ततो निधूय सहसा शिरो निःश्वस्य चासकृत्। पाणिं पाणौ विनिष्पिष्य दन्तान् कटकटाय्य च॥ लोचने कोपसंरक्ते वर्णं पूर्वोचितं जहत्। कोपाभिभूतः सहसा संतापमशुभं गतः॥ मनः समीक्षमाणश्च सूतो दशरथस्य च। कम्पयन्निव कैकेय्या हृदयं वाक्शरैः शितैः॥ वाक्यवत्रैरनुपमैर्निर्भिन्दन्निव चाशुभैः। कैकेय्याः सर्वमर्माणि सुमन्त्रः प्रत्यभाषत।४।।
tato nidhūya sahasā śiro niḥśvasya cāsakṛt| pāṇiṃ pāṇau viniṣpiṣya dantān kaṭakaṭāyya ca|| locane kopasaṃrakte varṇaṃ pūrvocitaṃ jahat| kopābhibhūtaḥ sahasā saṃtāpamaśubhaṃ gataḥ|| manaḥ samīkṣamāṇaśca sūto daśarathasya ca| kampayanniva kaikeyyā hṛdayaṃ vākśaraiḥ śitaiḥ|| vākyavatrairanupamairnirbhindanniva cāśubhaiḥ| kaikeyyāḥ sarvamarmāṇi sumantraḥ pratyabhāṣata|4||
Then shaking his head and sighing again and again, pressing palm upon palm and grinding teeth upon teeth, with eyes reddened in wrath and an altered complexion, and suddenly waxing angry and moved with grief, Sumantra witnessing the mental condition of Daſaratha said, shaking Kaikeyi's heart with the sharpened shafts of his speech and piercing her mind all over with his harsh words resembling thunderbolts.
— M.N. Dutt (1891–94, public domain)
यस्यास्तव पतिस्त्यक्तो राजा दशरथः स्वयम्। भर्ता सर्वस्य जगतः स्थावरस्य चरस्य च॥ नाकार्यतमं किंचित्तव देवीह विद्यते। पतिघ्नीं त्वामहं मन्ये कुलघ्नीमपि चान्ततः॥
yasyāstava patistyakto rājā daśarathaḥ svayam| bhartā sarvasya jagataḥ sthāvarasya carasya ca|| nākāryatamaṃ kiṃcittava devīha vidyate| patighnīṃ tvāmahaṃ manye kulaghnīmapi cāntataḥ||
O worshipful one, since you have forsaken king Dasaratha, the maintainer of this world and the mobile and the immobile that it contains, there is nothing that is incapable of being done by you. I consider you the murderess of your husband and as one that has finally exterminated one's line.
— M.N. Dutt (1891–94, public domain)
यन्महेन्द्रमिवाजय्यं दुष्प्रकम्प्यमिवाजलम्। महोदधिमिवाक्षोभ्यं संतापयसि कर्मभिः॥
yanmahendramivājayyaṃ duṣprakampyamivājalam| mahodadhimivākṣobhyaṃ saṃtāpayasi karmabhiḥ||
Inasmuch as you have by your act afflicted the Monarch invincible like Indra, firm as a hill and imperturbable like the deep itself.
— M.N. Dutt (1891–94, public domain)
मावमंस्था दशरथं भर्तारं वरदं पतिम्। भर्तुरिच्छा हि नारीणां पुत्रकोट्या विशिष्यते॥
māvamaṃsthā daśarathaṃ bhartāraṃ varadaṃ patim| bharturicchā hi nārīṇāṃ putrakoṭyā viśiṣyate||
You ought not to bring down your boonbestowing lord and husband Daśaratha; for surely the wish of a husband to a wife outweighs a koti of sons.
— M.N. Dutt (1891–94, public domain)
यथावयो हि राज्यानि प्राप्नुवन्ति नृपक्षये। इक्ष्वाकुकुलनाथेऽस्मिस्तं लोपयितुमिच्छसि।।।
yathāvayo hi rājyāni prāpnuvanti nṛpakṣaye| ikṣvākukulanāthe'smistaṃ lopayitumicchasi|||
The princes will obtain the kingdom one after another according to age;, this custom it is your study to render nugatory even when the lord of the Ikşvāku race is still alive.
— M.N. Dutt (1891–94, public domain)
राजा भवतु ते पुत्रो भरतः शास्तु मेदिनीम्। वयं तत्र गमिष्यामो यत्र रामो गमिष्यति॥
rājā bhavatu te putro bharataḥ śāstu medinīm| vayaṃ tatra gamiṣyāmo yatra rāmo gamiṣyati||
Let your son be king; let Bharata rule the earth: we, however, will go where goes Ráma.
— M.N. Dutt (1891–94, public domain)
न च ते विषये कश्चिद् ब्राह्मणो वस्तुमर्हति। तादृशं त्वममर्यादमद्य कर्म करिष्यसि॥
na ca te viṣaye kaścid brāhmaṇo vastumarhati| tādṛśaṃ tvamamaryādamadya karma kariṣyasi||
No Brāhmaṇa will dwell in your dominion, such is the ungracious deed you are going to do. [Surely we will go the way that is wended by Rama.
— M.N. Dutt (1891–94, public domain)
नूनं सर्वे गमिष्यामो मार्ग रामनिषेवितम्। त्यक्ता या बान्धवैः सर्वैर्ब्राह्मणैः साधुभिः सदा॥ का प्रीती राज्यलाभेन तव देवि भविष्यति। तादृशं त्वममर्यादं कर्म कर्तुं चिकीर्षसि ॥
nūnaṃ sarve gamiṣyāmo mārga rāmaniṣevitam| tyaktā yā bāndhavaiḥ sarvairbrāhmaṇaiḥ sādhubhiḥ sadā|| kā prītī rājyalābhena tava devi bhaviṣyati| tādṛśaṃ tvamamaryādaṃ karma kartuṃ cikīrṣasi ||
And what happiness, O revered one, will you, forsaken by friends, Brāhmaṇas and the saintly, reap by remaining here, allured by the lust of dominion? And you are going to do such an act!]
— M.N. Dutt (1891–94, public domain)
आश्चर्यमिव पश्यामि यस्यास्ते वृत्तमीदृशम्। आचरन्त्या न विदृता सद्यो भवति मेदिनी॥
āścaryamiva paśyāmi yasyāste vṛttamīdṛśam| ācarantyā na vidṛtā sadyo bhavati medinī||
A wonder it is that I perceive, viz., that the carth hid by a character like you is not riven this very day.
— M.N. Dutt (1891–94, public domain)
महाब्रह्मर्षिसृष्टा वा ज्वलन्तो भीमदर्शनाः। धिग्वाग्दण्डा न हिंसन्ति रामप्रव्राजने स्थिताम्॥
mahābrahmarṣisṛṣṭā vā jvalanto bhīmadarśanāḥ| dhigvāgdaṇḍā na hiṃsanti rāmapravrājane sthitām||
Why does not the flaming and dreadful censure uttered by the mighty Brahmarşis destroy you who are bent upon banishing Rāma?
— M.N. Dutt (1891–94, public domain)
आनं छित्वा कुठारेण निम्बं परिचरेत् तु कः। यश्चैनं पयसा सिञ्चेन्नैवास्य मधुरो भवेत्॥
ānaṃ chitvā kuṭhāreṇa nimbaṃ paricaret tu kaḥ| yaścainaṃ payasā siñcennaivāsya madhuro bhavet||
Who having hewn a mango tree by his axe, tend a Nimba? It never turns sweet for him that waters it.
— M.N. Dutt (1891–94, public domain)
आभिजात्यं हि ते मन्ये यथा मातुस्तथैव च। न हि निम्बात् स्रवेत् क्षौद्रं लोके निगदितं वचः॥
ābhijātyaṃ hi te manye yathā mātustathaiva ca| na hi nimbāt sravet kṣaudraṃ loke nigaditaṃ vacaḥ||
Your birth is noble indeed; it is as much so as is your mother's. They say that sweet is never extracted from Nimba.
— M.N. Dutt (1891–94, public domain)
तव मातुरसग्राहं विद्म पूर्वं यथा श्रुतम्। पितुस्ते वरदः कश्चिद् ददौ वरमनुत्तमम्॥
tava māturasagrāhaṃ vidma pūrvaṃ yathā śrutam| pituste varadaḥ kaścid dadau varamanuttamam||
I remember what I have heard from old men concerning the vicious inclinations of your mother. Some one intent upon conferring boons conferred an excellent one on your father.
— M.N. Dutt (1891–94, public domain)
सर्वभूतरुतं तस्मात् संजज्ञे वसुधाधिपः। तेन तिर्यग्गतानां च भूतानां विदितं वचः॥
sarvabhūtarutaṃ tasmāt saṃjajñe vasudhādhipaḥ| tena tiryaggatānāṃ ca bhūtānāṃ viditaṃ vacaḥ||
In virtue of this, that lord of earth could understand the import of sounds emitted by all beings, and it is in consequence of this that he could understand the speech even of birds and beasts.
— M.N. Dutt (1891–94, public domain)
ततो जम्भस्य शयने विरुताद् भूरिवर्चसः। पितुस्ते विदितो भावः स तत्र बहुधाहसत्॥
tato jambhasya śayane virutād bhūrivarcasaḥ| pituste vidito bhāvaḥ sa tatra bahudhāhasat||
One day as your father was lying down, he, understanding the thoughts of a gold-hued Jrmbha bird, from its cries, laughed heartily.
— M.N. Dutt (1891–94, public domain)
तत्र ते जननी क्रुद्धा मृत्युपाशमभीप्सती। हासं ते नृपते सौम्य जिज्ञासामीति चाब्रवीत्॥
tatra te jananī kruddhā mṛtyupāśamabhīpsatī| hāsaṃ te nṛpate saumya jijñāsāmīti cābravīt||
Thereat your mother getting angry, wishing for the noose of death, said, 'O king, O placid one, I ask you for the reason of your daughter.'
— M.N. Dutt (1891–94, public domain)
नृपश्चोवाच तां देवीं हासं शंसामि ते यदि। ततो मे मरणं सद्यो भविष्यति न संशयः॥
nṛpaścovāca tāṃ devīṃ hāsaṃ śaṃsāmi te yadi| tato me maraṇaṃ sadyo bhaviṣyati na saṃśayaḥ||
The king replied, 'O worshipful lady, if I unfold to you the reason of my laugh, then I shall without doubt die to day.'
— M.N. Dutt (1891–94, public domain)
माता ते पितरं देवि पुनः केकयमब्रवीत्। शंस मे जीव वा मा वा न मां त्वं प्रहसिष्यसि॥
mātā te pitaraṃ devi punaḥ kekayamabravīt| śaṃsa me jīva vā mā vā na māṃ tvaṃ prahasiṣyasi||
But that revered one, your mother, again urged Kekaya, saying, 'Tell it to me, whether you live or die; for (when I have learnt all about it), you will not be able to laugh at me again.
— M.N. Dutt (1891–94, public domain)
प्रियया च तथोक्तः सः केकयः पृथिवीपतिः। तस्मै तं वरदायार्थं कथयामास तत्त्वतः॥
priyayā ca tathoktaḥ saḥ kekayaḥ pṛthivīpatiḥ| tasmai taṃ varadāyārthaṃ kathayāmāsa tattvataḥ||
Thus addressed by his beloved spouse, that lord of earth Kekaya went to the saint that had conferred the boon on him and related to him everything faithfully.
— M.N. Dutt (1891–94, public domain)
ततः स वरदः साधू राजानं प्रत्यभाषत। म्रियतां ध्वंसतां वेयं मा शंसीस्त्वं महीपते॥
tataḥ sa varadaḥ sādhū rājānaṃ pratyabhāṣata| mriyatāṃ dhvaṃsatāṃ veyaṃ mā śaṃsīstvaṃ mahīpate||
Thereupon that boon-giving saint said to the king; “Whether this one kills herself or be destroyed, do you not, O king, reveal it."
— M.N. Dutt (1891–94, public domain)
स तच्छ्रुत्वा वचस्तस्य प्रसन्नमनसो नृपः। मातरं ते निरस्याशु विजहार कुबेरवत्॥
sa tacchrutvā vacastasya prasannamanaso nṛpaḥ| mātaraṃ te nirasyāśu vijahāra kuberavat||
Hearing these words of his, the king well pleased summarily forsook your mother and began to divert himself like Kuvera.
— M.N. Dutt (1891–94, public domain)
तथा त्वमपि राजानं दुर्जनाचरिते पथि। असद्ग्राहमिमं मोहात् कुरुषे पापदर्शिनी॥
tathā tvamapi rājānaṃ durjanācarite pathi| asadgrāhamimaṃ mohāt kuruṣe pāpadarśinī||
Even in the same way, you, O you that see only evil, staying in an unrighteous course, befouling the king's sense, endeavour to make him commit this wrong.
— M.N. Dutt (1891–94, public domain)
सत्यश्चात्र प्रवादोऽयं लौकिकः प्रतिभाति मा। पितॄन् समनुजायन्ते नरा मातरमङ्गनाः॥
satyaścātra pravādo'yaṃ laukikaḥ pratibhāti mā| pitṝn samanujāyante narā mātaramaṅganāḥ||
In this connection I remember a saying, viz., men take after their fathers, and women their mothers.
— M.N. Dutt (1891–94, public domain)
नैवं भव गृहाणेदं यदाह वसुधाधिपः। भर्तुरिच्छामुपास्येह जनस्यास्य गतिर्भव॥
naivaṃ bhava gṛhāṇedaṃ yadāha vasudhādhipaḥ| bharturicchāmupāsyeha janasyāsya gatirbhava||
Do not be so, do you even accept what the lord of earth says. Doing the will of your lord, do you become the refuge of us all.
— M.N. Dutt (1891–94, public domain)
मा त्वं प्रोत्साहिता पापैर्देवराजसमप्रभम्। भर्तारं लोकभर्तारमसद्धर्ममुपादघ ॥
mā tvaṃ protsāhitā pāpairdevarājasamaprabham| bhartāraṃ lokabhartāramasaddharmamupādagha ||
Do not incited by evil propensities, make your husband, the lord of men endued with the prowess of the celestial chief, perpetrate an unrighteous deed.
— M.N. Dutt (1891–94, public domain)
नहि मिथ्या प्रतिज्ञातं करिष्यति तवानघः। श्रीमान् दशरथो राजा देवि राजीवलोचनः॥ ज्येष्ठो वदान्यः कर्मण्यः स्वधर्मस्यापि रक्षिता। रक्षिता जीवलोकस्य बली रामोऽभिषिच्यताम्॥ परिवादो हि ते देवि महाँल्लोके चरिष्यति। यदि रामो वनं याति विहाय पितरं नृपम्॥
nahi mithyā pratijñātaṃ kariṣyati tavānaghaḥ| śrīmān daśaratho rājā devi rājīvalocanaḥ|| jyeṣṭho vadānyaḥ karmaṇyaḥ svadharmasyāpi rakṣitā| rakṣitā jīvalokasya balī rāmo'bhiṣicyatām|| parivādo hi te devi mahā~lloke cariṣyati| yadi rāmo vanaṃ yāti vihāya pitaraṃ nṛpam||
That sinless one will not for certain give práctical effect to the promise jestingly made by you. ) worshipful one, king Dasaratha is graceful, being furnished with eyes resembling lotuses. Let him install his eldest son, Rāma generous and able, maintaining his own religion, the protector of all men and endued with might. O revered lady, great is the obloquy that will spread concerning you, if leaving his royal father, Rāma repair to the forest.
— M.N. Dutt (1891–94, public domain)
स्वराज्यं राघवः पातु भव त्वं विगतज्वरा। नहि ते राघवादन्यः क्षमः पुरवरे वसन्॥
svarājyaṃ rāghavaḥ pātu bhava tvaṃ vigatajvarā| nahi te rāghavādanyaḥ kṣamaḥ puravare vasan||
Let therefore Rāghava govern his kingdom; and do you remove your agitation. Surely save Rāghava none residing in the kingdom will prove friendly to you.
— M.N. Dutt (1891–94, public domain)
रामे हि यौवराज्यस्थे राजा दशरथो वनम्। प्रवेक्ष्यति महेष्वासः पूर्ववृत्तमनुस्मरन्॥
rāme hi yauvarājyasthe rājā daśaratho vanam| pravekṣyati maheṣvāsaḥ pūrvavṛttamanusmaran||
On Rāma being installed as the heir-apparent, that best of bowmen, king Dasaratha, will depart for the forest, remembering ancient examples.
— M.N. Dutt (1891–94, public domain)
इति सान्त्वैश्च तीक्ष्णैश्च कैकेयी राजसंसदि। भूयः संक्षोभयामास सुमन्त्रस्तु कृताञ्जलिः॥ नैव सा क्षुभ्यते देवी न च स्म परिदूयते । न चास्या मुखवर्णस्य लक्ष्यते विक्रिया तदा॥
iti sāntvaiśca tīkṣṇaiśca kaikeyī rājasaṃsadi| bhūyaḥ saṃkṣobhayāmāsa sumantrastu kṛtāñjaliḥ|| naiva sā kṣubhyate devī na ca sma paridūyate | na cāsyā mukhavarṇasya lakṣyate vikriyā tadā||
Thus in presence of the king, Sumantra with clasped palms, with soft yet cutting words endeavoured to strike Kaikeyi with regret. But that noble dame did not feel any compunction, nor was she touched 'with regret. And the complexion of her countenance remained as it was before.
— M.N. Dutt (1891–94, public domain)
