Siraatबालकाण्डः सर्गः 47
20 verses
सप्तधा तु कृते गर्भे दितिः परमदुःखिता। सहस्राक्षं दुराधर्षं वाक्यं सानुनयाब्रवीत्॥
saptadhā tu kṛte garbhe ditiḥ paramaduḥkhitā| sahasrākṣaṃ durādharṣaṃ vākyaṃ sānunayābravīt||
When the embryo had been sundered is seven, Díti exceedingly aggrieved humbly spoke to the irrepressible thousand-eyed deity, saying, as
— M.N. Dutt (1891–94, public domain)
ममापराधाद् गर्भोऽयं सप्तधा शकलीकृतः। नापराधो हि देवेश तवात्र बलसूदन॥
mamāparādhād garbho'yaṃ saptadhā śakalīkṛtaḥ| nāparādho hi deveśa tavātra balasūdana||
By my fault it is that the embryo has been sundered in seven. O chief of the celestials, herein you are guilty of no transgression, o destroyer of Bala.
— M.N. Dutt (1891–94, public domain)
प्रियं त्वत्कृतमिच्छामि मम गर्भविपर्यये। मरुतां सप्त सप्तानां स्थानपाला भवन्तु ते॥
priyaṃ tvatkṛtamicchāmi mama garbhaviparyaye| marutāṃ sapta saptānāṃ sthānapālā bhavantu te||
And since calamity has befallen the embryo, I wish to do you a good turn. Let the seven parts become the guardians of the seven Maruts.
— M.N. Dutt (1891–94, public domain)
वातस्कन्धा इमे सप्त चरन्तु दिवि पुत्रक। मारुता इति विख्याता दिव्यरूपा ममात्मजाः॥
vātaskandhā ime sapta carantu divi putraka| mārutā iti vikhyātā divyarūpā mamātmajāḥ||
O son, let my sons having noble forms, becoming famous Marutas range the Vātaskandha regions in heaven.
— M.N. Dutt (1891–94, public domain)
ब्रह्मलोकं चरत्वेक इन्द्रलोकं तथापरः। दिव्यवायुरिति ख्यातस्तृतीयोऽपि महायशाः॥
brahmalokaṃ caratveka indralokaṃ tathāparaḥ| divyavāyuriti khyātastṛtīyo'pi mahāyaśāḥ||
Let one range Brahmā's regions, and another Indra's, and the highly illustrious third also range around, being known as Divya Vāyu. (Ether).
— M.N. Dutt (1891–94, public domain)
चत्वारस्तु सुरश्रेष्ठ दिशो वै तव शासनात्। संचरिष्यन्ति भद्रं ते कालेन हि ममात्मजाः॥ त्वत्कृतेनैव नाम्ना वै मारुता इति विश्रुताः।
catvārastu suraśreṣṭha diśo vai tava śāsanāt| saṃcariṣyanti bhadraṃ te kālena hi mamātmajāḥ|| tvatkṛtenaiva nāmnā vai mārutā iti viśrutāḥ|
O best of celestials, by they command, let the four remaining sons of mine, known by the name which you have mentioned, range about in appointed periods.'
— M.N. Dutt (1891–94, public domain)
तस्यास्तद् वचनं श्रुत्वा सहस्राक्षः पुरंदरः॥ उवाच प्राञ्जलिर्वाक्यमितीदं बलसूदनः।
tasyāstad vacanaṃ śrutvā sahasrākṣaḥ puraṃdaraḥ|| uvāca prāñjalirvākyamitīdaṃ balasūdanaḥ|
Hearing her words, that destroyer of Vala; the thousand-eyed Purandara, with clasped palms said.
— M.N. Dutt (1891–94, public domain)
सर्वमेतद् यथोक्तं ते भविष्यति न संशयः॥ विचरिष्यन्ति भद्रं ते देवरूपास्तवात्मजाः।
sarvametad yathoktaṃ te bhaviṣyati na saṃśayaḥ|| vicariṣyanti bhadraṃ te devarūpāstavātmajāḥ|
All this that you have said must come to pass; there is no doubt about it. Good betide you, your sons endowed with celestial forms, shall range about.
— M.N. Dutt (1891–94, public domain)
एवं तौ निश्चयं कृत्वा मातापुत्रौ तपोवने॥ जग्मतुस्त्रिदिवं राम कृतार्थाविति नः श्रुतम्।
evaṃ tau niścayaṃ kṛtvā mātāputrau tapovane|| jagmatustridivaṃ rāma kṛtārthāviti naḥ śrutam|
And it has been heard by us that having thus ascertained in that hermitage, the mother and the son, O Rama, went to heaven, their desire obtained.
— M.N. Dutt (1891–94, public domain)
एष देशः स काकुत्स्थ महेन्द्राध्युषितः पुरा ॥ दितिं यत्र तपःसिद्धामेवं परिचचार सः।
eṣa deśaḥ sa kākutstha mahendrādhyuṣitaḥ purā || ditiṃ yatra tapaḥsiddhāmevaṃ paricacāra saḥ|
Even this O Kākutstha, is the place where formerly the mighty Indra sojourned, and where he attended upon Diti of accomplished ascetic success.
— M.N. Dutt (1891–94, public domain)
इक्ष्वाकोस्तु नरव्याघ्र पुत्रः परमधार्मिकः॥ अलम्बुषायामुत्पन्नो विशाल इति विश्रुतः। तेन चासीदिह स्थाने विशालेति पुरी कृता॥
ikṣvākostu naravyāghra putraḥ paramadhārmikaḥ|| alambuṣāyāmutpanno viśāla iti viśrutaḥ| tena cāsīdiha sthāne viśāleti purī kṛtā||
O most powerful of men, Ikşvāku had an exceedingly righteous son born to him of Alambusa, known by the name of Viśāla. And here stood a palace, built by him, called Viśālā.
— M.N. Dutt (1891–94, public domain)
विशालस्य सुतो राम हेमचन्द्रो महाबलः। सुचन्द्र इति विख्यातो हेमचन्द्रादनन्तरः॥
viśālasya suto rāma hemacandro mahābalaḥ| sucandra iti vikhyāto hemacandrādanantaraḥ||
Viśāla's son, O Rāma, was the mighty Hemacandra. And after Hemacandra comes the celebrated Sucandra.
— M.N. Dutt (1891–94, public domain)
सुचन्द्रतनयो राम धूम्राश्व इति विश्रुतः। धूम्राश्वतनयश्चापि सृञ्जयः समपद्यत ॥
sucandratanayo rāma dhūmrāśva iti viśrutaḥ| dhūmrāśvatanayaścāpi sṛñjayaḥ samapadyata ||
O Rāma, the son of Sucandra was Dhumrāśva, and then was born Sšñjaya son to Dhumrāśva.
— M.N. Dutt (1891–94, public domain)
सृञ्जयस्य सुतः श्रीमान् सहदेवः प्रतापवान्। कुशाश्वः सहदेवस्य पुत्रः परमधार्मिकः॥
sṛñjayasya sutaḥ śrīmān sahadevaḥ pratāpavān| kuśāśvaḥ sahadevasya putraḥ paramadhārmikaḥ||
Srinjaya's son was the powerful Sahadeva, And Sahadeva's son was the pre-eminently pious Kuśāśva.
— M.N. Dutt (1891–94, public domain)
कुशाश्वस्य महातेजाः सोमदत्तः प्रतापवान्। सोमदत्तस्य पुत्रस्तु काकुत्स्थ इति विश्रुतः॥ तस्य पुत्रो महातेजाः सम्प्रत्येष पुरीमिमाम्। आवसत् परमप्रख्यः सुमति म दुर्जयः॥
kuśāśvasya mahātejāḥ somadattaḥ pratāpavān| somadattasya putrastu kākutstha iti viśrutaḥ|| tasya putro mahātejāḥ sampratyeṣa purīmimām| āvasat paramaprakhyaḥ sumati ma durjayaḥ||
Kuśāśva's son was the puissant Somadatta. And now, O Kākutstha, Somadatta's son, the effulgent and invincible and renowned Sumati reside in this mansion.
— M.N. Dutt (1891–94, public domain)
इक्ष्वाकोस्तु प्रसादेन सर्वे वैशालिका नृपाः। दीर्घायुषो महात्मानो वार्यवन्तः सुधार्मिकाः॥
ikṣvākostu prasādena sarve vaiśālikā nṛpāḥ| dīrghāyuṣo mahātmāno vāryavantaḥ sudhārmikāḥ||
And by the grace of Ikşvāku, all the sovereigns of Viśālā are long-loved, and highsouled, and puissant, and pious.
— M.N. Dutt (1891–94, public domain)
इहाद्य रजनीमेकां सुखं स्वप्स्यामहे वयम्। श्वः प्रभाते नरश्रेष्ठ जनकं द्रष्टुमर्हसि॥
ihādya rajanīmekāṃ sukhaṃ svapsyāmahe vayam| śvaḥ prabhāte naraśreṣṭha janakaṃ draṣṭumarhasi||
And here will we happily spend a night; an on the morning of the morrow you will, O foremost of men, behold Janaka.'
— M.N. Dutt (1891–94, public domain)
सुमतिस्तु महातेजा विश्वामित्रमुपागतम्। श्रुत्वा नरवरश्रेष्ठः प्रत्यागच्छन्महायशाः॥
sumatistu mahātejā viśvāmitramupāgatam| śrutvā naravaraśreṣṭhaḥ pratyāgacchanmahāyaśāḥ||
And having heard that the illustrious Viśvāmitra had come, that best of kings, the effulgent Sumati, appeared before him.
— M.N. Dutt (1891–94, public domain)
पूजां च परमां कृत्वा सोपाध्यायः सबान्धवः। प्राञ्जलिः कुशलं पृष्ट्वा विश्वामित्रमथाब्रवीत्॥
pūjāṃ ca paramāṃ kṛtvā sopādhyāyaḥ sabāndhavaḥ| prāñjaliḥ kuśalaṃ pṛṣṭvā viśvāmitramathābravīt||
And having paid Viśvāmitra high homage together with his priests and friends, and with clasped hands enquired after the former's welfare, he addressed Viśvāmitra, saying.
— M.N. Dutt (1891–94, public domain)
धन्योऽस्म्यनुगृहीतोऽस्मि यस्य मे विषयं मुने। सम्प्राप्तो दर्शनं चैव नास्ति धन्यतरो मम ॥
dhanyo'smyanugṛhīto'smi yasya me viṣayaṃ mune| samprāpto darśanaṃ caiva nāsti dhanyataro mama ||
Blessed are we, and obliged are we, whose domains, O ascetic, have been graced with your presence. Surely none is more blessed than I am.
— M.N. Dutt (1891–94, public domain)