Siraatअयोध्याकाण्डः सर्गः 97
27 verses
सुसंरब्धं तु भातं लक्ष्मणं क्रोधमूर्छितम्। रामस्तु परिसान्त्व्याथ वचनं चेदमब्रवीत्॥
susaṃrabdhaṃ tu bhātaṃ lakṣmaṇaṃ krodhamūrchitam| rāmastu parisāntvyātha vacanaṃ cedamabravīt||
Pacifying Sumitrā's son, Laksmana, transported with rage and eager for encounter, Rama addressed him, saying.
— M.N. Dutt (1891–94, public domain)
किमत्र धनुषा कार्यमसिना वा सचर्मणा। महाबले महोत्साहे भरते स्वयमागते ॥
kimatra dhanuṣā kāryamasinā vā sacarmaṇā| mahābale mahotsāhe bharate svayamāgate ||
When the mighty Bharata possessed of high spirits has himself come here, what is the use of the bow or the sword or the shield?
— M.N. Dutt (1891–94, public domain)
पितुः सत्यं प्रतिश्रुत्य हत्वा भरतमाहवे। किं करिष्यामि राज्येन सापवादेन लक्ष्मण॥
pituḥ satyaṃ pratiśrutya hatvā bharatamāhave| kiṃ kariṣyāmi rājyena sāpavādena lakṣmaṇa||
Having promised to maintain my father's truth, what, O Laksmana, shall I, having slain Bharata in battle, do with the kingdom with a stain attached to it?
— M.N. Dutt (1891–94, public domain)
यद् द्रव्यं बान्धवानां वा मित्राणां वा क्षये भवेत्। नाहं तत् प्रतिगृह्णीयां भक्ष्यान् विषकृतानिव॥
yad dravyaṃ bāndhavānāṃ vā mitrāṇāṃ vā kṣaye bhavet| nāhaṃ tat pratigṛhṇīyāṃ bhakṣyān viṣakṛtāniva||
That thing which falls to my lot on the destruction of friends and adherents I never accept, even like food mixed with poison.
— M.N. Dutt (1891–94, public domain)
धर्ममर्थं च कामं च पृथिवीं चापि लक्ष्मण। इच्छामि भवतामर्थे एतत् प्रतिश्रृणोमि ते॥
dharmamarthaṃ ca kāmaṃ ca pṛthivīṃ cāpi lakṣmaṇa| icchāmi bhavatāmarthe etat pratiśrṛṇomi te||
I swear to you, I wish for the (possession of) righteousness, interest, desire and the earth, in your interests alone, O Laksmana.
— M.N. Dutt (1891–94, public domain)
भ्रातॄणां संग्रहार्थं च सुखार्थं चापि लक्ष्मण। राज्यमप्यहमिच्छामि सत्येनायुधमालभे॥
bhrātṝṇāṃ saṃgrahārthaṃ ca sukhārthaṃ cāpi lakṣmaṇa| rājyamapyahamicchāmi satyenāyudhamālabhe||
O Lakşmaņa, I swear by my weapon that it is for the maintenance and happiness of my brothers that I wish for the kingdom.
— M.N. Dutt (1891–94, public domain)
नेयं मम मही सौम्य दुर्लभा सागराम्बरा। नहीच्छेयमधर्मेण शक्रत्वमपि लक्ष्मण॥
neyaṃ mama mahī saumya durlabhā sāgarāmbarā| nahīccheyamadharmeṇa śakratvamapi lakṣmaṇa||
O mild one, this Earth herself is not difficult of being attained by me; but, O Laksmana, I do not through unrighteousness wish to possess myself of Sakra's state.
— M.N. Dutt (1891–94, public domain)
यद् विना भरतं त्वां च शत्रुघ्नं वापि मानद। भवेन्मम सुखं किंचिद् भस्म तत् कुरुतां शिखी॥
yad vinā bharataṃ tvāṃ ca śatrughnaṃ vāpi mānada| bhavenmama sukhaṃ kiṃcid bhasma tat kurutāṃ śikhī||
May fire reduce to ashes any happiness of mine that, O bestower of honour, happens to be dissevered from Bharata, or yourself, or Satrughna.
— M.N. Dutt (1891–94, public domain)
मन्येऽहमागतोऽयोध्यां भरतो भ्रातृवत्सलः। मम प्राणैः प्रियतरः कुलधर्ममनुस्मरन्॥ श्रुत्वा प्रवाजितं मां हि जटावल्कलधारिणम्। जानक्या सहितं वीर त्वया च पुरुषोत्तम॥ स्नेहेनाक्रान्तहृदयः शोकेनाकुलितेन्द्रियः। द्रष्टुमभ्यागतो ह्येष भरतो नान्यथाऽऽगतः॥
manye'hamāgato'yodhyāṃ bharato bhrātṛvatsalaḥ| mama prāṇaiḥ priyataraḥ kuladharmamanusmaran|| śrutvā pravājitaṃ māṃ hi jaṭāvalkaladhāriṇam| jānakyā sahitaṃ vīra tvayā ca puruṣottama|| snehenākrāntahṛdayaḥ śokenākulitendriyaḥ| draṣṭumabhyāgato hyeṣa bharato nānyathā''gataḥ||
I think Bharata attached to his brothers had come to Ayodhyā; and then, following the morality regulating the race, that one dearer to me than life, hearing of me banished, bearing matted locks and bark, together with Jānakī, O hero, and yourself, you foremost of men, has, with his heart surcharged with affection, and his senses overwhelmed by grief, come hither for seeing us. He cannot have come on any other account.
— M.N. Dutt (1891–94, public domain)
अम्बां च केकयीं रुष्य भरतश्चाप्रियं वदन्। प्रसाद्य पितरं श्रीमान् राज्यं मे दातुमागतः॥
ambāṃ ca kekayīṃ ruṣya bharataścāpriyaṃ vadan| prasādya pitaraṃ śrīmān rājyaṃ me dātumāgataḥ||
And having got wroth with Kaikeyī, and given her rough speech, that auspicious one, having gratified my sire, has come hither to make the kingdom over to me.
— M.N. Dutt (1891–94, public domain)
प्राप्तकालं यथैषोऽस्मान् भरतो द्रष्टुमर्हति। अस्मासु मनसाप्येष नाहितं किंचिदाचरेत्॥
prāptakālaṃ yathaiṣo'smān bharato draṣṭumarhati| asmāsu manasāpyeṣa nāhitaṃ kiṃcidācaret||
And the season being fit. meet it is that Bharata should see us. He does not even in thought act against us.
— M.N. Dutt (1891–94, public domain)
विप्रियं कृतपूर्वं ते भरतेन कदा नु किम्। ईदृशं वा भयं तेऽद्य भरतं यद् विशङ्कसे॥
vipriyaṃ kṛtapūrvaṃ te bharatena kadā nu kim| īdṛśaṃ vā bhayaṃ te'dya bharataṃ yad viśaṅkase||
Has ere this Bharata done you any bad turn? Or did he tell you any thing so alarming that today you stand in fear of him?
— M.N. Dutt (1891–94, public domain)
नहि ते निष्ठुरं वाच्यो भरतो नाप्रियं वचः। अहं ह्यप्रियमुक्तः स्यां भरतस्याप्रिये कृते॥
nahi te niṣṭhuraṃ vācyo bharato nāpriyaṃ vacaḥ| ahaṃ hyapriyamuktaḥ syāṃ bharatasyāpriye kṛte||
Certainly you ought not to say cruel or unpleasant words in relation to Bharata, if wrong be done to Bharata, I shall consider myself as wornged.
— M.N. Dutt (1891–94, public domain)
कथं नु पुत्राः पितरं हन्युः कस्यांचिदापदि। भ्राता वा भ्रातरं हन्यात् सौमित्रे प्राणमात्मनः॥
kathaṃ nu putrāḥ pitaraṃ hanyuḥ kasyāṃcidāpadi| bhrātā vā bhrātaraṃ hanyāt saumitre prāṇamātmanaḥ||
Do sons, in times of peril, ever slay their father, or brothers their brother like to their life, O son of Sumitrā?
— M.N. Dutt (1891–94, public domain)
यदि राज्यस्य हेतोस्त्वमिमां वाचं प्रभाषसे। वक्ष्यामि भरतं दृष्ट्वा राज्यमस्मै प्रदीयताम्॥
yadi rājyasya hetostvamimāṃ vācaṃ prabhāṣase| vakṣyāmi bharataṃ dṛṣṭvā rājyamasmai pradīyatām||
If you speak thus for the sake of the monarchy, on seeing Bharata, I will say to him, "Make over the kingdom to this one/"
— M.N. Dutt (1891–94, public domain)
उच्यमानो हि भरतो मया लक्ष्मण तद्वचः। ' राज्यमस्मै प्रयच्छेति बाढमित्येव मंस्यते॥
ucyamāno hi bharato mayā lakṣmaṇa tadvacaḥ| ' rājyamasmai prayaccheti bāḍhamityeva maṃsyate||
Earnestly exhorted by me, saying, “Do you place the kingdom in his hands', he will say, "Very well'."
— M.N. Dutt (1891–94, public domain)
तथोक्तो धर्मशीलेन भ्रात्रा तस्य हिते रतः। लक्ष्मणः प्रविवेशेव स्वानि गात्राणि लज्जया॥
tathokto dharmaśīlena bhrātrā tasya hite rataḥ| lakṣmaṇaḥ praviveśeva svāni gātrāṇi lajjayā||
Thus addressed by his brother of a virtuous disposition, Laksmana ever engaged in Rama's good, from shame seemed to enter into his body.
— M.N. Dutt (1891–94, public domain)
तद्वाक्यं लक्ष्मणः श्रुत्वा व्रीडितः प्रत्युवाच ह। त्वां मन्ये द्रष्टुमायातः पिता दशरथः स्वयम्॥
tadvākyaṃ lakṣmaṇaḥ śrutvā vrīḍitaḥ pratyuvāca ha| tvāṃ manye draṣṭumāyātaḥ pitā daśarathaḥ svayam||
And hearing those words, Lakşmaņa affected 'by shame, answered, I conceive our father Daśaratha himself has come to see you.
— M.N. Dutt (1891–94, public domain)
व्रीडितं लक्ष्मणं दृष्ट्वा राघवः प्रत्युवाच ह। एष मन्ये महाबाहुरिहास्मान् द्रष्टुमागतः॥ अथवा नौ ध्रुवं मन्ये मन्यमानः सुखोचितौ। वनवासमनुध्याय गृहाय प्रतिनेष्यति॥
vrīḍitaṃ lakṣmaṇaṃ dṛṣṭvā rāghavaḥ pratyuvāca ha| eṣa manye mahābāhurihāsmān draṣṭumāgataḥ|| athavā nau dhruvaṃ manye manyamānaḥ sukhocitau| vanavāsamanudhyāya gṛhāya pratineṣyati||
And finding Lakşmaņa overcome with shame, Rāghava replied, I think that mighty-armed one has come hither to see us; or I take it for certain that, considering that we are fit for ease only, and taking our banishment to heart, he will take us home.
— M.N. Dutt (1891–94, public domain)
इमां चाप्येष वैदेहीमत्यन्तसुखसेविनीम्। पिता मे राघवः श्रीमान् वनादादाय यास्यति॥
imāṃ cāpyeṣa vaidehīmatyantasukhasevinīm| pitā me rāghavaḥ śrīmān vanādādāya yāsyati||
Or it may be that graceful descendant of Raghu, my father, will go away, taking form the forest Videha's daughter brought up in the lap of luxury.
— M.N. Dutt (1891–94, public domain)
एतौ तौ सम्प्रकाशेते गोत्रवन्तौ मनोरमौ। वायुवेगसमौ वीरौ जवनौ तुरगोत्तमौ॥
etau tau samprakāśete gotravantau manoramau| vāyuvegasamau vīrau javanau turagottamau||
There are seen these graceful and well-bred steeds, courageous, swift, and furnished with the speed of the wind, the best of horses.
— M.N. Dutt (1891–94, public domain)
स एष सुमहाकायः कम्पते वाहिनीमुखे। नागः शचुंजयो नाम वृद्धस्तातस्य धीमतः॥
sa eṣa sumahākāyaḥ kampate vāhinīmukhe| nāgaḥ śacuṃjayo nāma vṛddhastātasya dhīmataḥ||
And this huge elephant belonging to our aged sire, named Satrunjaya, proceeds in the van of the army.
— M.N. Dutt (1891–94, public domain)
न तु पश्यामि तच्छत्रं पाण्डुरं लोकविश्रुतम्। पितुर्दिव्यं महाभाग संशयो भवतीह मे॥
na tu paśyāmi tacchatraṃ pāṇḍuraṃ lokaviśrutam| piturdivyaṃ mahābhāga saṃśayo bhavatīha me||
But, you exalted one, I do not see the splendid white umbrella of our father known among men. Therefore, doubts arise in my mind.
— M.N. Dutt (1891–94, public domain)
वृक्षाग्रादवरोह त्वं कुरु लक्ष्मण मद्वचः। इतीव रामो धर्मात्मा सौमित्रिं तमुवाच ह॥ अवतीर्य तु सालाग्रात् तस्मात् स समितिंजयः। लक्ष्मणः प्राञ्जलिर्भूत्वा तस्थौ रामस्य पार्श्वतः॥
vṛkṣāgrādavaroha tvaṃ kuru lakṣmaṇa madvacaḥ| itīva rāmo dharmātmā saumitriṃ tamuvāca ha|| avatīrya tu sālāgrāt tasmāt sa samitiṃjayaḥ| lakṣmaṇaḥ prāñjalirbhūtvā tasthau rāmasya pārśvataḥ||
Do you descend from the top of the tree, O Laksmana. Do my bidding. Thus did the righteous Rāma accosts Sumitra's Descending from the top of the Sāla tree, that conqueror in battles, Lakşmaņa, stood by Rāma with joined hands. son.
— M.N. Dutt (1891–94, public domain)
भरतेनाथ संदिष्टा सम्पर्दो न भवेदिति। समन्तात् तस्य शैलस्य सेना वासमकल्पयत्॥
bharatenātha saṃdiṣṭā sampardo na bhavediti| samantāt tasya śailasya senā vāsamakalpayat||
Commanded by Bharata, Let not (Rāma's asylum) by trampled by the forces, the army took up its quarters at a distance from the hill.
— M.N. Dutt (1891–94, public domain)
अध्यर्धमिक्ष्वाकुचमूर्योजनं पर्वतस्य ह। पार्वे न्यविशदावृत्य गजवाजिनराकुला॥
adhyardhamikṣvākucamūryojanaṃ parvatasya ha| pārve nyaviśadāvṛtya gajavājinarākulā||
And the Ikşvāku host filled with elephants and steeds covering half a Yojana, encamped at the side of the mountain.
— M.N. Dutt (1891–94, public domain)
सा चित्रकूटे भरतेन सेना धर्म पुरस्कृत्य विधूय दर्पम्। प्रसादनार्थं रघुनन्दनस्य विरोचते नीतिमता प्रणीता॥
sā citrakūṭe bharatena senā dharma puraskṛtya vidhūya darpam| prasādanārthaṃ raghunandanasya virocate nītimatā praṇītā||
And keeping morality in their fore-front, and renouncing pride, the disciplined forces schooled by Bharata in view of pleasing that descendant of Raghu (Rāma), stayed in Citrakuța.
— M.N. Dutt (1891–94, public domain)