Siraatअयोध्याकाण्डः सर्गः 46
32 verses
ततस्तु तमसातीरं रम्यमाश्रित्य राघवः। सीतामुद्वीक्ष्य सौमित्रिमिदं वचनमब्रवीत्॥
tatastu tamasātīraṃ ramyamāśritya rāghavaḥ| sītāmudvīkṣya saumitrimidaṃ vacanamabravīt||
Then Rāghava pausing on the banks of the Tamasā, looked at Sītā and spoke to Sumitrā's son, saying.
— M.N. Dutt (1891–94, public domain)
इयमद्य निशा पूर्वा सौमित्रे प्रहिता वनम्। वनवासस्य भद्रं ते न चोत्कण्ठितुमर्हसि॥
iyamadya niśā pūrvā saumitre prahitā vanam| vanavāsasya bhadraṃ te na cotkaṇṭhitumarhasi||
O son of Sumitrā, this is the first night of our exile into the forest. From this day it behoveth you not, good betide you, to suffer your mind to grieve (by dwelling on past joys.)
— M.N. Dutt (1891–94, public domain)
पश्य शून्यान्यरण्यानि रुदन्तीव समन्ततः। यथा निलयमायद्भिर्निलीनानि मृगद्विजैः॥
paśya śūnyānyaraṇyāni rudantīva samantataḥ| yathā nilayamāyadbhirnilīnāni mṛgadvijaiḥ||
The empty forest resounding with the cries of beasts and birds returned to their abodes, covered with gloom, seems to weep on all sides.
— M.N. Dutt (1891–94, public domain)
अद्यायोध्या तु नगरी राजधानी पितुर्मम। सस्त्रीपुंसा गतानस्माञ्छोचिष्यति न संशयः॥
adyāyodhyā tu nagarī rājadhānī piturmama| sastrīpuṃsā gatānasmāñchociṣyati na saṃśayaḥ||
Doubtless to-day the men and women of Ayodhyā, the metropolis of my father, are bewailing us retired to the forest.
— M.N. Dutt (1891–94, public domain)
अनुरक्ता हि मनुजा राजानं बहुभिर्गुणैः। त्वां च मां च नरव्याघ्र शत्रुघ्नभरतौ तथा॥
anuraktā hi manujā rājānaṃ bahubhirguṇaiḥ| tvāṃ ca māṃ ca naravyāghra śatrughnabharatau tathā||
O foremost of men, the people are attached to yourself, the monarch, Bharata, Satrughna, and myself, because of our various good qualities.
— M.N. Dutt (1891–94, public domain)
पितरं चानुशोचामि मातरं च यशस्विनीम्। अपि नान्धौ भवेतां नौ रुदन्तौ तावभीक्ष्णशः॥
pitaraṃ cānuśocāmi mātaraṃ ca yaśasvinīm| api nāndhau bhavetāṃ nau rudantau tāvabhīkṣṇaśaḥ||
I bewail our father as well as my illustrious mother. I fear lest lamenting ceaselessly, they become blind.
— M.N. Dutt (1891–94, public domain)
भरतः खलु धर्मात्मा पितरं मातरं च मे। धर्मार्थकामसहितैर्वाक्यैराश्वासयिष्यति॥
bharataḥ khalu dharmātmā pitaraṃ mātaraṃ ca me| dharmārthakāmasahitairvākyairāśvāsayiṣyati||
But surely the virtuous Bharata will console our father and mother with words fraught with virtuc, interest and profit.
— M.N. Dutt (1891–94, public domain)
भरतस्यानृशंसत्वं संचिन्त्याहं पुनः पुनः। नानुशोचामि पितरं मातरं च महाभुज॥
bharatasyānṛśaṃsatvaṃ saṃcintyāhaṃ punaḥ punaḥ| nānuśocāmi pitaraṃ mātaraṃ ca mahābhuja||
Reflecting again and again on Bharata's sincerity of soul, I do not, O mighty-armed one, bewail either my mother or my father.
— M.N. Dutt (1891–94, public domain)
त्वया कार्यं नरव्याघ्र मामनुव्रजता कृतम्। अन्वेष्टव्या हि वैदेह्या रक्षणार्थं सहायता॥ अद्भिरेव हि सौमित्रे वत्स्याम्यद्य निशामिमाम्। एतद्धि रोचते मह्यं वन्येऽपि विविधे सति॥
tvayā kāryaṃ naravyāghra māmanuvrajatā kṛtam| anveṣṭavyā hi vaidehyā rakṣaṇārthaṃ sahāyatā|| adbhireva hi saumitre vatsyāmyadya niśāmimām| etaddhi rocate mahyaṃ vanye'pi vividhe sati||
foremost of men, that you have followed me in what is your duty. (If you had not done so), I should have to seek elsewhere for the protection of Vaidehī.
— M.N. Dutt (1891–94, public domain)
एवमुक्त्वा तु सौमित्रिं सुमन्त्रमपि राघवः। अप्रमत्तस्त्वमश्वेषु भव सौम्येत्युवाच ह॥
evamuktvā tu saumitriṃ sumantramapi rāghavaḥ| apramattastvamaśveṣu bhava saumyetyuvāca ha||
O Sumitrā's son, I will spend here this night, subsisting alone. Even this recommends itself to me, although the forest yields various kinds of fruits.
— M.N. Dutt (1891–94, public domain)
सोऽश्वान् सुमन्त्रः संयम्य सूर्येऽस्तं समुपागत। प्रभूतयवसान् कृत्वा बभूव प्रत्यनन्तरः॥
so'śvān sumantraḥ saṃyamya sūrye'staṃ samupāgata| prabhūtayavasān kṛtvā babhūva pratyanantaraḥ||
Having said this to Sumitrā's son, Raghava spoke to Sumantra, saying, “O mild one, do you now heedfully tend the horses.” Then at sunset, fastening the horses, Sumantra fed them plentifully with grass, and then came back.
— M.N. Dutt (1891–94, public domain)
उपास्य तु शिवां संध्यां दृष्ट्वा रात्रिमुपागताम्। रामस्य शयनं चक्रे सूतः सौमित्रिणा सह ॥
upāsya tu śivāṃ saṃdhyāṃ dṛṣṭvā rātrimupāgatām| rāmasya śayanaṃ cakre sūtaḥ saumitriṇā saha ||
Then seeing the night arrived, the charioteer worshipped the beneficent Sandhyā, and then in company with Sumitrā's son, prepared Rāma's bed. on water
— M.N. Dutt (1891–94, public domain)
तां शय्यां तमसातीरे वीक्ष्य वृक्षदलैर्वृताम्। रामः सौमित्रिणा सार्धं सभार्यः संविवेश ह॥
tāṃ śayyāṃ tamasātīre vīkṣya vṛkṣadalairvṛtām| rāmaḥ saumitriṇā sārdhaṃ sabhāryaḥ saṃviveśa ha||
And looking at that bed on the shores of the Tamasā surrounded by trees, Rāma along with his wife and the son of Sumitrā, lay down,
— M.N. Dutt (1891–94, public domain)
सभार्यं सम्प्रसुप्तं तु श्रान्तं सम्प्रेक्ष्य लक्ष्मणः। कथयामास सूताय रामस्य विविधान् गुणान्॥
sabhāryaṃ samprasuptaṃ tu śrāntaṃ samprekṣya lakṣmaṇaḥ| kathayāmāsa sūtāya rāmasya vividhān guṇān||
When Lakşmaņa found that Rāma afflicted with fatigue had slept together with his spouse, he began to speak to the charioteer concerning the various qualities of Rāma.
— M.N. Dutt (1891–94, public domain)
जाग्रतोरेव तां रात्रिं सौमित्ररुदितो रविः। सूतस्य तमसातीरे रामस्य ब्रुवतो गुणान्॥
jāgratoreva tāṃ rātriṃ saumitrarudito raviḥ| sūtasya tamasātīre rāmasya bruvato guṇān||
As remaining awake in the night, Sumitrā's son was engaged in expatiating to the charioteer on the virtues of Rāma on the banks of the Tamasă, the sun arose.
— M.N. Dutt (1891–94, public domain)
गोकुलाकुलतीरायास्तमसाया विदूरतः। अवसत् तत्र तां रात्रिं रामः प्रकृतिभिः सह ॥
gokulākulatīrāyāstamasāyā vidūrataḥ| avasat tatra tāṃ rātriṃ rāmaḥ prakṛtibhiḥ saha ||
Rāma abode that night along with the subjects at some distance from the banks of the Tamasā filled with kine.
— M.N. Dutt (1891–94, public domain)
उत्थाय च महातेजाः प्रकृतीस्ता निशाम्य च। अब्रवीद् भ्रातरं रामो लक्ष्मणं पुण्यलक्षणम्॥
utthāya ca mahātejāḥ prakṛtīstā niśāmya ca| abravīd bhrātaraṃ rāmo lakṣmaṇaṃ puṇyalakṣaṇam||
Rising (from his bed), that highly energetic one, Rāma, viewing the subjects (asleep), addressed his brother Lakşmana graced with auspicious marks.
— M.N. Dutt (1891–94, public domain)
अस्मद्यपेक्षान् सौमित्रे नियंपेक्षान् गृहेष्वपि । वृक्षमूलेषु संसक्तान् पश्य लक्ष्मण साम्प्रतम्॥
asmadyapekṣān saumitre niyaṃpekṣān gṛheṣvapi | vṛkṣamūleṣu saṃsaktān paśya lakṣmaṇa sāmpratam||
O son of Sumitrā, these that for our sake have disregarded their own homes, are still asleep beneath the trees.
— M.N. Dutt (1891–94, public domain)
यथेते नियमं पौराः कुर्वन्त्यस्मन्निवर्तने। अपि प्राणान् न्यसिष्यन्ति न तु त्यक्ष्यन्ति निश्चयम्।।२०
yathete niyamaṃ paurāḥ kurvantyasmannivartane| api prāṇān nyasiṣyanti na tu tyakṣyanti niścayam||20
These citizens have determined upon making me turn back from the forest, they would rather renounce their lives than give up their resolve.
— M.N. Dutt (1891–94, public domain)
यावदेव तु संसुप्तास्तावदेव वयं लघु। रथमारुह्य गच्छामः पन्थानमकुतोभयम्॥
yāvadeva tu saṃsuptāstāvadeva vayaṃ laghu| rathamāruhya gacchāmaḥ panthānamakutobhayam||
Let us while they are asleep ascending on our car, swiftly go our way without fear of molestation.
— M.N. Dutt (1891–94, public domain)
अतो भूयोऽपि नेदानीमिक्ष्वाकुपुरवासिनः। स्वपेयुरनुरक्ता मा वृक्षमूलेषु संश्रिताः॥
ato bhūyo'pi nedānīmikṣvākupuravāsinaḥ| svapeyuranuraktā mā vṛkṣamūleṣu saṃśritāḥ||
Attached to me, the denizons of Ikşvāku's city will not again indulge in sleep underneath trees.
— M.N. Dutt (1891–94, public domain)
पौरा ह्यात्मकृताद् दुःखाद् विप्रमोच्या नृपात्मजैः। न तु खल्वात्मना योज्या दुःखेन पुरवासिनः॥
paurā hyātmakṛtād duḥkhād vipramocyā nṛpātmajaiḥ| na tu khalvātmanā yojyā duḥkhena puravāsinaḥ||
A prince should deliver citizens from the calamity they bring upon themselves; but he should by no means drag them into those which he himself has brought on.
— M.N. Dutt (1891–94, public domain)
अब्रवील्लक्ष्मणो रामं साक्षाद् धर्ममिव स्थितम्। रोचते मे तथा प्राज्ञ क्षिप्रमारुह्यतामिति ॥
abravīllakṣmaṇo rāmaṃ sākṣād dharmamiva sthitam| rocate me tathā prājña kṣipramāruhyatāmiti ||
Then Lakşmana spoke to Rāma like to manifest Virtue on earth, "O wise one, even this is relished also by me. Do you speedily ascend (the car.)"
— M.N. Dutt (1891–94, public domain)
अथ रामोऽब्रवीत् सूतं शीघ्रं संयुज्यतां रथः। गमिष्यामि ततोऽरण्यं गच्छ शीघ्रमितः प्रभो॥
atha rāmo'bravīt sūtaṃ śīghraṃ saṃyujyatāṃ rathaḥ| gamiṣyāmi tato'raṇyaṃ gaccha śīghramitaḥ prabho||
Rāma said to the charioteer, "Do you at once yoke the car. I will repair to the forest. Do you, my master, swiftly go hence."
— M.N. Dutt (1891–94, public domain)
सूतस्ततः संत्वरितः स्यन्दनं तैहयोत्तमैः। योजयित्वा तु रामस्य प्राञ्जलिः प्रत्यवेदयत्॥
sūtastataḥ saṃtvaritaḥ syandanaṃ taihayottamaiḥ| yojayitvā tu rāmasya prāñjaliḥ pratyavedayat||
Thereupon the charioteer bestirring himself, yoking the excellent horses to the car, said to Rāma with joined hands.
— M.N. Dutt (1891–94, public domain)
अयं युक्तो महाबाहो रथस्ते रथिनां वर। त्वरयारोह भद्रं ते ससीतः सहलक्ष्मणः॥
ayaṃ yukto mahābāho rathaste rathināṃ vara| tvarayāroha bhadraṃ te sasītaḥ sahalakṣmaṇaḥ||
Here, O mighty-armed one, is your car ready yoked, O foremost of car-warriors. Do you speedily ascend, good betide you, along with Sītā and Laksmaņa.
— M.N. Dutt (1891–94, public domain)
तं स्यन्दनमधिष्ठाय राघवः सपरिच्छदः। शीघ्रगामाकुलावर्ती तमसामतरत्रदीम्॥
taṃ syandanamadhiṣṭhāya rāghavaḥ saparicchadaḥ| śīghragāmākulāvartī tamasāmataratradīm||
Ascending the car after equipping himself, Rāghava crossed the rapidly-rushing Tamasā abounding in eddies.
— M.N. Dutt (1891–94, public domain)
स संतीर्य महाबाहुः श्रीमाञ्छिवमकण्टकम्। प्रापद्यत महामार्गमभयं भयदर्शिनाम्॥
sa saṃtīrya mahābāhuḥ śrīmāñchivamakaṇṭakam| prāpadyata mahāmārgamabhayaṃ bhayadarśinām||
Having crossed (the stream), the auspicious and mighty-armed one came upon a safe and goodly-high way capable of inspiring even timid people with confidence.
— M.N. Dutt (1891–94, public domain)
मोहनार्थं तु पौराणां सूतं रामोऽब्रवीद् वचः। उदङ्मुखः प्रयाहि त्वं रथमारुह्य सारथे॥ मुहूर्तं त्वरितं गत्वा निवर्तय रथं पुनः। यथा न विद्युः पौरा मां तथा कुरु समाहितः॥
mohanārthaṃ tu paurāṇāṃ sūtaṃ rāmo'bravīd vacaḥ| udaṅmukhaḥ prayāhi tvaṃ rathamāruhya sārathe|| muhūrtaṃ tvaritaṃ gatvā nivartaya rathaṃ punaḥ| yathā na vidyuḥ paurā māṃ tathā kuru samāhitaḥ||
But with the view of deluding the citizens, Rāma said to the charioteer, "O charioteer, do you ascending the car proceed northwards; and having proceeded swiftly for a while, do you turn the car. Do you carefully act so that the citizens nay not perceive this."
— M.N. Dutt (1891–94, public domain)
रामस्य तु वचः श्रुत्वा तथा चक्रे च सारथिः। प्रत्यागम्य च रामस्य स्यन्दनं प्रत्यवेदयत्॥
rāmasya tu vacaḥ śrutvā tathā cakre ca sārathiḥ| pratyāgamya ca rāmasya syandanaṃ pratyavedayat||
Hearing Rāma's words, the charioteer did accordingly, and having returned said to Rāma to ascend the car.
— M.N. Dutt (1891–94, public domain)
तौ सम्प्रयुक्तं तु रथं समास्थितौ तदा ससीतौ रघुवंशवर्धनौ। प्रचोदयामास ततस्तुरंगमान् स सारथिर्येन पथा तपोवनम्॥
tau samprayuktaṃ tu rathaṃ samāsthitau tadā sasītau raghuvaṃśavardhanau| pracodayāmāsa tatasturaṃgamān sa sārathiryena pathā tapovanam||
Then on those perpetuators of the Raghu race having along with Sītā been seated on the car, the charioteer drove the horses by that road which conducted to the hermitage.
— M.N. Dutt (1891–94, public domain)
ततः समास्थाय रथं महारथः ससारथिर्दाशरथिर्वनं ययौ। उदङ्मुखं तं तु रथं चकार प्रयाणमाङ्गल्यनिमित्तदर्शनात्॥
tataḥ samāsthāya rathaṃ mahārathaḥ sasārathirdāśarathirvanaṃ yayau| udaṅmukhaṃ taṃ tu rathaṃ cakāra prayāṇamāṅgalyanimittadarśanāt||
Then placing the car with its face northwards for the purpose of invoking auspiciousness on their journey, that mighty charioteer, Dasaratha's son established on the vehicle, set out for the forest.
— M.N. Dutt (1891–94, public domain)