Siraatउत्तरकाण्डः सर्गः 90
17 verses
तथोक्तवति रामे तु तस्य जन्म तदद्भुतम्। उवाच लक्ष्मणो भूयो भरतश्च महायशाः॥
tathoktavati rāme tu tasya janma tadadbhutam| uvāca lakṣmaṇo bhūyo bharataśca mahāyaśāḥ||
Rāma having thus described the wonderful birth of Pururavā, the illustrious Bharata and Lakşmaņa asked him again saying.
— M.N. Dutt (1891–94, public domain)
इला सा सोमपुत्रस्य संवत्सरमथोषिता। अकरोत्कि नरश्रेष्ठ तत्त्वं शंसितुमर्हसि ॥
ilā sā somaputrasya saṃvatsaramathoṣitā| akarotki naraśreṣṭha tattvaṃ śaṃsitumarhasi ||
O foremost of men, tell us what did Ila afterwards do after living in the company of Soma's son for a year.
— M.N. Dutt (1891–94, public domain)
तयोस्तद्वाक्यमाधुर्यं निशम्य परिपृच्छतोः। रामः पुनरुवाचेदं प्रजापतिसुते कथाम्॥
tayostadvākyamādhuryaṃ niśamya paripṛcchatoḥ| rāmaḥ punaruvācedaṃ prajāpatisute kathām||
Hearing their sweet words Råma again began with the story of Kardama's son and said.
— M.N. Dutt (1891–94, public domain)
पुरुषत्वं गते शूरे बुधः परमबुद्धिमान्। संवत परमोदारमाजुहाव महायशाः॥ च्यवनं भृगुपुत्रं च मुनिं चारिष्टनेमिनम्। प्रमोदनं मोदकरं ततो दुर्वाससं मुनिम्॥ एतान्सर्वान्समानीय वाक्यज्ञस्तत्त्वदर्शनः। उवाच सर्वान्सुहृदो धैर्येण सुसमाहितान्॥
puruṣatvaṃ gate śūre budhaḥ paramabuddhimān| saṃvata paramodāramājuhāva mahāyaśāḥ|| cyavanaṃ bhṛguputraṃ ca muniṃ cāriṣṭaneminam| pramodanaṃ modakaraṃ tato durvāsasaṃ munim|| etānsarvānsamānīya vākyajñastattvadarśanaḥ| uvāca sarvānsuhṛdo dhairyeṇa susamāhitān||
In turn, the heroic Ila, having regained his manhood, the highly illustrious and intelligent Budha, well-informed of birth and well-skilled in the are of speech, sent for the highly liberal Samvarta, Bhrgu's son Cyavana, Aristanemi, the foremost of Munis, Durvasa, capable of affording delight, and other friends gifted with patience and said.
— M.N. Dutt (1891–94, public domain)
अयं राजा महाबाहुः कर्दमस्य इलः सुतः। जानीतैनं यथाभूतं श्रेयो ह्यत्र विधीयताम्॥
ayaṃ rājā mahābāhuḥ kardamasya ilaḥ sutaḥ| jānītainaṃ yathābhūtaṃ śreyo hyatra vidhīyatām||
You all know well, how this mighty-armed Ila, Kardama's son, attained to this peculiar condition.
— M.N. Dutt (1891–94, public domain)
तेषां संवदतामेव द्विजैः सह महात्मभिः। कर्दमस्तु महातेजास्तदाश्रममुपागमत्।८।।
teṣāṃ saṃvadatāmeva dvijaiḥ saha mahātmabhiḥ| kardamastu mahātejāstadāśramamupāgamat|8||
There upon while those high-souled ones were conversing upon this subject, the highly effulgent Kardama arrived at the hermitage.
— M.N. Dutt (1891–94, public domain)
पुलस्त्यश्च क्रतुश्चैव वषट्कारस्तथैव च। ओङ्कारश्च महातेजास्वमाश्रममुपागमन्॥
pulastyaśca kratuścaiva vaṣaṭkārastathaiva ca| oṅkāraśca mahātejāsvamāśramamupāgaman||
Pulastya, Kratu, Vaşatkāra and the highly effulgent Omkāra came there following him.
— M.N. Dutt (1891–94, public domain)
ते सर्वे हृष्टमनसः परस्परसमागमे। हितैषिणो बाल्हिपतेः पृथग्वाक्यान्यथाब्रुवन्॥
te sarve hṛṣṭamanasaḥ parasparasamāgame| hitaiṣiṇo bālhipateḥ pṛthagvākyānyathābruvan||
Being greatly delighted for their arrival they all gave out their individual opinion for bringing about the well-being of the king of Valhika.
— M.N. Dutt (1891–94, public domain)
कर्दमस्त्वब्रवीद्वाक्यं सुतार्थं परमं हितम्। द्विजाः शृणुत मद्वाक्यं यच्छ्रेयः पार्थिवस्य हि॥
kardamastvabravīdvākyaṃ sutārthaṃ paramaṃ hitam| dvijāḥ śṛṇuta madvākyaṃ yacchreyaḥ pārthivasya hi||
For the welfare of his son, the patriarch Kardama said: Hear, O twice-born ones, how the well-being of the king Ila may be secured.
— M.N. Dutt (1891–94, public domain)
नान्यं पश्यामि भैषज्यमन्तरा वृषभध्वजम्। नाश्वमेधात्परो यज्ञः प्रियश्चैव महात्मनः॥
nānyaṃ paśyāmi bhaiṣajyamantarā vṛṣabhadhvajam| nāśvamedhātparo yajñaḥ priyaścaiva mahātmanaḥ||
For this decease do not find any other good medicine but Umā's lord. And save Aśvamedha there is no other sacrifice more favourite to the high-souled deity.
— M.N. Dutt (1891–94, public domain)
तस्माद्यजामहे सर्वे पार्थिवार्थे दुरासदम्। कर्दमैवमुक्तास्तु सर्व एव द्विजर्षभाः॥ रोचयन्ति स्म तं यज्ञं रुद्रस्याराधनं प्रति। संवर्तस्य तु राजर्षिः शिष्यः परपुरंजयः॥ मरुत्त इति विख्यातस्तं यज्ञं समुपाहरत्।
tasmādyajāmahe sarve pārthivārthe durāsadam| kardamaivamuktāstu sarva eva dvijarṣabhāḥ|| rocayanti sma taṃ yajñaṃ rudrasyārādhanaṃ prati| saṃvartasya tu rājarṣiḥ śiṣyaḥ parapuraṃjayaḥ|| marutta iti vikhyātastaṃ yajñaṃ samupāharat|
Let us all therefore celebrate that hard sacrifice on behalf of this king. Thereupon the wors of Kardama, Samvarta's disciple, the royal saint Marutta, the conqueror of enemies, collected all articles for the sacrifice.
— M.N. Dutt (1891–94, public domain)
ततो यज्ञो महानासीद्धाश्रमसमीपतः॥ रुद्रश्च परमं तोषमाजगाम महायशाः। अथ यज्ञे समाप्ते तु प्रीतः परमया मुदा ।।१६। उमापतिर्द्विजान्सर्वानुवाच इलसंनिधौ।
tato yajño mahānāsīddhāśramasamīpataḥ|| rudraśca paramaṃ toṣamājagāma mahāyaśāḥ| atha yajñe samāpte tu prītaḥ paramayā mudā ||16| umāpatirdvijānsarvānuvāca ilasaṃnidhau|
There upon in the vicinity of Budha's hermitage that mighty sacrifice was celebrated. And by that the Great Rudra lord of Umā, attained to delight and said to the twice-born ones, and others at the end of that sacrifice in the presence of the king Ila.
— M.N. Dutt (1891–94, public domain)
प्रीतोऽस्मि हयमेधेन भक्त्या च द्विजसत्तमाः।।१७। अस्य बाल्हिपतेश्चैव किं करोमि प्रियं शुभम्।
prīto'smi hayamedhena bhaktyā ca dvijasattamāḥ||17| asya bālhipateścaiva kiṃ karomi priyaṃ śubham|
O foremost of twice-born ones, I have been greatly delighted with this sacrifice and your devotion. Tell me now, what I can do for this king of Valhika.
— M.N. Dutt (1891–94, public domain)
तथा वदति देवेशे द्विजास्ते सुसमाहिताः॥ प्रसादयन्ति देवेशं यथा स्यात्पुरुषस्त्विला।
tathā vadati deveśe dvijāste susamāhitāḥ|| prasādayanti deveśaṃ yathā syātpuruṣastvilā|
Hearing the words of Mahādeva, the Brāhmaṇas having propitiated him with great devotion, prayed for Ila's manhood.
— M.N. Dutt (1891–94, public domain)
ततः प्रीतो महादेवः पुरुषत्वं ददौ पुनः॥ इलायै सुमहातेजा दत्त्वा चान्तरधीयत।
tataḥ prīto mahādevaḥ puruṣatvaṃ dadau punaḥ|| ilāyai sumahātejā dattvā cāntaradhīyata|
There upon delighted the highly effulgent Mahādeva, having having conferred upon him manhood, disappeared.
— M.N. Dutt (1891–94, public domain)
निवृत्ते हयमेधे च गते चादर्शनं हरे॥ यथागतं द्विजाः सर्वे तेऽगच्छन्दीर्घदर्शिनः। राजा तु बाह्निमुत्सृज्य मध्यदेशे ह्यनुत्तमम्॥ निवेशयामास पुरं प्रतिष्ठानं यशस्करम्। शशबिन्दुश्च राजर्षिर्बाहिं परपुरंजयः॥ प्रतिष्ठाने इलो राजा प्रजापतिसुतो बली। स काले प्राप्तवॉल्लोकमिलो ब्राह्ममनुत्तमम्॥ ऐलः पुरूरवा राजा प्रतिष्ठानमवाप्तवान्।
nivṛtte hayamedhe ca gate cādarśanaṃ hare|| yathāgataṃ dvijāḥ sarve te'gacchandīrghadarśinaḥ| rājā tu bāhnimutsṛjya madhyadeśe hyanuttamam|| niveśayāmāsa puraṃ pratiṣṭhānaṃ yaśaskaram| śaśabinduśca rājarṣirbāhiṃ parapuraṃjayaḥ|| pratiṣṭhāne ilo rājā prajāpatisuto balī| sa kāle prāptavaॉllokamilo brāhmamanuttamam|| ailaḥ purūravā rājā pratiṣṭhānamavāptavān|
In this wise the horse-sacrifice being finished and Mahadeva having disappeared, the farseeing and leading twice-born ones repaired to their respective hermitages. And having placed his eldest son Śaśabindu as the king of the country of Valhika, the king Ila reared another city in the middle country. In time Ila attained to the excellent Brahmä region and his son Pururavå obtained that Pratişthāna kingdom.
— M.N. Dutt (1891–94, public domain)
ईदृशो ह्यश्वमेधस्य प्रभावः पुरुषर्षभ। स्त्रीपूर्वः पौरुषं लेभे।। यच्चान्यदपि दुर्लभम्।।२४
īdṛśo hyaśvamedhasya prabhāvaḥ puruṣarṣabha| strīpūrvaḥ pauruṣaṃ lebhe|| yaccānyadapi durlabham||24
O foremost of men, such is the power of the horse-sacrifice, that the king Ila, though converted into a female, regained manhood by virtue thereof.
— M.N. Dutt (1891–94, public domain)