तस्यास्तद् वचनं श्रुत्वा हनूमान् हरिपुङ्गवः। दुःखाद् दुःखाभिभूतायाः सान्त्वमुत्तरमब्रवीत्॥ अहं रामस्य संदेशाद् देवि दूतस्तवागतः। वैदेहि कुशली रामः स त्वां कौशलमब्रवीत् ॥
tasyāstad vacanaṃ śrutvā hanūmān haripuṅgavaḥ| duḥkhād duḥkhābhibhūtāyāḥ sāntvamuttaramabravīt|| ahaṃ rāmasya saṃdeśād devi dūtastavāgataḥ| vaidehi kuśalī rāmaḥ sa tvāṃ kauśalamabravīt ||
Hearing those words of Sītā stricken with grief, Hanumān, the foremost of the monkeys, replied in soothing words, O worshipful lady, by Rāma's decree I come as a messenger to these. He is sale and sound, O Vaidehi, and has asked of your welfare.
— M.N. Dutt (1891–94, public domain)
यो ब्राह्ममस्त्रं वेदांश्च वेद वेदविदां वरः। स त्वां दाशरथी रामो देवि कौशलमब्रवीत्॥
yo brāhmamastraṃ vedāṃśca veda vedavidāṃ varaḥ| sa tvāṃ dāśarathī rāmo devi kauśalamabravīt||
O worshipful dame, Rāma, the son of Dasaratha, the master of the Vedas, and the foremost of those conversant with Vedas has enquired of your welfare.
— M.N. Dutt (1891–94, public domain)
लक्ष्मणश्च महातेजा भर्तुस्तेऽनुचरः प्रियः। कृतवाञ्छोकसंतप्तः शिरसा तेऽभिवादनम्॥
lakṣmaṇaśca mahātejā bhartuste'nucaraḥ priyaḥ| kṛtavāñchokasaṃtaptaḥ śirasā te'bhivādanam||
And the highly effulgent Lakşmaņa, the beloved follower of your husband, worn with grief, bows his reverential head to you.
— M.N. Dutt (1891–94, public domain)
सा तयोः कुशलं देवी निशम्य नरसिंहयोः। प्रतिसंहृष्टसर्वाङ्गी हनूमन्तमथाब्रवीत्॥
sā tayoḥ kuśalaṃ devī niśamya narasiṃhayoḥ| pratisaṃhṛṣṭasarvāṅgī hanūmantamathābravīt||
Hearing of the welfare of those two lions among men, the worshipful dame, with all her frame worked up with rapture, again spake to Hanumān, saying.
— M.N. Dutt (1891–94, public domain)
कल्याणी वत गाथेयं लौकिकी प्रतिभाति मा। एति जीवन्तमानन्दो नरं वर्षशतादपि॥
kalyāṇī vata gātheyaṃ laukikī pratibhāti mā| eti jīvantamānando naraṃ varṣaśatādapi||
Verily the wise saw of the people appears to me to be true that once in a hundred years true joy appears to a living man.
— M.N. Dutt (1891–94, public domain)
तयोः समागमे तस्मिन् प्रीतिरुत्पादिताद्भुता। परस्परेण चालापं विश्वस्तौ तौ प्रचक्रतुः॥
tayoḥ samāgame tasmin prītirutpāditādbhutā| paraspareṇa cālāpaṃ viśvastau tau pracakratuḥ||
Sītā, at that time, attained such a wonderful joy, as would have been acquired by her in the company (of Rama and Laksmana). And they confidingly conversed with each other.
— M.N. Dutt (1891–94, public domain)
तस्यास्तद् वचनं श्रुत्वा हनूमान्मारुतात्मजः। सीतायाः शोकतप्तायाः समीपमुपचक्रमे॥
tasyāstad vacanaṃ śrutvā hanūmānmārutātmajaḥ| sītāyāḥ śokataptāyāḥ samīpamupacakrame||
Hearing those words of $ītā, racked with sorrow, Hanumān, the son of the Wind-god drew a little nearer to her.
— M.N. Dutt (1891–94, public domain)
यथा यथा समीपं स हनूमानुपसर्पति। तथा तथा रावणं सा तं सीता परिशङ्कते॥
yathā yathā samīpaṃ sa hanūmānupasarpati| tathā tathā rāvaṇaṃ sā taṃ sītā pariśaṅkate||
The more Hanumān approached her the more Sītā suspected him as Rāvaņa.
— M.N. Dutt (1891–94, public domain)
अहो धिग् धिक्कृतमिदं कथितं हि यदस्य मे। रूपान्तरमुपागम्य स एवायं हि रावणः॥
aho dhig dhikkṛtamidaṃ kathitaṃ hi yadasya me| rūpāntaramupāgamya sa evāyaṃ hi rāvaṇaḥ||
Alas! Alas! why have I spoken to him? It is the Rāvaņa, who has appeared again in a new disguise.
— M.N. Dutt (1891–94, public domain)
तामशोकस्य शाखां तु विमुक्त्वा शोककर्शिता । तस्यामेवानवद्याङ्गी धरण्यां समुपाविशत्॥
tāmaśokasya śākhāṃ tu vimuktvā śokakarśitā | tasyāmevānavadyāṅgī dharaṇyāṃ samupāviśat||
And leaving off the Asoka branch, that one having a blameless person, overwhelmed with grief, sat down on the earth.
— M.N. Dutt (1891–94, public domain)
अवन्दत महाबाहुस्ततस्तां जनकात्मजाम्। सा चैनं भयसंत्रस्ता भूयो नैनमुदैक्षत॥
avandata mahābāhustatastāṃ janakātmajām| sā cainaṃ bhayasaṃtrastā bhūyo nainamudaikṣata||
In the meantime the mighty-armed monkey bowed to Janaka's daughter, but she, worked up with fear, did not cast again her looks towards him.
— M.N. Dutt (1891–94, public domain)
तं दृष्ट्वा वन्दमानं च सीता शशिनिभानना। अब्रवीद् दीर्घमुच्छ्वस्य वानरं मधुरस्वरा ॥
taṃ dṛṣṭvā vandamānaṃ ca sītā śaśinibhānanā| abravīd dīrghamucchvasya vānaraṃ madhurasvarā ||
Beholding him bow to her, Sítā, having a moon-like countenance, sighing, spoke to that monkey in sweet accents.
— M.N. Dutt (1891–94, public domain)
मायां प्रविष्टो मायावी यदि त्वं रावणः स्वयम्। उत्पादयसि मे भूयः संतापं तन्न शोभनम्॥
māyāṃ praviṣṭo māyāvī yadi tvaṃ rāvaṇaḥ svayam| utpādayasi me bhūyaḥ saṃtāpaṃ tanna śobhanam||
If you are that Ravana's self, who, changing your shape by magic art, want to distress me again— this your vile deed dose not behove you.
— M.N. Dutt (1891–94, public domain)
स्वं परित्यज्य रूपं यः परिव्राजकरूपवान्। जनस्थाने मया दृष्टस्त्वं स एव हि रावणः॥
svaṃ parityajya rūpaṃ yaḥ parivrājakarūpavān| janasthāne mayā dṛṣṭastvaṃ sa eva hi rāvaṇaḥ||
You are surely that Rāvana, whom I saw at Janasthāna, in a mendicant's guise, renouncing his own shape.
— M.N. Dutt (1891–94, public domain)
उपवासकृशां दीनां कामरूप निशाचर। संतापयसि मां भूयः संतापं तत्र शोभनम्॥
upavāsakṛśāṃ dīnāṃ kāmarūpa niśācara| saṃtāpayasi māṃ bhūyaḥ saṃtāpaṃ tatra śobhanam||
O night-ranger, O you wearing shapes at will! it dose not behove you to distress me who am poorly and famished with fasts.
— M.N. Dutt (1891–94, public domain)
अथवा नैतदेवं हि यन्मया परिशङ्कितम्। मनसो हि मम प्रीतिरुत्पन्ना तव दर्शनात्॥
athavā naitadevaṃ hi yanmayā pariśaṅkitam| manaso hi mama prītirutpannā tava darśanāt||
But no, you cannot be (the fiend) whom I suspect, since I have such joy from seeing you.
— M.N. Dutt (1891–94, public domain)
यदि रामस्य दूतस्त्वमागतो भद्रमस्तु ते। पृच्छामि त्वां हरि श्रेष्ठ प्रिया रामकथा हि मे॥
yadi rāmasya dūtastvamāgato bhadramastu te| pṛcchāmi tvāṃ hari śreṣṭha priyā rāmakathā hi me||
And may good betide you if you are Rāma's messenger. I do ask you, O foremost of monkeys, something about Rāma that is pleasant to me.
— M.N. Dutt (1891–94, public domain)
गुणान् रामस्य कथय प्रियस्य मम वानर। चित्तं हरसि मे सौम्य नदीकूलं यथा रयः॥
guṇān rāmasya kathaya priyasya mama vānara| cittaṃ harasi me saumya nadīkūlaṃ yathā rayaḥ||
O monkey, do you relate the glories of my dear Rama. You are (thus) shaking my mind O gentle one, like to water breaking down the banks of a river.
— M.N. Dutt (1891–94, public domain)
अहो स्वप्नस्य सुखता याहमेव चिराहता। प्रेषितं नाम पश्यामि राघवेण वनौकसम्॥
aho svapnasya sukhatā yāhameva cirāhatā| preṣitaṃ nāma paśyāmi rāghaveṇa vanaukasam||
Alas! this dream has afforded me immense pleasure since, I, who have been separated from my lord for so long a time, have beheld this monkey sent by Rāghava.
— M.N. Dutt (1891–94, public domain)
स्वप्नेऽपि यद्यहं वीरं राघवं सहलक्ष्मणम्। पश्येयं नावसीदेयं स्वप्नोऽपि मम मत्सरी॥
svapne'pi yadyahaṃ vīraṃ rāghavaṃ sahalakṣmaṇam| paśyeyaṃ nāvasīdeyaṃ svapno'pi mama matsarī||
I do not sink even if I can behold in dream the heroic Raghava. along with Laksmana-but dream even is Jealous of my well-being.
— M.N. Dutt (1891–94, public domain)
नाहं स्वप्नमिमं मन्ये स्वप्ने दृष्ट्वा हि वानरम्। न शक्योऽभ्युदयः प्राप्तुं प्राप्तश्चाभ्युदयो मम॥
nāhaṃ svapnamimaṃ manye svapne dṛṣṭvā hi vānaram| na śakyo'bhyudayaḥ prāptuṃ prāptaścābhyudayo mama||
Nor do I regard this as dream. To behold a monkey in a dream dose not lead to prosperity whereas I have attained it. (Here prosperity means joy-Sītā attained an immense treasure of joy on beholding Rāma's messengerHanumãn.)
— M.N. Dutt (1891–94, public domain)
किं नु स्याच्चित्तमोहोऽयं भवेद् वातगतिस्त्वियम्। उन्मादजों विकारो वा स्यादयं मृगतृष्णिका॥
kiṃ nu syāccittamoho'yaṃ bhaved vātagatistviyam| unmādajoṃ vikāro vā syādayaṃ mṛgatṛṣṇikā||
Or is it mental derangement? Or have I been possessed by a devil? Or have I run mad? Or is it the sultry vapour noating over sands and appearing at a distance like water?
— M.N. Dutt (1891–94, public domain)
अथवा नायमुन्मादो मोहोऽप्युन्मादलक्षणः। सम्बुध्ये चाहमात्मानमिमं चापि वनौकसम्॥
athavā nāyamunmādo moho'pyunmādalakṣaṇaḥ| sambudhye cāhamātmānamimaṃ cāpi vanaukasam||
No, it is not madness-for derangement of mind is the sign of madness, I have not lost sense and I do distinctly perceive me and the monkey.
— M.N. Dutt (1891–94, public domain)
इत्येवं बहुधा सीता सम्प्रधार्य बलाबलम्। रक्षसां कामरूपत्वान्मेने तं राक्षसाधिपम्॥ एतां बुद्धिं तदा कृत्वा सीता सा तनुमध्यमा। न प्रतिव्याजहाराथ वानरं जनकात्मजा॥
ityevaṃ bahudhā sītā sampradhārya balābalam| rakṣasāṃ kāmarūpatvānmene taṃ rākṣasādhipam|| etāṃ buddhiṃ tadā kṛtvā sītā sā tanumadhyamā| na prativyājahārātha vānaraṃ janakātmajā||
Thinking thus in many a way and ascertaining the strength of the monkey and the Rākṣasa) Sītā took him for the lord of the Raksasas, wearing shapes at will. And having arrived at this decision, Janaka's daughter-Sītā, ceased from talking with that monkey.
— M.N. Dutt (1891–94, public domain)
सीताया निश्चितं बुद्ध्वा हनूमान् मारुतात्मजः। श्रोत्रानुकूलैर्वचनैस्तदा तां सम्प्रहर्षयन्॥
sītāyā niścitaṃ buddhvā hanūmān mārutātmajaḥ| śrotrānukūlairvacanaistadā tāṃ sampraharṣayan||
And apprised of Sītā's thought, Hanumān, the Wind-god's son, (replied) in words sweet to her and enhancing her delight.
— M.N. Dutt (1891–94, public domain)
आदित्य इव तेजस्वी लोककान्तः शशी यथा। राजा सर्वस्य लोकस्य देवो वैश्रवणो यथा ॥
āditya iva tejasvī lokakāntaḥ śaśī yathā| rājā sarvasya lokasya devo vaiśravaṇo yathā ||
Bright as the sun that lights the sky and dear as the moon to every eye, he pleases all his subjects with bounties like to those of as Vaisravana. (Another name of Kubera, the god of gold.)
— M.N. Dutt (1891–94, public domain)
विक्रमेणोपपन्नश्च यथा विष्णुर्महायशाः। सत्यवादी मधुरवाग् देवो वाचस्पतिर्यथा॥
vikrameṇopapannaśca yathā viṣṇurmahāyaśāḥ| satyavādī madhuravāg devo vācaspatiryathā||
He is gifted with prowess like to the greatly famed Vişnu, truthful and sweet-speeched like to Vacaspati. (The god of speech)
— M.N. Dutt (1891–94, public domain)
रूपवान् सुभगः श्रीमान् कन्दर्प इव मूर्तिमान्। स्थानक्रोधे प्रहर्ता च श्रेष्ठो लोके महारथः॥
rūpavān subhagaḥ śrīmān kandarpa iva mūrtimān| sthānakrodhe prahartā ca śreṣṭho loke mahārathaḥ||
Graceful, grateful to the eye and beautiful like to Kandarva's (Cupid or the god of love in Hindu mythology described the most beautiful of the celestials) Self, he displays his wrath in a proper quarter-the foremost of men and of a mighty car.
— M.N. Dutt (1891–94, public domain)
बाहुच्छायामवष्टब्धो यस्य लोको महात्मनः। अपक्रम्याश्रमपदान्मृगरूपेण राघवम्॥ शून्ये येनापनीतासि तस्य द्रक्ष्यसि तत्फलम्।
bāhucchāyāmavaṣṭabdho yasya loko mahātmanaḥ| apakramyāśramapadānmṛgarūpeṇa rāghavam|| śūnye yenāpanītāsi tasya drakṣyasi tatphalam|
The whole world of creation (live safe) in the shadow of the arms of that high-souled one. You shall soon see the consequences he shall reap by whom, assuming the shape of a dear, Rāghava was taken away from the hermitage and you wert stolen away from that lonely place.
— M.N. Dutt (1891–94, public domain)
अचिराद् रावणं संख्ये यो वधिष्यति वीर्यवान्॥ क्रोधप्रमुक्तैरिषुभिर्व्वलद्भिरिव पावकैः।
acirād rāvaṇaṃ saṃkhye yo vadhiṣyati vīryavān|| krodhapramuktairiṣubhirvvaladbhiriva pāvakaiḥ|
And soon shall that powerful (hero) destroy Ravana in the battle, with fiery arrows, discharged angrily.
— M.N. Dutt (1891–94, public domain)
तेनाहं प्रेषितो दूतस्त्वत्सकाशमिहागतः॥ त्वद्वियोगेन दुःखार्तः स त्वां कौशलमब्रवीत्। लक्ष्मणश्च महातेजाः सुमित्रानन्दवर्धनः॥ अभिवाद्य महाबाहुः स त्वां कौशलमब्रवीत्।
tenāhaṃ preṣito dūtastvatsakāśamihāgataḥ|| tvadviyogena duḥkhārtaḥ sa tvāṃ kauśalamabravīt| lakṣmaṇaśca mahātejāḥ sumitrānandavardhanaḥ|| abhivādya mahābāhuḥ sa tvāṃ kauśalamabravīt|
I have been sent by him as a messenger to you. Worn with grief in your separation he has enquired of your welfare, as well the highly effulgent Lakşmaņa, the enhancer of Sumitrā's joy, bowing reverentially to you.
— M.N. Dutt (1891–94, public domain)
रामस्य च सखा देवि सुग्रीवो नाम वानरः॥ राजा वानरमुख्यानां स त्वां कौशलमब्रवीत्। नित्यं स्मरति ते रामः ससुग्रीवः सलक्ष्मणः॥
rāmasya ca sakhā devi sugrīvo nāma vānaraḥ|| rājā vānaramukhyānāṃ sa tvāṃ kauśalamabravīt| nityaṃ smarati te rāmaḥ sasugrīvaḥ salakṣmaṇaḥ||
The king of monkey host, by name SugrīvaRama's friend, has also enquired of your welfare, O worshipful dame. Rāma, Sugrīva and Laksmana, have you always in their minds.
— M.N. Dutt (1891–94, public domain)
दिष्ट्या जीवसि वैदेहि राक्षसीवशमागता। नचिराद् द्रक्ष्यसे राम लक्ष्मणं च महारथम्॥ मध्ये वानरकोटीनां सुग्रीवं चामितौजसम्। अहं सुग्रीवसचिवो हनूमान् नाम वानरः॥
diṣṭyā jīvasi vaidehi rākṣasīvaśamāgatā| nacirād drakṣyase rāma lakṣmaṇaṃ ca mahāratham|| madhye vānarakoṭīnāṃ sugrīvaṃ cāmitaujasam| ahaṃ sugrīvasacivo hanūmān nāma vānaraḥ||
Blessed are we, O Vaidehi, that you do still live, subject as you are to the Raksasis. You shall soon behold Rāma, and Lakşmaņa of a mighty car, and Sugrīva of unmitigated prowess in the midst of the million of monkey hosts. I am Sugrīva's minister, by name Hanumān.
— M.N. Dutt (1891–94, public domain)
प्रविष्टो नगरी लङ्कां लवयित्वा महोदधिम्। कृत्वा मूर्ध्नि पदन्यासं रावणस्य दुरात्मनः॥
praviṣṭo nagarī laṅkāṃ lavayitvā mahodadhim| kṛtvā mūrdhni padanyāsaṃ rāvaṇasya durātmanaḥ||
I have entered this city of Lankā after crossing over the great main. And by means of my prowess and placing my feet on the head of the vicious-souled Ravana.
— M.N. Dutt (1891–94, public domain)
त्वां द्रष्टमुपयातोऽहं समाश्रित्य पराक्रमम्। नाहमस्मि तथा देवि यथा मामवगच्छसि। विशङ्का त्यज्यतामेषा श्रद्धत्स्व वदतो मम॥
tvāṃ draṣṭamupayāto'haṃ samāśritya parākramam| nāhamasmi tathā devi yathā māmavagacchasi| viśaṅkā tyajyatāmeṣā śraddhatsva vadato mama||
I have come here to see you I am not he (Ravana) for whom you are taking me, O worshipful dame. Do you renounce your suspicion and rely on my words.
— M.N. Dutt (1891–94, public domain)
