स लम्बशिखरे लंबे लंबतोयदसंनिभे। सत्त्वमास्थाय मेधावी हनुमान् मारुतात्मजः॥ निशि लङ्कां महासत्त्वो विवेश कपिकुञ्जरः। रम्यकाननतोयाढ्यां पुरी रावणपालिताम्॥ शारदाम्बुधरप्रख्यैर्भवनैरुपशोभिताम्। सागरोपमनिर्घोषां सागरानिलसेविताम्॥ सुपुष्टबलसम्पुष्टां यथैव विटपावतीम्। चारुतोरणनिर्वृहां पाण्डुरद्वारतोरणाम्॥ भुजगाचरितां गुप्तां शुभां भोगवतीमिव। तां सविद्युद्घनाकीर्णा ज्योतिर्गणनिषेविताम्॥ चण्डमारुतनिर्हादां यथा चाप्यमरावतीम्।
sa lambaśikhare laṃbe laṃbatoyadasaṃnibhe| sattvamāsthāya medhāvī hanumān mārutātmajaḥ|| niśi laṅkāṃ mahāsattvo viveśa kapikuñjaraḥ| ramyakānanatoyāḍhyāṃ purī rāvaṇapālitām|| śāradāmbudharaprakhyairbhavanairupaśobhitām| sāgaropamanirghoṣāṃ sāgarānilasevitām|| supuṣṭabalasampuṣṭāṃ yathaiva viṭapāvatīm| cārutoraṇanirvṛhāṃ pāṇḍuradvāratoraṇām|| bhujagācaritāṃ guptāṃ śubhāṃ bhogavatīmiva| tāṃ savidyudghanākīrṇā jyotirgaṇaniṣevitām|| caṇḍamārutanirhādāṃ yathā cāpyamarāvatīm|
Assuming the quality of goodness and energy on mount Lamba furnished with elevated summits, and resembling long masses of clouds, Hanuman, son to the Wind-god capable of concluding in harmony with season, possessed of exceeding strength an elephant among monkeys-entered Lańkā by night, affluent with charming woods and waters-the city governed by Rāvaņa; beautified with edifices resembling autumnal clouds; sounding like to Vitapāvati* herself with infuriated elephants (stationed) at her graceful gateways; containing white gates with ornainented arches; arches; resembling the handsome Bhogavatī inhabited and protected by serpents. And suddenly coming to that (city) resembling Amarāvatī, scattered with clouds charged with lightning, having hosts of luminaries, and tumultuous with the roars of blustering blasts, *Alakā, the city of Kubera, King of Yaksas.
— M.N. Dutt (1891–94, public domain)
शातकुम्भेन महता प्राकारेणाभिसंवृताम्॥ किङ्किणीजालघोषाभिः पताकाभिरलंकृताम्। आसाद्य सहसा हृष्टः प्राकारमभिपेदिवान्॥ विस्मयाविष्टहृदयः पुरीमालोक्य सर्वतः। जाम्बूनदमयैारैवैदूर्यकृतवेदिकैः॥ वज्रस्फटिकमुक्ताभिर्मणिकुट्टिमभूषितैः। तप्तहाटकनिषूहै राजतामलपाण्डुरैः॥ वैदूर्यकृतसोपानैः स्फाटिकान्तरपांसुभिः। चारुसंजवनोपैतैः खमिवोत्पतितैः शुभैः॥
śātakumbhena mahatā prākāreṇābhisaṃvṛtām|| kiṅkiṇījālaghoṣābhiḥ patākābhiralaṃkṛtām| āsādya sahasā hṛṣṭaḥ prākāramabhipedivān|| vismayāviṣṭahṛdayaḥ purīmālokya sarvataḥ| jāmbūnadamayaiāraivaidūryakṛtavedikaiḥ|| vajrasphaṭikamuktābhirmaṇikuṭṭimabhūṣitaiḥ| taptahāṭakaniṣūhai rājatāmalapāṇḍuraiḥ|| vaidūryakṛtasopānaiḥ sphāṭikāntarapāṃsubhiḥ| cārusaṃjavanopaitaiḥ khamivotpatitaiḥ śubhaiḥ||
Girt round by a mighty golden wall, ringing with the tinklings of tiny bells; and embellished with pennons, he growing exceedingly exhilarated, made towards the wall. And beholding the city all round, furnished with golden doors; having quadrangular courts composed of lapises; ornamented with plastered jewelled pavements studded with all gems, crystals, and pearls; with mad elephants of burnished gold and speckless white silver, with stairs of lapises, (doors) devoid of dust with their centres composed of crystal and with stately halls; elegant, and adjoining mansions seeming as if reaching up to the heavens.
— M.N. Dutt (1891–94, public domain)
क्रौञ्चबर्हिणसंघुष्टै राजहंसनिषेवितैः। तूर्याभरणनिर्घोषैः सर्वतः परिनादिताम्॥
krauñcabarhiṇasaṃghuṣṭai rājahaṃsaniṣevitaiḥ| tūryābharaṇanirghoṣaiḥ sarvataḥ parināditām||
Resounding with Krauñca as and peacocks; frequented by swans, and everywhere resonant with the sounds of trumpets and ornaments.
— M.N. Dutt (1891–94, public domain)
बस्वोकसारप्रतिमां समीक्ष्य नगरी ततः। खमिवोत्पतितां लङ्कां जहर्ष हनुमान् कपिः॥
basvokasārapratimāṃ samīkṣya nagarī tataḥ| khamivotpatitāṃ laṅkāṃ jaharṣa hanumān kapiḥ||
And then beholding the city Lankā, resembling Vasvokasāra,* and appearing to mount to the welkin, the monkey Hanumān was filled with rapture. *Alaka.
— M.N. Dutt (1891–94, public domain)
तां समीक्ष्य पुरीं लङ्कां राक्षसाधिपतेः शुभाम्। अनुत्तमामृद्धिमतीं चिन्तयामास वीर्यवान्॥
tāṃ samīkṣya purīṃ laṅkāṃ rākṣasādhipateḥ śubhām| anuttamāmṛddhimatīṃ cintayāmāsa vīryavān||
And seeing the delightful, . divine and prosperous city of Lankā belonging to the lord of Rākşasas, that one endowed with prowess thought within himself,
— M.N. Dutt (1891–94, public domain)
नेयमन्येन नगरी शक्या धर्षयितुं बलात्। रक्षिता रावणबलैरुद्यतायुधपाणिभिः॥
neyamanyena nagarī śakyā dharṣayituṃ balāt| rakṣitā rāvaṇabalairudyatāyudhapāṇibhiḥ||
This city protected by the forces of Rãvaņa with their hands holding upraised arms, is incapable of being forcibly subdued by any other.
— M.N. Dutt (1891–94, public domain)
कुमुदाङ्गदयोर्वापि सुषेणस्य महाकपेः। प्रसिद्धेयं भवेत् भूमिमॆन्दद्विविदयोरपि॥ विवस्वतस्तनूजस्य हरेश्च कुशपर्वणः। ऋक्षस्य कपिमुख्यस्य मम चैव गतिर्भवेत्॥
kumudāṅgadayorvāpi suṣeṇasya mahākapeḥ| prasiddheyaṃ bhavet bhūmimèndadvividayorapi|| vivasvatastanūjasya hareśca kuśaparvaṇaḥ| ṛkṣasya kapimukhyasya mama caiva gatirbhavet||
This place can be easily entered by Kumuda, and Angada, as well as by that mighty monkey, Suşeņa; and also by Mainda and Dvivida. And there is way also for the offspring of the Sun, and that monkey, Kuśaparva, as well as of that foremost of monkeys, Rksya, and myself."
— M.N. Dutt (1891–94, public domain)
समीक्ष्य च महाबाहो राघवस्य पराक्रमम्। लक्ष्मणस्य च विक्रान्तमभवत् प्रीतिमान् कपिः॥
samīkṣya ca mahābāho rāghavasya parākramam| lakṣmaṇasya ca vikrāntamabhavat prītimān kapiḥ||
Having witnessed the prowess of Rāghava, as well as the vigour of Lakşmaņa, the monkey was filled with joy.
— M.N. Dutt (1891–94, public domain)
तां रत्नवसनोपेतां गोष्ठागारवतंसिकाम्। यन्त्रागारस्तनीमृद्धां प्रमदामिव भूषिताम्॥ तां नष्टतिमिरां दीपै स्वरैश्च महाग्रहै:। नगरी राक्षसेन्द्रस्य स ददर्श महाकपिः॥ अथ सा हरिशार्दूलं प्रविशन्तं महाकपिम्। नगरी स्वेन रूपेण ददर्श पवनात्मजम्॥
tāṃ ratnavasanopetāṃ goṣṭhāgāravataṃsikām| yantrāgārastanīmṛddhāṃ pramadāmiva bhūṣitām|| tāṃ naṣṭatimirāṃ dīpai svaraiśca mahāgrahai:| nagarī rākṣasendrasya sa dadarśa mahākapiḥ|| atha sā hariśārdūlaṃ praviśantaṃ mahākapim| nagarī svena rūpeṇa dadarśa pavanātmajam||
And that redoubtable monkey beheld the metropolis of the monarch of the Räkşasas; having for her cloth the sea; for her pendants, cow-stalls and stables; for her breasts, turrets mounted on the walls for discharging missils, decked out like a damsel; with her darkness dispelled by bright lights and the mighty monkey son to the Wind-god was met by the city in her native shape.
— M.N. Dutt (1891–94, public domain)
सा तं हरिवरं दृष्ट्वा लङ्का रावणपालिता। स्वयमेवोत्थिता तत्र विकृताननदर्शना ॥ पुरस्तात् तस्य वीरस्य वायुसूनोरतिष्ठत। मुञ्चमाना महानादमब्रवीत् पवनात्मजम्॥
sā taṃ harivaraṃ dṛṣṭvā laṅkā rāvaṇapālitā| svayamevotthitā tatra vikṛtānanadarśanā || purastāt tasya vīrasya vāyusūnoratiṣṭhata| muñcamānā mahānādamabravīt pavanātmajam||
Seeing that best of monkeys, Lankā, ruled by Rāvana arising of herself with her countenance rendered deformed, stood before the heroic son of the Wind and, emitting a tremendous roar, addressed the offspring of the Wind-god, saying,
— M.N. Dutt (1891–94, public domain)
कस्त्वं केन च कार्येण इह प्राप्तो वनालय। कथयस्वेह यत् तत्त्वं यावत् प्राणा धरन्ति ते॥
kastvaṃ kena ca kāryeṇa iha prāpto vanālaya| kathayasveha yat tattvaṃ yāvat prāṇā dharanti te||
O you that had the woods for the home, who are you? And on what errand had you come hither? Tell me while yet you had your vital powers left in you.
— M.N. Dutt (1891–94, public domain)
न शक्यं खल्वियं लङ्का प्रवेष्टुं वानर त्वया। रक्षिता रावणबलैरभिगुप्ता समन्ततः॥
na śakyaṃ khalviyaṃ laṅkā praveṣṭuṃ vānara tvayā| rakṣitā rāvaṇabalairabhiguptā samantataḥ||
O monkey, for certain you are unable to obtain entry into this Laňkā, protected by the forces of Rāvaņa, and carefully guarded on all sides.
— M.N. Dutt (1891–94, public domain)
अथ तामब्रवीत् वीरो हनुमानग्रतः स्थिताम्। कथयिष्यामि तत् तत्त्वं यन्मां त्वं परिपृच्छसे॥ का त्वं विरूपनयना पुरद्वारेऽवतिष्ठसे। किमर्थं चापि मां क्रोधान्निर्भर्त्सयसि दारुणे॥
atha tāmabravīt vīro hanumānagrataḥ sthitām| kathayiṣyāmi tat tattvaṃ yanmāṃ tvaṃ paripṛcchase|| kā tvaṃ virūpanayanā puradvāre'vatiṣṭhase| kimarthaṃ cāpi māṃ krodhānnirbhartsayasi dāruṇe||
Thereat, the heroic Hanumān spoke to her staying in front of him, “I shall tell you all about that anent which you questionest me. Who are you that having deformed eyes stayest at the gate of this city? And what for, O frightful one, do you rail at me in wrath?"
— M.N. Dutt (1891–94, public domain)
हनुमद्वचनं श्रुत्वा लङ्का सा कामरूपिणी। उवाच वचनं क्रुद्धा परुषं पवनात्मजम्॥
hanumadvacanaṃ śrutvā laṅkā sā kāmarūpiṇī| uvāca vacanaṃ kruddhā paruṣaṃ pavanātmajam||
Hearing Hanumān's speech, Lankā, capable of wearing forms at will, waxing wroth addressed the Wind-god's offspring, saying,
— M.N. Dutt (1891–94, public domain)
अहं राक्षसराजस्य रावणस्य महात्मनः। आज्ञाप्रतीक्षा दुर्धर्षा रक्षामि नगरीमिमाम्॥
ahaṃ rākṣasarājasya rāvaṇasya mahātmanaḥ| ājñāpratīkṣā durdharṣā rakṣāmi nagarīmimām||
I, who am incapable of being repressed, abiding by the mandate of the high-souled sovereign of the Rākşasas, protect this city.
— M.N. Dutt (1891–94, public domain)
न शक्यं मामवज्ञाय प्रवेष्टुं नगरीमिमाम्। अद्य प्राणैः परित्यक्तः स्वप्स्यसे निहतो मया॥
na śakyaṃ māmavajñāya praveṣṭuṃ nagarīmimām| adya prāṇaiḥ parityaktaḥ svapsyase nihato mayā||
You are unable to enter this city, passing me by. You shall to-day, losing your life and slain by me, sleep (the sleep of death).
— M.N. Dutt (1891–94, public domain)
अहं हि नगरी लङ्का स्वयमेव प्लवङ्गम। सर्वतः परिरक्षामि अतस्ते कथितं मया॥
ahaṃ hi nagarī laṅkā svayameva plavaṅgama| sarvataḥ parirakṣāmi ataste kathitaṃ mayā||
O monkey, I am the City of Lankā myself. I every way guard (all that is here.) that I told you.
— M.N. Dutt (1891–94, public domain)
लङ्काया वचनं श्रुत्वा हनूमान् मारुतात्मजः। यत्नवान् स हरिश्रेष्ठः स्थितः शैल इवापरः॥
laṅkāyā vacanaṃ śrutvā hanūmān mārutātmajaḥ| yatnavān sa hariśreṣṭhaḥ sthitaḥ śaila ivāparaḥ||
Hearing Lankā's words, Hanumān, son to the Wind-god, foremost of monkeys-exerting himself (to secure victory), stood like another hill.
— M.N. Dutt (1891–94, public domain)
स तां स्त्रीरूपविकृतां दृष्ट्वा वानरपुङ्गवः। आबभाषेऽथ मेधावी सत्त्ववान् प्लवगर्षभः॥
sa tāṃ strīrūpavikṛtāṃ dṛṣṭvā vānarapuṅgavaḥ| ābabhāṣe'tha medhāvī sattvavān plavagarṣabhaḥ||
Seeing her appear in the form of a deformed female, that foremost and best-of monkeys endued with intelligence, possessed of prowess, said.
— M.N. Dutt (1891–94, public domain)
द्रक्ष्यामि नगरी लङ्कां साट्टप्राकारतोरणाम्। इत्यर्थमिह सम्प्राप्तः परं कौतूहलं हि मे॥
drakṣyāmi nagarī laṅkāṃ sāṭṭaprākāratoraṇām| ityarthamiha samprāptaḥ paraṃ kautūhalaṃ hi me||
I will behold the city of Lanká, crowned with turrets, walls and ornamented arches. It is for this that I have come here, Great is my curiosity.
— M.N. Dutt (1891–94, public domain)
वनान्युपवनानीह लङ्कायाः काननानि च। सर्वतो गृहमुख्यानि द्रष्टुमागमनं हि मे॥
vanānyupavanānīha laṅkāyāḥ kānanāni ca| sarvato gṛhamukhyāni draṣṭumāgamanaṃ hi me||
I come forsooth to see the woods and groves and gardens of Lankā here, as well as her principle edifices.
— M.N. Dutt (1891–94, public domain)
तस्य तद् वचनं श्रुत्वा लङ्का सा कामरूपिणी। भूय एव पुनर्वाक्यं बभाषे परुषाक्षरम् ॥
tasya tad vacanaṃ śrutvā laṅkā sā kāmarūpiṇī| bhūya eva punarvākyaṃ babhāṣe paruṣākṣaram ||
Hearing these words of his, Lankā capable of wearing forms at will, again addressed him in a speech fraught with dissonant letters:
— M.N. Dutt (1891–94, public domain)
मामनिर्जित्य दुर्बुद्धे राक्षसेश्वरपालिताम्। न शक्यं ह्यद्य ते द्रष्टुं पुरीयं वानराधम॥
māmanirjitya durbuddhe rākṣaseśvarapālitām| na śakyaṃ hyadya te draṣṭuṃ purīyaṃ vānarādhama||
you of perverse understanding, O worst of monkeys, without in the first instance) vanquishing me, you cannot to-day behold this city ruled by the monarch of the Rākşasas.
— M.N. Dutt (1891–94, public domain)
ततः स हरिशार्दूलस्तामुवाच निशाचरीम्। दृष्ट्वा पुरीमिमां भद्रे पुनर्यास्ये यथागतम्॥
tataḥ sa hariśārdūlastāmuvāca niśācarīm| dṛṣṭvā purīmimāṃ bhadre punaryāsye yathāgatam||
Thereat that tiger of a monkey said to that female ranger of the night. After seeing this city, O gentle one, I shall go away even a I have come.
— M.N. Dutt (1891–94, public domain)
वै ततः श्रुत्वा महानादं सा लङ्का भयंकरम्। तलेन वानरश्रेष्ठं ताडयामास वेगिता॥
vai tataḥ śrutvā mahānādaṃ sā laṅkā bhayaṃkaram| talena vānaraśreṣṭhaṃ tāḍayāmāsa vegitā||
Thereupon, setting up a mighty and terrible roar, Laikā filled with vehemence, struck at Hanumān with her palm.
— M.N. Dutt (1891–94, public domain)
ततः स हरिशार्दूलो लङ्कया ताडितो भृशम्। ननाद सुमहानादं वीर्यवान् मारुतात्मजः॥
tataḥ sa hariśārdūlo laṅkayā tāḍito bhṛśam| nanāda sumahānādaṃ vīryavān mārutātmajaḥ||
That tiger-like monkey, the energetic offspring of the wind-god, on being lustily struck by Larkā, emitted a tremendous roars.
— M.N. Dutt (1891–94, public domain)
ततः संवर्तयामास वामहस्तस्य सोऽङ्गुलीः। मुष्टिनाभिजघानैनां हनुमान् क्रोधमूर्च्छितः॥
tataḥ saṃvartayāmāsa vāmahastasya so'ṅgulīḥ| muṣṭinābhijaghānaināṃ hanumān krodhamūrcchitaḥ||
And (Hanuman) fastened the fingers of his left hand into a box, and transported with rage, dealt it to her.
— M.N. Dutt (1891–94, public domain)
स्त्री चेति मन्यमानेन नातिक्रोधः स्वयं कृतः। सा तु तेन प्रहारेण विह्वलाङ्गी निशाचरी। पपात सहसा भूमौ विकृताननदर्शना ॥
strī ceti manyamānena nātikrodhaḥ svayaṃ kṛtaḥ| sā tu tena prahāreṇa vihvalāṅgī niśācarī| papāta sahasā bhūmau vikṛtānanadarśanā ||
Considering that she was a female he did not give way to excessive wrath. And struck at (by Hanumān), that ranger of the night, of a deformed face, her body overcome, suddenly dropped to the earth.
— M.N. Dutt (1891–94, public domain)
ततस्तु हनुमान् वीरस्तां दृष्ट्वा विनिपातितम्। कृपां चकार तेजस्वी मन्यमानः स्त्रियं च ताम्॥
tatastu hanumān vīrastāṃ dṛṣṭvā vinipātitam| kṛpāṃ cakāra tejasvī manyamānaḥ striyaṃ ca tām||
And the energetic and heroic Hanumān, seeing her measure her length, in consideration of her being a female, was filled with compassion.
— M.N. Dutt (1891–94, public domain)
ततो वै भृशमुद्विग्ना लङ्का सा गद्गदाक्षरम्। उवाचागर्वितं वाक्यं हनुमन्तं प्लवङ्गमम्।॥
tato vai bhṛśamudvignā laṅkā sā gadgadākṣaram| uvācāgarvitaṃ vākyaṃ hanumantaṃ plavaṅgamam|||
Thereat, exceedingly agitated, Lanka addressed the monkey, Hanumān, in humble words, with their letters faltering,
— M.N. Dutt (1891–94, public domain)
प्रसीद सुमहाबाहो त्रायस्व हरिसत्तम । समये सौम्य तिष्ठन्ति सत्त्ववन्तो महाबलाः॥
prasīda sumahābāho trāyasva harisattama | samaye saumya tiṣṭhanti sattvavanto mahābalāḥ||
O mighty-armed one, be propitious to me! Do you save me, O best of monkeys, O placid one. Those that are gifted with strength and are endued with exceeding vigour, ever bear regard to the dignity of the sceiptures.
— M.N. Dutt (1891–94, public domain)
अहं तु नगरी लङ्का स्वयमेव प्लवङ्गम। निर्जिताहं त्वया वीर विक्रमेण महाबल॥
ahaṃ tu nagarī laṅkā svayameva plavaṅgama| nirjitāhaṃ tvayā vīra vikrameṇa mahābala||
By your prowess, O Monkey, had you, O hero, O you gifted with wondrous strength, vanquished me myself, who am the City of Lankā.
— M.N. Dutt (1891–94, public domain)
इदं च तथ्यं शृणु मे ब्रुवन्त्या वै हरीश्वर। स्वयं स्वयम्भुवा दत्तं वरदानं यथा मम ॥
idaṃ ca tathyaṃ śṛṇu me bruvantyā vai harīśvara| svayaṃ svayambhuvā dattaṃ varadānaṃ yathā mama ||
Listen to this narration, which I, O foremost of monkeys, deliver to you; as to how the selfcreate Himself conferred a boon on me.
— M.N. Dutt (1891–94, public domain)
यदा त्वां वानरः कश्चिद् विक्रमाद् वशमानयेत्। तदा त्वया हि विज्ञेयं रक्षसां भयमागतम्॥ स हि मे समयः सौम्य प्राप्तोऽद्य तव दर्शनात्। स्वयम्भूविहितः सत्यो न तस्यास्ति व्यतिक्रमः॥
yadā tvāṃ vānaraḥ kaścid vikramād vaśamānayet| tadā tvayā hi vijñeyaṃ rakṣasāṃ bhayamāgatam|| sa hi me samayaḥ saumya prāpto'dya tava darśanāt| svayambhūvihitaḥ satyo na tasyāsti vyatikramaḥ||
When a certain monkey shall by his prowess, bring you under his sway, then shall you understand that a fear is come to me, in consequence of my meeting with you. The truth ordained by the self-create know no turning.
— M.N. Dutt (1891–94, public domain)
सीतानिमित्तं राज्ञस्तु रावणस्य दुरात्मनः। रक्षसां चैव सर्वेषां विनाशः समुपागतः। ४९ ।।
sītānimittaṃ rājñastu rāvaṇasya durātmanaḥ| rakṣasāṃ caiva sarveṣāṃ vināśaḥ samupāgataḥ| 49 ||
The destruction of the unrighteous king Rāvaņa together with all the Rākşasas, has come about in consequence of Şītā (having been carried away).
— M.N. Dutt (1891–94, public domain)
तत् प्रविश्य हरिश्रेष्ठ पुरीं रावणपालिताम्। विधत्स्व सर्वकार्याणि यानि यानीह वाञ्छसि ॥
tat praviśya hariśreṣṭha purīṃ rāvaṇapālitām| vidhatsva sarvakāryāṇi yāni yānīha vāñchasi ||
Therefore, O best of monkeys, do you enter the city ruled by Rāvaņa; and accomplish such tasks as you wishest to.
— M.N. Dutt (1891–94, public domain)
प्रविश्य शापोपहतां हरीश्वरः पुरीं शुभां राक्षसमुख्यपालिताम्। यदृच्छया त्वं जनकात्मजां सतीं विमार्ग सर्वत्र गतो यथासुखम्॥
praviśya śāpopahatāṃ harīśvaraḥ purīṃ śubhāṃ rākṣasamukhyapālitām| yadṛcchayā tvaṃ janakātmajāṃ satīṃ vimārga sarvatra gato yathāsukham||
Entering this splendid city lying under an imprecation, governed by the chief of the Rāks asas, do you at your will happily repairing everywhere, search for the chaste daughter of Janaka. .
— M.N. Dutt (1891–94, public domain)
