Siraatअयोध्याकाण्डः सर्गः 104
30 verses
वसिष्ठः पुरतः कृत्वा दारान् दशरथस्य च। अभिचक्राम तं देशं रामदर्शनतर्षितः॥
vasiṣṭhaḥ purataḥ kṛtvā dārān daśarathasya ca| abhicakrāma taṃ deśaṃ rāmadarśanatarṣitaḥ||
Desirous of seeing Rama, Vasistha, taking before him the wives of Dasaratha, proceeded towards the hermitage.
— M.N. Dutt (1891–94, public domain)
राजपत्ल्यश्च गच्छन्त्यो मन्दं मन्दाकिनी प्रति। ददृशुस्तत्र तत् तीर्थं रामलक्ष्मणसेवितम्॥
rājapatlyaśca gacchantyo mandaṃ mandākinī prati| dadṛśustatra tat tīrthaṃ rāmalakṣmaṇasevitam||
And as the wives of the king were going slowly by the Mandākinī, they discovered the landing-place which was used by Rāma and Laksmana.
— M.N. Dutt (1891–94, public domain)
कौसल्या बाष्पपूर्णेन मुखेन परिशुष्यता। सुमित्रामब्रवीद् दीनां याश्चान्या राजयोषितः॥ इदं तेषामनाथानां क्लिष्टमक्लिष्टकर्मणाम्। वने प्राक्कलनं तीर्थं ये ते निर्विषयीकृताः॥
kausalyā bāṣpapūrṇena mukhena pariśuṣyatā| sumitrāmabravīd dīnāṃ yāścānyā rājayoṣitaḥ|| idaṃ teṣāmanāthānāṃ kliṣṭamakliṣṭakarmaṇām| vane prākkalanaṃ tīrthaṃ ye te nirviṣayīkṛtāḥ||
Thereupon Kausalyä, with her eyes filled with tears and her countenance rendered pale, observed to the forlorn Sumitra as well as the other wives of the king, sacred like to a first wife, in this forest this is the landing-place of those unfortunate ones of untiring energy, who had been deprived of the kingdom.
— M.N. Dutt (1891–94, public domain)
इतः सुमित्रे पुत्रस्ते सदा जलमतन्द्रितः। स्वयं हरति सौमित्रिर्मम पुत्रस्य कारणात्॥
itaḥ sumitre putraste sadā jalamatandritaḥ| svayaṃ harati saumitrirmama putrasya kāraṇāt||
From here, O Sumitrā, does your son, Saumitri, ever vigilant, personally procure water for my son.
— M.N. Dutt (1891–94, public domain)
जघन्यमपि ते पुत्रः कृतवान् न तु गर्हितः। भ्रातुर्यदर्थरहितं सर्वं तद् गर्हितं गुणैः॥
jaghanyamapi te putraḥ kṛtavān na tu garhitaḥ| bhrāturyadartharahitaṃ sarvaṃ tad garhitaṃ guṇaiḥ||
Although your son performs a servile office, yet he is not to blame: (the performance of) that alone which serves no purpose of his brother possessed of many perfections, could bring blame upon him.
— M.N. Dutt (1891–94, public domain)
अद्यायमपि ते पुत्रः क्लेशानामतथोचितः। नीचानर्थसमाचारं सज्जं कर्म प्रमुञ्चतु॥
adyāyamapi te putraḥ kleśānāmatathocitaḥ| nīcānarthasamācāraṃ sajjaṃ karma pramuñcatu||
To day let your son, who does not deserve such toilsome work, cease to perform that office which is fraught with hardship fit only for the base.
— M.N. Dutt (1891–94, public domain)
दक्षिणाग्रेषु दर्भेषु सा ददर्श महीतले। पितुरिङ्गुदिपिण्याकं न्यस्तमायतलोचना ॥
dakṣiṇāgreṣu darbheṣu sā dadarśa mahītale| pituriṅgudipiṇyākaṃ nyastamāyatalocanā ||
That lady of expansive eyes happened to see on the earth the Ingudī piņņa, which had been placed by Rāma for his sire on the darbha with their tops pointing south-wards.
— M.N. Dutt (1891–94, public domain)
तं भूमौ पितुरातेन न्यस्तं रामेण वीक्ष्य सा। उवाच देवी कौसल्या सर्वा दशरथस्त्रियः॥
taṃ bhūmau piturātena nyastaṃ rāmeṇa vīkṣya sā| uvāca devī kausalyā sarvā daśarathastriyaḥ||
Seeing this, which had been placed on the ground by Rāma disconsolate for his sire, the noble Kausaly, addressed all the wives of Dasaratha.
— M.N. Dutt (1891–94, public domain)
इदमिक्ष्वाकुनाथस्य राघवस्य महात्मनः। राघवेण पितुर्दत्तं पश्यतैतद् यथाविधि॥
idamikṣvākunāthasya rāghavasya mahātmanaḥ| rāghaveṇa piturdattaṃ paśyataitad yathāvidhi||
Do you behold this that has been duly offered to the high-souled descendant of Raghu, lord of the Ikşvāku race, by Rāghava.
— M.N. Dutt (1891–94, public domain)
तस्य देवसमानस्य पार्थिवस्य महात्मनः। नैतदौपयिकं मन्ये भुक्तभोगस्य भोजनम्॥
tasya devasamānasya pārthivasya mahātmanaḥ| naitadaupayikaṃ manye bhuktabhogasya bhojanam||
Do not deem this as fit fare for that magnanimous monarch resembling a celestial, who had enjoyed every luxury (in life).
— M.N. Dutt (1891–94, public domain)
चतुरन्तां महीं भुक्त्वा महेन्द्रसदृशो भुवि। कथमिङ्गुदिपिण्याकं स भुङ्क्ते वसुधाधिपः॥
caturantāṃ mahīṃ bhuktvā mahendrasadṛśo bhuvi| kathamiṅgudipiṇyākaṃ sa bhuṅkte vasudhādhipaḥ||
Having enjoyed this earth bounded by the four seas, how can that. lord of the world, resembling on earth the mighty Indra, feed on this Ingudī pinda?
— M.N. Dutt (1891–94, public domain)
अतो दु:खतरं लोके न किञ्चित् प्रतिभाति मे। यत्र रामः पितुर्दद्यादिगुदीक्षोदमृद्धिमान्॥
ato du:khataraṃ loke na kiñcit pratibhāti me| yatra rāmaḥ piturdadyādigudīkṣodamṛddhimān||
Nothing appears to me more deplorable in this world than this that the auspicious Rāma has offered an Ingudi cake to his father.
— M.N. Dutt (1891–94, public domain)
रामेणेङ्गुदिपिण्याकं पितुर्दत्तं समीक्ष्य मे। कथं दुःखेन हृदयं न स्फोटति सहस्रधा॥
rāmeṇeṅgudipiṇyākaṃ piturdattaṃ samīkṣya me| kathaṃ duḥkhena hṛdayaṃ na sphoṭati sahasradhā||
Seeing the Ingudi pinda offered by Rāma to his father, why does not my heart break into a thousand shivers?
— M.N. Dutt (1891–94, public domain)
श्रुतिस्तु खल्वियं सत्या लौकिकी प्रतिभाति मे। यदन्नः पुरुषो भवति तदन्नास्तस्य देवता॥
śrutistu khalviyaṃ satyā laukikī pratibhāti me| yadannaḥ puruṣo bhavati tadannāstasya devatā||
Now the tradition in vogue among men, appearth to be true, viz., that “the fare that is pareaken by a person, is also partaken by his deity."
— M.N. Dutt (1891–94, public domain)
एवमाः सपत्न्यस्ता जग्मुराश्वास्य तां तदा। ददृशुश्चाश्रमे रामं स्वर्गच्युतमिवामरम्॥
evamāḥ sapatnyastā jagmurāśvāsya tāṃ tadā| dadṛśuścāśrame rāmaṃ svargacyutamivāmaram||
Then those that were co-wives with her, consoled the distressed Kausalyā; and, (entering the asylum), beheld Rāma like an immortal dropped from the celestial regions.
— M.N. Dutt (1891–94, public domain)
तं भोगैः सम्परित्यक्तं रामं सम्प्रेक्ष्य मातरः। आर्ता मुमुचुरश्रूणि सस्वरं शोककर्शिताः॥
taṃ bhogaiḥ samparityaktaṃ rāmaṃ samprekṣya mātaraḥ| ārtā mumucuraśrūṇi sasvaraṃ śokakarśitāḥ||
Seeing Rāma, who had been deprived of every comfort, his mothers, overwhelmed with grief and distress, began to shed tears, lamenting.
— M.N. Dutt (1891–94, public domain)
तासां रामः समुत्थाय जग्राह चरणाम्बुजान्। मातृणां मनुजव्याघ्रः सर्वासां सत्यसंगरः॥
tāsāṃ rāmaḥ samutthāya jagrāha caraṇāmbujān| mātṛṇāṃ manujavyāghraḥ sarvāsāṃ satyasaṃgaraḥ||
Raising his mothers, that foremost of men, Rāma, true to his promise, took hold of those lotus feet of theirs.
— M.N. Dutt (1891–94, public domain)
ताः पाणिभिः सुखस्पर्श द्वङ्गुलितलैः शुभैः। प्रममा रजः पृष्ठाद् रामस्यायतलोचनाः॥
tāḥ pāṇibhiḥ sukhasparśa dvaṅgulitalaiḥ śubhaiḥ| pramamā rajaḥ pṛṣṭhād rāmasyāyatalocanāḥ||
And those ones furnished with expansive eyes, (on their turn) by means of their fair hands of delicious feed furnished with soft fingers and palms, fell to rubbing the dust off Rāma's back.
— M.N. Dutt (1891–94, public domain)
सौमित्रिरपि ताः सर्वा मातृः सम्प्रेक्ष्य दुःखितः। अभ्यवादयदासक्तं शनै रामादनन्तरम्॥
saumitrirapi tāḥ sarvā mātṛḥ samprekṣya duḥkhitaḥ| abhyavādayadāsaktaṃ śanai rāmādanantaram||
After Rāma had done, Sumitrā's son also, seeing all his mothers, with sorrow gently paid his reverence to them with affection.
— M.N. Dutt (1891–94, public domain)
यथा रामे तथा तस्मिन् सर्वा ववृतिरे स्त्रियः। वृत्तिं दशरथाज्जाते लक्ष्मणे शुभलक्षणे॥
yathā rāme tathā tasmin sarvā vavṛtire striyaḥ| vṛttiṃ daśarathājjāte lakṣmaṇe śubhalakṣaṇe||
Thereat, as they had treated Rāma, all the ladies treated that one sprung from Daśaratha, Laksmana, graced with auspicious marks.
— M.N. Dutt (1891–94, public domain)
सीतापि चरणांस्तासामुपसंगृह्य दुःखिता। श्वश्रूणामश्रुपूर्णाक्षी सम्बभूवाग्रतः स्थिता॥
sītāpi caraṇāṃstāsāmupasaṃgṛhya duḥkhitā| śvaśrūṇāmaśrupūrṇākṣī sambabhūvāgrataḥ sthitā||
Sītă also with her eyes filled with tears, law, stood before them in distressful guise.
— M.N. Dutt (1891–94, public domain)
तां परिष्वज्य दुःखार्ता माता दुहितरं यथा। वनवासकृतां दीनां कौसल्या वाक्यमब्रवीत्॥
tāṃ pariṣvajya duḥkhārtā mātā duhitaraṃ yathā| vanavāsakṛtāṃ dīnāṃ kausalyā vākyamabravīt||
Embracing that woeful one in banishment, even as a mother does her daughter, Kausalya, smitten with grief, said.
— M.N. Dutt (1891–94, public domain)
वैदेहराजन्यसुता स्नुषा दशरथस्य च। रामपत्नी कथं दुःखं सम्प्राप्ता विजने वने॥
vaideharājanyasutā snuṣā daśarathasya ca| rāmapatnī kathaṃ duḥkhaṃ samprāptā vijane vane||
The daughter of Videha's King, and the daughter-in-law of Dasaratha, and the wife of Rāma himself, why does such a lady undergo misery in the lone forest?
— M.N. Dutt (1891–94, public domain)
पद्ममातपसंतप्तं परिक्लिष्टमिवोत्पलम्। काञ्चनं रजसा ध्वस्तं क्लिष्टं चन्द्रमिवाम्बुदैः॥ मुखं ते प्रेक्ष्य मां शोको दहत्यग्निरिवाश्रयम्। भृशं मनसि वैदेहि व्यसनारणिसम्भवः॥
padmamātapasaṃtaptaṃ parikliṣṭamivotpalam| kāñcanaṃ rajasā dhvastaṃ kliṣṭaṃ candramivāmbudaiḥ|| mukhaṃ te prekṣya māṃ śoko dahatyagnirivāśrayam| bhṛśaṃ manasi vaidehi vyasanāraṇisambhavaḥ||
O Vaidehi, beholding your face like to a lotus heated under the sun, or a lily that has been crushed, or like to gold covered with dust, or the moon enveloped by clouds, grief begot of this vortex of disaster that is in my mind, fiercely burns me, as fire consume a structure.
— M.N. Dutt (1891–94, public domain)
ब्रुवन्त्यामेवमार्तायां जनन्यां भरताग्रजः। पादावासाद्य जग्राह वसिष्ठस्य च राघवः॥
bruvantyāmevamārtāyāṃ jananyāṃ bharatāgrajaḥ| pādāvāsādya jagrāha vasiṣṭhasya ca rāghavaḥ||
As his wretched mother was thus speaking, Bharata's elder brother, Räghava, approaching, took the feet of Vasiştha.
— M.N. Dutt (1891–94, public domain)
पुरोहतस्याग्निसमस्य तस्य वै बृहस्पतेरिन्द्र इवामराधिपः। प्रगृह्य पादौ सुसमृद्धतेजसः सहैव तेनोपविवेश राघवः॥
purohatasyāgnisamasya tasya vai bṛhaspaterindra ivāmarādhipaḥ| pragṛhya pādau susamṛddhatejasaḥ sahaiva tenopaviveśa rāghavaḥ||
Having taken hold of the feet of the priest resembling a flame, and of accumulated energy, like to that lord of the immortals, Indra, taking the feet of Bșhaspati, Rāghava sat down with him.
— M.N. Dutt (1891–94, public domain)
ततो जघन्यं सहितैः स्वमन्त्रिभिः पुरप्रधानैश्च तथैव सैनिकैः। नुपोपविष्टो भरतस्तदाग्रजम्॥
tato jaghanyaṃ sahitaiḥ svamantribhiḥ purapradhānaiśca tathaiva sainikaiḥ| nupopaviṣṭo bharatastadāgrajam||
Then behind them (Rāma and Vasistha), along with his own counsellors, and principal citizens, and generals, and persons of eminent piety, sat the virtuous Bharata in the presence of his elder brother.
— M.N. Dutt (1891–94, public domain)
स्तपस्विवेषेण समीक्ष्य राघवम्। र्यथा महेन्द्रः प्रयतः प्रजापतिम्॥
stapasviveṣeṇa samīkṣya rāghavam| ryathā mahendraḥ prayataḥ prajāpatim||
Seeing Raghava in the guise of an ascetic, flaming in grace, the exceedingly powerful Bharata with joined palms sat down in company with his brother, like the great Indra of controlled faculties in presence of Prajāpati.
— M.N. Dutt (1891–94, public domain)
किमेष वाक्यं भरतोऽद्य राघवं प्रणम्य सत्कृत्य च साधु वक्ष्यति। इतीव तस्यार्यजनस्य तत्त्वतो बभूव कौतूहलमुत्तमं तदा॥
kimeṣa vākyaṃ bharato'dya rāghavaṃ praṇamya satkṛtya ca sādhu vakṣyati| itīva tasyāryajanasya tattvato babhūva kautūhalamuttamaṃ tadā||
"What will Bharata, having bowed to Rāghava and paid him homage, will say to him?", this intense curiosity arose in (the mind of) all the noble persons present there.
— M.N. Dutt (1891–94, public domain)
स राघवः सत्यधृतिश्च लक्ष्मणो महानुभावो भरतश्च धार्मिकः। वृताः सुहृद्भिश्च विरेचिरेऽध्वरे यथा सदस्यैः सहितात्रयोऽग्नयः॥
sa rāghavaḥ satyadhṛtiśca lakṣmaṇo mahānubhāvo bharataśca dhārmikaḥ| vṛtāḥ suhṛdbhiśca virecire'dhvare yathā sadasyaiḥ sahitātrayo'gnayaḥ||
And Rāghava having truth and forbearance, and Lakşmaņa endowed with magnanimity, and Bharata possessed of righteousness, surrounded by their friends, appeared (there) like to the three fires surrounded by Sadasyas.
— M.N. Dutt (1891–94, public domain)