हत्वा तु तं भीमबलं विराधं राक्षसं वने। ततः सीतां परिष्वज्य समाश्वास्य च वीर्यवान्॥ अब्रवीद् भ्रातरं रामो लक्ष्मणं दीप्ततेजसम्। कष्टं वनमिदं दुर्गं न च स्मो वनगोचराः॥ अभिगच्छामहे शीघ्रं शरभङ्गं तपोधनम्। आश्रमं शरभङ्गस्य राघवोऽभिजगाम ह॥
hatvā tu taṃ bhīmabalaṃ virādhaṃ rākṣasaṃ vane| tataḥ sītāṃ pariṣvajya samāśvāsya ca vīryavān|| abravīd bhrātaraṃ rāmo lakṣmaṇaṃ dīptatejasam| kaṣṭaṃ vanamidaṃ durgaṃ na ca smo vanagocarāḥ|| abhigacchāmahe śīghraṃ śarabhaṅgaṃ tapodhanam| āśramaṃ śarabhaṅgasya rāghavo'bhijagāma ha||
Having in the forest slain the Rākṣasa Virādha possessed of tremendous strength, Rāma endued with prowess, embracing and cheering Sītā, spoke to his brother Lakşınaņa of flaming energy, saying, This dense forest is hard to live in; nor are reacquainted with the was of the wood. Therefore will we speedily repair to the ascetic Sarabhanga. Thereupon Rāghava set out for the hermitage of Sarabhanga.
— M.N. Dutt (1891–94, public domain)
तस्य देवप्रभावस्य तपसा भावितात्मनः। समीपे शरभङ्गस्य ददर्श महदद्भुतम्॥
tasya devaprabhāvasya tapasā bhāvitātmanaḥ| samīpe śarabhaṅgasya dadarśa mahadadbhutam||
And Rāma beheld a mighty wonder near that one of celestial virtue, who had purified his soul through asceticism.
— M.N. Dutt (1891–94, public domain)
विभ्राजमानं वपुषा सूर्यवैश्वानरप्रभम्। रथप्रवरमारूढमाकाशे विबुधानुगम्॥ असंस्पृशन्तं वसुधां ददर्श विबुधेश्वरम्। सम्प्रभाभरणं देवं विरजोऽम्बरधारिणम्॥
vibhrājamānaṃ vapuṣā sūryavaiśvānaraprabham| rathapravaramārūḍhamākāśe vibudhānugam|| asaṃspṛśantaṃ vasudhāṃ dadarśa vibudheśvaram| samprabhābharaṇaṃ devaṃ virajo'mbaradhāriṇam||
He saw the lord of the celestials, possessed of a resplendent person, resembling in effulgence the sun or Vaisvanara-mounted on a superb car (saw) him that is followed by all the celestials, stationed in the sky, not touching the earth, adorned in luminous ornaments-the god dressed in a clean appear!
— M.N. Dutt (1891–94, public domain)
तद्विधैरेव बहुभिः पूज्यमानं महात्मभिः। हरितैर्वाजिभिर्युक्तमन्तरिक्षगतं रथम्॥ ददर्शादूरतस्तस्य तरुणादित्यसंनिभम्।
tadvidhaireva bahubhiḥ pūjyamānaṃ mahātmabhiḥ| haritairvājibhiryuktamantarikṣagataṃ ratham|| dadarśādūratastasya taruṇādityasaṃnibham|
Worshipped by many a high-should personage dressed in the same way. And from a distance, (Rāma) saw the car stationed in the sky yoked with green steeds-resembling the infant sun;
— M.N. Dutt (1891–94, public domain)
पाण्डुराभ्रघनप्रख्यं चन्द्रमण्डलसंनिभम्॥ अपश्यद् विमलं छत्रं चित्रमाल्योपशोभितम्।
pāṇḍurābhraghanaprakhyaṃ candramaṇḍalasaṃnibham|| apaśyad vimalaṃ chatraṃ citramālyopaśobhitam|
And he saw the spotless umbrella possessing the beauty of a mass of white clouds, resembling the lunar disc, and graced with variegated wreaths.
— M.N. Dutt (1891–94, public domain)
चामरव्यजने चाग्ये रुक्मदण्डे महाधने॥ गृहीते वरनारीभ्यां धूयमाने च मूर्धनि।
cāmaravyajane cāgye rukmadaṇḍe mahādhane|| gṛhīte varanārībhyāṃ dhūyamāne ca mūrdhani|
And his (Indira's) head was being fanned by two chowris, costly and furnished with golden handles, held by two magnificent damsels; and innumerable Gandharvas and Siddhas and prime sages were hymning the celestial stationed in the welkin. And seeing Sarabhanga engaged in converse with Satakratu, Rāma said to Laksmana (the following words). And pointing out the car, Rāma showed the wonder to his brother.
— M.N. Dutt (1891–94, public domain)
गन्धर्वामरसिद्धाश्च बहवः परमर्षयः॥ अन्तरिक्षगतं देवं गीर्भिरग्र्याभिरैडयन्। सह सम्भाषमाणे तु शरभङ्गेन वासवे॥ दृष्ट्वा शतक्रतुं तत्र रामो लक्ष्मणमब्रवीत्। रामोऽथ रथमुद्दिश्य भ्रातुर्दर्शयताद्भुतम्॥ अर्चिष्मन्तं श्रिया जुष्टमद्भुतं पश्य लक्ष्मण । प्रतपन्तमिवादित्यमन्तरिक्षगतं रथम्॥
gandharvāmarasiddhāśca bahavaḥ paramarṣayaḥ|| antarikṣagataṃ devaṃ gīrbhiragryābhiraiḍayan| saha sambhāṣamāṇe tu śarabhaṅgena vāsave|| dṛṣṭvā śatakratuṃ tatra rāmo lakṣmaṇamabravīt| rāmo'tha rathamuddiśya bhrāturdarśayatādbhutam|| arciṣmantaṃ śriyā juṣṭamadbhutaṃ paśya lakṣmaṇa | pratapantamivādityamantarikṣagataṃ ratham||
Behold, O Laksmana, yonder car stationed in the sky, splendid, furnished with exceeding grace, wonderful, and seeming as if the sun had fallen from the heavens.
— M.N. Dutt (1891–94, public domain)
ये हयाः पुरुहूतस्य पुरा शक्रस्य नः श्रुताः। अन्तरिक्षगता दिव्यास्त इमे हरयो ध्रुवम्॥
ye hayāḥ puruhūtasya purā śakrasya naḥ śrutāḥ| antarikṣagatā divyāsta ime harayo dhruvam||
The steeds standing in the sky are for certain those of which we had formerly heard as beionging to Sakra of many sacrifices.
— M.N. Dutt (1891–94, public domain)
इमे च पुरुषव्याघ्र ये तिष्ठन्त्यभितो दिशम्। शतं शतं कुण्डलिनो युवानः खङ्गपाणयः॥ विस्तीर्णविपुलोरस्काः परिघायतबाहवः।। शोणांशुवसनाः सर्वे व्याघ्रा इव दुरासदाः॥
ime ca puruṣavyāghra ye tiṣṭhantyabhito diśam| śataṃ śataṃ kuṇḍalino yuvānaḥ khaṅgapāṇayaḥ|| vistīrṇavipuloraskāḥ parighāyatabāhavaḥ|| śoṇāṃśuvasanāḥ sarve vyāghrā iva durāsadāḥ||
And, you foremost of men, these youths envisioning (the celestial) by hundreds, wearing earrings, and bearing swords in their hands, are broad of chest, have arms resembling bludgeons in size, and are clad in crimson vesture, like to tigers incapable of being approached.
— M.N. Dutt (1891–94, public domain)
उरोदेशेषु सर्वेषां हारा ज्वलनसंनिभाः। रूपं विभ्रति सौमित्रे पञ्चविंशतिवार्षिकम्॥
urodeśeṣu sarveṣāṃ hārā jvalanasaṃnibhāḥ| rūpaṃ vibhrati saumitre pañcaviṃśativārṣikam||
Over the breasts of all appear chains of blazing sheen; and, O son of Sumitrā, their beauty appears that of five and twenty.
— M.N. Dutt (1891–94, public domain)
एतद्धि किल देवानां वयो भवति नित्यदा। यथेमे पुरुषव्याघ्रा दृश्यन्ते प्रियदर्शनाः॥
etaddhi kila devānāṃ vayo bhavati nityadā| yatheme puruṣavyāghrā dṛśyante priyadarśanāḥ||
And even this is the ever-enduring age of the celestials, as these foremost of men of sweet looks appear.
— M.N. Dutt (1891–94, public domain)
इहैव सह वैदेह्या मुहूर्तं तिष्ठ लक्ष्मण। यावज्जानाम्यहं व्यक्तं क्व एष द्युतिमान् रथे॥
ihaiva saha vaidehyā muhūrtaṃ tiṣṭha lakṣmaṇa| yāvajjānāmyahaṃ vyaktaṃ kva eṣa dyutimān rathe||
O Laksmana, stay here awhile with Vaidehi, so long as I do not gather who it is that is in the effulgent car.
— M.N. Dutt (1891–94, public domain)
तमेवमुक्त्वा सौमित्रिमिहैव स्थीयतामिति। अभिचक्राम काकुत्स्थः शरभङ्गाश्रमं प्रति॥
tamevamuktvā saumitrimihaiva sthīyatāmiti| abhicakrāma kākutsthaḥ śarabhaṅgāśramaṃ prati||
Saying to Sumitrās son, Stay here, Kākutstha bent his steps towards Sarabhaiga's asylum.
— M.N. Dutt (1891–94, public domain)
ततः समभिगच्छन्तं प्रेक्ष्य रामं शचीपतिः। शरभङ्गमनुज्ञाप्य विबुधानिदमब्रवीत्॥
tataḥ samabhigacchantaṃ prekṣya rāmaṃ śacīpatiḥ| śarabhaṅgamanujñāpya vibudhānidamabravīt||
And seeing Rāma approach, Saci's lord, taking Sarabhanga's permission, addressed the celestials.
— M.N. Dutt (1891–94, public domain)
इहोपयात्यसौ रामो यावन्मां नाभिभाषते। निष्ठां नयत तावत् तु ततो माद्रष्टुमर्हति॥
ihopayātyasau rāmo yāvanmāṃ nābhibhāṣate| niṣṭhāṃ nayata tāvat tu tato mādraṣṭumarhati||
Rāma is coming hither. Do you set out for another place, ere he yet addresses me. He is not fit to behold me (now.)
— M.N. Dutt (1891–94, public domain)
जितवन्तं कृतार्थं हि तदाहमचिरादिमम्। कर्म ह्यनेन कर्तव्यं महदन्यैः सुदुष्करम्॥
jitavantaṃ kṛtārthaṃ hi tadāhamacirādimam| karma hyanena kartavyaṃ mahadanyaiḥ suduṣkaram||
When he shall have vanquished (his foe in fight) and won success, shall I readily show myself to him. He shall have to achieve an act incapable of being achieved by others.
— M.N. Dutt (1891–94, public domain)
अथ वज्री तमामन्त्र्य मानयित्वा च तापसम्। रथेन हययुक्तेन ययौ दिवमरिंदमः॥
atha vajrī tamāmantrya mānayitvā ca tāpasam| rathena hayayuktena yayau divamariṃdamaḥ||
Then rendering homage to that anchorite and conversing with him, the wielder of the thunderbolt-subduer of enemies-repaired to heaven in a car yoked with steeds.
— M.N. Dutt (1891–94, public domain)
प्रयाते तु सहस्राक्षे राघवः सपरिच्छदः। अग्निहोत्रमुपासीनं शरभङ्गमुपागमत्॥
prayāte tu sahasrākṣe rāghavaḥ saparicchadaḥ| agnihotramupāsīnaṃ śarabhaṅgamupāgamat||
When the thousand-eyed one had gone away, Rāghava accompanied by his companions appeared before Sarabhanga in the (Agni-hotra) chamber.
— M.N. Dutt (1891–94, public domain)
तस्य पादौ च संगृह्य रामः सीता च लक्ष्मणः। निषेदुस्तदनुज्ञाता लब्धवासा निमन्त्रिताः॥
tasya pādau ca saṃgṛhya rāmaḥ sītā ca lakṣmaṇaḥ| niṣedustadanujñātā labdhavāsā nimantritāḥ||
Taking his feet, Rāma, Sītā and Lakşmaņa sat down with the permission of the ascetic, who received them and set apart quarters for them.
— M.N. Dutt (1891–94, public domain)
ततः शक्रोपयानं तु पर्यपृच्छत राघवः। शरभङ्गश्च तत् सर्वं राघवाय न्यवेदयत्॥
tataḥ śakropayānaṃ tu paryapṛcchata rāghavaḥ| śarabhaṅgaśca tat sarvaṃ rāghavāya nyavedayat||
Then Rāghava questioned (the sage) concerning the visit of Sakra; and Sarabhanga related everything to Rāghava.
— M.N. Dutt (1891–94, public domain)
मामेष वरदो राम ब्रह्मलोकं निनीषति। जितमुग्रेण तपसा दुष्प्रापमकृतात्मभिः॥
māmeṣa varado rāma brahmalokaṃ ninīṣati| jitamugreṇa tapasā duṣprāpamakṛtātmabhiḥ||
O Rāma, this bestower of boons wishes to take me to the regions of Brahmā. I have conquered them, incapable of being attained by persons that have not schooled themselves, by virtue of fierce austerities.
— M.N. Dutt (1891–94, public domain)
अहं ज्ञात्वा नरव्याघ्र वर्तमानमदूरतः। ब्रह्मलोकं न गच्छामि त्वामदृष्ट्वा प्रियातिथिम्॥
ahaṃ jñātvā naravyāghra vartamānamadūrataḥ| brahmalokaṃ na gacchāmi tvāmadṛṣṭvā priyātithim||
O chief of men, knowing that you were near, I became anxious to go to the minor celestial regions and the supreme heaven (of Brahmā), after I had seen you, righteous and high-souled, who are my dear guest now.
— M.N. Dutt (1891–94, public domain)
त्वयाहं पुरुषव्याघ्र धार्मिकेण महात्मना। समागम्य गमिष्यामि त्रिदिवं चावरं परम्॥ अक्षया नरशार्दूल जिता लोका मया शुभाः। ब्राह्मयाश्च नाकपृष्ठ्याश्च प्रतिगृह्णीष्व मामकान्॥
tvayāhaṃ puruṣavyāghra dhārmikeṇa mahātmanā| samāgamya gamiṣyāmi tridivaṃ cāvaraṃ param|| akṣayā naraśārdūla jitā lokā mayā śubhāḥ| brāhmayāśca nākapṛṣṭhyāśca pratigṛhṇīṣva māmakān||
O foremost of men, having had a meeting with you, a high-souled prince of righteous nature, I have for aye attained the excellent regions of Brahmã and Nākaprştha. Do you receive them as pertaining to me.
— M.N. Dutt (1891–94, public domain)
एवमुक्तो नरव्याघ्रः सर्वशास्त्रविशारदः। ऋषिणा शरभङ्गेन राघवो वाक्यमब्रवीत् ॥
evamukto naravyāghraḥ sarvaśāstraviśāradaḥ| ṛṣiṇā śarabhaṅgena rāghavo vākyamabravīt ||
Thus addressed by the sage, Sarabhanga, that best of men, Rāghava, versed in every branch of learning, said.
— M.N. Dutt (1891–94, public domain)
अहमेवाहरिष्यामि सर्वांल्लोकान् महामुने। आवासं त्वहमिच्छामि प्रदिष्टमिह कानने॥
ahamevāhariṣyāmi sarvāṃllokān mahāmune| āvāsaṃ tvahamicchāmi pradiṣṭamiha kānane||
O mighty anchorite, I shall acquire all those regions myself. I now wish that you may direct me as to my abode in this forest.
— M.N. Dutt (1891–94, public domain)
राघवेणैवमुक्तस्तु शक्रतुल्यबलेन वै। शरभङ्गो महाप्राज्ञः पुनरेवाब्रवीद् वचः॥
rāghaveṇaivamuktastu śakratulyabalena vai| śarabhaṅgo mahāprājñaḥ punarevābravīd vacaḥ||
Thus accosted by Rāghava resembling Sakra in strength, the eminently wise Sarabhanga again said,
— M.N. Dutt (1891–94, public domain)
इह राम महातेजाः : सुतीक्ष्णो नाम धार्मिकः। वसत्यरण्ये नियतः स ते श्रेयो विधास्यति॥
iha rāma mahātejāḥ : sutīkṣṇo nāma dhārmikaḥ| vasatyaraṇye niyataḥ sa te śreyo vidhāsyati||
O Rāma, here in this forest lives a pious and self-restrained ascetic of mighty energy, named Sutiksna. He will bring about your good.
— M.N. Dutt (1891–94, public domain)
सुतीक्ष्णमभिगच्छ त्वं शुचौ देशे तपस्विनम्। रमणीये वनोद्देशे स ते वासं विधाास्यति॥ इमां मन्दाकिनी राम प्रतिस्रोतामनुव्रज । नदी पुषपोडुपवहां ततस्तत्र गमिष्यसि ॥
sutīkṣṇamabhigaccha tvaṃ śucau deśe tapasvinam| ramaṇīye vanoddeśe sa te vāsaṃ vidhāāsyati|| imāṃ mandākinī rāma pratisrotāmanuvraja | nadī puṣapoḍupavahāṃ tatastatra gamiṣyasi ||
O Rāma, follow this Mandākini flowing among flowers, which (here runs in an opposite direction to her usual course; and then will you reach there.
— M.N. Dutt (1891–94, public domain)
एष पन्था नरव्याघ्र मुहर्तं पश्य तात माम्। यावज्जहामि गात्राणि जीर्णां त्वचमिवोरगः॥
eṣa panthā naravyāghra muhartaṃ paśya tāta mām| yāvajjahāmi gātrāṇi jīrṇāṃ tvacamivoragaḥ||
This is your course, you best of men. Do you now, my child, for a space look at me; while I leave of my limbs, even as a serpent renounces its slough.
— M.N. Dutt (1891–94, public domain)
ततोऽग्नि स समाधाय हुत्वा चाज्येन मन्त्रवत्। शरभङ्गो महातेजाः प्रविवेश हुताशनम्॥
tato'gni sa samādhāya hutvā cājyena mantravat| śarabhaṅgo mahātejāḥ praviveśa hutāśanam||
Then preparing a .fire and with Mantras a offering obiations into it, the exceedingly energetic Sarabhanga entered into the fire.
— M.N. Dutt (1891–94, public domain)
तस्य रोमाणि केशांश्च तदा वह्निर्महात्मनः। जीर्णां त्वचं तदस्थीनि यच्च मांसं च शोणितम्॥
tasya romāṇi keśāṃśca tadā vahnirmahātmanaḥ| jīrṇāṃ tvacaṃ tadasthīni yacca māṃsaṃ ca śoṇitam||
The fire consumed the down, hair, old skin, bones, flesh and blood of that high-souled one.
— M.N. Dutt (1891–94, public domain)
स च पावकसंकाशः कुमारः समपद्यत। उत्थायाग्निचयात् तस्माच्छरभङ्गो व्यरोचत ॥
sa ca pāvakasaṃkāśaḥ kumāraḥ samapadyata| utthāyāgnicayāt tasmāccharabhaṅgo vyarocata ||
(Anon) Śarabharga became youth resembling fire; and rising from the flame, he appeared splendid.
— M.N. Dutt (1891–94, public domain)
स लोकानाहिताग्नीनामृषीणां च महात्मनाम्। देवानां च व्यतिक्रम्य ब्रह्मलोकं व्यरोहत॥
sa lokānāhitāgnīnāmṛṣīṇāṃ ca mahātmanām| devānāṃ ca vyatikramya brahmalokaṃ vyarohata||
And proceeding past the regions of highsouled sages sacrificing with fire, as well as of the celestials, he ascended those of Brahmā.
— M.N. Dutt (1891–94, public domain)
स पुण्यकर्मा भुवने द्विजर्षभः पितामहं सानुचरं ददर्श ह। पितामहश्चापि समीक्ष्य तं द्विजं ननन्द सुस्वागतमित्युवाच ह ॥
sa puṇyakarmā bhuvane dvijarṣabhaḥ pitāmahaṃ sānucaraṃ dadarśa ha| pitāmahaścāpi samīkṣya taṃ dvijaṃ nananda susvāgatamityuvāca ha ||
That one of pious acts done on earth-that best of the twice-born the grandfather, in company with his followers. And the grand-father also, beholding that Brahmana, rejoiced greatly, and said-Hail! race-saw
— M.N. Dutt (1891–94, public domain)
