पुरा राम महाबाहो महाबलपराक्रमम्। रूपमासीन्ममाचिन्त्यं त्रिषु लोकेषु विश्रुतम्॥ यथा सूर्यस्य सोमस्य शक्रस्य च यथा वपुः। सोऽहं रूपमिदं कृत्वा लोकवित्रासनं महत्॥ ऋषीन् वनगतान् राम त्रासयामि ततस्ततः।
purā rāma mahābāho mahābalaparākramam| rūpamāsīnmamācintyaṃ triṣu lokeṣu viśrutam|| yathā sūryasya somasya śakrasya ca yathā vapuḥ| so'haṃ rūpamidaṃ kṛtvā lokavitrāsanaṃ mahat|| ṛṣīn vanagatān rāma trāsayāmi tatastataḥ|
O Mighty armed Rāma of great prowess, formerly my beauty, beyond conception, was known all over the three worlds, like to the beauty of the Sun, the Moon and Indra. I used to frighten everywhere the ascetics living in the forest by turning this my beauty into a terrific form.
— M.N. Dutt (1891–94, public domain)
ततः स्थूलशिरा नाम महर्षिः कोपितो मया॥ स तन्वन् विविधं वन्यं रूपेणानेन धर्षितः। तेनाहमुक्तः प्रेक्ष्यैवं घोरशापाभिधायिना॥
tataḥ sthūlaśirā nāma maharṣiḥ kopito mayā|| sa tanvan vividhaṃ vanyaṃ rūpeṇānena dharṣitaḥ| tenāhamuktaḥ prekṣyaivaṃ ghoraśāpābhidhāyinā||
Once on a time assuming this terrible shape I assailed and enraged the great ascetic Sthulasira collecting diverse wild fruits. Thereupon he imprecated curses upon me.
— M.N. Dutt (1891–94, public domain)
एतदेवं नृशंसं ते रूपमस्तु विगर्हितम्। स मया याचितः क्रुद्धः शापस्यान्तो भवेदिति॥ अभिशापकृतस्येति तेनेदं भाषितं वचः।
etadevaṃ nṛśaṃsaṃ te rūpamastu vigarhitam| sa mayā yācitaḥ kruddhaḥ śāpasyānto bhavediti|| abhiśāpakṛtasyeti tenedaṃ bhāṣitaṃ vacaḥ|
Do you retain this ghastly shape hated of all mankind. Upon my praying to that angry ascetic for my relief from that curse, he said.
— M.N. Dutt (1891–94, public domain)
यदा छित्वा भुजौ रामस्त्वां दहेद् विजने वने॥ तदा त्वं प्राप्स्यसे रूपं स्वमेव विपुलं शुभम्। श्रिया विराजितं पुत्रं दनोस्त्वं विद्धि लक्ष्मण॥
yadā chitvā bhujau rāmastvāṃ dahed vijane vane|| tadā tvaṃ prāpsyase rūpaṃ svameva vipulaṃ śubham| śriyā virājitaṃ putraṃ danostvaṃ viddhi lakṣmaṇa||
You shall regain your stalwart and beautiful shape when you shall be burnt by Rāma in a dense forest having got your arms dissevered by him.
— M.N. Dutt (1891–94, public domain)
इन्द्रशापादिदं रूपं प्राप्तमेवं रणाजिरे। अहं हि तपसोग्रेण पितामहमथोषयम्॥ दीर्घमायुः स मे प्रादात् ततो मां विभ्रमोऽस्पृशत्। दीर्घमायुर्मया प्राप्तं किं मां शक्रः करिष्यति॥
indraśāpādidaṃ rūpaṃ prāptamevaṃ raṇājire| ahaṃ hi tapasogreṇa pitāmahamathoṣayam|| dīrghamāyuḥ sa me prādāt tato māṃ vibhramo'spṛśat| dīrghamāyurmayā prāptaṃ kiṃ māṃ śakraḥ kariṣyati||
O Lakşmaņa, know me to be the beautiful son of Danu. Through Indra's curse in the battle field I have been metamorphosed into my present shape. After I had pleased him with hard austerites, the Grand-Father of the celestials conferred on me a long life. And therefore I was inflamed with pride assailed Indra in a conflict, thinking within me, 'I have gained a long life-what can Indra do me?'
— M.N. Dutt (1891–94, public domain)
इत्येवं बुद्धिमास्थाय रणे शक्रमधर्षयम्। तस्य बाहुप्रमुक्तेन वज्रेण शतपर्वणा॥ सक्थिनी च शिरश्चैव शरीरे सम्प्रवेशितम्।
ityevaṃ buddhimāsthāya raṇe śakramadharṣayam| tasya bāhupramuktena vajreṇa śataparvaṇā|| sakthinī ca śiraścaiva śarīre sampraveśitam|
Thereupon by his thunderbolt, having hundred edges hurled off his hands, my thighs were shattered and my head thrusted into my body.
— M.N. Dutt (1891–94, public domain)
स मया याच्यमानः सन् नानयद् यमसादनम्॥ पितामहवचः सत्यं तदस्त्विति ममाब्रवीत्।
sa mayā yācyamānaḥ san nānayad yamasādanam|| pitāmahavacaḥ satyaṃ tadastviti mamābravīt|
Myself praying for the close of my life, he did not despatch me to the abode of Yama. He only said May the words of the Grand Sire prove true.'
— M.N. Dutt (1891–94, public domain)
अनाहारः कथं शक्तो भग्नसक्थिशिरोमुखः॥ वज्रेणाभिहतः कालं सुदीर्घमपि जीवितुम्। स एवमुक्तः शक्रो मे बाहू योजनमायतौ॥ तदा चास्यं च मे कृक्षौ तीक्ष्णदंष्ट्रमकल्पयत्।
anāhāraḥ kathaṃ śakto bhagnasakthiśiromukhaḥ|| vajreṇābhihataḥ kālaṃ sudīrghamapi jīvitum| sa evamuktaḥ śakro me bāhū yojanamāyatau|| tadā cāsyaṃ ca me kṛkṣau tīkṣṇadaṃṣṭramakalpayat|
Where to I replied 'How shall I live long without any food, being smitten by you having a thunderbolt in your hand, and having my head, thighs and mouth crushed down?' Thereat Indra made my hands extending over a Yojana and placed my mouth, having sharpened teeth, on my belly.
— M.N. Dutt (1891–94, public domain)
सोऽहं भुजाभ्यां दीर्घाभ्यां संक्षिप्यास्मिन्वनेचरान्॥ सिंहद्वीपिमृगव्याघ्रान् भक्षयामि समन्ततः।
so'haṃ bhujābhyāṃ dīrghābhyāṃ saṃkṣipyāsminvanecarān|| siṃhadvīpimṛgavyāghrān bhakṣayāmi samantataḥ|
Thenceforth, stretching out my long arms I used to devour all lions, tigers, wolves and deer ranging the forest.
— M.N. Dutt (1891–94, public domain)
स तु मामब्रवीदिन्द्रो यदा रामः सलक्ष्मणः॥ छेत्स्यते समरे बाहू तदा स्वर्गं गमिष्यति।
sa tu māmabravīdindro yadā rāmaḥ salakṣmaṇaḥ|| chetsyate samare bāhū tadā svargaṃ gamiṣyati|
Indra said to me, 'You shall attain to heaven when Rāma, along with Laksmana, shall cut off your arms in a battle.'
— M.N. Dutt (1891–94, public domain)
अनेन वपुषा तात वनेऽस्मिन् राजसत्तम ॥ यद् यत् पश्यामि सर्वस्य ग्रहणं साधु रोचये। अवश्यं ग्रहणं रामो मन्येऽहं समुपैष्यति॥ इमां बुद्धिं पुरस्कृत्य देहन्यासकृतश्रमः। स त्वं रामोऽसि भद्रं ते नाहमन्येन राघव॥ शक्यो हन्तुं यथा तत्त्वमेवमुक्तं महर्षिणा।
anena vapuṣā tāta vane'smin rājasattama || yad yat paśyāmi sarvasya grahaṇaṃ sādhu rocaye| avaśyaṃ grahaṇaṃ rāmo manye'haṃ samupaiṣyati|| imāṃ buddhiṃ puraskṛtya dehanyāsakṛtaśramaḥ| sa tvaṃ rāmo'si bhadraṃ te nāhamanyena rāghava|| śakyo hantuṃ yathā tattvamevamuktaṃ maharṣiṇā|
Acting under the conviction that Rāma, resolved to destroy my person, shall surely come within the compass of my arms, I do always assail with relish, O worshipful one, O you best of kings, every animal I meet with in this forest. You are that Rāma. My good betide you, O Rāghva. Verily did the great ascetic speak to me that none should be able to assail me but Rāma.
— M.N. Dutt (1891–94, public domain)
अहं हि मतिसाचिव्यं करिष्यामि नरर्षभ॥ मित्रं चैवोपदेक्ष्यामि युवाभ्यां संस्कृतोऽग्निना।
ahaṃ hi matisācivyaṃ kariṣyāmi nararṣabha|| mitraṃ caivopadekṣyāmi yuvābhyāṃ saṃskṛto'gninā|
Being cremated by you, I shall counsel you best and tell you with whom you should contract friendship.
— M.N. Dutt (1891–94, public domain)
एवमुक्तस्तु धर्मात्मा. दनुना तेन राघवः॥ इदं जगाद वचनं लक्ष्मणस्य च पश्यतः।
evamuktastu dharmātmā. danunā tena rāghavaḥ|| idaṃ jagāda vacanaṃ lakṣmaṇasya ca paśyataḥ|
Being thus addressed by Danu, the virtuoussouled Rāghva spoke before listening Lakşmaņa.
— M.N. Dutt (1891–94, public domain)
रावणेन हृता भार्या सीता मम यशस्विनी॥ निष्क्रान्तस्य जनस्थानात् सह भ्रात्रा यथासुखम्। नाममात्रं तु जानामि न रूपं तस्य रक्षसः॥
rāvaṇena hṛtā bhāryā sītā mama yaśasvinī|| niṣkrāntasya janasthānāt saha bhrātrā yathāsukham| nāmamātraṃ tu jānāmi na rūpaṃ tasya rakṣasaḥ||
My renowned spouse Sītā was easily ravished by Rāvaņa after I had gone out of Janasthana along with my brother. I know that Raksasa's name only—but do not know his whereabouts, his figure and his prowess.
— M.N. Dutt (1891–94, public domain)
निवासं वा प्रभावं वा वयं तस्य न विद्महे। शोकार्तानामनाथानामेवं विपरिधावताम्॥ कारुण्यं सदृशं कर्तुमुपकारेण वर्तताम्।
nivāsaṃ vā prabhāvaṃ vā vayaṃ tasya na vidmahe| śokārtānāmanāthānāmevaṃ viparidhāvatām|| kāruṇyaṃ sadṛśaṃ kartumupakāreṇa vartatām|
It behove you to show proper compassion for us, who have been stricken with grief, who are helpless, have been ranging this forest in this way and are, ever engaged in the well-being of others*. This sloka may be rendered in another way:Do you continue benefiting us by showing proper compassion for us, who are stricken with grief helpless and ranging the forest in this way. We have however adopted here the commentator Rāmāņaya's explanation.
— M.N. Dutt (1891–94, public domain)
काष्ठान्यानीय भग्नानि काले शुष्कानि कुञ्जरैः॥ धक्ष्यामस्त्वां वयं वीर श्वभ्रे महति कल्पिते।
kāṣṭhānyānīya bhagnāni kāle śuṣkāni kuñjaraiḥ|| dhakṣyāmastvāṃ vayaṃ vīra śvabhre mahati kalpite|
O, hero, we shall burn you after collecting all the branches that have been broken down by the elephants and dried up in time, and digging a big trench.
— M.N. Dutt (1891–94, public domain)
स त्वं सीतां समाचक्ष्व येन वा यत्र वा हृता॥ कुरु कल्याणमत्यर्थं यदि जानासि तत्त्वतः।
sa tvaṃ sītāṃ samācakṣva yena vā yatra vā hṛtā|| kuru kalyāṇamatyarthaṃ yadi jānāsi tattvataḥ|
Do you tell us who has carried away Sītā? And where? If do you know it truly do you perform us this good service.
— M.N. Dutt (1891–94, public domain)
एवमुक्तस्तु रामेण वाक्यं दनुरनुत्तमम्॥ प्रोवाच कुशलो वक्ता वक्तारमपि राघवम्।
evamuktastu rāmeṇa vākyaṃ danuranuttamam|| provāca kuśalo vaktā vaktāramapi rāghavam|
Thereat the Rākşasa, skilled in speech, spoke to Rāghava, addressing him thus.
— M.N. Dutt (1891–94, public domain)
दिव्यमस्ति न मे ज्ञानं नाभिजानामि मैथिलीम्॥ यस्तां वक्ष्यति तं वक्ष्ये दग्धः स्वं रूपमास्थितः। योऽभिजानाति तद्रक्षस्तद् वक्ष्ये राम तत्परम्॥
divyamasti na me jñānaṃ nābhijānāmi maithilīm|| yastāṃ vakṣyati taṃ vakṣye dagdhaḥ svaṃ rūpamāsthitaḥ| yo'bhijānāti tadrakṣastad vakṣye rāma tatparam||
I am not gifted with divine fore-sight and therefore do not know where Maithilī is. I shall let you know of him who shall be able to tell you all about her, after I resume my original shape, being burnt (by you). I shall furthermore tell you, O Rāma, who knows that Räksasa.
— M.N. Dutt (1891–94, public domain)
अदग्धस्य हि विज्ञातुं शक्तिरस्ति न मे प्रभो। राक्षसं तु महावीर्यं सीता येन हृता तव॥
adagdhasya hi vijñātuṃ śaktirasti na me prabho| rākṣasaṃ tu mahāvīryaṃ sītā yena hṛtā tava||
Without being burnt I am incapable of being cognizant of that highly powerful Rākṣasa who has carried away your Sītā.
— M.N. Dutt (1891–94, public domain)
विज्ञानं हि महद् भ्रष्टं शापदोषेण राघव। स्वकृतेन मया प्राप्तं रूपं लोकविगर्हितम्॥
vijñānaṃ hi mahad bhraṣṭaṃ śāpadoṣeṇa rāghava| svakṛtena mayā prāptaṃ rūpaṃ lokavigarhitam||
By the influence of curse, I have lost my foresight and by my own improper actions I have been transformed into this ugly figure.
— M.N. Dutt (1891–94, public domain)
किं तु यावन्न यात्यस्तं सविता श्रान्तवाहनः। तावन्मामवटे क्षिप्त्वा दह राम यथाविधि॥
kiṃ tu yāvanna yātyastaṃ savitā śrāntavāhanaḥ| tāvanmāmavaṭe kṣiptvā daha rāma yathāvidhi||
Do you cremate me according to the prescribed rites after throwing me into the ditch before the sun, with his worn out carriers descends into the western horizon.
— M.N. Dutt (1891–94, public domain)
दग्धस्त्वयाहमवटे न्यायेन रघुनन्दन । वक्ष्यामि तं महावीर यस्तं वेत्स्यति राक्षसम्॥
dagdhastvayāhamavaṭe nyāyena raghunandana | vakṣyāmi taṃ mahāvīra yastaṃ vetsyati rākṣasam||
Being burnt by you in the ditch, with due ceremonials, O descendant of Raghu, I shall inention, to you, one who knows that Rāksasa.
— M.N. Dutt (1891–94, public domain)
तेन सख्यं च कर्तव्यं न्याय्यवृत्तेन राघव। कल्पयिष्यति ते वीर साहाय्यं लघुविक्रम॥
tena sakhyaṃ ca kartavyaṃ nyāyyavṛttena rāghava| kalpayiṣyati te vīra sāhāyyaṃ laghuvikrama||
O Raghava, O fleet-footed hero, do you contract friendship with him gifted with good qualities and he shall assist you.
— M.N. Dutt (1891–94, public domain)
नहि तस्यास्त्यविज्ञातं त्रिषु लोकेषु राघव। सर्वान् परिवृतो लोकान् पुरा वै कारणान्तरे॥
nahi tasyāstyavijñātaṃ triṣu lokeṣu rāghava| sarvān parivṛto lokān purā vai kāraṇāntare||
There is nothing unknown to him, O Rāghava is the three worlds. Formerly for some reasons he had travelled all over them.
— M.N. Dutt (1891–94, public domain)
