Siraatकिष्किन्धाकाण्डः सर्गः 59
25 verses
ततस्तदमृतास्वादं गृध्रराजेन भाषितम्। निशम्य वदता हृष्टास्ते वचः प्लवगर्षभाः॥
tatastadamṛtāsvādaṃ gṛdhrarājena bhāṣitam| niśamya vadatā hṛṣṭāste vacaḥ plavagarṣabhāḥ||
Then hearing that ambrosial speech of the vulture-king, the monkey-chiefs, being delighted, kept on parleying (on that topic).
— M.N. Dutt (1891–94, public domain)
जाम्बवान् वानरश्रेष्ठः सह सर्वैः प्लवङ्गमैः। भूतलात् सहसोत्थाय गृध्रराजानमब्रवीत्॥
jāmbavān vānaraśreṣṭhaḥ saha sarvaiḥ plavaṅgamaiḥ| bhūtalāt sahasotthāya gṛdhrarājānamabravīt||
Then Jāmbavān-foremost of monkeystogether with all the monkeys, arising suddenly from the ground, spoke to the vulture-king, saying,
— M.N. Dutt (1891–94, public domain)
क्व सीता केन वा दृष्टा को वा हरति मैथिलीम्। तदाख्यातुं भवान् सर्वं गतिर्भव वनौकसाम्॥
kva sītā kena vā dṛṣṭā ko vā harati maithilīm| tadākhyātuṃ bhavān sarvaṃ gatirbhava vanaukasām||
Where is Sītā? By whom has she been seen? And who has carried away Mithila's daughter? Do you tell us all about this, and (thus) prove the path of these rangers of the woods.
— M.N. Dutt (1891–94, public domain)
को दाशरथिबाणानां वज्रवेगनिपातिनाम्। स्वयंलक्ष्मणमुक्तानां न चिन्तयति विक्रमम्॥
ko dāśarathibāṇānāṃ vajraveganipātinām| svayaṃlakṣmaṇamuktānāṃ na cintayati vikramam||
Who is there that does not take heed of the force of Dasarathi's* and Laksmana's arrows, speeding with the vehemence of thunder? *Lit. Dasaratha's son. The term is applied in especial to Rāma.
— M.N. Dutt (1891–94, public domain)
स हरीन् प्रतिसम्मुक्तान् सीताश्रुतिसमाहितान्। पुनराश्वासयन् प्रीत इदं वचनमब्रवीत्॥
sa harīn pratisammuktān sītāśrutisamāhitān| punarāśvāsayan prīta idaṃ vacanamabravīt||
Thereat, cheering up those monkeys, who had risen from their attitudes of fasting, and who were all attention to hear news concerning Sītā, he (Sampāti), well pleased, said these words,
— M.N. Dutt (1891–94, public domain)
श्रूयतामिह वैदेह्या यथा मे हरणं श्रुतम्। येन चापि ममाख्यातं यत्र चायतलोचना ॥
śrūyatāmiha vaidehyā yathā me haraṇaṃ śrutam| yena cāpi mamākhyātaṃ yatra cāyatalocanā ||
Listen as to how I came to know of the ravishment of Vaidehī, Sītā, at this place; and who it was that told me where that one of expansive eyes is.
— M.N. Dutt (1891–94, public domain)
अहमस्मिन् गिरौ दुर्गे बहुयोजनमायते। चिरान्निपतितो वृद्धः क्षीणप्राणपराक्रमः॥ तं मामेवङ्गतं पुत्रः सुपार्यो नाम नामतः। आहारेण यथाकालं विभर्ति पततां वरः॥
ahamasmin girau durge bahuyojanamāyate| cirānnipatito vṛddhaḥ kṣīṇaprāṇaparākramaḥ|| taṃ māmevaṅgataṃ putraḥ supāryo nāma nāmataḥ| āhāreṇa yathākālaṃ vibharti patatāṃ varaḥ||
For a long time I lay here, old, and of feeble life and energy. that best of birds, my son named Supārswa, coming to me, at the proper hour maintained me with food.
— M.N. Dutt (1891–94, public domain)
तीक्ष्णकामास्तु गन्धर्वास्तीक्ष्णकोपा भुजङ्गमाः। मृगाणां तु भयं तीक्ष्णं ततस्तीक्ष्णक्षुधा वयम्॥
tīkṣṇakāmāstu gandharvāstīkṣṇakopā bhujaṅgamāḥ| mṛgāṇāṃ tu bhayaṃ tīkṣṇaṃ tatastīkṣṇakṣudhā vayam||
Gandharvas exceedingly lascivious; serpents are exceedingly wrathful; fear is excessive in deer; and we have excessive hunger.
— M.N. Dutt (1891–94, public domain)
स कदाचित् क्षुधार्तस्य ममाहाराभिकाङ्क्षिणः। गतसूर्येऽहनि प्राप्तो मम पुत्रो ह्यनामिषः॥
sa kadācit kṣudhārtasya mamāhārābhikāṅkṣiṇaḥ| gatasūrye'hani prāpto mama putro hyanāmiṣaḥ||
Once on a time my son, going forth about sunrise to procure food for me who was suffering from hunger and (accordingly) eager for it, came back in the evening without any flesh. are
— M.N. Dutt (1891–94, public domain)
स मयाऽऽहारसंरोधात् पीडितः प्रीतिवर्धनः। अनुमान्य यथातत्वमिदं वचनमब्रवीत्॥
sa mayā''hārasaṃrodhāt pīḍitaḥ prītivardhanaḥ| anumānya yathātatvamidaṃ vacanamabravīt||
Hurt (by my speech uttered) in consequence of my non-receipt of food, that enhancer of my joy, asking my forgiveness, said these words fraught with fact,
— M.N. Dutt (1891–94, public domain)
अहं तात यथाकालमामिषार्थी खमाप्लुतः। महेन्द्रस्य गिरेरमावृत्य सुसमाश्रितः॥
ahaṃ tāta yathākālamāmiṣārthī khamāplutaḥ| mahendrasya gireramāvṛtya susamāśritaḥ||
'Father, taking to my wings at the proper time for procuring flesh, I (went) and stood, obstructing the pass of the Mahendra mountain.
— M.N. Dutt (1891–94, public domain)
तत्र सत्त्वसहस्राणां सागरान्तरचारिणाम्। पन्थानमेकोऽध्यवसं संनिरोद्धमवाङ्मुखः॥
tatra sattvasahasrāṇāṃ sāgarāntaracāriṇām| panthānameko'dhyavasaṃ saṃniroddhamavāṅmukhaḥ||
There stood I looking down, obstructing the way of thousands of creatures ranging the sea.
— M.N. Dutt (1891–94, public domain)
तत्र कश्चिन्मया दृष्टः सूर्योदयसमप्रभाम्। स्त्रियमादाय गच्छन् वै भिन्नाञ्जनचयोपमः॥
tatra kaścinmayā dṛṣṭaḥ sūryodayasamaprabhām| striyamādāya gacchan vai bhinnāñjanacayopamaḥ||
There I saw somebody resembling a mass of crushed collyrium, going away, taking a female resembling the rising sun in splendour.
— M.N. Dutt (1891–94, public domain)
सोऽहमभ्यवहारार्थं तौ दृष्ट्वा कृतनिश्चयः। तेन साम्ना विनीतेन पन्थानमनुयाचितः॥
so'hamabhyavahārārthaṃ tau dṛṣṭvā kṛtaniścayaḥ| tena sāmnā vinītena panthānamanuyācitaḥ||
Seeing them I had made up my mind that they should serve for your fare, when he humbly in a pacific manner begged for way.
— M.N. Dutt (1891–94, public domain)
नहि सामोपपन्नानां प्रहर्ता विद्यते भुवि।' नीचेष्वपि जनः कश्चित् किमङ्ग बत मद्विधः॥
nahi sāmopapannānāṃ prahartā vidyate bhuvi|' nīceṣvapi janaḥ kaścit kimaṅga bata madvidhaḥ||
Even among the mean, there is none on earth that can slay people who assume a mild attitude. What shall I say, alas! of superior ones like myself?
— M.N. Dutt (1891–94, public domain)
स यातस्तेजसा व्योम संक्षिपन्निव वेगितः। अथाहं खेचरैर्भूतैरभिगम्य सभाजितः॥
sa yātastejasā vyoma saṃkṣipanniva vegitaḥ| athāhaṃ khecarairbhūtairabhigamya sabhājitaḥ||
And summoning celerity, he went on as if pushing off the sky by his energy. Then the rangers of the air and other beings worshipped me.
— M.N. Dutt (1891–94, public domain)
दिष्ट्या जीवति सीतेति ह्यब्रुवन् मां महर्षयः। कथंचित् सकलत्रोऽसौ गतस्ते स्वस्त्यसंशयम्॥
diṣṭyā jīvati sīteti hyabruvan māṃ maharṣayaḥ| kathaṃcit sakalatro'sau gataste svastyasaṃśayam||
And the Maharsis said to me,-By luck it is that Sītā is still living' — he together with a female, having passed by you, certainly augurs good fortune to you. 1. The commentator supplies the elipsis thus,-Coming within your ken by fuck, Sītā is living. 2. The passage is obscure. The commentator has glossed over this sloka, and the meaning is lone the clear for his explanation.
— M.N. Dutt (1891–94, public domain)
एवमुक्तस्ततोऽहं तैः सिद्धैः परमशोभनैः। स च मे रावणो राजा रक्षसां प्रतिवेदितः॥
evamuktastato'haṃ taiḥ siddhaiḥ paramaśobhanaiḥ| sa ca me rāvaṇo rājā rakṣasāṃ prativeditaḥ||
Then those eminently handsome Siddhas spoke thus to me.-This is Ravana, the king of the Rākşasas, said they to me.
— M.N. Dutt (1891–94, public domain)
पश्यन् दाशरथेर्भार्यां रामस्य जनकात्मजाम्। भ्रष्टाभरणकौशेयां शोकवेगपराजिताम्॥ रामलक्ष्मणयोर्नाम क्रोशन्ती मुक्तमूर्धजाम्। एष कालात्ययस्तात इति वाक्यविदां वरः॥ एतदर्थं समग्रं मे सुपार्श्वः प्रत्यवेदयत्। तच्छ्रुत्वापि हि मे बुद्धिर्नासीत् काचित् पराक्रमे॥
paśyan dāśaratherbhāryāṃ rāmasya janakātmajām| bhraṣṭābharaṇakauśeyāṃ śokavegaparājitām|| rāmalakṣmaṇayornāma krośantī muktamūrdhajām| eṣa kālātyayastāta iti vākyavidāṃ varaḥ|| etadarthaṃ samagraṃ me supārśvaḥ pratyavedayat| tacchrutvāpi hi me buddhirnāsīt kācit parākrame||
I (stood), beholding the wife of Rama, son to Dasaratha,—throwing off her ornaments and silken apparel, overwhelmed by might of sorrow, with hair dishevelled crying out the names of Rāma and Lakşmaņa. This O father, is the reason of my passing the time.' That best of those skilled in speech, Suparswa, said all this to me. Even hearing of this, I could not think of putting forth prowess.
— M.N. Dutt (1891–94, public domain)
अपक्षो हि कथं पक्षी कर्म किंचित् समारभेत्। यत् तु शक्यं मया कर्तुं वाग्बुद्धिगुणवर्तिना॥ श्रूयतां तत्र वक्ष्यामि भवतां पौरुषाश्रयम्।
apakṣo hi kathaṃ pakṣī karma kiṃcit samārabhet| yat tu śakyaṃ mayā kartuṃ vāgbuddhiguṇavartinā|| śrūyatāṃ tatra vakṣyāmi bhavatāṃ pauruṣāśrayam|
How can a bird bereft of wings, undertake any thing? But listen! I will tell you as to what I am capable of through speech, intellect and merit, and what you can exèrt your manliness in.
— M.N. Dutt (1891–94, public domain)
वाङ्मतिभ्यां हि सर्वेषां करिष्यामि प्रियं हि वः॥ यद्धि दाशरथेः कार्यं मम तन्नात्र संशयः।
vāṅmatibhyāṃ hi sarveṣāṃ kariṣyāmi priyaṃ hi vaḥ|| yaddhi dāśaratheḥ kāryaṃ mama tannātra saṃśayaḥ|
I will do what is agreeable to you by my words and my and my intention. That which is Dasarathi's work is also mine. Of this there is no doubt.
— M.N. Dutt (1891–94, public domain)
तद् भवन्तो मतिश्रेष्ठा बलवन्तो मनस्विनः॥ प्रहिताः कपिराजेन देवैरपि दुरासदाः।
tad bhavanto matiśreṣṭhā balavanto manasvinaḥ|| prahitāḥ kapirājena devairapi durāsadāḥ|
You, foremost in intelligence, strong, intellectual, and incapable of being overcome by the gods themselves, have been despatched by the monarch of monkeys.
— M.N. Dutt (1891–94, public domain)
रामलक्ष्मणबाणाश्च विहिताः कङ्कपत्रिणः॥ त्रयाणामपि लोकानां पर्याप्तास्त्राणनिग्रहे।
rāmalakṣmaṇabāṇāśca vihitāḥ kaṅkapatriṇaḥ|| trayāṇāmapi lokānāṃ paryāptāstrāṇanigrahe|
Rama's and Laksmana's shafts furnished with the feathers of the Kanka, are competent to afflict or save the three worlds.
— M.N. Dutt (1891–94, public domain)
कामं खलु दशग्रीवस्तेजोबलसमन्वितः। भवतां तु समर्थानां न किंचिदपि दुष्करम्॥
kāmaṃ khalu daśagrīvastejobalasamanvitaḥ| bhavatāṃ tu samarthānāṃ na kiṃcidapi duṣkaram||
And although the Ten-necked one is endowed with strength and energy, yet to you who are competent, nothing is hard to accomplish.
— M.N. Dutt (1891–94, public domain)
तदलं कालसङ्गेन क्रियतां बुद्धिनिश्चयः। नहि कर्मसु सज्जन्ते बुद्धिमन्तो भवद्विधाः॥
tadalaṃ kālasaṅgena kriyatāṃ buddhiniścayaḥ| nahi karmasu sajjante buddhimanto bhavadvidhāḥ||
There is no need of delay. Make up 'yo minds. Persons like you do not give way to laziness in enterprise.
— M.N. Dutt (1891–94, public domain)