Siraatकिष्किन्धाकाण्डः सर्गः 10
32 verses
ततः क्रोधसमाविष्टं संरब्धं तमुपागतम्। अहं प्रसादयांचक्रे भ्रातरं हितकाम्यया॥
tataḥ krodhasamāviṣṭaṃ saṃrabdhaṃ tamupāgatam| ahaṃ prasādayāṃcakre bhrātaraṃ hitakāmyayā||
Then wishing for my welfare I strove to propitiate my angry brother, wrought up with wrath, who was seated (there).
— M.N. Dutt (1891–94, public domain)
दिष्ट्यासि कुशली प्राप्तो निहतश्च त्वया रिपुः। अनाथस्य हि मे नाथस्त्वमेकोऽनाथनन्दन॥
diṣṭyāsi kuśalī prāpto nihataśca tvayā ripuḥ| anāthasya hi me nāthastvameko'nāthanandana||
By good luck it is that you had come off safely; and that you had slain the foe. O you that rejoicest the forlorn, you are the only protector of me who am helpless.
— M.N. Dutt (1891–94, public domain)
इदं बहुशलाकं ते पूर्णचन्द्रमिवोदितम्। छत्रं सवालव्यजनं प्रतीच्छस्व मया धृतम्॥
idaṃ bahuśalākaṃ te pūrṇacandramivoditam| chatraṃ savālavyajanaṃ pratīcchasva mayā dhṛtam||
I hold this. umbrella furnished with many ribs, resembling the moon risen; as well as this chowrī containing hair,—do you accept my service.
— M.N. Dutt (1891–94, public domain)
आर्तस्तस्य बिलद्वारि स्थितः संवत्सरं नृप। दृष्ट्वा च शोणितं द्वारि बिलाच्चापि समुत्थितम्॥ शोकसंविग्नहृदयो भृशं व्याकुलितेन्द्रियः।
ārtastasya biladvāri sthitaḥ saṃvatsaraṃ nṛpa| dṛṣṭvā ca śoṇitaṃ dvāri bilāccāpi samutthitam|| śokasaṃvignahṛdayo bhṛśaṃ vyākulitendriyaḥ|
O king, suffering greatly, I remained for a whole year at the mouth of the cave. And seeing blood issuing from the cave, I had my heart agitated with grief and my senses extremely overwhelmed.
— M.N. Dutt (1891–94, public domain)
अपिधाय बिलद्वारं शैलशृङ्गेण तत् तदा॥ तस्माद् देशादपाक्रम्य किष्किन्धां प्राविशं पुनः।
apidhāya biladvāraṃ śailaśṛṅgeṇa tat tadā|| tasmād deśādapākramya kiṣkindhāṃ prāviśaṃ punaḥ|
Then closing up the mouth of the cavern with a mountain summit, and returning from that place, I again came back to Kiskindhā.
— M.N. Dutt (1891–94, public domain)
विषादात्विह मां दृष्ट्वा पौरैर्मन्त्रिभिरेव च॥ अभिषिक्तो न कामेन तन्मे क्षन्तुं त्वमर्हसि।
viṣādātviha māṃ dṛṣṭvā paurairmantribhireva ca|| abhiṣikto na kāmena tanme kṣantuṃ tvamarhasi|
Seeing me enter in a dejected mood, the citizens and counsellors installed me, but it was not done with my will. Therefore it behoves you to forgive me.
— M.N. Dutt (1891–94, public domain)
त्वमेव राजा मानार्हः सदा चाहं यथा पुरा॥ राजभावे नियोगोऽयं मम त्वविरहात्कृतः। सामात्यपौरनगरं स्थितं निहतकण्टकम्॥ न्यासभूतमिदं राज्यं तव निर्यातयाम्यहम्।
tvameva rājā mānārhaḥ sadā cāhaṃ yathā purā|| rājabhāve niyogo'yaṃ mama tvavirahātkṛtaḥ| sāmātyapauranagaraṃ sthitaṃ nihatakaṇṭakam|| nyāsabhūtamidaṃ rājyaṃ tava niryātayāmyaham|
You are the king, O worthy of honour; and I am, as before, ever (your servant). I was entrusted with regal power in consequence of your absence. This kingdom consisting of courtiers and citizens, remains now rid of its thorns. It was established in me as a trust. And I protected it as such.
— M.N. Dutt (1891–94, public domain)
मा च रोषं कृथाः सौम्य मम शत्रुनिषूदन॥ याचे त्वां शिरसा राजन् मया बद्धोऽयमञ्जलिः।
mā ca roṣaṃ kṛthāḥ saumya mama śatruniṣūdana|| yāce tvāṃ śirasā rājan mayā baddho'yamañjaliḥ|
Do not get wroth, O miid one, O destroyer of foes, I beseech you with bent head, and, O king, with joined hands.
— M.N. Dutt (1891–94, public domain)
बलादस्मिन् समागम्य मन्त्रिभिः पुरवासिभिः॥ राजभावे नियुक्तोऽहं शून्यदेशजिगीषया।
balādasmin samāgamya mantribhiḥ puravāsibhiḥ|| rājabhāve niyukto'haṃ śūnyadeśajigīṣayā|
With the view of preventing any one to wish to conquer this kingdom vacant (of its ruler the citizens and counsellors unanimously, by force, entrusted me with regal authority.
— M.N. Dutt (1891–94, public domain)
स्त्रिग्धमेवं ब्रुवाणं मां स विनिर्भय॑ वानरः॥ धिक्त्वामिति च मामुक्त्वा बहु तत्तदुवाच ह।
strigdhamevaṃ bruvāṇaṃ māṃ sa vinirbhaya̭ vānaraḥ|| dhiktvāmiti ca māmuktvā bahu tattaduvāca ha|
As I said this softly, the monkey reproaching me, said to me 'Fie on you,' and censured me greatly.
— M.N. Dutt (1891–94, public domain)
प्रकृतीश्च समानीय मन्त्रिणश्चैव सम्मतान्॥ मामाह सुहृदां मध्ये वाक्यं परमगर्हितम्।
prakṛtīśca samānīya mantriṇaścaiva sammatān|| māmāha suhṛdāṃ madhye vākyaṃ paramagarhitam|
And bringing together the subjects and favourite counsellors, spoke to me, before friends, highly improper words.
— M.N. Dutt (1891–94, public domain)
विदितं वो मया रात्रौ मायावी स महासुरः॥ मां समाह्वयत क्रुद्धो युद्धाकाङ्क्षी तदा पुरा ।
viditaṃ vo mayā rātrau māyāvī sa mahāsuraḥ|| māṃ samāhvayata kruddho yuddhākāṅkṣī tadā purā |
“You know that formerly one night the mighty Asura Mayavi, getting' enraged, challenged me (to a fight) desirous of an encounter with me.
— M.N. Dutt (1891–94, public domain)
तस्य तद्भाषितं श्रुत्वा निःसृतोऽहं नृपालयात्॥ अनुयातश्च मां तूर्णमयं भ्राता सुदारुणः।
tasya tadbhāṣitaṃ śrutvā niḥsṛto'haṃ nṛpālayāt|| anuyātaśca māṃ tūrṇamayaṃ bhrātā sudāruṇaḥ|
Hearing his speech I sallied out of the palace, and was followed by this horrible brother of mine.
— M.N. Dutt (1891–94, public domain)
स तु दृष्टैव मां रात्रौ सद्वितीयं महाबलः॥ प्राद्रवद् भयसंत्रस्तो वीक्ष्यावां समुपागतौ। अभिद्रुतस्तु वेगेन विवेश स महाबिलम्॥
sa tu dṛṣṭaiva māṃ rātrau sadvitīyaṃ mahābalaḥ|| prādravad bhayasaṃtrasto vīkṣyāvāṃ samupāgatau| abhidrutastu vegena viveśa sa mahābilam||
Thereat seeing me with one to assist me, and finding that we had come upon him, that mighty Asura, fled, seized with fear. And fleeing on, he (at length) swiftly entered a huge hole.
— M.N. Dutt (1891–94, public domain)
तं प्रविष्टं विदित्वा तु सुघोरं सुमहबिलम्। अयमुक्तोऽथ मे भ्राता मया तु क्रूरदर्शनः॥
taṃ praviṣṭaṃ viditvā tu sughoraṃ sumahabilam| ayamukto'tha me bhrātā mayā tu krūradarśanaḥ||
Knowing that he had entered that dreadful and large cave, I spoke to my brother of a crooked presence.
— M.N. Dutt (1891–94, public domain)
अहत्वा नास्ति मे शक्तिः प्रतिगन्तुमितः पुरीम्। बिलद्वारि प्रतीक्ष त्वं यावदेनं निहन्म्यहम्॥
ahatvā nāsti me śaktiḥ pratigantumitaḥ purīm| biladvāri pratīkṣa tvaṃ yāvadenaṃ nihanmyaham||
Without slaying (this Asura) I cannot return to the palace. Do you wait at the mouth of the cave while I slay him.
— M.N. Dutt (1891–94, public domain)
स्थितोऽयमिति मत्वाहं प्रविष्टस्तु दुरासदम्। तं मे मार्गयतस्तत्र गतः संवत्सरस्तदा॥
sthito'yamiti matvāhaṃ praviṣṭastu durāsadam| taṃ me mārgayatastatra gataḥ saṃvatsarastadā||
This one is stationed here-thinking thus, I entered that inaccessible cave. And as I searched (for the Asura), one entire year passed away.
— M.N. Dutt (1891–94, public domain)
स तु दृष्टो मया शत्रुरनिर्वेदाद् भयावहः। निहतश्च मया सद्यः स सर्वैः सह बन्धुभिः॥
sa tu dṛṣṭo mayā śatruranirvedād bhayāvahaḥ| nihataśca mayā sadyaḥ sa sarvaiḥ saha bandhubhiḥ||
That wicked wight who had roused my alarm in consequence of his disappearance, was (at length) slain by me in one day, along with his friends.
— M.N. Dutt (1891–94, public domain)
तस्यास्यात्तु प्रवृत्तेन रुधिरौघेण तद्विलम्। पूर्णमासीद् दुराक्रामं स्तनतस्तस्य भूतले॥
tasyāsyāttu pravṛttena rudhiraugheṇa tadvilam| pūrṇamāsīd durākrāmaṃ stanatastasya bhūtale||
Then as he emitted yells in the subterranean region, the cave was filled with his blood and it became difficult to come out of it.
— M.N. Dutt (1891–94, public domain)
सूदयित्वा तु तं शत्रु विक्रान्तं तमहं सुखम्। निष्क्रामं नेह पश्यामि बिलस्य पिहितं सुखम्॥
sūdayitvā tu taṃ śatru vikrāntaṃ tamahaṃ sukham| niṣkrāmaṃ neha paśyāmi bilasya pihitaṃ sukham||
Having with ease slain my powerful foe, I could not find the outlet of the cavern, its mouth having been closed.
— M.N. Dutt (1891–94, public domain)
विक्रोशमानस्य तु मे सुग्रीवेति पुनः पुनः। यतः प्रतिवचो नास्ति ततोऽहं भृशदुःखितः॥
vikrośamānasya tu me sugrīveti punaḥ punaḥ| yataḥ prativaco nāsti tato'haṃ bhṛśaduḥkhitaḥ||
Then as I again and again cried Sugrīva, Sugrīva, I became exceedingly sorry for not receiving any reply.
— M.N. Dutt (1891–94, public domain)
पादप्रहारैस्तु मया बहुभिः परिपातितम्। ततोऽहं तेन निष्क्रम्य पथा पुरमुपागतः॥
pādaprahāraistu mayā bahubhiḥ paripātitam| tato'haṃ tena niṣkramya pathā puramupāgataḥ||
Thereat I threw down the stone after striking it many times with my legs. Then coming out by its mouth, I have come to this city.
— M.N. Dutt (1891–94, public domain)
तत्रानेनास्मि संरुद्धो राज्यं मृगयताऽऽत्मनः। सुग्रीवेण नृशंसेन विस्मृत्य भ्रातृसौहृदम्॥
tatrānenāsmi saṃruddho rājyaṃ mṛgayatā''tmanaḥ| sugrīveṇa nṛśaṃsena vismṛtya bhrātṛsauhṛdam||
Seeking my kingdom, the crafty Sugrīva had shut me up there forgetting fraternal love.'
— M.N. Dutt (1891–94, public domain)
एवमुक्त्वा तु मां तत्र वस्त्रेणैकेन वानरः। तद् निर्वासयामास वाली विगतसाध्वसः॥
evamuktvā tu māṃ tatra vastreṇaikena vānaraḥ| tad nirvāsayāmāsa vālī vigatasādhvasaḥ||
Saying this, that monkey, the shameless Vali, exiled me with a single cloth on.
— M.N. Dutt (1891–94, public domain)
तेनाहमपविद्धश्च हृतदारश्च राघव। तद्भयाश्च महीं सर्वां क्रान्तवान् सवनार्णवाम्॥ ऋष्यमूकं गिरिवरं भार्याहरणदुःखितः। प्रविष्टोऽस्म दुराधर्ष वालिनः कारणान्तरे॥
tenāhamapaviddhaśca hṛtadāraśca rāghava| tadbhayāśca mahīṃ sarvāṃ krāntavān savanārṇavām|| ṛṣyamūkaṃ girivaraṃ bhāryāharaṇaduḥkhitaḥ| praviṣṭo'sma durādharṣa vālinaḥ kāraṇāntare||
O Rāghava, I have been discomfited by him, and been deprived of my wife. And from fear of him, I have wandered over the whole earth having forest and seas. And aggrieved in consequence of my having been deprived of my wife. I have (at length) entered this best of mountains, Rsyamuka, which for a certain reason* is incapable of being approached by Vali. *In consequence of Matanga's curse.
— M.N. Dutt (1891–94, public domain)
एतत्ते सर्वमाख्यातं वैरानुकथनं महत्। अनागसा मया प्राप्तं व्यसनं पश्य राघव॥
etatte sarvamākhyātaṃ vairānukathanaṃ mahat| anāgasā mayā prāptaṃ vyasanaṃ paśya rāghava||
Thus have I mentioned to you the great cause of this hostility, O Rāghava, innocent as I am, I have come by this mighty misfortune.
— M.N. Dutt (1891–94, public domain)
वालिनश्च भयात् तस्य सर्वलोकाभयापह। कर्तुमर्हसि मे वीर प्रसादं तस्य निग्रहात्॥
vālinaśca bhayāt tasya sarvalokābhayāpaha| kartumarhasi me vīra prasādaṃ tasya nigrahāt||
O you that inspirest the fear of all creatures, by chastising Vāli it behoveth you to grant your grace to me, who am tormented with fear in connection with Vali, O hero.
— M.N. Dutt (1891–94, public domain)
एवमुक्तः स तेजस्वी धर्मज्ञो धर्मसंहितम्। वचनं वक्तुमारेभे सुग्रीवं प्रहसनिव॥
evamuktaḥ sa tejasvī dharmajño dharmasaṃhitam| vacanaṃ vaktumārebhe sugrīvaṃ prahasaniva||
Thus accosted, that energetic one knowing righteousness, smiling, began to address Sugrīva in words fraught with morality.
— M.N. Dutt (1891–94, public domain)
अमोघाः सूर्यसंकाशा निशिता मे शरा इमे। तस्मिन् वालिनि दुर्वृत्ते पतिष्यन्ति रुषान्विताः॥
amoghāḥ sūryasaṃkāśā niśitā me śarā ime| tasmin vālini durvṛtte patiṣyanti ruṣānvitāḥ||
These sharpened shafts of mine, resembling the sun, and never missing, shall furiously fall upon the wicked Vāli.
— M.N. Dutt (1891–94, public domain)
यावत् तं नहि पश्येयं तव भार्यापहारिणम्। तावत् स जीवेत् पापात्मा वाली चारित्रदूषकः॥
yāvat taṃ nahi paśyeyaṃ tava bhāryāpahāriṇam| tāvat sa jīvet pāpātmā vālī cāritradūṣakaḥ||
So long as you did not see that stealer of your wife, so long only shall the impious Väli of vile character, live.
— M.N. Dutt (1891–94, public domain)
आत्मानुमानात् पश्यामि मग्नस्त्वं शोकसागरे। त्वामहं तारयिष्यामि बाढं प्राप्स्यसि पुष्कलम्॥
ātmānumānāt paśyāmi magnastvaṃ śokasāgare| tvāmahaṃ tārayiṣyāmi bāḍhaṃ prāpsyasi puṣkalam||
By what I myself feel, I see that you had sunk in a sea of sorrow. But I will deliver you; and you shall attain both your wife as well as this kingdom.
— M.N. Dutt (1891–94, public domain)
तस्य तद् वचनं श्रुत्वा हर्षपौरुषवर्धनम्। सुग्रीवः परमप्रीतः सुमहद्वाक्यमब्रवीत्॥
tasya tad vacanaṃ śrutvā harṣapauruṣavardhanam| sugrīvaḥ paramaprītaḥ sumahadvākyamabravīt||
Hearing that speech of his capable of enhancing joy and manliness, Sugrīva overjoyed, spoke those words informed with high sense.
— M.N. Dutt (1891–94, public domain)