Siraatअयोध्याकाण्डः सर्गः 60
21 verses
ततो भूतोपसृष्टेव वेपमाना पुनः पुनः। धरण्यां गतसत्त्वेव कौसल्या सूतमब्रवीत्॥
tato bhūtopasṛṣṭeva vepamānā punaḥ punaḥ| dharaṇyāṃ gatasattveva kausalyā sūtamabravīt||
Then like one possessed by an evil spirit, and trembling again and again, Kausalyä lying down on the ground like one dead, spoke to the charioteer, saying.
— M.N. Dutt (1891–94, public domain)
नय मां यत्र काकुत्स्थ: सीता यत्र च लक्ष्मणः। तान् विना क्षणमप्यद्य जीवितुं नोत्सहे ह्यहम्॥
naya māṃ yatra kākutstha: sītā yatra ca lakṣmaṇaḥ| tān vinā kṣaṇamapyadya jīvituṃ notsahe hyaham||
Do you take me where Kākutstha is and Sītā and Lakşınaņa: without them, I cannot live for a moment.
— M.N. Dutt (1891–94, public domain)
निवर्तय रथं शीघ्रं दण्डकान् नय मामपि। अथ तान् नानुगच्छामि गमिष्यामि यमक्षयम्॥
nivartaya rathaṃ śīghraṃ daṇḍakān naya māmapi| atha tān nānugacchāmi gamiṣyāmi yamakṣayam||
Do you without delay turn the car. Do you take me also to Dandaka. If I do not follow them, I shall repair to the mansion of Yama.
— M.N. Dutt (1891–94, public domain)
बाष्पवेगोपहतया स वाचा सज्जमानया। इदमासयन् देवीं सूतः प्राञ्जलिरब्रवीत्॥ त्यज शोकं च मोहं च सम्भ्रंमं दुःखजं तथा। व्यवधूय च संतापं वने वत्स्यति राघवः॥
bāṣpavegopahatayā sa vācā sajjamānayā| idamāsayan devīṃ sūtaḥ prāñjalirabravīt|| tyaja śokaṃ ca mohaṃ ca sambhraṃmaṃ duḥkhajaṃ tathā| vyavadhūya ca saṃtāpaṃ vane vatsyati rāghavaḥ||
Thereat the cahrioteer with joined hands comforted that exalted lady with ready words faltering and choked with rising vapour, "Do you leave grief and sorrow and the violent emotion. Renouncing grief, Rāghava is living in the woods."
— M.N. Dutt (1891–94, public domain)
लक्ष्मणश्चापि रामस्य पादौ परिचरन् वने। आराधयति धर्मज्ञः परलोकं जितेन्द्रियः॥
lakṣmaṇaścāpi rāmasya pādau paricaran vane| ārādhayati dharmajñaḥ paralokaṃ jitendriyaḥ||
And in the forest, the righteous Laksmara, having his senses under control, is ministering to Răma's feet and is thus adoring the gods for happiness in the next world.
— M.N. Dutt (1891–94, public domain)
विजनेऽपि वने सीता वासं प्राप्य गृहेष्विव। विस्रम्भं लभतेऽभीता राम विन्यस्तमानसा॥
vijane'pi vane sītā vāsaṃ prāpya gṛheṣviva| visrambhaṃ labhate'bhītā rāma vinyastamānasā||
And even in the lonely woods, Sītā as if remaining at home, having fixed her thoughts on Rāma, is living a life of love.
— M.N. Dutt (1891–94, public domain)
नास्या दैन्यं कृतं किंचित् सुसूक्ष्मपि लक्ष्यते। उचितेव प्रवासानां वैदेही प्रतिभाति मे॥
nāsyā dainyaṃ kṛtaṃ kiṃcit susūkṣmapi lakṣyate| uciteva pravāsānāṃ vaidehī pratibhāti me||
And there appears not the least trace of any distress afflicting her; and Vaidehi seems to me as if she were meant (by Nature) for a life away from home.
— M.N. Dutt (1891–94, public domain)
नगरोपवनं गत्वा यथा स्म रमते पुरा। तथैव रमते सीता निर्जनेषु वनेष्वपि॥
nagaropavanaṃ gatvā yathā sma ramate purā| tathaiva ramate sītā nirjaneṣu vaneṣvapi||
And as forinerly going to urban villas she disported, she disports now even in the lonely forest.
— M.N. Dutt (1891–94, public domain)
बालेव रमते सीताबालचन्द्रनिभानना। रामा रामे ह्यदीनात्मा विजनेऽपि वने सती॥
bāleva ramate sītābālacandranibhānanā| rāmā rāme hyadīnātmā vijane'pi vane satī||
And although living in the lone forest, that one of a countenance resembling the infant moon, sports merrily like a girl, in the garden represented by Rāma's self.
— M.N. Dutt (1891–94, public domain)
तद्गतं हृदयं यस्यास्तदधीनं च जीवितम्। अयोध्या हि भवेदस्या रामहीना तथा वनम्॥
tadgataṃ hṛdayaṃ yasyāstadadhīnaṃ ca jīvitam| ayodhyā hi bhavedasyā rāmahīnā tathā vanam||
Ayodhyā without Rāma would have seemed a wilderness to her whose heart is fixed on him and whose very life depends upon him.
— M.N. Dutt (1891–94, public domain)
परिपृच्छति वैदेही ग्रामांश्च नगराणि च। गतिं दृष्ट्वा नदीनां च पादपान् विविधानपि॥ रामं वा लक्ष्मणं वापि दृष्ट्वा जानाति जानकी। अयोध्या क्रोशमात्रे तु विहारमिव साश्रिता।१३।।
paripṛcchati vaidehī grāmāṃśca nagarāṇi ca| gatiṃ dṛṣṭvā nadīnāṃ ca pādapān vividhānapi|| rāmaṃ vā lakṣmaṇaṃ vāpi dṛṣṭvā jānāti jānakī| ayodhyā krośamātre tu vihāramiva sāśritā|13||
Vaidehī is now asking (Rāma) concerning the villages and towns (in their way); and observing various trees and the courses of the rivers, Jānaki, asking Råma Laksmana (for information), is learning all about them. And Sītā sports as she used to do in arbours stationed at the distance of only one krosa from Ayodhyā.
— M.N. Dutt (1891–94, public domain)
इदमेव स्मराम्यस्याः सहसैवोपजल्पितम्। कैकेयीसंश्रितं जल्पं नेदानी प्रतिभाति माम्॥
idameva smarāmyasyāḥ sahasaivopajalpitam| kaikeyīsaṃśritaṃ jalpaṃ nedānī pratibhāti mām||
This only I remember; but all that she had from sudden impulse communicated to me or concerning Kaikeyſ, does not rise into consciousness.
— M.N. Dutt (1891–94, public domain)
ध्वंसयित्वा तु तद् वाक्यं प्रमादात् पर्युपस्थितम्। ह्लादनं वचनं सूतो देव्या मधुरमब्रवीत्॥
dhvaṃsayitvā tu tad vākyaṃ pramādāt paryupasthitam| hlādanaṃ vacanaṃ sūto devyā madhuramabravīt||
Suppressing this topic which had come up through heedlessness, the charioteer spoke sweet words cheering up that noble lady.
— M.N. Dutt (1891–94, public domain)
अध्वना वातवेगेन सम्भ्रमेणातपेन च। न विगच्छति वैदेह्याश्चन्द्रांशुसदृशी प्रभा॥
adhvanā vātavegena sambhrameṇātapena ca| na vigacchati vaidehyāścandrāṃśusadṛśī prabhā||
Neither through the fatigue of travel, nor the influence of the wind, nor excitement, nor the sun, has Vaidehi's lustre resembling the lunar light suffered any diminution.
— M.N. Dutt (1891–94, public domain)
सदृशं शतपत्रस्य पूर्णचन्द्रोपमप्रभम्। वदनं तद् वदान्याया. वैदेह्या न विकम्पते ॥
sadṛśaṃ śatapatrasya pūrṇacandropamaprabham| vadanaṃ tad vadānyāyā. vaidehyā na vikampate ||
The countenance of that fair-speaking one resembling the lotus and comparable to the full moon in splendour, has not waxed pale.
— M.N. Dutt (1891–94, public domain)
अलक्तरसरक्ताभावलक्तरसवर्जितौ। अद्यापि चरणौ तस्याः पद्मकोशसमप्रभौ॥
alaktarasaraktābhāvalaktarasavarjitau| adyāpi caraṇau tasyāḥ padmakośasamaprabhau||
Her feet now without your dye of the liquid lac, but naturally furnished with the roseate hue of the same, are gorgeous like lotus buds.
— M.N. Dutt (1891–94, public domain)
नूपुरोत्कृष्टलीलेव खेलं गच्छति भामिनी। इदानीमपि वैदेही तद्रागान्यस्तभूषणा ॥
nūpurotkṛṣṭalīleva khelaṃ gacchati bhāminī| idānīmapi vaidehī tadrāgānyastabhūṣaṇā ||
Still Vaidehī decked in ornaments from affection for Rāma, goes gracefully rebuking with her bangles the wavy gait (of cranes).
— M.N. Dutt (1891–94, public domain)
गजं वा वीक्ष्य सिंह वा व्याघ्र वा वनमाश्रिता। नाहारयति संत्रासं बाहू रामस्य संश्रिता॥
gajaṃ vā vīkṣya siṃha vā vyāghra vā vanamāśritā| nāhārayati saṃtrāsaṃ bāhū rāmasya saṃśritā||
Supporting herself on Rāma's arm, Sītă arrived at the forest, is not inspired with fear on beholding either an elephant, or a lion, or a tiger.
— M.N. Dutt (1891–94, public domain)
न शोच्यस्ते न चात्मा ते शोच्यो नापि जनाधिपः। इदं हि चरितं लोके प्रतिष्ठास्यति शाश्वतम्॥
na śocyaste na cātmā te śocyo nāpi janādhipaḥ| idaṃ hi caritaṃ loke pratiṣṭhāsyati śāśvatam||
Therefore they are not to be bewailed, nor your own self, nor the lord of men. This history of Rāma will endure for ever in this world.
— M.N. Dutt (1891–94, public domain)
विधूय शोकं परिहृष्टमानसा महर्षियाते पथि सुव्यवस्थिताः। वने रता वन्यफलाशनाः पितुः शुभां प्रतिज्ञा प्रतिपालयन्ति ते॥
vidhūya śokaṃ parihṛṣṭamānasā maharṣiyāte pathi suvyavasthitāḥ| vane ratā vanyaphalāśanāḥ pituḥ śubhāṃ pratijñā pratipālayanti te||
Renouncing grief and with cheerful hearts, well established in the life led by the Maharşis, they living in the forest on wild fruits as their sustenance, are maintaining the noble promise of their sire.
— M.N. Dutt (1891–94, public domain)
तथापि सूतेन सुयुक्तवादिना निवार्यमाणा सुतशोककर्शिता। न चैव देवी विरराम कूजितात् प्रियेति पुत्रेति च राघवेति च ॥
tathāpi sūtena suyuktavādinā nivāryamāṇā sutaśokakarśitā| na caiva devī virarāma kūjitāt priyeti putreti ca rāghaveti ca ||
Consoled by the truth-telling yet sweetspeeched charioteer, that lady oppressed with grief for her son, ceased not to wail loudly, "My beloved,” “My son," "Rāghava."
— M.N. Dutt (1891–94, public domain)