Siraatअयोध्याकाण्डः सर्गः 37
32 verses
महामात्रवचः श्रुत्वा रामो दशरथं तदा। अभ्यभाषत वाक्यं तु विनयज्ञो विनीतवत्॥
mahāmātravacaḥ śrutvā rāmo daśarathaṃ tadā| abhyabhāṣata vākyaṃ tu vinayajño vinītavat||
Hearing the words of that worthy, Rāma conversant with modesty, humbly addressed Dasaratha, saying.
— M.N. Dutt (1891–94, public domain)
त्यक्तभोगस्य मे राजन् वने वन्येन जीवतः। किं कार्यमनुयात्रेण त्यक्तसङ्गस्य सर्वतः॥
tyaktabhogasya me rājan vane vanyena jīvataḥ| kiṃ kāryamanuyātreṇa tyaktasaṅgasya sarvataḥ||
What O king, have I, that am renouncing everything and am going to dwell in the forest subsisting on what the forest yields, to do with a following?
— M.N. Dutt (1891–94, public domain)
यो हि दत्त्वा द्विपश्रेष्ठं कक्ष्यायां कुरुते मनः। रज्जुस्नेहेन किं तस्य त्यजतः कुञ्जरोत्तमम्॥
yo hi dattvā dvipaśreṣṭhaṃ kakṣyāyāṃ kurute manaḥ| rajjusnehena kiṃ tasya tyajataḥ kuñjarottamam||
Of what avail is a person's attachment for the tether of a goodly elephant, when the elephant itself is renounced by him?
— M.N. Dutt (1891–94, public domain)
तथा मम सतां श्रेष्ठ किं ध्वजिन्या जगत्पते। सर्वाण्येवानुजानामि चीराण्येवानयन्तु मे॥
tathā mama satāṃ śreṣṭha kiṃ dhvajinyā jagatpate| sarvāṇyevānujānāmi cīrāṇyevānayantu me||
Thus it is with me, O foremost of righteous ones. What shal! I do with the army, O lord of men? I will confer everything on Bharata. Let them bring me a venture of bark.
— M.N. Dutt (1891–94, public domain)
खनित्रपिटके चोभे समानयत गच्छत। चतुर्दश वने वासं वर्षाणि वसतो मम॥
khanitrapiṭake cobhe samānayata gacchata| caturdaśa vane vāsaṃ varṣāṇi vasato mama||
And for me who will go to the forest and reside there for fourteen years, bring a hoe and a basket.
— M.N. Dutt (1891–94, public domain)
अथ चीराणि कैकेयी स्वयमाहृत्य राघवम्। उवाच परिधत्स्वेति जनौघे निरपत्रपा॥
atha cīrāṇi kaikeyī svayamāhṛtya rāghavam| uvāca paridhatsveti janaughe nirapatrapā||
Thereupon Kaikeyi herself brought a bark dress and that shameless one said to Rāghava in the presence of all, “Do you wear this.”
— M.N. Dutt (1891–94, public domain)
पुरुषव्याघ्रः कैकेय्याः : प्रतिगृह्य ते। सूक्ष्मवस्त्रमवक्षिप्य मुनिवस्त्राण्यवस्त ह॥
puruṣavyāghraḥ kaikeyyāḥ : pratigṛhya te| sūkṣmavastramavakṣipya munivastrāṇyavasta ha||
On this, that foremost of men taking those two pieces of bark from Kaikeyi, left his fine attire and put on the ascetic garb.
— M.N. Dutt (1891–94, public domain)
स चीरे लक्ष्मणश्चापि तत्रैव विहाय वसने शुभे। तापसाच्छादने चैव जग्राह पितुरग्रतः॥
sa cīre lakṣmaṇaścāpi tatraiva vihāya vasane śubhe| tāpasācchādane caiva jagrāha pituragrataḥ||
And Lakşmaņa also, renouncing his choice raiment, put on the dress of an anchorite before his father.
— M.N. Dutt (1891–94, public domain)
अथात्मपरिधानार्थं सीता कौशेयवासिनी। सम्प्रेक्ष्य चीरं संत्रस्ता पृषती वागुरामिव ॥ सा व्यपत्रपमाणेव प्रगृह्य च सुदुर्मनाः। कैकेय्याः कुशचीरे ते जानकी शुभलक्षणा॥ अश्रुसम्पूर्णनेत्रा च धर्मज्ञा धर्मदर्शिनी। गन्धर्वराजप्रतिमं भर्तारमिदमब्रवीत्॥ कथं नु चीरं बध्नन्ति मुनयो वनवासिनः। इति ह्यकुशला सीता सा मुमोह मुहुर्मुहुः॥
athātmaparidhānārthaṃ sītā kauśeyavāsinī| samprekṣya cīraṃ saṃtrastā pṛṣatī vāgurāmiva || sā vyapatrapamāṇeva pragṛhya ca sudurmanāḥ| kaikeyyāḥ kuśacīre te jānakī śubhalakṣaṇā|| aśrusampūrṇanetrā ca dharmajñā dharmadarśinī| gandharvarājapratimaṃ bhartāramidamabravīt|| kathaṃ nu cīraṃ badhnanti munayo vanavāsinaḥ| iti hyakuśalā sītā sā mumoha muhurmuhuḥ||
Then Sītā clad in silk apparel, eyeing the ascetic covering meant for her, became agitated, like a doe at sight of a noose. And afflicted with shame, that one graced with auspicious marks, Jänakī, sorrowfully took from Kaikeyī the Kuća and bark; and with tears flooding her eyes, that one cognizant of virtue and having her gaze ever fixed upon it, thus addressed her lord resembling the king of the Gandharvas, “How do the ascetics dwelling in the woods put on their dress? Saying this, Sītā, ill at ease became embarrassed.
— M.N. Dutt (1891–94, public domain)
कृत्वा कण्ठे स्म सा चीरमेकमादाय पाणिना। तस्थौ ह्यकुशला तत्र व्रीडिता जनकात्मजा॥
kṛtvā kaṇṭhe sma sā cīramekamādāya pāṇinā| tasthau hyakuśalā tatra vrīḍitā janakātmajā||
Putting on one piece on her neck and holding the other in her hand, the daughter of Janaka, feeling uneasy, stood overpowered with shame.
— M.N. Dutt (1891–94, public domain)
तस्यास्तत् क्षिप्रमागत्य रामो धर्मभृतां वरः। चीरं बबन्ध सीतायाः कौशेयस्योपरि स्वयम्॥
tasyāstat kṣipramāgatya rāmo dharmabhṛtāṃ varaḥ| cīraṃ babandha sītāyāḥ kauśeyasyopari svayam||
Thereupon that best of righteous persons, Rāma, speedily coming up to her, fastened the monastic garb over Sītā's silk attire.
— M.N. Dutt (1891–94, public domain)
रामं प्रेक्ष्य तु सीताया बध्नन्तं चीरमुत्तमम्। अन्तःपुरचरा नार्यो मुमुचुर्वारि नेत्रजम् ॥
rāmaṃ prekṣya tu sītāyā badhnantaṃ cīramuttamam| antaḥpuracarā nāryo mumucurvāri netrajam ||
Beholding Rāma fastening that goodly garb on Sītā, the females of the inner apartment began to shed tears.
— M.N. Dutt (1891–94, public domain)
ऊचुश्च परमायत्ता रामं ज्वलिततेजसम्। वत्स नैवं नियुक्तेयं वनवासे मनस्विनी॥
ūcuśca paramāyattā rāmaṃ jvalitatejasam| vatsa naivaṃ niyukteyaṃ vanavāse manasvinī||
And waxing exceedingly aggrieved, they spoke to Rāma flaming in effulgence:, Child, do not take this virtuous one to the forest.
— M.N. Dutt (1891–94, public domain)
पितुर्वाक्यानुरोधेन गतस्य विजनं वनम्। तावद् दर्शनमस्या नः सफलं भवतु प्रभो॥
piturvākyānurodhena gatasya vijanaṃ vanam| tāvad darśanamasyā naḥ saphalaṃ bhavatu prabho||
So long as you will reside in the forest in accordance with the wishes of your father, we shall behold her; and by this means let our lives attain their object, o lord.
— M.N. Dutt (1891–94, public domain)
लक्ष्मणेन सहायेन वनं गच्छस्व पुत्रक। नेयमर्हति कल्याणी वस्तुं तापसवद् वने॥
lakṣmaṇena sahāyena vanaṃ gacchasva putraka| neyamarhati kalyāṇī vastuṃ tāpasavad vane||
O son, taking Lakşmaņa for your help, go you to the forest. This auspicious one does not deserve to live in the woods like an ascetic.
— M.N. Dutt (1891–94, public domain)
कुरु नो याचनां पुत्र सीता तिष्ठतु भामिनी। धर्मनित्यः स्वयं स्थातुं न हीदानीं त्वमिच्छसि ॥
kuru no yācanāṃ putra sītā tiṣṭhatu bhāminī| dharmanityaḥ svayaṃ sthātuṃ na hīdānīṃ tvamicchasi ||
O son, grant our prayer. Let the fair Sita remain. Ever steady in virtue, you do not yourself intend to stay here.
— M.N. Dutt (1891–94, public domain)
तासामेवंविधा वाचः शृण्वन् दशरथात्मजः। बबन्धैव तथा चीरं सीतया तुल्यशीलया॥ चीरे गृहीते तु तया सबाष्पो नृपतेर्गुरुः। निवार्य सीतां कैकेयीं वसिष्ठो वाक्यमब्रवीत्॥
tāsāmevaṃvidhā vācaḥ śṛṇvan daśarathātmajaḥ| babandhaiva tathā cīraṃ sītayā tulyaśīlayā|| cīre gṛhīte tu tayā sabāṣpo nṛpaterguruḥ| nivārya sītāṃ kaikeyīṃ vasiṣṭho vākyamabravīt||
Hearing these words, Dasaratha's son tied the dress on Sītā having a similar character with himself. When she had put on the upper and under garments, the preceptor of the king, Vasiştha, his voice choked with the vapour of sorrow, dissuading Sita, said to Kaikeyi.
— M.N. Dutt (1891–94, public domain)
अतिप्रवृत्ते दुर्मेधे कैकेयि कुलपांसनि। वञ्चयित्वा तु राजानं न प्रमाणेऽवतिष्ठसि॥
atipravṛtte durmedhe kaikeyi kulapāṃsani| vañcayitvā tu rājānaṃ na pramāṇe'vatiṣṭhasi||
O you whose desires outrun your sense of honour, O you of perverted understanding, O befouler of your line, deceiving the monarch, you stay not within the pale of the promise.
— M.N. Dutt (1891–94, public domain)
न गन्तव्यं वनं देव्या सीतया शीलवर्जिते। अनुष्ठास्यति रामस्य सीता प्रकृतमासनम्॥
na gantavyaṃ vanaṃ devyā sītayā śīlavarjite| anuṣṭhāsyati rāmasya sītā prakṛtamāsanam||
O you bereft of good behaviour, that noble lady, Sītā, should not go to the forest, Sītā will occupy Rāma's seat.
— M.N. Dutt (1891–94, public domain)
आत्मा हि दाराः सर्वेषां दारसंग्रहवर्तिनाम्। आत्मेयमिति रामस्य पालयिष्यति मेदिनीम्॥ पादपैः सह।
ātmā hi dārāḥ sarveṣāṃ dārasaṃgrahavartinām| ātmeyamiti rāmasya pālayiṣyati medinīm|| pādapaiḥ saha|
Of all those that marry, the wife is the (other) soul. Șītā will govern the earth, as she is Rāma's self.
— M.N. Dutt (1891–94, public domain)
अथ यास्यति वैदेही वनं रामेण संगता। वयमत्रानुयास्यामः पुरं चेदं गमिष्यति ॥ अन्तपालाश्च यास्यन्ति सदारो यत्र राघवः। सहोपजीव्यं राष्ट्रं च पुरं च सपरिच्छदम्॥
atha yāsyati vaidehī vanaṃ rāmeṇa saṃgatā| vayamatrānuyāsyāmaḥ puraṃ cedaṃ gamiṣyati || antapālāśca yāsyanti sadāro yatra rāghavaḥ| sahopajīvyaṃ rāṣṭraṃ ca puraṃ ca saparicchadam||
But if Vaidehī goes to the forest with Rāma, we will follow him, and the inhabitants of the city will also repair thither. And the warders of the inner apartment, and the people of the kingdom and the city taking with them their necessaries and servants will accompany Rāghava and his wife.
— M.N. Dutt (1891–94, public domain)
भरतश्च सशत्रुघ्नश्चीरवासा वनेचरः। वने वसन्तं काकुत्स्थमनुवत्स्यति पूर्वजम्॥
bharataśca saśatrughnaścīravāsā vanecaraḥ| vane vasantaṃ kākutsthamanuvatsyati pūrvajam||
Bharata and Śatrughna wearing ascetic clothes and ranging the forest will live like their elder brother resident in the woods.
— M.N. Dutt (1891–94, public domain)
ततः शून्यां गतजनां वसुधां त्वमेका शाधि दुर्वृत्ता प्रजानामहिते स्थिता॥
tataḥ śūnyāṃ gatajanāṃ vasudhāṃ tvamekā śādhi durvṛttā prajānāmahite sthitā||
Then alone you of vile ways and intent upon harming the people will govern this empty earth deserted by the inhabitants, along with the trees.
— M.N. Dutt (1891–94, public domain)
न हि तद् भविता राष्ट्रं यत्र रामो न भूपतिः। तद् वनं भविता राष्ट्रं यत्र रामो निवत्स्यति ॥
na hi tad bhavitā rāṣṭraṃ yatra rāmo na bhūpatiḥ| tad vanaṃ bhavitā rāṣṭraṃ yatra rāmo nivatsyati ||
That can never be a kingdom where Rāma is not the monarch, and that forest where Rāma will reside will flourish into a monarchy.
— M.N. Dutt (1891–94, public domain)
न ह्यदत्तां महीं पित्रा भरतः शास्तुमिच्छति। त्वयि वा पुत्रवद् वस्तुं यदि जातो महीपतेः॥
na hyadattāṃ mahīṃ pitrā bharataḥ śāstumicchati| tvayi vā putravad vastuṃ yadi jāto mahīpateḥ||
Bharata never wishes to govern a kingdom that has not been conferred upon him by his father; nor, if he has really been begotten by the monarch, will he any further act by you as a son.
— M.N. Dutt (1891–94, public domain)
यद्यपि त्वं क्षितितलाद् गगनं चोत्पतिष्यसि। पितृवंशचरित्रज्ञः सोऽन्यथा न करिष्यति॥
yadyapi tvaṃ kṣititalād gaganaṃ cotpatiṣyasi| pitṛvaṃśacaritrajñaḥ so'nyathā na kariṣyati||
Even if you leaving the earth fly to the air, that one cognizant of the character of his ancestry, will never act otherwise.
— M.N. Dutt (1891–94, public domain)
तत् त्वया पुत्रगर्धिन्या पुत्रस्य कृतमप्रियम्। लोके नहि स विद्येत यो न राममनुव्रतः॥
tat tvayā putragardhinyā putrasya kṛtamapriyam| loke nahi sa vidyeta yo na rāmamanuvrataḥ||
Therefore although intent on advancing your son, you have really brought about his injury. There exists not a person in the world that is not partial to Rāma.
— M.N. Dutt (1891–94, public domain)
द्रक्ष्यस्यद्यैव कैकेयि पशुव्यालमृगद्विजान्। गच्छतः सह रामेण पादपांश्च तदुन्मुखान्॥
drakṣyasyadyaiva kaikeyi paśuvyālamṛgadvijān| gacchataḥ saha rāmeṇa pādapāṃśca tadunmukhān||
O Kaikeyi, do you to-day behold beasts and snakes and birds journeying in the wake of Rāma, and even the trees stand with their heads turned towards him.
— M.N. Dutt (1891–94, public domain)
अथोत्तमान्याभरणानि देवि देहि स्नुषायै व्यपनीय चीरम्। न चीरमस्याः प्रविधीयतेति न्यवारयत् तद् वसनं वसिष्ठः॥
athottamānyābharaṇāni devi dehi snuṣāyai vyapanīya cīram| na cīramasyāḥ pravidhīyateti nyavārayat tad vasanaṃ vasiṣṭhaḥ||
Do you, O noble lady, removing the ascetic guise, confer elegant ornaments on your daughter-in-law, for such a dress suits not this one, Saying this Vasistha prevented Kaikeyi.
— M.N. Dutt (1891–94, public domain)
स्त्वया वृतः केकयराजपुत्रि। विभूषितेयं प्रतिकर्मनित्या वसत्वरण्ये सह राघवेण॥
stvayā vṛtaḥ kekayarājaputri| vibhūṣiteyaṃ pratikarmanityā vasatvaraṇye saha rāghaveṇa||
O daughter of king Kekaya, you have asked for the abode of Rāma in the woods, and decked out in ornaments let Sītā daily engaged in adorning herself, reside in the forest with Rāghava.
— M.N. Dutt (1891–94, public domain)
यानैश्च मुख्यैः परिचारकैश्च सुसंवृता गच्छतु राजपुत्री। र्नेयं वृता ते वरसम्प्रदाने॥
yānaiśca mukhyaiḥ paricārakaiśca susaṃvṛtā gacchatu rājaputrī| rneyaṃ vṛtā te varasampradāne||
And let the daughter of the king go to the forest, surrounded by excellent cars and servants, and taking with her attires and other necessary things. When you demanded the (fulfilment of the) promise, you had not your eye on Sita.
— M.N. Dutt (1891–94, public domain)
तस्मिंस्तथा जल्पति विप्रमुख्ये गुरौ नृपस्याप्रतिमप्रभावे। नैव स्म सीता विनिवृत्तभावा प्रियस्य भर्तुः प्रतिकारकामा॥
tasmiṃstathā jalpati vipramukhye gurau nṛpasyāpratimaprabhāve| naiva sma sītā vinivṛttabhāvā priyasya bhartuḥ pratikārakāmā||
When that foremost of Brāhmaṇas, that preceptor of the king possessed of unparalleled potency had said this, Sītā, desirous of serving her beloved lord, did not turn from the ascetic dress (presented by Kaikeyi.) preceptor of the king possessed of unparalleled potency had said this, Sītā, desirous of serving her beloved lord, did not turn from the ascetic dress (presented by Kaikeyi.)
— M.N. Dutt (1891–94, public domain)