Siraatकिष्किन्धाकाण्डः सर्गः 12
39 verses
एतच्च वचनं श्रुत्वा सुग्रीवस्य सुभाषितम्। प्रत्ययार्थं महातेजा रामो जग्राह कार्मुकम्॥
etacca vacanaṃ śrutvā sugrīvasya subhāṣitam| pratyayārthaṃ mahātejā rāmo jagrāha kārmukam||
Hearing those pleasant words of Sugrīva, the highly effulgent Rāma, to create his confidence, took up his bow.
— M.N. Dutt (1891–94, public domain)
स गृहीत्वा धनुर्गोरे शरमेकं च मानदः। सालमुद्दिश्य चिक्षेप पूरयन् स रवैर्दिशः॥
sa gṛhītvā dhanurgore śaramekaṃ ca mānadaḥ| sālamuddiśya cikṣepa pūrayan sa ravairdiśaḥ||
That one, conferring honours upon others, holding his terrible bow and a shaft, darted it towards the Sāla, filling all the quarters with a sound,
— M.N. Dutt (1891–94, public domain)
स विसृष्टो बलवता बाणः स्वर्णपरिष्कृतः। भित्वा सालान् गिरिप्रस्थं सप्तभूमिं विवेश ह॥
sa visṛṣṭo balavatā bāṇaḥ svarṇapariṣkṛtaḥ| bhitvā sālān giriprasthaṃ saptabhūmiṃ viveśa ha||
The arrow, clear as the gold itself, hurled by that one of mighty strength, perforating the trees, entered into the mountainous expanse and the sevenfold regions of the earth.
— M.N. Dutt (1891–94, public domain)
सायकस्तु मुहूर्तेन सालान् भित्वा महाजवः। निष्पत्य च पुनस्तूर्णं तमेव प्रविवेश ह॥
sāyakastu muhūrtena sālān bhitvā mahājavaḥ| niṣpatya ca punastūrṇaṃ tameva praviveśa ha||
And that shaft, gifted with wonderful velocity, piercing all the trees entered again into the quiver.
— M.N. Dutt (1891–94, public domain)
तान् दृष्ट्वा सप्त निर्भिन्नान् सालान् वानरपुङ्गवः। रामस्य शरवेगेन विस्मयं परमं गतः॥
tān dṛṣṭvā sapta nirbhinnān sālān vānarapuṅgavaḥ| rāmasya śaravegena vismayaṃ paramaṃ gataḥ||
Having beheld those seven trees bored by Rāma's arrow, that monkey chief attained to an excess of surprise.
— M.N. Dutt (1891–94, public domain)
स मूर्धा न्यपदत् भूमौ प्रलम्बीकृतभूषणः। सुग्रीवः परमप्रीतो राघवाय कृताञ्जलिः॥
sa mūrdhā nyapadat bhūmau pralambīkṛtabhūṣaṇaḥ| sugrīvaḥ paramaprīto rāghavāya kṛtāñjaliḥ||
Thereupon Sugrīva, exceedingly glad, and delighted with his actions, bowing down his head on the earth and stretching his ornamented person on the ground, addressed with clasped hands, that heroic descendant of Raghu.
— M.N. Dutt (1891–94, public domain)
इदं चोवाच धर्मज्ञं कर्मणा तेन हर्षितः। रामं सर्वास्त्रविदुषां श्रेष्ठं शूरमवस्थितम्॥
idaṃ covāca dharmajñaṃ karmaṇā tena harṣitaḥ| rāmaṃ sarvāstraviduṣāṃ śreṣṭhaṃ śūramavasthitam||
Rāma, the foremost of those conversant with religious lore, with the following pious words.
— M.N. Dutt (1891–94, public domain)
सेन्द्रानपि सुरान् सर्वांस्त्वं बाणैः पुरुषर्षभ। समर्थः समरे हन्तुं किं पुनर्वालिनं प्रभो॥
sendrānapi surān sarvāṃstvaṃ bāṇaiḥ puruṣarṣabha| samarthaḥ samare hantuṃ kiṃ punarvālinaṃ prabho||
O best of men, O lord, what of Vali, you are capable of destroying with your arrows, in the conflict, even the celestials headed by Indra.
— M.N. Dutt (1891–94, public domain)
येन सप्त महाताला गिरिभूमिश्च दारिताः। बाणेनैकेन काकुत्स्थ स्थाता ते को रणाग्रतः।।।।
yena sapta mahātālā giribhūmiśca dāritāḥ| bāṇenaikena kākutstha sthātā te ko raṇāgrataḥ||||
O Kākutstha, who can stand before you in a battle, who has pierced the seven trees, and the mountain, and the earth with one arrow?
— M.N. Dutt (1891–94, public domain)
अद्य मे विगतः शोकः प्रीतिरद्य परा मम। सुहृदं त्वां समासाद्य महेन्द्रवरुणोपमम्॥
adya me vigataḥ śokaḥ prītiradya parā mama| suhṛdaṃ tvāṃ samāsādya mahendravaruṇopamam||
Obtaining you as my friend like to Mahendra and Varuņa, my grief has been removed and I have attained to an excess of delight.
— M.N. Dutt (1891–94, public domain)
तमद्यैव प्रियार्थं मे वैरिणं भ्रातृरूपिणम्। वालिनं जहि काकुत्स्थ मया बद्धोऽमञ्जलिः॥
tamadyaiva priyārthaṃ me vairiṇaṃ bhrātṛrūpiṇam| vālinaṃ jahi kākutstha mayā baddho'mañjaliḥ||
Do you, O Kākutstha, even to-day destroy, for my welfare, my brother Vāli. This I do pray to you with folded hands.
— M.N. Dutt (1891–94, public domain)
ततो रामः परिष्वज्य सुग्रीवं प्रियदर्शनम्। प्रत्युवाच महाप्राज्ञो लक्ष्मणानुगतं वचः॥
tato rāmaḥ pariṣvajya sugrīvaṃ priyadarśanam| pratyuvāca mahāprājño lakṣmaṇānugataṃ vacaḥ||
Thereupon embracing Sugrīva, of a pleasant countenance and like to Lakşmaņa, the highly wise Rāma spoke to him, saying,
— M.N. Dutt (1891–94, public domain)
अस्माद्गच्छाम किष्किन्धां क्षिप्रं गच्छ त्वमग्रतः। गत्वा चाह्वय सुग्रीव वालिनं भ्रातृगन्धिनम्॥
asmādgacchāma kiṣkindhāṃ kṣipraṃ gaccha tvamagrataḥ| gatvā cāhvaya sugrīva vālinaṃ bhrātṛgandhinam||
Soon shall we repair to Kiskindha.-Do you go before, O Sugriva, and invite your false brother, Vali, to battle.
— M.N. Dutt (1891–94, public domain)
सर्वे ते त्वरितं गत्वा किष्किन्धां वालिनः पुरीम्। वृक्षरात्मानमावृत्य ह्यतिष्ठन् गहने वने॥
sarve te tvaritaṃ gatvā kiṣkindhāṃ vālinaḥ purīm| vṛkṣarātmānamāvṛtya hyatiṣṭhan gahane vane||
Thereupon proceeding quickly to Kişkindhā, Väli's capital—they all stood waiting in that dense forest, hiding themselves under the trees.
— M.N. Dutt (1891–94, public domain)
सुग्रीवोऽप्यनदद् घोरं वालिनो ह्वानकारणात्। गाढं परिहितो वेगानादर्भिन्दनिवाम्बरम्॥
sugrīvo'pyanadad ghoraṃ vālino hvānakāraṇāt| gāḍhaṃ parihito vegānādarbhindanivāmbaram||
With a view to call Vāli, Sugrīva, tying fast his cloth (around the waist) set up a terrible roar, as if rending the sky (therewith).
— M.N. Dutt (1891–94, public domain)
तं श्रुत्वा निनदं भ्रातुः क्रुद्धो वाली महाबलः। निष्पपात सुसंरब्धो भास्करोऽस्ततटादिव॥
taṃ śrutvā ninadaṃ bhrātuḥ kruddho vālī mahābalaḥ| niṣpapāta susaṃrabdho bhāskaro'stataṭādiva||
Hearing the terrible uproar of his brother, the mighty Vāli, highly angered, issued out of his city, like to the Sun from the western shores (where he sets).
— M.N. Dutt (1891–94, public domain)
ततः सुतुमुलं युद्धं वालिसुग्रीवयोरभूत्। गगने ग्रहयो।रं बुधाङ्गारकयोरिव॥
tataḥ sutumulaṃ yuddhaṃ vālisugrīvayorabhūt| gagane grahayo|raṃ budhāṅgārakayoriva||
Thereupon there arose a mighty conflict between Vāli and Sugrīva like to the planets Mercury and Mars fighting with each other on the sky.
— M.N. Dutt (1891–94, public domain)
तलैरशनिकल्पैश्च वज्रकल्पैश्च मुष्टिभिः। जघ्नतुः समरेऽन्योन्यं भ्रातरौ क्रोधमूर्च्छितौ॥
talairaśanikalpaiśca vajrakalpaiśca muṣṭibhiḥ| jaghnatuḥ samare'nyonyaṃ bhrātarau krodhamūrcchitau||
The two brothers, exercised with ire, struck each other with palms like to Asani and with fists resembling adamant.
— M.N. Dutt (1891–94, public domain)
ततो रामो धनुष्पाणिस्तावुभौ समुदैक्षत। अन्योन्यसदृशौ वीराबुभौ देवाविवाश्विनौ॥
tato rāmo dhanuṣpāṇistāvubhau samudaikṣata| anyonyasadṛśau vīrābubhau devāvivāśvinau||
Thereupon Rāma, with bow in hand, beheld those two heroes resembling each other, like to two Aświns.
— M.N. Dutt (1891–94, public domain)
यन्नावगच्छत् सुग्रीवं वालिनं वापि राघवः। ततो न कृतवान् बुद्धिं मोक्तुमुन्तकरं शरम्॥
yannāvagacchat sugrīvaṃ vālinaṃ vāpi rāghavaḥ| tato na kṛtavān buddhiṃ moktumuntakaraṃ śaram||
And Rāghava did not discharge that mortal shaft until he could perfectly ascertain who was Vāli and who was Sugriva.
— M.N. Dutt (1891–94, public domain)
एतस्मिन्नन्तरे भग्नः सुग्रीवस्तेन वालिना। अपश्यन् राघवं नाथमृष्यमूकं प्रदुद्रुवे॥
etasminnantare bhagnaḥ sugrīvastena vālinā| apaśyan rāghavaṃ nāthamṛṣyamūkaṃ pradudruve||
In the mean time, being defeated by Vāli, Sugrīva fled away and not beholding Rāghava, proceeded towards Rșyamuka.
— M.N. Dutt (1891–94, public domain)
क्लान्तो रुधिरसिक्ताङ्गः प्रहारैर्जर्जरीकृतः। वालिनाभिद्रुतः क्रोधात् प्रविवेश महावनम्॥
klānto rudhirasiktāṅgaḥ prahārairjarjarīkṛtaḥ| vālinābhidrutaḥ krodhāt praviveśa mahāvanam||
And wearied, worn out with blows, and having his person bathed in blood, he, followed by Vāli, angered, entered that mighty forest.
— M.N. Dutt (1891–94, public domain)
तं प्रविष्टं वनं दृष्ट्वा वाली शापभयात् ततः। मुक्तो ह्यसि त्वमित्युक्त्वा स निवृत्तो महाबलः॥
taṃ praviṣṭaṃ vanaṃ dṛṣṭvā vālī śāpabhayāt tataḥ| mukto hyasi tvamityuktvā sa nivṛtto mahābalaḥ||
Beholding him enter that forest, the highly powerful Vâli could not pursue him there for fear of the curse but said:-You are released today
— M.N. Dutt (1891–94, public domain)
राघवोऽपि सह भ्रात्रा सह चैव हनूमता। तदेव वनमागच्छत् सुग्रीवो यत्र वानरः॥
rāghavo'pi saha bhrātrā saha caiva hanūmatā| tadeva vanamāgacchat sugrīvo yatra vānaraḥ||
And Rāghava too, with his brother and Hanumān, entered that forest, where the monkey chief Sugrīva was.
— M.N. Dutt (1891–94, public domain)
तं समीक्ष्यागतं रामं सुग्रीवः सहलक्ष्मणम्। ह्वीमान् दीनमुवाचेदं वसुधामवलोकयन्॥
taṃ samīkṣyāgataṃ rāmaṃ sugrīvaḥ sahalakṣmaṇam| hvīmān dīnamuvācedaṃ vasudhāmavalokayan||
Beholding Rāma approach with Lakşmaņa, Sugrīva, stricken with shame and casting his looks on the earth, addressed him poorly, with the following words.
— M.N. Dutt (1891–94, public domain)
आह्वयस्वेति मामुक्त्वा दर्शयित्वा च विक्रमम्। वैरिणा घातयित्वा च किमिदानीं त्वया कृतम्॥ तामेव वेलां वक्तव्यं त्वया राघव तत्त्वतः। वालिनं न निहन्मीति ततो नाहमितो व्रजे॥
āhvayasveti māmuktvā darśayitvā ca vikramam| vairiṇā ghātayitvā ca kimidānīṃ tvayā kṛtam|| tāmeva velāṃ vaktavyaṃ tvayā rāghava tattvataḥ| vālinaṃ na nihanmīti tato nāhamito vraje||
Accosting me with 'do you call (Vāli),' displaying your valour and making me struck by the enemy, what improper, conduct have you shown by me? You should have spoken me then truly, O Rāghava,-I shall not destroy Vali and I would not have gone there.
— M.N. Dutt (1891–94, public domain)
तस्य चैवं ब्रुवाणस्य सुग्रीवस्य महात्मनः। करुणं दीनया वाचा राघवः पुनरब्रवीत्॥
tasya caivaṃ bruvāṇasya sugrīvasya mahātmanaḥ| karuṇaṃ dīnayā vācā rāghavaḥ punarabravīt||
The high-souled Sugrīva speaking thus poorly, Rāghava again spoke to him, saying:
— M.N. Dutt (1891–94, public domain)
सुग्रीव श्रूयतां तात क्रोधश्च व्यपनीयताम्। कारणं येन बाणोऽयं स मया न विसर्जितः॥
sugrīva śrūyatāṃ tāta krodhaśca vyapanīyatām| kāraṇaṃ yena bāṇo'yaṃ sa mayā na visarjitaḥ||
Do you hear, O Sugriva, O worshipful one, why I did not discharge my arrow then.
— M.N. Dutt (1891–94, public domain)
अलंकारेण वेषेण प्रमाणेन गतेन च। त्वं च सुग्रीव वाली च सदृशौ स्थः परस्परम्॥
alaṃkāreṇa veṣeṇa pramāṇena gatena ca| tvaṃ ca sugrīva vālī ca sadṛśau sthaḥ parasparam||
By ornaments, dress, stature and movements yourself and Vali are just the same, O Sugriva.
— M.N. Dutt (1891–94, public domain)
स्वरेण वर्चसा चैव प्रेक्षितेन च वानर। विक्रमेण च वाक्यैश्च व्यक्तिं वां नोपलक्षये॥
svareṇa varcasā caiva prekṣitena ca vānara| vikrameṇa ca vākyaiśca vyaktiṃ vāṃ nopalakṣaye||
By voice, by words, by looks or by valour, O monkey, I could not make out any distinction.
— M.N. Dutt (1891–94, public domain)
ततोऽहं रूपसादृश्यान्मोहितो वानरोत्तम। नोत्सृजामि महावेगं शरं शत्रुनिबर्हणम्॥
tato'haṃ rūpasādṛśyānmohito vānarottama| notsṛjāmi mahāvegaṃ śaraṃ śatrunibarhaṇam||
O best of monkeys, being thus surprised by the similarity of your countenances I could not discharge that foe-destroying and quick-coursing shaft.
— M.N. Dutt (1891–94, public domain)
जीवितान्तकरं घोरं सादृश्यात् तु विशङ्कितः। मूलघातो न नौ स्याद्धि द्वयोरिति कृतो मया॥
jīvitāntakaraṃ ghoraṃ sādṛśyāt tu viśaṅkitaḥ| mūlaghāto na nau syāddhi dvayoriti kṛto mayā||
I was so afraid of your resemblance with Vāli that I thought that lest the mortal shaft might destroy you.
— M.N. Dutt (1891–94, public domain)
त्वयि वीर विपन्ने हि अज्ञानाल्लाघवान्मया। मौढ्यं च मम बाल्यं च ख्यापितं स्यात्कपीश्वर ॥
tvayi vīra vipanne hi ajñānāllāghavānmayā| mauḍhyaṃ ca mama bālyaṃ ca khyāpitaṃ syātkapīśvara ||
O hero, O lord of monkeys, if any disaster befalleth you, who are already overwhelmed with miseries, through my ignorance childishness, they shall be known all over the world.
— M.N. Dutt (1891–94, public domain)
दत्ताभयवधो नाम पातकं महदद्भुतम्। अहं च लक्ष्मणश्चैव सीता च वरवर्णिना॥ त्वदधीना वयं सर्वे वनेऽस्मिशरणं भवान्। तस्माद् युध्यस्व भूयस्त्वं मा माशङ्कीश्च वानर ॥
dattābhayavadho nāma pātakaṃ mahadadbhutam| ahaṃ ca lakṣmaṇaścaiva sītā ca varavarṇinā|| tvadadhīnā vayaṃ sarve vane'smiśaraṇaṃ bhavān| tasmād yudhyasva bhūyastvaṃ mā māśaṅkīśca vānara ||
Mighty is the sin that ariseth from the destruction of one who has been offered shelter. Myself, Laksmana, and that exquisitely fine damsel-Sita-are all at your service-you or are our only refuge in this forest. Do you again enter into conflict, therefore, and do not fear, O monkey.
— M.N. Dutt (1891–94, public domain)
एतन्मुहूर्ते तु मया पश्य वालिनमाहवे। निरस्तमिषुणैकेन चेष्टमानं महीतले॥
etanmuhūrte tu mayā paśya vālinamāhave| nirastamiṣuṇaikena ceṣṭamānaṃ mahītale||
And do you behold even, in this very moment, Vāli, moving restlessly on the breast of the earth, wounded by my shaft.
— M.N. Dutt (1891–94, public domain)
अभिज्ञानं कुरुष्व त्वमात्मनो वानरेश्वर। येन त्वामभिजानीयां द्वन्द्वयुद्धमुपागतम्॥
abhijñānaṃ kuruṣva tvamātmano vānareśvara| yena tvāmabhijānīyāṃ dvandvayuddhamupāgatam||
Do you make some mark on your person, O lord of monkeys, by which I shall be able to recognize you when engaged in a duel (with your brother).
— M.N. Dutt (1891–94, public domain)
गजपुष्पीमिमां फुल्लामुत्पाट्य शुभलक्षणाम्। कुरु लक्ष्मण कण्ठेऽस्य सुग्रीवस्य महात्मनः॥।
gajapuṣpīmimāṃ phullāmutpāṭya śubhalakṣaṇām| kuru lakṣmaṇa kaṇṭhe'sya sugrīvasya mahātmanaḥ|||
O Lakşmaņa, plucking this auspicious Gaja flower, do you put it round the neck of the highsouled Sugriva.
— M.N. Dutt (1891–94, public domain)
ततो गिरितटे जातामुत्पाट्य कुसुमायुताम्। लक्ष्मणो गजपुष्पी तां तस्य कण्ठे व्यसर्जयत्॥ स तया शुशुभे श्रीमाल्लतया कण्ठसक्तया। मालयेव बलाकानां ससंध्य इव तोयदः॥
tato giritaṭe jātāmutpāṭya kusumāyutām| lakṣmaṇo gajapuṣpī tāṃ tasya kaṇṭhe vyasarjayat|| sa tayā śuśubhe śrīmāllatayā kaṇṭhasaktayā| mālayeva balākānāṃ sasaṃdhya iva toyadaḥ||
Thereat that highly graceful one with the garland around his neck appeared like to a cloud.
— M.N. Dutt (1891–94, public domain)
विभ्राजमानो वपुषा रामवाक्यसमाहितः। जगाम सह रामेण किष्किन्धां पुनराप सः॥
vibhrājamāno vapuṣā rāmavākyasamāhitaḥ| jagāma saha rāmeṇa kiṣkindhāṃ punarāpa saḥ||
And appearing in a graceful person and attentive to Rāma's words he again entered Kiş kindhā with him.
— M.N. Dutt (1891–94, public domain)