaṃ viśālāyāṃ mahāmune| śrotumicchāmi bhadraṃ te paraṃ kautūhalaṃ hi me||
O mighty ascetic, what royal line reside in yonder large city? I desire to hear this, good betide you; and great is my curiosity.
— M.N. Dutt (1891–94, public domain)
तस्य तद् वचनं श्रुत्वा रामस्य मुनिपुङ्गवः। आख्यातुं तत्समारेभे विशालायाः पुरातनम्॥
tasya tad vacanaṃ śrutvā rāmasya munipuṅgavaḥ| ākhyātuṃ tatsamārebhe viśālāyāḥ purātanam||
Hearing those words of Rāma, that foremost of ascetics began to relate the history of Viśālā, saying,
— M.N. Dutt (1891–94, public domain)
श्रूयतां राम शक्रस्य कथां कथयतः श्रुताम्। अस्मिन् देशे हि यद् वृत्तं शृणु तत्त्वेन राघव॥
śrūyatāṃ rāma śakrasya kathāṃ kathayataḥ śrutām| asmin deśe hi yad vṛttaṃ śṛṇu tattvena rāghava||
Do you listen, O Rāma to what I had heard from Sakra relating this history; and, O descendant of Raghu, do you listen to all that befell in this city.
— M.N. Dutt (1891–94, public domain)
पूर्वं कृतयुगे राम दितेः पुत्रा महाबलाः। अदितेश्च महाभागा वीर्यवन्तः सुधार्मिकाः॥
pūrvaṃ kṛtayuge rāma diteḥ putrā mahābalāḥ| aditeśca mahābhāgā vīryavantaḥ sudhārmikāḥ||
Formerly in the Krita age, O Rāma, Diti's highly powerful sons, as well as those of Aditi, possessed of prowess, and virtuous and pious, high-souled ones both.
— M.N. Dutt (1891–94, public domain)
ततस्तेषां नरव्याघ्र बुद्धिरासीन्महात्मनाम्। अमरा विजराश्चैव कथं स्यामो निरामयाः॥
tatasteṣāṃ naravyāghra buddhirāsīnmahātmanām| amarā vijarāścaiva kathaṃ syāmo nirāmayāḥ||
O foremost of men, fell to reflecting, 'How can we become exempt from decrepitude and disease, and immortal.'
— M.N. Dutt (1891–94, public domain)
तेषां चिन्तयतां तत्र बुद्धिरासीद् विपश्चिताम्। क्षीरोदमथनं कृत्वा रसं प्राप्स्याम तत्र वै॥
teṣāṃ cintayatāṃ tatra buddhirāsīd vipaścitām| kṣīrodamathanaṃ kṛtvā rasaṃ prāpsyāma tatra vai||
And as they reflected, it struck them, 'By churning the ocean of milk, we must obtain ambrosia.'
— M.N. Dutt (1891–94, public domain)
ततो निश्चित्य मथनं योक्त्रं कृत्वा च वासुकिम्। मन्थानं मन्दरं कृत्वा ममन्थुरमितौजसः॥
tato niścitya mathanaṃ yoktraṃ kṛtvā ca vāsukim| manthānaṃ mandaraṃ kṛtvā mamanthuramitaujasaḥ||
Then deciding upon churning (the ocean), those ones of immeasurable energy making Vasuki the cord, and the Mandara (hill), the stick, began to churn the deep.
— M.N. Dutt (1891–94, public domain)
अथ वर्षसहस्रेण योक्त्रसर्पशिरांसि च। वमन्तोऽतिविषं तत्र ददंशुर्दशनैः शिलाः॥
atha varṣasahasreṇa yoktrasarpaśirāṃsi ca| vamanto'tiviṣaṃ tatra dadaṃśurdaśanaiḥ śilāḥ||
After a thousand years had gone by, the hoods (of the serpent) serving as the churning cord, began to vomit virulent venom and to bite at the crags, with their fangs.
— M.N. Dutt (1891–94, public domain)
उत्पपाताग्निसंकाशं हालाहलमहाविषम्। तेन दग्धं जगत् सर्वं सदेवासुरमानुषम्॥
utpapātāgnisaṃkāśaṃ hālāhalamahāviṣam| tena dagdhaṃ jagat sarvaṃ sadevāsuramānuṣam||
And thereat there came out powerful poison like to fire; and in consequence the entire universe with celestials, and Asuras, and men, began to burm.
— M.N. Dutt (1891–94, public domain)
अथ देवा महादेवं शङ्करं शरणार्थिनः। जग्मुः पशुपतिं रुद्रं त्राहि त्राहीति तुष्टुवुः॥
atha devā mahādevaṃ śaṅkaraṃ śaraṇārthinaḥ| jagmuḥ paśupatiṃ rudraṃ trāhi trāhīti tuṣṭuvuḥ||
And thereupon, intending to seek refuge, they appeared before that mighty god, Sarkara, or Pasupati, or Rudra, hymning him.
— M.N. Dutt (1891–94, public domain)
एवमुक्तस्ततो देवैर्देवदेवेश्वरः प्रभुः। प्रादुरासीत् ततोऽत्रैव शङ्खचक्रधरो हरिः॥
evamuktastato devairdevadeveśvaraḥ prabhuḥ| prādurāsīt tato'traiva śaṅkhacakradharo hariḥ||
'Save us, Save us.' When that master, the lord of the celestials, was being thus addressed by the deities, there appeared before them Hari bearing the conch and the discus.
— M.N. Dutt (1891–94, public domain)
उवाचैनं स्मितं कृत्वा रुद्रं शूलधरं हरिः। दैवतैर्मथ्यमाने तु यत्पूर्वं समुपस्थितम्॥ तत् त्वदीयं सुरश्रेष्ठ सुराणामग्रतो हि यत्। अग्रपूजागिह स्थित्वा गृहाणेदं विषं प्रभो॥
uvācainaṃ smitaṃ kṛtvā rudraṃ śūladharaṃ hariḥ| daivatairmathyamāne tu yatpūrvaṃ samupasthitam|| tat tvadīyaṃ suraśreṣṭha surāṇāmagrato hi yat| agrapūjāgiha sthitvā gṛhāṇedaṃ viṣaṃ prabho||
Smiling Hari said to the trident-bearing Rudra, 'O chief of the celestials, since you are the foremost of the gods, this that has come out of the ocean churned by the celestials, in your as Remaining here, O lord, do you receive the first offering in the form of this poison.'
— M.N. Dutt (1891–94, public domain)
इत्युक्त्वा च सुरश्रेष्ठस्तत्रैवान्तरधीयत। देवतानां भयं दृष्ट्वा श्रुत्वा वाक्यं तु शाङ्गिणः॥ हालाहलं विषं घोरं संजग्राहामृतोपमम्। देवान् विसृज्य देवेशो जगाम भगवान् हरः॥
ityuktvā ca suraśreṣṭhastatraivāntaradhīyata| devatānāṃ bhayaṃ dṛṣṭvā śrutvā vākyaṃ tu śāṅgiṇaḥ|| hālāhalaṃ viṣaṃ ghoraṃ saṃjagrāhāmṛtopamam| devān visṛjya deveśo jagāma bhagavān haraḥ||
Having said this, that best of celestials vanished there. Witnessing the dismay of the celestials, and hearing also the words of Śārngiņa, Śiva took in that dreadful poison as if it were nectar, and then leaving the deities, the worshipful Hara wen away.
— M.N. Dutt (1891–94, public domain)
ततो देवासुराः सर्वे ममन्थू रघुनन्दन। प्रविवेशाथ पातालं मन्थानः पर्वतोत्तमः॥
tato devāsurāḥ sarve mamanthū raghunandana| praviveśātha pātālaṃ manthānaḥ parvatottamaḥ||
And then, O descendant of Raghu, as the celestials resumed the churning, that foremost of hills serving the cord, entered the subterranean regions.
— M.N. Dutt (1891–94, public domain)
ततो देवाः सगन्धर्वास्तुष्टवुर्मधुसूदनम्। त्वं गतिः सर्वभूतानां विशेषेण दिवौकसाम् ॥ पालयास्मान् महाबाहो गिरिमुद्धर्तुमर्हसि।
tato devāḥ sagandharvāstuṣṭavurmadhusūdanam| tvaṃ gatiḥ sarvabhūtānāṃ viśeṣeṇa divaukasām || pālayāsmān mahābāho girimuddhartumarhasi|
Thereupon the gods and the Gandharvas felt to extolling the slayer of Madhu, saying, “You are the way of all beings, of the celestials in especial. do you, O mighty-armed one, protect us, and recover the mountain.'
— M.N. Dutt (1891–94, public domain)
इति श्रुत्वा हृषीकेशः कामठं रूपमास्थितः॥ पर्वतं पृष्ठतः कृत्वा शिश्ये तत्रोदधौ हरिः।
iti śrutvā hṛṣīkeśaḥ kāmaṭhaṃ rūpamāsthitaḥ|| parvataṃ pṛṣṭhataḥ kṛtvā śiśye tatrodadhau hariḥ|
Having heard this, Hrsikesa, or Hari, assuming the form of a tortoise, stood in the sea, supporting the hill on his back.
— M.N. Dutt (1891–94, public domain)
पर्वताग्रं तु लोकात्मा हस्तेनाक्रम्य केशवः॥ देवानां मध्यतः स्थित्वा ममन्थ पुरुषोत्तमः।
parvatāgraṃ tu lokātmā hastenākramya keśavaḥ|| devānāṃ madhyataḥ sthitvā mamantha puruṣottamaḥ|
That Soul of all, Kesava, best of male beings, taking hold of the top of the hill by his hand, began to churn the deep, stationed in the midst of the celestials.
— M.N. Dutt (1891–94, public domain)
अथ वर्षसहस्रेण आयुर्वेदमयः पुमान्॥ उदतिष्ठत् सुधर्मात्मा सदण्डः सकमण्डलुः। पूर्वं धन्वन्तरि म अप्सराश्च सुवर्चसः॥ अप्सु निर्मथनादेव सरात् तस्माद् वरस्त्रियः। उत्पेतुर्मनुजश्रेष्ठ तस्मादप्सरसोऽभवन्॥
atha varṣasahasreṇa āyurvedamayaḥ pumān|| udatiṣṭhat sudharmātmā sadaṇḍaḥ sakamaṇḍaluḥ| pūrvaṃ dhanvantari ma apsarāśca suvarcasaḥ|| apsu nirmathanādeva sarāt tasmād varastriyaḥ| utpeturmanujaśreṣṭha tasmādapsaraso'bhavan||
After a thousand years, had rolled on, arose a male being impregnated with the Āyurveda, of exceedingly righteous soul, called Dhanvantari, bearing in his hands a stick, and a Kamandalu. And there arose also, from the cream of the churning waters, those magnificent dames the shining Apsaras. And, O foremost of men, as they had emerged from water, they are called Apsaras.
— M.N. Dutt (1891–94, public domain)
षष्ठिः कोट्योऽभवंस्तासामप्सराणां सुवर्चसाम्। असंख्येयास्तु काकुत्स्थ यास्तासां परिचारिकाः॥
ṣaṣṭhiḥ koṭyo'bhavaṃstāsāmapsarāṇāṃ suvarcasām| asaṃkhyeyāstu kākutstha yāstāsāṃ paricārikāḥ||
There sprang sixty koțis of shining Apsaras. And, O Kākutstha, the female attendants of those are numberless.
— M.N. Dutt (1891–94, public domain)
न ताः स्म प्रतिगृह्णन्ति सर्वे ते देवदानवाः। अप्रतिग्रहणादेव ता वै साधारणाः स्मृताः॥
na tāḥ sma pratigṛhṇanti sarve te devadānavāḥ| apratigrahaṇādeva tā vai sādhāraṇāḥ smṛtāḥ||
And neither the deities nor the Dānavas would accept them, and in consequence of this nonacceptance, they are known as women belonging to all.
— M.N. Dutt (1891–94, public domain)
वरुणस्य ततः कन्या वारुणा रघुनन्दन। उत्पपात महाभागा मार्गमाणा परिग्रहम्॥
varuṇasya tataḥ kanyā vāruṇā raghunandana| utpapāta mahābhāgā mārgamāṇā parigraham||
And then, O Raghu's descendant, arose the eminently pious daughter of Varuna, Varuni, who fell to looking for acceptance.
— M.N. Dutt (1891–94, public domain)
दितेः पुत्रा न तां राम जगृहुर्वरुणात्मजाम्। अदितेस्तु सुता वीर जगृहुस्तामनिन्दिताम्॥
diteḥ putrā na tāṃ rāma jagṛhurvaruṇātmajām| aditestu sutā vīra jagṛhustāmaninditām||
And Diti's sons, O Rāma, did not accept the daughter of Varuna and Aditi's sons, O hero, accepted that one of blameless limbs.
— M.N. Dutt (1891–94, public domain)
असुरास्तेन दैतेयाः सुरास्तेनादितेः : सुताः। हृष्टाः प्रमुदिताश्चासन् वारुणीग्रहणात् सुराः॥
asurāstena daiteyāḥ surāstenāditeḥ : sutāḥ| hṛṣṭāḥ pramuditāścāsan vāruṇīgrahaṇāt surāḥ||
Hence Diti's son go by the name of Asuras; and Aditi's by that of Suras. And the celestials became exceeding glad, on having accepted Vāruņi.
— M.N. Dutt (1891–94, public domain)
उच्चैःश्रवा हयश्रेष्ठो मणिरत्नं च कौस्तुभम्। उदतिष्ठन्नरश्रेष्ठ तथैवामृतमुत्तमम्॥
uccaiḥśravā hayaśreṣṭho maṇiratnaṃ ca kaustubham| udatiṣṭhannaraśreṣṭha tathaivāmṛtamuttamam||
O foremost of men, next arose ucchaiśravā best of horses, and also Kaustubha; and next, the excellent ambrosia.
— M.N. Dutt (1891–94, public domain)
अथ तस्य कृते राम महानासीत् कुलक्षयः। अदितेस्तु ततः पुत्रा दितिपुत्रानयोधयन्॥
atha tasya kṛte rāma mahānāsīt kulakṣayaḥ| aditestu tataḥ putrā ditiputrānayodhayan||
O Rāma, tremendous was the carnage for the possession thereof (ambrosia); and Aditi's and Diti's sons fought together.
— M.N. Dutt (1891–94, public domain)
एकतामगमन् सर्वे असुरा राक्षसैः सह। युद्धमासीन्महाघोरं वीर त्रैलोक्यमोहनम्॥
ekatāmagaman sarve asurā rākṣasaiḥ saha| yuddhamāsīnmahāghoraṃ vīra trailokyamohanam||
And the Asuras assembled together with the Raksasas; and, C hero, mighty was the battle that was fought, striking terror into the three worlds.
— M.N. Dutt (1891–94, public domain)
यदा क्षयं गतं सर्वं तदा विष्णुर्महाबलः। असृतं सोऽहरत् तूर्णं मायामास्थाय मोहिनीम्॥
yadā kṣayaṃ gataṃ sarvaṃ tadā viṣṇurmahābalaḥ| asṛtaṃ so'harat tūrṇaṃ māyāmāsthāya mohinīm||
And when a great havoc had been committed the highly powerful Vişņu, assuming a captivating form speedily stole away the ambrosia.
— M.N. Dutt (1891–94, public domain)
ये गताभिमुखं विष्णुमक्षरं पुरुषोत्तमम्। सम्पिष्टास्ते तदा युद्धे विष्णुना प्रभविष्णुना ॥
ye gatābhimukhaṃ viṣṇumakṣaraṃ puruṣottamam| sampiṣṭāste tadā yuddhe viṣṇunā prabhaviṣṇunā ||
And those that came forward before that best of male beings, Visnu, knowing no deterioration, were crushed in conflict by Vişnu in a different form.
— M.N. Dutt (1891–94, public domain)
अदितेरात्मजा वीरा दितेः पुत्रान् निजघ्निरे। अस्मिन् घोरे महायुद्धे दैतेयादित्ययो शम्॥
aditerātmajā vīrā diteḥ putrān nijaghnire| asmin ghore mahāyuddhe daiteyādityayo śam||
And in that exceedingly dreadful battle between the sons of Diti and Aditi, those heroic ones viz., Aditi's heroic sons slaughtered those of Diti.
— M.N. Dutt (1891–94, public domain)
निहत्य दितिपुत्रांस्तु राज्यं प्राप्य पुरंदरः। शशास मुदितो लोकान् सर्षिसङ्घान् सचारणान्॥
nihatya ditiputrāṃstu rājyaṃ prāpya puraṃdaraḥ| śaśāsa mudito lokān sarṣisaṅghān sacāraṇān||
Having slaughtered the sons of Diti's and regained his kingdom, he happily began to rule the worlds, containing saints and Caranas.
— M.N. Dutt (1891–94, public domain)