Siraatअयोध्याकाण्डः सर्गः 85
21 verses
एवमुक्तस्तु भरतो निषादाधिपतिं गुहम्। प्रत्युवाच महाप्राज्ञो वाक्यं हेत्वर्थसंहितम्॥
evamuktastu bharato niṣādādhipatiṃ guham| pratyuvāca mahāprājño vākyaṃ hetvarthasaṃhitam||
Thus addressed, the exceedingly wise Bharata answered the lord of the Nişādas, in words fraught with sense and reason.
— M.N. Dutt (1891–94, public domain)
ऊर्जितः खलु ते कामः कृतो मम गुरो सखे। यो मे त्वमीदृशीं सेनामभ्यर्चयितुमिच्छसि॥
ūrjitaḥ khalu te kāmaḥ kṛto mama guro sakhe| yo me tvamīdṛśīṃ senāmabhyarcayitumicchasi||
Your great desire, O friend of my superior, is surely as good as attained; since you of mighty energy have set your heart on entertaining my army.
— M.N. Dutt (1891–94, public domain)
इत्युक्त्वा स महातेजा गुहं वचनमुत्तमम्। अब्रवीद् भरतः श्रीमान् पन्थानं दर्शयन् पुनः॥
ityuktvā sa mahātejā guhaṃ vacanamuttamam| abravīd bharataḥ śrīmān panthānaṃ darśayan punaḥ||
Having said these fair words to Guha, the graceful and highly energetic Bharata again addressed the lord of Nişādas.
— M.N. Dutt (1891–94, public domain)
कतरेण गमिष्यामि भरद्वाजाश्रमं पथा। गहनोऽयं भृशं देशो गङ्गानूपो दुरत्ययः॥
katareṇa gamiṣyāmi bharadvājāśramaṃ pathā| gahano'yaṃ bhṛśaṃ deśo gaṅgānūpo duratyayaḥ||
By what way shall I go to Bharadvāja's hermitage? These lands watered by the Gangā are dense and hard to track.
— M.N. Dutt (1891–94, public domain)
तस्य तद् वचनं श्रुत्वा राजपुत्रस्य धीमतः। अब्रवीत् प्राञ्जलिर्भूत्वा गुहो गहनगोचरः॥
tasya tad vacanaṃ śrutvā rājaputrasya dhīmataḥ| abravīt prāñjalirbhūtvā guho gahanagocaraḥ||
Hearing these words of the intelligent son of the king, Guha well acquainted with the forest, said with joined hands.
— M.N. Dutt (1891–94, public domain)
दाशास्त्वनुगमिष्यन्ति देशज्ञाः सुसमाहिताः। अहं चानुगमिष्यामि राजपुत्र महाबल॥
dāśāstvanugamiṣyanti deśajñāḥ susamāhitāḥ| ahaṃ cānugamiṣyāmi rājaputra mahābala||
My servant well acquainted with the place shall attentively follow you; and, O prince possessed of mighty strength, I myself will also walk in your wake.
— M.N. Dutt (1891–94, public domain)
कच्चिन्न दुष्टो व्रजसि रामस्याक्लिष्टकर्मणः। इयं ते महती सेना शङ्कां जनयतीव मे॥
kaccinna duṣṭo vrajasi rāmasyākliṣṭakarmaṇaḥ| iyaṃ te mahatī senā śaṅkāṃ janayatīva me||
But do you go after Rāma of energetic acts with some evil intention? This vast force of yours raise my apprehension/
— M.N. Dutt (1891–94, public domain)
तमेवमभिभाषन्तमाकाश इव निर्मलः। भरतः श्लक्ष्णया वाचा गुहं वचनमब्रवीत्॥
tamevamabhibhāṣantamākāśa iva nirmalaḥ| bharataḥ ślakṣṇayā vācā guhaṃ vacanamabravīt||
When Guha had asked this, Bharata with a presence unclouded like the sky, spoke to Guha these sweet words.
— M.N. Dutt (1891–94, public domain)
मा भूत् स कालो यत् कष्टं न मां शङ्कितुमर्हसि। राघवः स हि मे भ्राता ज्येष्ठः पितृसमो मतः॥
mā bhūt sa kālo yat kaṣṭaṃ na māṃ śaṅkitumarhasi| rāghavaḥ sa hi me bhrātā jyeṣṭhaḥ pitṛsamo mataḥ||
May a time never come when I shall do wrong to Rāghava! It behoves you not to fear me. Rāghava is my eldest brother dear to me even as my sire himself.
— M.N. Dutt (1891–94, public domain)
तं निवर्तयितुं यामि काकुत्स्थं वनवासिनम्। बुद्धिरन्या न मे कार्या गुह सत्यं ब्रवीमि ते॥
taṃ nivartayituṃ yāmi kākutsthaṃ vanavāsinam| buddhiranyā na me kāryā guha satyaṃ bravīmi te||
I go to make Kākutstha dwelling in the woods, turn back. Other intention cherish I none. O Guha, this I tell you truly.
— M.N. Dutt (1891–94, public domain)
स तु संहृष्टवदनः श्रुत्वा भरतभाषितम्। पुनरेवाब्रवीद् वाक्यं भरतं प्रति हर्षितः॥
sa tu saṃhṛṣṭavadanaḥ śrutvā bharatabhāṣitam| punarevābravīd vākyaṃ bharataṃ prati harṣitaḥ||
Having heard Bharata's speech, Guha with a countenance lighted up with delight, again cheerfully addressed Bharata, saying.
— M.N. Dutt (1891–94, public domain)
धन्यस्त्वं न त्वया तुल्यं पश्यामि जगतीतले। अयत्नादागतं राज्यं यस्त्वं त्यक्तुमिहेच्छसि॥
dhanyastvaṃ na tvayā tulyaṃ paśyāmi jagatītale| ayatnādāgataṃ rājyaṃ yastvaṃ tyaktumihecchasi||
Blessed are you! Your like find I none on earth, inasmuch as you wish to resign a kingdom that comes to you without search.
— M.N. Dutt (1891–94, public domain)
शाश्वती खलु ते कीर्तिर्लोकाननु चरिष्यति। यस्त्वं कृच्छ्रगतं रामं प्रत्यानयितुमिच्छसि॥
śāśvatī khalu te kīrtirlokānanu cariṣyati| yastvaṃ kṛcchragataṃ rāmaṃ pratyānayitumicchasi||
Your eternal fame will certainly range this world, since you wish to bring back Rāma passing through misfortune.
— M.N. Dutt (1891–94, public domain)
एवं सम्भाषमाणस्य गुहस्य भरतं तदा। बभौ नष्टप्रभः सूर्यो रजनी चाभ्यवर्तत ॥
evaṃ sambhāṣamāṇasya guhasya bharataṃ tadā| babhau naṣṭaprabhaḥ sūryo rajanī cābhyavartata ||
As Guha was speaking thus to Bharata, the sun became shorn of his splendour and night fell.
— M.N. Dutt (1891–94, public domain)
संनिवेश्य स तां सेनां गुहेन परितोषितः। शत्रुघ्नेन समं क्षीमाञ्छयनं पुनरागमत्॥
saṃniveśya sa tāṃ senāṃ guhena paritoṣitaḥ| śatrughnena samaṃ kṣīmāñchayanaṃ punarāgamat||
Thereupon having disposed his troops, the auspicious Bharata gratified by Guha, went to bed along with Śatrughna.
— M.N. Dutt (1891–94, public domain)
रामचिन्तामयः शोको भरतस्य महात्मनः। उपस्थितो ह्यनर्हस्य धर्मप्रेक्षस्य तादृशः॥
rāmacintāmayaḥ śoko bharatasya mahātmanaḥ| upasthito hyanarhasya dharmaprekṣasya tādṛśaḥ||
Then arose thoughts of Rāma in the mind of the magnanimous Bharata ever having his gaze fixed on virtue and undeserving (of hardship).
— M.N. Dutt (1891–94, public domain)
अन्तर्दाहेन दहनः संतापयति राघवम्। वनदाहाग्निसंतप्त गूढोऽग्निरिव पादपम्॥
antardāhena dahanaḥ saṃtāpayati rāghavam| vanadāhāgnisaṃtapta gūḍho'gniriva pādapam||
Then even as a tree already heated by a forestfire burns with a fire hidden in its cavity that descendant of Raghu began to burn with the fire of grief inflamed in his heart.
— M.N. Dutt (1891–94, public domain)
प्रसृतः सर्वगात्रेभ्यः स्वेदं शोकाग्निसम्भवम्। यथा सूर्यांशुसंतप्तो हिमवान् प्रसृतो हिमम्॥
prasṛtaḥ sarvagātrebhyaḥ svedaṃ śokāgnisambhavam| yathā sūryāṃśusaṃtapto himavān prasṛto himam||
Perspiration produced by the fire of sorrow issued out of all his limbs, as the Himavat heated by the solar warmth generates water.
— M.N. Dutt (1891–94, public domain)
ध्याननिर्दरशैलेन विनिःश्वासितधातुना। दैन्यपादपसंघेन शोकायासाधिशृङ्गिणा॥ प्रमोहानन्तसत्त्वेन संतापौषधिवेणुना। आक्रान्तो दुःखशैलेन महता कैकयीसुतः॥
dhyānanirdaraśailena viniḥśvāsitadhātunā| dainyapādapasaṃghena śokāyāsādhiśṛṅgiṇā|| pramohānantasattvena saṃtāpauṣadhiveṇunā| ākrānto duḥkhaśailena mahatā kaikayīsutaḥ||
And Kaikeyi's son was overpowered and drowned by the mountain of grief, having thoughts (of Rāma) for its entire crags, sighs for its mineral substance, disgust with the avocations of life, for its trees, mental feebleness through grief for its summits, stupor for the animals inhabiting it, and burning for its annual shrubs and bamboos.
— M.N. Dutt (1891–94, public domain)
विनिःश्वसन् वै भृशदुर्मनास्ततः प्रमूढसंज्ञः परमापदं गतः। शमं न लेभे हृदयज्वरार्दितो नरर्षभो यूथहतो यथर्षभः॥
viniḥśvasan vai bhṛśadurmanāstataḥ pramūḍhasaṃjñaḥ paramāpadaṃ gataḥ| śamaṃ na lebhe hṛdayajvarārdito nararṣabho yūthahato yatharṣabhaḥ||
And sighing heavily with a heart oppressed with sorrow, well nigh deprived of consciousness, and involved in high peril, that best of men, oppressed by the fever of his heart, like to a mighty leader of a herd, separated from it, did not attain peace of mind.
— M.N. Dutt (1891–94, public domain)
गुहेन सार्धं भरतः समागतो महानुभावः सजनः समाहितः। गुंहः समाश्वासयदग्रज प्रति॥
guhena sārdhaṃ bharataḥ samāgato mahānubhāvaḥ sajanaḥ samāhitaḥ| guṃhaḥ samāśvāsayadagraja prati||
Meeting with Guha, the magnanimous Bharata accompanied by his people, engrossed with the thoughts of Rāma, became oppressed with grief. (Seeing this), Guha by and by encouraged Bharata concerning his elder brother.
— M.N. Dutt (1891–94, public domain)