Siraatकिष्किन्धाकाण्डः सर्गः 14
17 verses
सर्वे ते त्वरितं गत्वा किष्किन्धां वालिनः पुरीम्। वृक्षैरात्मानमावृत्य व्यतिष्ठन् गहने वने॥
sarve te tvaritaṃ gatvā kiṣkindhāṃ vālinaḥ purīm| vṛkṣairātmānamāvṛtya vyatiṣṭhan gahane vane||
They all, repairing quickly to Kiskindha, Vāli's capital stood waiting in the dense forest, hiding themselves behind the trees.
— M.N. Dutt (1891–94, public domain)
विसार्य सर्वतो दृष्टिं कानने काननप्रियः। सुग्रीवो विपुलग्रीवः क्रोधमाहारयद् भृशम्॥
visārya sarvato dṛṣṭiṃ kānane kānanapriyaḥ| sugrīvo vipulagrīvaḥ krodhamāhārayad bhṛśam||
Casting his looks all around in the forest, Sugrīva, having a huge neck and fond of woods, became exceedingly enraged.
— M.N. Dutt (1891–94, public domain)
ततस्तु निनदं गोरं कृत्वा युद्धाय चाह्वयत्। परिवारैः परिवृत्तो नादर्भिन्दनिवाम्बरम्॥
tatastu ninadaṃ goraṃ kṛtvā yuddhāya cāhvayat| parivāraiḥ parivṛtto nādarbhindanivāmbaram||
Setting up a terrible uproar and rending the sky with his cry (Sugrīva) encircled by his kinsmen, invited (Vāli) to battle.
— M.N. Dutt (1891–94, public domain)
गर्जनिव महामेघो वायुवेगपुर:सरः। अथ बालार्कसदृशो दृप्तसिंहगतिस्ततः॥
garjaniva mahāmegho vāyuvegapura:saraḥ| atha bālārkasadṛśo dṛptasiṃhagatistataḥ||
Thereupon roaring like to a huge cloud, preceded by a mighty wind, Sugrīva, gifted with leonine motion and resembling the newly risen Sun, finding Rāma expert in business, spoke to him, saying.
— M.N. Dutt (1891–94, public domain)
दृष्ट्वा रामं क्रियादक्षं सुग्रीवो वाक्यमब्रवीत्। हरिवागुरया व्याप्तां तप्तकाञ्चनतोरणाम्॥ प्राप्ताः स्म ध्वजयन्त्राढ्यां किष्किन्धां वालिनः पुरीम्। प्रतिज्ञा या कृता वीर त्वया वालिवधे पुरा ॥
dṛṣṭvā rāmaṃ kriyādakṣaṃ sugrīvo vākyamabravīt| harivāgurayā vyāptāṃ taptakāñcanatoraṇām|| prāptāḥ sma dhvajayantrāḍhyāṃ kiṣkindhāṃ vālinaḥ purīm| pratijñā yā kṛtā vīra tvayā vālivadhe purā ||
You have reached Kiskindhā, Vāli's capital, adorned with gold, filled with pennons and instruments and surrounded by monkeys. Do you make good your promise, O hero, you hadst made before to encompass the destruction of Vāli like to the season making the creepers filled with fruits.
— M.N. Dutt (1891–94, public domain)
सबलां कुरु तां क्षिप्रं लतां काल इवागतः। एवमुक्तस्तु धर्मात्मा सुग्रीवेण स राघवः॥
sabalāṃ kuru tāṃ kṣipraṃ latāṃ kāla ivāgataḥ| evamuktastu dharmātmā sugrīveṇa sa rāghavaḥ||
Being thus accosted by Sugrīva, the virtuoussouled Rāghava, the slayer of foes, addressed him with the following words.
— M.N. Dutt (1891–94, public domain)
तमेवोवाच वचनं सुग्रीवं शत्रुसूदनः। कृताभिज्ञानचिह्नस्त्वमनया गजसाह्वया॥ लक्ष्मणेन समुत्पाट्य एषा कण्ठे कृता तव।
tamevovāca vacanaṃ sugrīvaṃ śatrusūdanaḥ| kṛtābhijñānacihnastvamanayā gajasāhvayā|| lakṣmaṇena samutpāṭya eṣā kaṇṭhe kṛtā tava|
Uprooting the Gaja creeper, Laksmana, has placed it around your neck as an emblem (to distinguish you). You does appear beautiful, O hero, with this creeper around your neck like to the sun on the sky engarlanded by the stars.
— M.N. Dutt (1891–94, public domain)
शोभसेऽप्यधिकं वीर लतया कण्ठसक्तया।९।। विपरीत इवाकाशे सूर्यो नक्षत्रमालया। अद्य वालिसमुत्थं ते भयं वैरं च वानर ॥ एकेनाहं प्रमोक्ष्यामि बाणमोक्षेण संयुगे।
śobhase'pyadhikaṃ vīra latayā kaṇṭhasaktayā|9|| viparīta ivākāśe sūryo nakṣatramālayā| adya vālisamutthaṃ te bhayaṃ vairaṃ ca vānara || ekenāhaṃ pramokṣyāmi bāṇamokṣeṇa saṃyuge|
I shall, O monkey, by the discharge of one shaft in the conflict, destroy your fear and enmity proceeding from Vāli.
— M.N. Dutt (1891–94, public domain)
मम दर्शय सुग्रीव वैरिणं भ्रातृरूपिणम्॥ वाली विनिहतो यावद्वने पांसुषु चेष्टते।
mama darśaya sugrīva vairiṇaṃ bhrātṛrūpiṇam|| vālī vinihato yāvadvane pāṃsuṣu ceṣṭate|
Do you show me, O Sugriva, your enemy, in the guise of a brother. Wounded (by my shaft) Vāli shall roll in the dust in the forest.
— M.N. Dutt (1891–94, public domain)
यदि दृष्टिपथं प्राप्तो जीवन् स विनिवर्तते।।१२ ततो दोषेण मा गच्छेत् सद्यो गर्हेच्च मां भवान्।
yadi dṛṣṭipathaṃ prāpto jīvan sa vinivartate||12 tato doṣeṇa mā gacchet sadyo garhecca māṃ bhavān|
If regaining his life he comes in your view, do you leave this field, showering abuses upon me. more
— M.N. Dutt (1891–94, public domain)
प्रत्यक्षं सप्त ते ताला मया बाणेन दारिताः॥ तेनावेहि बलेनाद्य वालिनं निहतं रणे।
pratyakṣaṃ sapta te tālā mayā bāṇena dāritāḥ|| tenāvehi balenādya vālinaṃ nihataṃ raṇe|
You didst behold seven Talas riven by a single shaft of mine and do you therefore consider Vāli destroyed to-day by my prowess in the conflict.
— M.N. Dutt (1891–94, public domain)
अनृतं नोक्तपूर्वं मे चिरं कृच्छ्रेऽपि तिष्ठता॥ धर्मलोभपरीतेन न च वक्ष्ये कथंचन। सफलां च करिष्यामि प्रतिज्ञां जहि सम्भ्रमम्॥ प्रसूतं कलमक्षेत्रं वर्षेणेव शतक्रतुः। तदाह्वाननिमित्तं च वालिनो हेममालिनः॥ सुग्रीव कुरु तं शब्दं निष्पतेद् येन वानरः।
anṛtaṃ noktapūrvaṃ me ciraṃ kṛcchre'pi tiṣṭhatā|| dharmalobhaparītena na ca vakṣye kathaṃcana| saphalāṃ ca kariṣyāmi pratijñāṃ jahi sambhramam|| prasūtaṃ kalamakṣetraṃ varṣeṇeva śatakratuḥ| tadāhvānanimittaṃ ca vālino hemamālinaḥ|| sugrīva kuru taṃ śabdaṃ niṣpated yena vānaraḥ|
Though fallen in distress before, I never spoke an untruth, being always guided by an inclination to acquire virtue. Like to the deity of hundred sacrifices causing the rice fields bring forth their fruits by means of profuse showers, I shall fulfil my promise by dint of my prowess. Do you therefore renounce all doubts about it. Do you call, Vāli, wearing a golden garland. Do you make such a sound, O Sugriva, as may bring out that monkey chief (from his city).
— M.N. Dutt (1891–94, public domain)
जितकाशी जयश्लाघी त्वया चाधर्षितः पुरात्॥ निष्पतिष्यत्यसङ्गेन वाली स प्रियसंयुगः। रिपूणां धर्षितं श्रुत्वा मर्षयन्ति न संयुगे॥ जानन्तस्तु स्वकं वीर्यं स्त्रीसमक्षं विशेषतः।
jitakāśī jayaślāghī tvayā cādharṣitaḥ purāt|| niṣpatiṣyatyasaṅgena vālī sa priyasaṃyugaḥ| ripūṇāṃ dharṣitaṃ śrutvā marṣayanti na saṃyuge|| jānantastu svakaṃ vīryaṃ strīsamakṣaṃ viśeṣataḥ|
He has subdued his breath, is proud of victory and fond of warfare; you could not repress him before. Forsooth that Vāli shall come out, leaving the company (of his wives). Hearing the war cry of his enemy, he shall never put up with it, specially, as he boasteth of his prowess before his wives.
— M.N. Dutt (1891–94, public domain)
स तु रामवचः श्रुत्वा सुग्रीवो हेमपिङ्गलः॥ ननर्द क्रूरनादेन विनिर्भिन्दनिवाम्बरम्।
sa tu rāmavacaḥ śrutvā sugrīvo hemapiṅgalaḥ|| nanarda krūranādena vinirbhindanivāmbaram|
Hearing Rāma's words. Sugrīva, having a gold-yellow hue, set up a terrible roar, as if riving the sky.
— M.N. Dutt (1891–94, public domain)
तत्र शब्देन विवस्ता गावो यान्ति हतप्रभाः॥ राजदोषपरामृष्टाः कुलस्त्रिय इवाकुलाः।
tatra śabdena vivastā gāvo yānti hataprabhāḥ|| rājadoṣaparāmṛṣṭāḥ kulastriya ivākulāḥ|
Terrified by that sound, the kine, losing their countenance do move hither and thither like to damsels, oppressed on account of their kings' neglecting (to protect them).
— M.N. Dutt (1891–94, public domain)
द्रवन्ति च मृगाः शीघ्रं भग्ना इव रणे हयाः। पतन्ति च खगा भूमौ क्षीणपुण्या इव ग्रहाः॥
dravanti ca mṛgāḥ śīghraṃ bhagnā iva raṇe hayāḥ| patanti ca khagā bhūmau kṣīṇapuṇyā iva grahāḥ||
And the deer fly away like to the horses defeated in a warfare. And the birds fall down on the earth, like to planets, losing their purity.
— M.N. Dutt (1891–94, public domain)
ततः स जीमूतकृतप्रणादो नादं ह्यमुञ्चत् त्वरया प्रतीतः। सूर्यात्मजः शौर्यविवृद्धतेजाः सरित्पतिर्वानिलचञ्चलोमिः॥
tataḥ sa jīmūtakṛtapraṇādo nādaṃ hyamuñcat tvarayā pratītaḥ| sūryātmajaḥ śauryavivṛddhatejāḥ saritpatirvānilacañcalomiḥ||
Thereupon confiding in Rāma's words, that son, of Suryya (Sun) having his energy enhanced by means of his prowess resembling the ocean agitated by the wind, began to roar like to cloud.
— M.N. Dutt (1891–94, public domain)