Siraatअयोध्याकाण्डः सर्गः 81
13 verses
ततो नान्दीमुखीं रात्रि भरतं सूतमागधाः। तुष्टुवुः सविशेषज्ञाः स्तवैर्मङ्गलसंस्तवैः॥
tato nāndīmukhīṃ rātri bharataṃ sūtamāgadhāḥ| tuṣṭuvuḥ saviśeṣajñāḥ stavairmaṅgalasaṃstavaiḥ||
Then seeing that the night in which had been performed the auspicious preliminary ceremonies, was about to be spent, eulogists and genealogists hymned Bharata with consecrated hymns.
— M.N. Dutt (1891–94, public domain)
सुवर्णकोणाभिहतः प्राणदद्यामदुन्दुभिः। दध्मुः शङ्खांश्च शतशो वाद्यांश्चोच्चावचस्वरान्॥
suvarṇakoṇābhihataḥ prāṇadadyāmadundubhiḥ| dadhmuḥ śaṅkhāṃśca śataśo vādyāṃścoccāvacasvarān||
And then sounded the kettle-drum, beaten by a golden stick, announcing the departure of the night; and people sounded conchs and other instruments by hundreds furnished with soft and loud sounds.
— M.N. Dutt (1891–94, public domain)
स तूर्यघोषः सुमहान् दिवमापूरयन्निव। भरतं शोकसंतप्तं भूयः शोकैररन्धयत्॥
sa tūryaghoṣaḥ sumahān divamāpūrayanniva| bharataṃ śokasaṃtaptaṃ bhūyaḥ śokairarandhayat||
And as if filling the heavens, those powerful blasts of the trumpet repeatedly rendered Bharata burning in grief the more aggrieved.
— M.N. Dutt (1891–94, public domain)
ततः प्रबुद्धो भरतस्तं घोषं संनिवर्त्य च। नाहं राजेति चोक्त्वा तं शत्रुघ्नमिदमब्रवीत्॥
tataḥ prabuddho bharatastaṃ ghoṣaṃ saṃnivartya ca| nāhaṃ rājeti coktvā taṃ śatrughnamidamabravīt||
Then awaking and silencing those sounds with saying, “I am not the king," he said to Satrughna.
— M.N. Dutt (1891–94, public domain)
पश्य शत्रुघ्न कैकेय्या लोकस्यापकृतं महत्। विसृज्य मयि दुःखानि राजा दशरथो गतः॥
paśya śatrughna kaikeyyā lokasyāpakṛtaṃ mahat| visṛjya mayi duḥkhāni rājā daśaratho gataḥ||
Behold, O Satrughna, in what a mighty wrong the people are engaged, on account of Kaikeyi. The king Dasaratha has gone away throwing down on me (the burthen of) this misery.
— M.N. Dutt (1891–94, public domain)
तस्यैषा धर्मराजस्य धर्ममूला महात्मनः। परिभ्रमति राजश्रीनौरिवाकर्णिका जले॥
tasyaiṣā dharmarājasya dharmamūlā mahātmanaḥ| paribhramati rājaśrīnaurivākarṇikā jale||
The royal grace founded in righteousness of that magnanimous and virtuous monarch is wandering even like a boat on water having no helmsman.
— M.N. Dutt (1891–94, public domain)
यो हि नः सुमहान् नाथः सोऽपि प्रव्राजितो वने। अनया धर्ममुत्सृज्य मात्रा मे राघवः स्वयम्।७।।
yo hi naḥ sumahān nāthaḥ so'pi pravrājito vane| anayā dharmamutsṛjya mātrā me rāghavaḥ svayam|7||
And he who is our mighty master has been banished into the woods by this mother of mine, who had (in doing so) renounced virtue.
— M.N. Dutt (1891–94, public domain)
इत्येवं भरतं वीक्ष्य विलपन्तमचेतनम्। कृपणा रुरुदुः सर्वाः सुस्वरं योषितस्तदा॥
ityevaṃ bharataṃ vīkṣya vilapantamacetanam| kṛpaṇā ruruduḥ sarvāḥ susvaraṃ yoṣitastadā||
Seeing Bharata lamenting thus senseless, the ladies afflicted with sorrow began to wail in winsome accents.
— M.N. Dutt (1891–94, public domain)
तथा तस्मिन् विलपति वसिष्ठो राजधर्मवित्। सभामिक्ष्वाकुनाथस्य प्रविवेश महायशाः॥ शातकुम्भमयीं रम्यां मणिहेमसमाकुलाम्। सुधर्मामिव धर्मात्मा सगणः प्रत्यपद्यत ॥ स काञ्चनमयं पीठं स्वस्त्यास्तरणसंवृतम्। अध्यास्त सर्ववेदज्ञो दूताननुशशास च॥
tathā tasmin vilapati vasiṣṭho rājadharmavit| sabhāmikṣvākunāthasya praviveśa mahāyaśāḥ|| śātakumbhamayīṃ ramyāṃ maṇihemasamākulām| sudharmāmiva dharmātmā sagaṇaḥ pratyapadyata || sa kāñcanamayaṃ pīṭhaṃ svastyāstaraṇasaṃvṛtam| adhyāsta sarvavedajño dūtānanuśaśāsa ca||
As Bharata was mourning thus, the highly famous and virtuous Vasistha accompanied by his disciples entered the court of the Ikşvāku king: built of entire gold, charming, dazzling with gems and gold: like to Sudharmä its. Sitting down on a golden seat furnished with a elegant cover, that one versed in all the Vedas commanded the envoys, saying.
— M.N. Dutt (1891–94, public domain)
ब्राह्मणान् क्षत्रियान् योधानमात्यान् गणवल्लभान्। क्षिप्रमानयताव्यग्राः कृत्यमात्ययिकं हि नः॥ सराजपुत्रं शत्रुघ्नं भरतं च यशस्विनम्। युधाजितं सुमन्त्रं च ये च तत्र हिता जनाः॥
brāhmaṇān kṣatriyān yodhānamātyān gaṇavallabhān| kṣipramānayatāvyagrāḥ kṛtyamātyayikaṃ hi naḥ|| sarājaputraṃ śatrughnaṃ bharataṃ ca yaśasvinam| yudhājitaṃ sumantraṃ ca ye ca tatra hitā janāḥ||
Do you speedily with collected minds bring hither Brāhmaṇas and Kștriyas and warriors and counsellors and generals of forces and Satrughna with the other princes, and the famous Bharata and Yuddhajit* and Sumantra and others that are engaged in our welfare. *One of the counsellors.
— M.N. Dutt (1891–94, public domain)
ततो हलहलाशब्दो महान् समुदपद्यत। रथैरश्वैर्गजैश्चापि जनानामुपगच्छताम्॥
tato halahalāśabdo mahān samudapadyata| rathairaśvairgajaiścāpi janānāmupagacchatām||
Then there arose a mighty hubbub occasioned by people coming up in cars, horses and elephants.
— M.N. Dutt (1891–94, public domain)
ततो भरतमायान्तं शतक्रतुमिवामराः। प्रत्यनन्दन् प्रकृतयो यथा दशरथं तथा॥
tato bharatamāyāntaṃ śatakratumivāmarāḥ| pratyanandan prakṛtayo yathā daśarathaṃ tathā||
When Bharata arrived, the subjects rejoiced as they used to rejoice on Daſaratha's arrival; and as rejoiced the immortals on the arrival of him of an hundred sacrifices.
— M.N. Dutt (1891–94, public domain)
हृद इव तिमिनागसंवृतः स्तिमितजलो मणिशङ्खशर्करः। दशरथसुतशोभिता सभा सदशरथेव बभूव सा पुरा॥
hṛda iva timināgasaṃvṛtaḥ stimitajalo maṇiśaṅkhaśarkaraḥ| daśarathasutaśobhitā sabhā sadaśaratheva babhūva sā purā||
And then the court resembling a moveless ocean containing whales and serpents,* and gems and conchs and gold-mines, being graced with the presence of Dasaratha's son, looked splendid as it formerly did with that of Dasaratha himself. *Nāga may also mean hypopotamus.
— M.N. Dutt (1891–94, public domain)