Siraatसुन्दरकाण्डः सर्गः 27
37 verses
इत्युक्ताः सीतया घोरं राक्षस्यः क्रोधमूछिताः। कांश्चिज्जग्मुस्तदाख्यातुं रावणस्य दुरात्मनः॥
ityuktāḥ sītayā ghoraṃ rākṣasyaḥ krodhamūchitāḥ| kāṃścijjagmustadākhyātuṃ rāvaṇasya durātmanaḥ||
Being thus addressed angrily by Sītā, some of those Raksasis, beside themselves with ire, proceeded to relate this to the vicious-souled Ravana.
— M.N. Dutt (1891–94, public domain)
ततः सीतामुपागम्य राक्षस्यो भीमदर्शनाः। पुनः परुषमेकार्थमनर्थार्थमथाब्रुवन्॥
tataḥ sītāmupāgamya rākṣasyo bhīmadarśanāḥ| punaḥ paruṣamekārthamanarthārthamathābruvan||
And approaching Sītā those grim-visaged demons again addressed her with words rude and rough.
— M.N. Dutt (1891–94, public domain)
अद्येदानीं तवानार्ये सीते पापविनिश्चये। राक्षस्यो भक्षयिष्यन्ति मांसमेतद् यथासुखम्॥
adyedānīṃ tavānārye sīte pāpaviniścaye| rākṣasyo bhakṣayiṣyanti māṃsametad yathāsukham||
O vile Sītă, O you bent on committing sin, we Rākşasīs shall today devour your flesh to the best of our satisfaction.
— M.N. Dutt (1891–94, public domain)
सीतां ताभिरनार्याभिदृष्ट्वा संतर्जितां तदा। राक्षसी त्रिजटा वृद्धा प्रबुद्धा वाक्यमब्रवीत्॥
sītāṃ tābhiranāryābhidṛṣṭvā saṃtarjitāṃ tadā| rākṣasī trijaṭā vṛddhā prabuddhā vākyamabravīt||
Beholding those vile demons threaten Sītā, a Raksasa matron, wise and old, named, Trijata cried.
— M.N. Dutt (1891–94, public domain)
आत्मानं खादतानार्या न सीतां भक्षयिष्यथ। जनकस्य सुतामिष्टां स्नुषां दशरथस्य च॥
ātmānaṃ khādatānāryā na sītāṃ bhakṣayiṣyatha| janakasya sutāmiṣṭāṃ snuṣāṃ daśarathasya ca||
O vile demons, do youeat your own persons (The proper expression, I think, should be-“Eat me.” The commentator Rāmānuja explains Atmanam as your own bodies.) but do not devour Sītā, the daughter of Janaka and the esteemed daughter-in-law of the king Dasaratha.
— M.N. Dutt (1891–94, public domain)
स्वप्नो ह्यद्य मया दृष्टो दारुणो रोमहर्षणः। राक्षसानामभावाय भर्तुरस्या भवाय च॥
svapno hyadya mayā dṛṣṭo dāruṇo romaharṣaṇaḥ| rākṣasānāmabhāvāya bharturasyā bhavāya ca||
I dreamt a terrible dream last night which made my down stand on their end. And in that dream I foresaw the overthrow of the Rāksasa race and the conquest of her husband.
— M.N. Dutt (1891–94, public domain)
एवमुक्तास्त्रिजटया राक्षस्यः क्रोधमूर्च्छिताः। सर्वा एवाब्रुवन् भीतास्त्रिजटां तामिदं वचः॥
evamuktāstrijaṭayā rākṣasyaḥ krodhamūrcchitāḥ| sarvā evābruvan bhītāstrijaṭāṃ tāmidaṃ vacaḥ||
And being thus addressed by Trijatā, those demons, exercised with wrath and terrified, accosted her with the following words.
— M.N. Dutt (1891–94, public domain)
कथयस्व त्वया दृष्टः स्वप्नोऽयं कीदृशो निशि। तासां श्रुत्वा तु वचनं राक्षसीनां मुखोद्गतम्॥ उवाच वचनं काले त्रिजटा स्वप्नसंश्रितम्।
kathayasva tvayā dṛṣṭaḥ svapno'yaṃ kīdṛśo niśi| tāsāṃ śrutvā tu vacanaṃ rākṣasīnāṃ mukhodgatam|| uvāca vacanaṃ kāle trijaṭā svapnasaṃśritam|
"Do you relate (to us) what sort of dream didst you dream last night." And hearing those words proceeding from the mouths of the Rākşasīs, Trijatā began to describe the dream she had at the latter end of the night,
— M.N. Dutt (1891–94, public domain)
गजदन्तमयीं दिव्यां शिबिकान्तरिक्षगाम्॥ युक्तां वाजिसहस्रेण स्वयमास्थाय राघवः। शुक्लमाल्याम्बरधरो लक्ष्मणेन समागतः॥
gajadantamayīṃ divyāṃ śibikāntarikṣagām|| yuktāṃ vājisahasreṇa svayamāsthāya rāghavaḥ| śuklamālyāmbaradharo lakṣmaṇena samāgataḥ||
I saw Rāma, wearing garlands and clothed in white, ride in a celestial chariot, along with Lakşmaņa, made of ivory, traversing the etherial regions and drawn by a hundred steeds.
— M.N. Dutt (1891–94, public domain)
स्वप्न चाद्य मया दृष्टा सीता शुक्लाम्बरावृता। सागरेण परिक्षिप्तं श्वेतपर्वतमास्थिता॥ रामेण संगता सीता भास्करेण प्रभा यथा।
svapna cādya mayā dṛṣṭā sītā śuklāmbarāvṛtā| sāgareṇa parikṣiptaṃ śvetaparvatamāsthitā|| rāmeṇa saṃgatā sītā bhāskareṇa prabhā yathā|
I saw in my dream to-night, that Sītā, clad in the purest white, appearing on a snow-white hill beaten by the waves of the ocean, had at last met Rāma, like to light joined to the Sun.
— M.N. Dutt (1891–94, public domain)
राघवश्च पुनदृष्टश्चतुर्दन्तं महागजम्॥ आरूढः शैलसंकाशं चकास सहलक्ष्मणः।
rāghavaśca punadṛṣṭaścaturdantaṃ mahāgajam|| ārūḍhaḥ śailasaṃkāśaṃ cakāsa sahalakṣmaṇaḥ|
I again saw Rāma and Lakşmaņa appear in effulgence, seated on a huge elephant, having four tusks and resembling a bull.
— M.N. Dutt (1891–94, public domain)
ततस्तु सूर्यसंकाशौ दीप्यमानौ स्वतेजसा ॥ शुक्लमाल्याम्बरधरौ जानकी पर्युपस्थितौ।
tatastu sūryasaṃkāśau dīpyamānau svatejasā || śuklamālyāmbaradharau jānakī paryupasthitau|
Thereupon those two (brothers), resplendent like to the Sun by their own effulgence, and wearing white garlands and clothes, appeared near Janaka's daughter.
— M.N. Dutt (1891–94, public domain)
ततस्तस्य नगस्याग्रे ह्याकाशस्थस्य दन्तिनः॥ भ; परिगृहीतस्य जानकी स्कन्धमाश्रिता। भर्तुरङ्कात् समुत्पत्य ततः कमललोचना।। चन्द्रसूर्यौ मया दृष्टा पाणिभ्यां परिमार्जती॥
tatastasya nagasyāgre hyākāśasthasya dantinaḥ|| bha; parigṛhītasya jānakī skandhamāśritā| bharturaṅkāt samutpatya tataḥ kamalalocanā|| candrasūryau mayā dṛṣṭā pāṇibhyāṃ parimārjatī||
And the lotus-eyed Jānakī, on the top of the hill situate on the welkin, first fell on the lap of her husband and then stationed herself on the neck of the elephant guided by her husband. Then I saw Sītā rubbing the Sun and the Moon with her two hands.
— M.N. Dutt (1891–94, public domain)
ददस्ताभ्यां कुमाराभ्यामास्थितः स गजोत्तमः। सीतया च विशालाक्ष्या लङ्काया उपरिस्थितः। पाण्डुरर्षभयुक्तेन रथेनाष्टयुजा स्वयम्॥ शुक्लमाल्याम्बरधरो लक्ष्मणेन सहागतः।
dadastābhyāṃ kumārābhyāmāsthitaḥ sa gajottamaḥ| sītayā ca viśālākṣyā laṅkāyā uparisthitaḥ| pāṇḍurarṣabhayuktena rathenāṣṭayujā svayam|| śuklamālyāmbaradharo lakṣmaṇena sahāgataḥ|
Then that best of the elephants, with those two princes and the large eyed Sītā on him, stood high above Lanka. I again saw Rāma, clad in white, and adorned with garlands, ride along with Lakşmaņa in a chariot drawn by eight white bullocks.
— M.N. Dutt (1891–94, public domain)
ततोऽन्यत्र मया दृष्टो रामः सत्यपराक्रमः॥ लक्ष्मणेन सह भ्रात्रा सीतया सह वीर्यवान्। आरुह्य पुष्पकं दिव्यं विमानं सूर्यसंनिभम्॥ उत्तरां दिशमालोच्य प्रस्थितः पुरुषोत्तमः।
tato'nyatra mayā dṛṣṭo rāmaḥ satyaparākramaḥ|| lakṣmaṇena saha bhrātrā sītayā saha vīryavān| āruhya puṣpakaṃ divyaṃ vimānaṃ sūryasaṃnibham|| uttarāṃ diśamālocya prasthitaḥ puruṣottamaḥ|
I again saw that highly energetic, best of men, Rāma, having truth for his prowess, along with his brother Lakşmaņa and Sītā flee to Northern realms, ascending a celestial flowery chariot resembling (in brightness) the Sun.
— M.N. Dutt (1891–94, public domain)
रावणश्च मया दृष्टो मुण्डस्तैलसमुक्षितः॥ रक्तवासा पिबन्मत्तः करवीरकृतस्रजः। विमानात् पुष्पकादद्य रावणः पतितः क्षितौ॥
rāvaṇaśca mayā dṛṣṭo muṇḍastailasamukṣitaḥ|| raktavāsā pibanmattaḥ karavīrakṛtasrajaḥ| vimānāt puṣpakādadya rāvaṇaḥ patitaḥ kṣitau||
I saw Ravana too, shaved and shorn, besmeared with oil, wearing a crimson cloth, drinking honey, wearing a garland of Karavīra flowers, fall down on earth from the flowery chariot.
— M.N. Dutt (1891–94, public domain)
कृष्यमाणः स्त्रिया मुण्डो दृष्टः कृष्णाम्बरः पुनः। रथेन खरयुक्तेन रक्तमाल्यानुलेपनः॥ पिबंस्तैलं हसन्नृत्यन् भ्रान्तचित्ताकुलेन्द्रियः। गर्दभेन ययौ शीघ्रं दक्षिणां दिशमास्थितः॥
kṛṣyamāṇaḥ striyā muṇḍo dṛṣṭaḥ kṛṣṇāmbaraḥ punaḥ| rathena kharayuktena raktamālyānulepanaḥ|| pibaṃstailaṃ hasannṛtyan bhrāntacittākulendriyaḥ| gardabhena yayau śīghraṃ dakṣiṇāṃ diśamāsthitaḥ||
And dragged by a woman, shaved, wearing a red cloth and garlands and sprinkled with crimson paste, Rāvana was again seen by me riding in a chariot drawn by asses. And quaffing oil, laughing and dancing, that one of agitated senses, forgetting himself sped on the chariot to the South. (In the south is the region of Yama, the God of Death and hence his going to the south is not an auspicious sign.)
— M.N. Dutt (1891–94, public domain)
पुनरेव मया दृष्टो रावणो राक्षसेश्वरः। पतितो विशिरा भूमौ गर्दभाद्भयमोहितः॥
punareva mayā dṛṣṭo rāvaṇo rākṣaseśvaraḥ| patito viśirā bhūmau gardabhādbhayamohitaḥ||
And I again saw Rāvana, the lord of the Raksasas, stricken with fear, fall, headless, down on the earth.
— M.N. Dutt (1891–94, public domain)
सहसोत्थाय सम्भ्रान्तो भयार्तो मदविह्वलः। उन्मत्तरूपो दिग्वासा दुर्वाक्यं प्रलपन्बहु॥ दुर्गन्धं दुःसहं घोरं तिमिरं नरकोपमम्। मलपङ्कं प्रविश्याशु मग्नस्तत्र स रावणः॥
sahasotthāya sambhrānto bhayārto madavihvalaḥ| unmattarūpo digvāsā durvākyaṃ pralapanbahu|| durgandhaṃ duḥsahaṃ ghoraṃ timiraṃ narakopamam| malapaṅkaṃ praviśyāśu magnastatra sa rāvaṇaḥ||
And then rising all on a sudden, and uttering obscene and inconsistent words like to a maniac, Rāvana overwhelmed with fear, and amazement, and intoxicated, fell into a mass of dirt, stinking and resembling the very hell. And again proceeding to the South he entered into a lake devoid of mud and water.
— M.N. Dutt (1891–94, public domain)
प्रस्थितो दक्षिणामाशां प्रविष्टोऽकर्दमं हृदम्। कण्ठे बद्ध्वा दशग्रीवं प्रमदा रक्तवासिनी॥ कालीकर्दमलिप्ताङ्गी दिशं याम्यां प्रकर्षति। एवं तत्र मया दृष्टः कुम्भकर्णो महाबलः॥ रावणस्य सुताः सर्वे मुण्डास्तैलसमुक्षिताः। वराहेण दशग्रीवं शिशुमारेण चेन्द्रजित्॥ उष्ट्रेण कुम्भकर्णश्च प्रयातो दक्षिणां दिशम्।
prasthito dakṣiṇāmāśāṃ praviṣṭo'kardamaṃ hṛdam| kaṇṭhe baddhvā daśagrīvaṃ pramadā raktavāsinī|| kālīkardamaliptāṅgī diśaṃ yāmyāṃ prakarṣati| evaṃ tatra mayā dṛṣṭaḥ kumbhakarṇo mahābalaḥ|| rāvaṇasya sutāḥ sarve muṇḍāstailasamukṣitāḥ| varāheṇa daśagrīvaṃ śiśumāreṇa cendrajit|| uṣṭreṇa kumbhakarṇaśca prayāto dakṣiṇāṃ diśam|
And a dark woman, clad in a crimson cloth, and bedaubed with mud, dragged the Ten-necked demon, entwining herself around his neck. Then followed the mighty Kumbhakarņa (Rāvana's brother) and all the sons of Rāvana, shaved and shorn and besmeared with oil. And they all proceeded southward—the Ten-necked demon on a boar, Indrajit (Rāvana's son-the name signifies the conqueror of the lord of the celestials) on a porpoise, and Kumbhakarņa on a camel.
— M.N. Dutt (1891–94, public domain)
एकस्तत्र मया दृष्टः श्वेतच्छत्रो विभीषणः।। चतुर्भिः सचिवैः सार्धं वैहायसमुपस्थितः॥
ekastatra mayā dṛṣṭaḥ śvetacchatro vibhīṣaṇaḥ|| caturbhiḥ sacivaiḥ sārdhaṃ vaihāyasamupasthitaḥ||
I saw only Vibhīșaņa, with a white umbrella and accompanied by four courtiers, range in the welkin.
— M.N. Dutt (1891–94, public domain)
समाजश्च महान् वृत्तो गीतवादित्रनि:स्वनः। पिबतां रक्तमाल्यानां रक्षसां रक्तवाससाम्॥ लङ्का चेयं पुरी रम्या सवाजिरथकुञ्जरा। सागरे पतिता दृष्टा भग्नगोपुरतोरणा॥
samājaśca mahān vṛtto gītavāditrani:svanaḥ| pibatāṃ raktamālyānāṃ rakṣasāṃ raktavāsasām|| laṅkā ceyaṃ purī ramyā savājirathakuñjarā| sāgare patitā dṛṣṭā bhagnagopuratoraṇā||
And there was audible in the large assembly sound of music and stringed instruments. And all the Rākşasa wearing crimson clothes and garlands, were quaffing oil, I saw the royal and picturesque city Lankā with her steeds, cars and elephants, drowned in the ocean, having her gateways and ornamented arches broken.
— M.N. Dutt (1891–94, public domain)
पीत्वा तैलं प्रमत्ताश्च प्रहसन्त्यो महास्वनाः। लङ्कायां भस्मरूक्षायां सर्वा राक्षसयोषितः॥
pītvā tailaṃ pramattāśca prahasantyo mahāsvanāḥ| laṅkāyāṃ bhasmarūkṣāyāṃ sarvā rākṣasayoṣitaḥ||
And in Lanka, covered with dust, Raksasa women laughing and making terrible sound, were engaged in quaffing oil.
— M.N. Dutt (1891–94, public domain)
कुम्भकर्णादयश्चेमे सर्वे राक्षसपुङ्गवाः। रक्तं निवसनं गृह्य प्रविष्टा गोमयहृदम्॥
kumbhakarṇādayaśceme sarve rākṣasapuṅgavāḥ| raktaṃ nivasanaṃ gṛhya praviṣṭā gomayahṛdam||
I saw all the leading Raksasas-Kumbhakarņā and others, dark-hued and wearing crimson clothes, emerged in an abyss of cow dung.
— M.N. Dutt (1891–94, public domain)
अपगच्छत पश्यध्वं सीतामाप्नोति राघवः। घातयेत् परमामर्षी युष्मान् सार्धं हि राक्षसैः॥
apagacchata paśyadhvaṃ sītāmāpnoti rāghavaḥ| ghātayet paramāmarṣī yuṣmān sārdhaṃ hi rākṣasaiḥ||
Do youtherefore fly at some distance, and will find that Rāghava shall regain Sītā. And exercised with ire he shall destroy you all along with the Raksasas.
— M.N. Dutt (1891–94, public domain)
प्रियां बहुमतां भार्या वनवासमनुव्रताम्। भर्त्तितां तर्जितां वापि नानुमंस्यति राघवः॥
priyāṃ bahumatāṃ bhāryā vanavāsamanuvratām| bharttitāṃ tarjitāṃ vāpi nānumaṃsyati rāghavaḥ||
Rāghava shall never brook, his esteemed and beloved spouse, living in the forest, being taunted and threatened by you.
— M.N. Dutt (1891–94, public domain)
तदलं क्रूरवाक्यैश्च सान्त्वमेवाभिधीयताम्। अभियाचाम वैदेहीमेतद्धि मम रोचते॥
tadalaṃ krūravākyaiśca sāntvamevābhidhīyatām| abhiyācāma vaidehīmetaddhi mama rocate||
No more with rough words therefore; do you console the lady and humbly pray her to forgive you. This I think proper.
— M.N. Dutt (1891–94, public domain)
यस्या ह्येवंविधः स्वप्नो दुःखितायाः प्रदृश्यते। सा दुःखैर्बहुभिर्मुक्ता प्रियं प्राप्नोत्यनुत्तमम्॥
yasyā hyevaṃvidhaḥ svapno duḥkhitāyāḥ pradṛśyate| sā duḥkhairbahubhirmuktā priyaṃ prāpnotyanuttamam||
Surely shall she, divested of misfortune, he reconciled to her beloved and excellent husband, regarding whom, in her misery, I have dreamt such a dream.
— M.N. Dutt (1891–94, public domain)
भर्त्तितामपि याचध्वं राक्षस्यः किं विवक्षया। राघवाद्धि भयं घोरं राक्षसानामुपस्थितम्॥
bharttitāmapi yācadhvaṃ rākṣasyaḥ kiṃ vivakṣayā| rāghavāddhi bhayaṃ ghoraṃ rākṣasānāmupasthitam||
YouRaksasis! You have threatened her, do youimplore her forgiveness—no more with harsh words. Forsooth, from Rāghava shall proceed the mighty disaster of the Rākṣasas.
— M.N. Dutt (1891–94, public domain)
प्रणिपातप्रसन्ना हि मैथिली जनकात्मजा। अलमेषा परित्रातुं राक्षस्यो महतो भयात्॥
praṇipātaprasannā hi maithilī janakātmajā| alameṣā paritrātuṃ rākṣasyo mahato bhayāt||
If Maithili, the daughter of the king Janaka, be pleased with you (for your imploring her forgiveness) you might be saved from the mighty disaster.
— M.N. Dutt (1891–94, public domain)
अपि चास्या विशालाक्ष्या न किंचिदुपलक्षये। विरूपमपि चाङ्गेषु सुसूक्ष्ममपि लक्षणम्॥
api cāsyā viśālākṣyā na kiṃcidupalakṣaye| virūpamapi cāṅgeṣu susūkṣmamapi lakṣaṇam||
I do not perceive any inauspicious mark on the person of this large-eyed dame. It appears from the paleness of her countenance that she has been overcome by misfortune.
— M.N. Dutt (1891–94, public domain)
छायावैगुण्यमानं तु शङ्के दुःखमुपस्थितम्। अदुःखार्हामिमां देवीं वैहायसमुपस्थिताम् ॥
chāyāvaiguṇyamānaṃ tu śaṅke duḥkhamupasthitam| aduḥkhārhāmimāṃ devīṃ vaihāyasamupasthitām ||
And I saw in my dreams) this worshipful damsel, unworthy of any misfortune, stationed in the welkin.
— M.N. Dutt (1891–94, public domain)
अर्थसिद्धिं तु वैदेह्याः पश्याम्यहमुपस्थिताम्। राक्षसेन्द्रविनाशं च विजयं राघवस्य च॥
arthasiddhiṃ tu vaidehyāḥ paśyāmyahamupasthitām| rākṣasendravināśaṃ ca vijayaṃ rāghavasya ca||
Verily I do perceive, before me, the satisfaction of Vaidehi's end, the destruction of the lord of the Rākşasas and the conquest of Raghava.
— M.N. Dutt (1891–94, public domain)
निमित्तभूतमेतत् तु श्रोतुमस्या महत् प्रियम्। दृश्यते च स्फुरच्चक्षुः पद्मपत्रमिवायतम्॥ ईषच्च हृषितो वास्या दक्षिणाया ह्यदक्षिणः। अकस्मादेव वैदेह्याः बाहुरेकः प्रकम्पते॥
nimittabhūtametat tu śrotumasyā mahat priyam| dṛśyate ca sphuraccakṣuḥ padmapatramivāyatam|| īṣacca hṛṣito vāsyā dakṣiṇāyā hyadakṣiṇaḥ| akasmādeva vaidehyāḥ bāhurekaḥ prakampate||
Behold! there, her left eye, spacious, as a lotus-petals, is dancing to hear this pleasant dream announcing the satisfaction of her own end. And her left arm is also dancing with joy, all on a sudden.
— M.N. Dutt (1891–94, public domain)
करेणुहस्तप्रतिमः सव्यश्चोरुरनुत्तमः। वेपन् कथयतीवास्या राघवं पुरतः स्थितम्॥
kareṇuhastapratimaḥ savyaścoruranuttamaḥ| vepan kathayatīvāsyā rāghavaṃ purataḥ sthitam||
And her excellent beautiful left thigh, resembling the trunk of an elephant, is also dancing as if indicating, that she shall at no distant date, be reconciled to Rāghava.
— M.N. Dutt (1891–94, public domain)
पक्षी च शाखानिलयं प्रविष्टः पुनः पुनश्चोत्तमसान्त्ववादी। सुखागतां वाचमुदीरयाणः पुनः पुनश्चोदयतीव हृष्टः॥
pakṣī ca śākhānilayaṃ praviṣṭaḥ punaḥ punaścottamasāntvavādī| sukhāgatāṃ vācamudīrayāṇaḥ punaḥ punaścodayatīva hṛṣṭaḥ||
And the birds, again and again, entering their nests, and highly delighted are pouring forth their notes announcing the advent of a happy occasion.
— M.N. Dutt (1891–94, public domain)
ततः सा ह्रीमती बाला भर्तुर्विजयहर्षिता। अवोचद् यदि तत् तथ्यं भवेयं शरणं हि वः।॥
tataḥ sā hrīmatī bālā bharturvijayaharṣitā| avocad yadi tat tathyaṃ bhaveyaṃ śaraṇaṃ hi vaḥ|||
Thereupon that modest dame, dame, greatly delighted in the prospective conquest of her husband, said, “If this be true I shall save you all.”
— M.N. Dutt (1891–94, public domain)