Siraatयुद्धकाण्डः सर्गः 104
26 verses
स तु मोहात्सुसंक्रुद्धं कृतान्तबलचोदितः। क्रोधसंरक्तनयनो रावणः सूतमब्रवीत्॥
sa tu mohātsusaṃkruddhaṃ kṛtāntabalacoditaḥ| krodhasaṃraktanayano rāvaṇaḥ sūtamabravīt||
After gradually regaining his senses, Rāvana, urged on by the force of the Finisher, getting into a furious passion, with his eyes reddened in wrath, addressed the charioteer, saying.
— M.N. Dutt (1891–94, public domain)
हीनवीर्यमिवाशक्तं पौरुषेण विवर्जितम्। भीरं लघुमिवासत्त्वं विहीनमिव तेजसा॥ विमुक्तमिव मायाबिरलैरिव बहिष्कृतम्। मामवज्ञाय दुर्बुद्धे स्वया बुद्ध्या विचेष्टसे॥
hīnavīryamivāśaktaṃ pauruṣeṇa vivarjitam| bhīraṃ laghumivāsattvaṃ vihīnamiva tejasā|| vimuktamiva māyābiralairiva bahiṣkṛtam| māmavajñāya durbuddhe svayā buddhyā viceṣṭase||
perverse sense, disregarding me as devoid of prowess, and incompetent, and bereft of vigour-as cowardly, light, nerveless and shorn of energy, and as divorced by the power of illusion and debarred by arms, you act on your own understanding.
— M.N. Dutt (1891–94, public domain)
किमर्थं मामवज्ञाय मच्छन्दमनवेक्ष्य च। त्वया शत्रुसमक्षं मे रथोऽयमपवाहितः॥
kimarthaṃ māmavajñāya macchandamanavekṣya ca| tvayā śatrusamakṣaṃ me ratho'yamapavāhitaḥ||
Wherefore disregarding me, and not minding O you of my purpose, have you taken away my car from before the presence of the enemy?
— M.N. Dutt (1891–94, public domain)
त्वयाद्य हि ममानार्य चिरकालमुपार्जितम्। यशो वीर्यं च तेजश्च प्रत्ययश्च विनाशितः॥
tvayādya hi mamānārya cirakālamupārjitam| yaśo vīryaṃ ca tejaśca pratyayaśca vināśitaḥ||
O abject one! by you have my long earned renown and energy and prowess and credit been brought to naught.
— M.N. Dutt (1891–94, public domain)
शत्रोः प्रख्यातवीर्यस्य रञ्जनीयस्य विक्रमैः। पश्यतो युद्धलुब्धोऽहं कृतः कापुरुषस्त्वया।६।।
śatroḥ prakhyātavīryasya rañjanīyasya vikramaiḥ| paśyato yuddhalubdho'haṃ kṛtaḥ kāpuruṣastvayā|6||
In the very sight of an enemy of renowned prowess, and one capable of being gratified with valorous deeds, have you made me, burning for battle, look as if I were a coward.
— M.N. Dutt (1891–94, public domain)
यत्त्वं कथमिदं मोहान्न चेद्वहसि दुर्मते। सत्योऽयं प्रतितों मे परेण त्वमुपस्कृतः॥
yattvaṃ kathamidaṃ mohānna cedvahasi durmate| satyo'yaṃ pratitoṃ me pareṇa tvamupaskṛtaḥ||
As, O wicked minded one, you did not even through heedlessness, take the car to the field of batile, I infer for certain that you have been bribed by the foe.
— M.N. Dutt (1891–94, public domain)
नहि तद्विद्यते कर्म सुहृदो हितकामिणः। रिपूणां सदृशं त्वेतद्यत्त्वयैतदनुष्ठितम्॥
nahi tadvidyate karma suhṛdo hitakāmiṇaḥ| ripūṇāṃ sadṛśaṃ tvetadyattvayaitadanuṣṭhitam||
The act that you have done, does not appear as that of a friend seeking our welfare; but today you have acted like an enemy.
— M.N. Dutt (1891–94, public domain)
निवर्तय रथं शीघ्रं यावत्रापैति मे रिपुः। यदि वाध्युषितोऽसि त्वं स्मर्यते यदि मे गुणः॥
nivartaya rathaṃ śīghraṃ yāvatrāpaiti me ripuḥ| yadi vādhyuṣito'si tvaṃ smaryate yadi me guṇaḥ||
If you have been maintained by me, if you remember my merit, do you swiftly turn the car before my enemy has departed.
— M.N. Dutt (1891–94, public domain)
एवं परुषमुक्तस्तु हितबुद्धिरबुद्धिना। अब्रवीद्रावणं सूतो हितं सानुनयं वचः॥
evaṃ paruṣamuktastu hitabuddhirabuddhinā| abravīdrāvaṇaṃ sūto hitaṃ sānunayaṃ vacaḥ||
Thus admonished by him of slender sense, the charioteer possessed of intelligence, humbly spoke to Råvaņa words fraught with good.
— M.N. Dutt (1891–94, public domain)
न भीतोऽस्मि न मूढोऽस्मि नोपजप्तोऽस्मि शत्रुभिः न प्रमत्तो न निःस्नेहो विस्मृता न च सत्क्रिया॥
na bhīto'smi na mūḍho'smi nopajapto'smi śatrubhiḥ na pramatto na niḥsneho vismṛtā na ca satkriyā||
I am not afraid, nor stupefied, nor have I been bribed by the foe, nor am I negligent. And I have not forgotten your affection or your good offices.
— M.N. Dutt (1891–94, public domain)
मया तु हितकामेन यशश्च परिरक्षता। स्नेहप्रसन्नमनसा हितमित्यप्रियं कृतम्॥
mayā tu hitakāmena yaśaśca parirakṣatā| snehaprasannamanasā hitamityapriyaṃ kṛtam||
And studious of your welfare, I have saved your fame; and with a mind overflowing with affection I have done (to you) this unpalatable good.
— M.N. Dutt (1891–94, public domain)
नास्मिनर्थे महाराज त्वं मां प्रियहिते रतम्। कश्चिल्लघुरिवानार्यो दोषतो गन्तुमर्हसि ॥
nāsminarthe mahārāja tvaṃ māṃ priyahite ratam| kaścillaghurivānāryo doṣato gantumarhasi ||
O mighty monarch, for this, you should not, like a frivolous and base one, criminate me that am ever engaged in what is good and dear to you.
— M.N. Dutt (1891–94, public domain)
श्रूयतां प्रति दास्यामि यन्निमित्तं मया रथः। नदीवेग इवाम्भोभिः संयुगे विनिवर्तितः॥
śrūyatāṃ prati dāsyāmi yannimittaṃ mayā rathaḥ| nadīvega ivāmbhobhiḥ saṃyuge vinivartitaḥ||
Listen! I shall render you reason why I turned away from the field the car, rushing like a river when the sea is swelled up* *On the ascension of the Moon.
— M.N. Dutt (1891–94, public domain)
श्रमं तवावगच्छामि महता रणकर्मणा। नहि ते वीर्यसौमुख्यं प्रकर्ष नोपधारये॥
śramaṃ tavāvagacchāmi mahatā raṇakarmaṇā| nahi te vīryasaumukhyaṃ prakarṣa nopadhāraye||
I knew that you had been fatigued in consequence of your mighty exertions in the fight. And I could not perceive that your prowess then stood superior (to that of the foe).* *Two negatives in this verse amounting to an affirmative. This is the only instance of double negatives in Valmiki.
— M.N. Dutt (1891–94, public domain)
रथोद्वहनखिन्नाश्च भग्ना मे रथवाजिनः। दीना धर्मपरिश्रान्ता गावो वर्षहता इव ॥
rathodvahanakhinnāśca bhagnā me rathavājinaḥ| dīnā dharmapariśrāntā gāvo varṣahatā iva ||
The steeds of my car were worn out by-carrying it; and they were battered, and helpless and perspired like kine in a shower.
— M.N. Dutt (1891–94, public domain)
निमित्तानि च भूयिष्ठं यानि प्रादुर्भवन्ति नः। तेषु तेष्वभिपनेषु लक्षयाम्यप्रदक्षिणम्॥
nimittāni ca bhūyiṣṭhaṃ yāni prādurbhavanti naḥ| teṣu teṣvabhipaneṣu lakṣayāmyapradakṣiṇam||
And bad omens fast sprang up before us. And on these occurring, I perceived that things would go against us.
— M.N. Dutt (1891–94, public domain)
देशकालौ च विज्ञेयौ लक्षणानीङ्गितानि च। दैन्यं हर्षश्च खेदश्च रथिनश्च महाबल॥
deśakālau ca vijñeyau lakṣaṇānīṅgitāni ca| dainyaṃ harṣaśca khedaśca rathinaśca mahābala||
O you endowed with exceeding might, a charioteer should be conversant with season and place, with omens, and the expressions of emotions; as also with depression of spirits, exhilaration, and grief.
— M.N. Dutt (1891–94, public domain)
स्थलनिम्नानि भूमेश्च समानि विषमाणि च। युद्धकालश्च विज्ञेयः परस्यान्तरदर्शनम् ॥
sthalanimnāni bhūmeśca samāni viṣamāṇi ca| yuddhakālaśca vijñeyaḥ parasyāntaradarśanam ||
And he should have a knowledge of low, lever and uneven grounds, and the time for conflict, and he should be able to perceive the shortcomings of the enemy.
— M.N. Dutt (1891–94, public domain)
उपयानापयाने च स्थानं प्रत्यपसर्पणम्। सर्वमेतद्रथस्थेन ज्ञेयं रथकुटुम्बिना॥
upayānāpayāne ca sthānaṃ pratyapasarpaṇam| sarvametadrathasthena jñeyaṃ rathakuṭumbinā||
And a charioteer mounted on a car, should know when to draw near an enemy, when to turn away from him when to stay; and when to turn round from before the foe-all these (he should know).
— M.N. Dutt (1891–94, public domain)
तव विश्रामहेतोस्तु तथैषां रथवाजिनाम्। रौद्रं वर्जयता खेदं क्षमं कृतमिदं मया॥
tava viśrāmahetostu tathaiṣāṃ rathavājinām| raudraṃ varjayatā khedaṃ kṣamaṃ kṛtamidaṃ mayā||
What I, for bringing respite to you as well as the horses of the car, have done by way of removing the terrific exhaustion, is proper.
— M.N. Dutt (1891–94, public domain)
स्वेच्छया न मया वीर रथोऽयमपवाहितः। भर्तुः स्नेहपरीतेन मयेदं यत्कृतं प्रभो॥
svecchayā na mayā vīra ratho'yamapavāhitaḥ| bhartuḥ snehaparītena mayedaṃ yatkṛtaṃ prabho||
I did not, O hero, turn away the car of my own sheer will. What I have done, O lord, had been dictated by my affection for you.
— M.N. Dutt (1891–94, public domain)
आज्ञापय यथातत्त्वं वक्ष्यस्यरिनिषूदन। तत्करिष्याम्यहं वीर गतानृण्येन चेतसा ॥
ājñāpaya yathātattvaṃ vakṣyasyariniṣūdana| tatkariṣyāmyahaṃ vīra gatānṛṇyena cetasā ||
Command me. What you say, O destroyer of foes. I will do every way, O hero with my whole soul.
— M.N. Dutt (1891–94, public domain)
संतुष्टस्तेन वाक्येन रावणस्तस्य सारथेः। प्रशस्यैनं बहुविधं युद्धलुब्धोऽब्रवीदिदम्॥
saṃtuṣṭastena vākyena rāvaṇastasya sāratheḥ| praśasyainaṃ bahuvidhaṃ yuddhalubdho'bravīdidam||
Thereat, well pleased with the speech of the charioteer, Ravana, eager for encounter, after praising him in various ways said.
— M.N. Dutt (1891–94, public domain)
रथं शीघ्रमिमं सूत राघवाभिमुखं नय। नाहत्वा समरे शत्रूनिवर्तिष्यति रावणः॥
rathaṃ śīghramimaṃ sūta rāghavābhimukhaṃ naya| nāhatvā samare śatrūnivartiṣyati rāvaṇaḥ||
O charioteer, do you swiftly take the car towards Rāghava. Without slaying his foe in fight, Ravana turn not away (from the field).
— M.N. Dutt (1891–94, public domain)
एवमुक्त्वा रथस्थस्य रावणो राक्षसेश्वरः। ददौ तस्य शुभं ह्येकं हस्ताभरणमुत्तमम्।। श्रुत्वा रावणवाक्यानि सारथिः सन्यवर्तत।२६।।
evamuktvā rathasthasya rāvaṇo rākṣaseśvaraḥ| dadau tasya śubhaṃ hyekaṃ hastābharaṇamuttamam|| śrutvā rāvaṇavākyāni sārathiḥ sanyavartata|26||
Speaking thus Råvaņa-lord of Rākşasas-gave the charioteer on the car an excellent ornament for the hand. Hearing Ravana's words, the charioteer drove the car.
— M.N. Dutt (1891–94, public domain)
ततो द्रुतं रावणवाक्यचोदितः प्रचोदयामास हयान्स सारथिः। स राक्षसेन्द्रस्य ततो महारथः क्षणेन रामस्य रणाग्रतोऽभवत्॥
tato drutaṃ rāvaṇavākyacoditaḥ pracodayāmāsa hayānsa sārathiḥ| sa rākṣasendrasya tato mahārathaḥ kṣaṇena rāmasya raṇāgrato'bhavat||
And urged on by the speech of Rāvana, the charioteer drove on the steeds, and in a moment the mighty chariot of the Rākşasa-chief appeared before Rāma in the field of battle.
— M.N. Dutt (1891–94, public domain)