Siraatअयोध्याकाण्डः सर्गः 42
30 verses
यावत् तु निर्यतस्तस्य रजोरूपमदृश्यत। नैवेक्ष्वाकुवरस्तावत् संजहारात्मचक्षुषी॥
yāvat tu niryatastasya rajorūpamadṛśyata| naivekṣvākuvarastāvat saṃjahārātmacakṣuṣī||
So long as he could see the dust raised by the car of Rāma setting out for the forest, so long that best of the Ikşvāku race did not turn his eyes from that direction.
— M.N. Dutt (1891–94, public domain)
यावद् राजा प्रियं पुत्रं पश्यत्यत्यन्तधार्मिकम्। तावद् व्यवर्धतेवास्य धरण्यां पुत्रदर्शने॥
yāvad rājā priyaṃ putraṃ paśyatyatyantadhārmikam| tāvad vyavardhatevāsya dharaṇyāṃ putradarśane||
And so long as the king could discover his exceedingly virtuous and favourite son, so long he raised himself (on his toes) on the earth with the view of beholding him.
— M.N. Dutt (1891–94, public domain)
न पश्यति रजोऽप्यस्य यदा रामस्य भूमिपः। तदार्तश्च निषण्णश्च पपात धरणीतले॥
na paśyati rajo'pyasya yadā rāmasya bhūmipaḥ| tadārtaśca niṣaṇṇaśca papāta dharaṇītale||
When the ruler of earth could no longer perceive even the dust raised by Rāma's car, then pierced with sorrow, and in heaviness of heart, he fell down to the ground.
— M.N. Dutt (1891–94, public domain)
तस्य दक्षिणमन्वागात् कौसल्या बाहुमङ्गना। परं चास्यान्वगात् पार्श्व कैकेयी सा सुमध्यमा॥
tasya dakṣiṇamanvāgāt kausalyā bāhumaṅganā| paraṃ cāsyānvagāt pārśva kaikeyī sā sumadhyamā||
Then (raising him up), Kausalyā held his right arm and walked with him, while the slenderwaisted Kaikeyi walked by his left.
— M.N. Dutt (1891–94, public domain)
तां नयेन च सम्पन्नो धर्मेण विनयेन च। उवाच राजा कैकेयीं समीक्ष्य व्यथितेन्द्रियः॥
tāṃ nayena ca sampanno dharmeṇa vinayena ca| uvāca rājā kaikeyīṃ samīkṣya vyathitendriyaḥ||
Endowed with a sense of justice and with virtue and humility, the king with afflicted senses steadily eyeing Kaikeyī, thus spoke to her.
— M.N. Dutt (1891–94, public domain)
कैकेयि मामकाङ्गानि मा स्पाक्षी: पापनिश्चये। नहि त्वां द्रष्टुमिच्छामि न भार्या न च बान्धवी॥ ये च त्वामनुजीवन्ति नाहं तेषां न ते मम। केवलार्थपरां हि त्वां त्यक्तधर्मां त्यजाम्यहम्॥
kaikeyi māmakāṅgāni mā spākṣī: pāpaniścaye| nahi tvāṃ draṣṭumicchāmi na bhāryā na ca bāndhavī|| ye ca tvāmanujīvanti nāhaṃ teṣāṃ na te mama| kevalārthaparāṃ hi tvāṃ tyaktadharmāṃ tyajāmyaham||
O Kaikeyī, that have decided for following sin, do you not touch my person, nor do I wish to see you. You are no wife of mine, not even a maid-servant of a friend sharing his good graces. I am none to those that subsist on your favour, nor are they anything to me. I renounce you who solely seek your interest and have abandoned virtue.
— M.N. Dutt (1891–94, public domain)
अगृह्णां यच्च ते पाणिमग्निं पर्यणयं च यत्। अनुजानामि तत् सर्वमस्मिल्लोके परत्र च॥
agṛhṇāṃ yacca te pāṇimagniṃ paryaṇayaṃ ca yat| anujānāmi tat sarvamasmilloke paratra ca||
I renounce all the advantages pertaining either to this world or the next which I am entitled to by virtue of having obtained your hand and having made you circumambulate the sacrificial fire.
— M.N. Dutt (1891–94, public domain)
भरतश्चेत् प्रतीतः स्याद् राज्यं प्राप्यैतदव्ययम्। यन्मे स दद्यात् पित्र) मा मां तद्दत्तमागमत्॥
bharataścet pratītaḥ syād rājyaṃ prāpyaitadavyayam| yanme sa dadyāt pitra) mā māṃ taddattamāgamat||
If Bharata is satisfied with receiving this entire kingdom, let not what he spends on account of my funeral obsequies find its way to me.
— M.N. Dutt (1891–94, public domain)
अथ रेणुसमुद्भवस्तं समुत्थाप्य नराधिपम्। न्यवर्तत तदा देवी कौसल्या शोककर्शिता॥
atha reṇusamudbhavastaṃ samutthāpya narādhipam| nyavartata tadā devī kausalyā śokakarśitā||
Then raising the lord of men covered with dust, the noble Kausalyā pierced with grief, stopped (along with the monarch.)
— M.N. Dutt (1891–94, public domain)
हत्वेव ब्राह्मणं कामात् स्पृष्ट्वाग्निमिव पाणिना। अन्वतप्यत धर्मात्मा पुत्रं संचिन्त्य राघवम्॥
hatveva brāhmaṇaṃ kāmāt spṛṣṭvāgnimiva pāṇinā| anvatapyata dharmātmā putraṃ saṃcintya rāghavam||
The righteous one remembering Rāghava repented himself, as if he had slain a Brāhmaṇa through inordinate desire, or as if he had placed his hand in fire.
— M.N. Dutt (1891–94, public domain)
निवृत्यैव निवृत्यैव सीदतो रथवर्मसु। नाज्ञो नातिबभौ रूपं ग्रस्तस्यांशुमतो यथा॥
nivṛtyaiva nivṛtyaiva sīdato rathavarmasu| nājño nātibabhau rūpaṃ grastasyāṃśumato yathā||
Having stopped again and again, the visage of the monarch lamenting on beholding the track of the car, appeared dim like the Moon invaded by Rāhu,
— M.N. Dutt (1891–94, public domain)
विललाप स दुःखार्तः प्रियं पुत्रमनुस्मरन्। नगरान्तमनुप्राप्तं बुद्ध्वा पुत्रमथाब्रवीत्॥
vilalāpa sa duḥkhārtaḥ priyaṃ putramanusmaran| nagarāntamanuprāptaṃ buddhvā putramathābravīt||
And stricken with grief, he lamented, remembering his beloved son, and thinking that by this time he had reached the precincts of the city, he broke out into the following.
— M.N. Dutt (1891–94, public domain)
वाहनानां च मुख्यानां वहतां तं ममात्मजम्। पदानि पथि दृश्यन्ते स महात्मा न दृश्यते॥
vāhanānāṃ ca mukhyānāṃ vahatāṃ taṃ mamātmajam| padāni pathi dṛśyante sa mahātmā na dṛśyate||
On the way are traced the foot-prints of those foremost of bearers that are carrying my son away; but that magnanimous one I do not find.
— M.N. Dutt (1891–94, public domain)
यः सुखेनोपधानेषु शेते चन्दनरुषितः। वीज्यमानो महार्हाभिः स्त्रीभिर्मम सुतोत्तमः॥ स नूनं क्वचिदेवाद्य वृक्षमूलमुपाश्रितः। काष्ठं वा यदि वाश्मानमुपधाय शयिष्यते॥
yaḥ sukhenopadhāneṣu śete candanaruṣitaḥ| vījyamāno mahārhābhiḥ strībhirmama sutottamaḥ|| sa nūnaṃ kvacidevādya vṛkṣamūlamupāśritaḥ| kāṣṭhaṃ vā yadi vāśmānamupadhāya śayiṣyate||
And that meritorious son of mine, who, daubed with sandal, used to rest his head pleasantly upon a pillow, fanned by beauteous damsels decked in ornaments, will to-day surely take refuge underneath a tree, and lay his head on a wooden plank or a stone.
— M.N. Dutt (1891–94, public domain)
उत्थास्यति च मेदिन्याः कृपणः पांसुगुण्ठितः। विनिःश्वसन् प्रस्रवणात् करेणूनामिवर्षभः॥
utthāsyati ca medinyāḥ kṛpaṇaḥ pāṃsuguṇṭhitaḥ| viniḥśvasan prasravaṇāt kareṇūnāmivarṣabhaḥ||
Covered with dust, he heaving sighs will rise from the ground in sad guise, like a leader of she-elephants rising from the side of a mountain.
— M.N. Dutt (1891–94, public domain)
द्रक्ष्यन्ति नूनं पुरुषा दीर्घबाहुं वनेचराः। राममुत्थाय गच्छन्तं लोकनाथमनाथवत्॥
drakṣyanti nūnaṃ puruṣā dīrghabāhuṃ vanecarāḥ| rāmamutthāya gacchantaṃ lokanāthamanāthavat||
The rangers of the woods will now see the long-armed Rāma resembling the lord himself of the worlds, rising from the ground and going like one forlorn.
— M.N. Dutt (1891–94, public domain)
सा नूनं जनकस्येष्टा सुता सुखसदोचिता। कण्टकाक्रमणक्लान्ता वनमद्य गमिष्यति॥
sā nūnaṃ janakasyeṣṭā sutā sukhasadocitā| kaṇṭakākramaṇaklāntā vanamadya gamiṣyati||
That one so dearly loved by Janaka, worthy of being constantly ministered to with comforts, is to-day going to the forest, fatigued in consequence of having been pierced with thorns.
— M.N. Dutt (1891–94, public domain)
अनभिज्ञा वनानां सा नूनं भयमुपैष्यति। श्वपदानर्दितं श्रुत्वा गम्भीरं रोमहर्षणम्॥
anabhijñā vanānāṃ sā nūnaṃ bhayamupaiṣyati| śvapadānarditaṃ śrutvā gambhīraṃ romaharṣaṇam||
Unacquainted with the forest, she is certainly afflicted with fright on hearing the deep roars of ferocious beasts, capable of making one's hair stand erect.
— M.N. Dutt (1891–94, public domain)
सकामा भव कैकेयि विधवा राज्यमावस। नहि तं पुरुषव्याघ्रं विना जीवितुमुत्सहे॥
sakāmā bhava kaikeyi vidhavā rājyamāvasa| nahi taṃ puruṣavyāghraṃ vinā jīvitumutsahe||
O Kaikeyi, do you realise your desire, do you becoming a widow, rule this kingdom. Without that best of men I cannot live.
— M.N. Dutt (1891–94, public domain)
इत्येवं विलपन् राजा जनौघेनाभिसंवृतः। अपस्नात इवारिष्टं प्रविवेश गृहोत्तमम्॥
ityevaṃ vilapan rājā janaughenābhisaṃvṛtaḥ| apasnāta ivāriṣṭaṃ praviveśa gṛhottamam||
Thus lamenting, the king surrounded by the multitude, like one that had performed his bath after death, entered that best of cities filled with people enfeebled and smitten with grief, with its streets thinned of men and its stalls closed.
— M.N. Dutt (1891–94, public domain)
शून्यचत्वरवेश्मान्तां संवृतापणवेदिकाम्। क्लान्तदुर्बलदुःखार्ती नात्याकीर्णमहापथाम्॥ तामवेक्ष्य पुरीं सर्वां राममेवानुचिन्तयन्। विलपन् प्राविशद् राजा गृहं सूर्य इवाम्बुदम्॥ महाह्नदमिवाक्षोभ्यं सुपर्णेन हृतोरगम्। रामेण रहितं वेश्म वैदेह्या लक्ष्मणेन च॥
śūnyacatvaraveśmāntāṃ saṃvṛtāpaṇavedikām| klāntadurbaladuḥkhārtī nātyākīrṇamahāpathām|| tāmavekṣya purīṃ sarvāṃ rāmamevānucintayan| vilapan prāviśad rājā gṛhaṃ sūrya ivāmbudam|| mahāhnadamivākṣobhyaṃ suparṇena hṛtoragam| rāmeṇa rahitaṃ veśma vaidehyā lakṣmaṇena ca||
And beholding that entire city, with his mind fixed upon Rāma, the king lamenting, like to the sun entering clouds, entered that city like to an unagitated sea rid of serpents by Suparna,* the city without Rāma or Lakşmaņa or Sītā. *Fair-feathered, a name of Garuda.
— M.N. Dutt (1891–94, public domain)
अथ गद्भदशब्दस्तु विलपन् वसुधाधिपः। उवाच मृदु मन्दार्थं वचनं दीनमस्वरम्॥
atha gadbhadaśabdastu vilapan vasudhādhipaḥ| uvāca mṛdu mandārthaṃ vacanaṃ dīnamasvaram||
Then with tears in his eyes, the lord of earth, lamenting, in unintelligible accents said these sad and broken words.
— M.N. Dutt (1891–94, public domain)
कौसल्याया गृहं शीघ्रं राममातुर्नयन्तु माम्। नह्यन्यत्र ममाश्वासो हृदयस्य भविष्यति॥
kausalyāyā gṛhaṃ śīghraṃ rāmamāturnayantu mām| nahyanyatra mamāśvāso hṛdayasya bhaviṣyati||
Do you speedily take me to the room of Rāma's mother, Kausalyā; for in no other place shall I find rest for my heart.
— M.N. Dutt (1891–94, public domain)
इति ब्रुवन्तं राजानमनयन् द्वारदर्शिनः। कौसल्याया गृहं तत्र न्यवेश्यत विनीतवत्॥
iti bruvantaṃ rājānamanayan dvāradarśinaḥ| kausalyāyā gṛhaṃ tatra nyaveśyata vinītavat||
When the king had spoken thus, the ushers taking him to Kausalyā's chamber, made his lie down in lowly plight.
— M.N. Dutt (1891–94, public domain)
ततस्तत्र प्रविष्टस्य कौसल्याया निवेशनम्। अधिरुह्यापि शयनं बभूव लुलितं मनः॥
tatastatra praviṣṭasya kausalyāyā niveśanam| adhiruhyāpi śayanaṃ babhūva lulitaṃ manaḥ||
Having entered Kausalyā's apartment, the king having laid himself on the bed, was overwhelmed with emotion.
— M.N. Dutt (1891–94, public domain)
पुत्रद्वयविहीनं च स्नुषया च विवर्जितम्। अपश्यद् भवनं राजा नष्टचन्द्रमिवाम्बरम्॥
putradvayavihīnaṃ ca snuṣayā ca vivarjitam| apaśyad bhavanaṃ rājā naṣṭacandramivāmbaram||
The king surveyed the mansion deprived of his two sons as well as his daughter-in-law, like to the welkin deprived of the Moon.
— M.N. Dutt (1891–94, public domain)
तच्च दृष्ट्वा महाराजो भुजमुद्यम्य वीर्यवान्। उच्चैः स्वरेण प्राक्रोशद्धा राम विजहासि नौ॥ सुखिता बत तं कालं जीविष्यन्ति नरोत्तमाः। परिष्वजन्तो ये रामं द्रक्ष्यन्ति पुनरागतम्॥
tacca dṛṣṭvā mahārājo bhujamudyamya vīryavān| uccaiḥ svareṇa prākrośaddhā rāma vijahāsi nau|| sukhitā bata taṃ kālaṃ jīviṣyanti narottamāḥ| pariṣvajanto ye rāmaṃ drakṣyanti punarāgatam||
Beholding this, the puissant sovereign raising up his arm, burst out into lamentations, saying, “Ah! Rāma, you forsakes us both! Ah me! surely those blessed people are happy, who having passed this gap of time, will behold Rāma returned and will embrace him."
— M.N. Dutt (1891–94, public domain)
अथ रात्र्यां प्रपन्नायां कालरात्र्यामिवात्मनः। अर्धरात्रे दशरथः कौसल्यामिदमब्रवीत्॥
atha rātryāṃ prapannāyāṃ kālarātryāmivātmanaḥ| ardharātre daśarathaḥ kausalyāmidamabravīt||
Then when the night had come like to his own fatal night, Dasaratha at mid-night addressed Kausalyā.
— M.N. Dutt (1891–94, public domain)
न त्वां पश्यामि कौसल्ये साधु मां पाणिना स्पृश। रामं मेऽनुगता दृष्टिरद्यापि न निवर्तते॥
na tvāṃ paśyāmi kausalye sādhu māṃ pāṇinā spṛśa| rāmaṃ me'nugatā dṛṣṭiradyāpi na nivartate||
I do not perceive you, O Kausalyā. Do you touch me with your hand. My sight having followed Rāma does not return yet.
— M.N. Dutt (1891–94, public domain)
तं राममेवानुविचिन्तयन्तं समीक्ष्य देवी शयने नरेन्द्रम्। उपोपविश्याधिकमार्तरूपा विनिःश्वसन्तं विललाप कृच्छ्रम्॥
taṃ rāmamevānuvicintayantaṃ samīkṣya devī śayane narendram| upopaviśyādhikamārtarūpā viniḥśvasantaṃ vilalāpa kṛcchram||
Then seeing that foremost of men absorbed in the contemplation of Rāma, that noble dame sat by him, and afflicted with greater grief, began to indulge in sorrow,* sighing heavily. *Another text reads vinisvasantam, joining it to narendram, foremost of men.
— M.N. Dutt (1891–94, public domain)