Siraatउत्तरकाण्डः सर्गः 83
15 verses
तच्छ्रुत्वा भाषितं तस्य रामस्याक्लिष्टकर्मणः। द्वास्थः कुमारावाहूय राघवाय न्यवेदयत्॥
tacchrutvā bhāṣitaṃ tasya rāmasyākliṣṭakarmaṇaḥ| dvāsthaḥ kumārāvāhūya rāghavāya nyavedayat||
According to the command of Räma of unwearied actions, the warders went to the princes and communicated to them (the arrival).
— M.N. Dutt (1891–94, public domain)
दृष्ट्वा तु राघवः प्राप्तावुभौ भरतलक्ष्मणौ। परिष्वज्य ततो रामो वाक्यमेतदुवाच ह॥
dṛṣṭvā tu rāghavaḥ prāptāvubhau bharatalakṣmaṇau| pariṣvajya tato rāmo vākyametaduvāca ha||
Beholding Bharata and Lakşmaņa present, Rāma embraced them and said.
— M.N. Dutt (1891–94, public domain)
कृतं मया यथा तथ्यं द्विजकार्यमनुत्तमम्। धर्मसेतुमथो भूयः कर्तुमिच्छामि राघवौ॥ अक्षयश्चाव्ययश्चैव धर्मसेतुर्मतो मम। धर्मप्रवचनं चैव सर्वपापप्रणाशनम्॥
kṛtaṃ mayā yathā tathyaṃ dvijakāryamanuttamam| dharmasetumatho bhūyaḥ kartumicchāmi rāghavau|| akṣayaścāvyayaścaiva dharmaseturmato mama| dharmapravacanaṃ caiva sarvapāpapraṇāśanam||
I have, as promised, performed the work of the excellent twice-born one. I wish now to perform a Rājasūya sacrifice, the source of religious glory, the destroyer of all sins, inexhaustible and un-ending.
— M.N. Dutt (1891–94, public domain)
युवाभ्यामात्मभूताभ्यां राजसूयमनुत्तमम्। सहितो यष्टुमिच्छामि तत्र धर्मस्तु शाश्वतः॥
yuvābhyāmātmabhūtābhyāṃ rājasūyamanuttamam| sahito yaṣṭumicchāmi tatra dharmastu śāśvataḥ||
Therefore, with you like my own self, I wish to engage in the most excellent and eternal Rājasūya sacrifice.
— M.N. Dutt (1891–94, public domain)
इष्ट्वा तु राजसूयेन मित्रः शत्रुनिबर्हणः। सुहुतेन सुयज्ञेन वरुणत्वमुपागमत्॥
iṣṭvā tu rājasūyena mitraḥ śatrunibarhaṇaḥ| suhutena suyajñena varuṇatvamupāgamat||
O slayer of foes, by celebrating Rājasūya, Mitra attained to the dignity of Varuņa.
— M.N. Dutt (1891–94, public domain)
सोमश्च राजसूयेन इष्ट्वा धर्मेण धर्मवित्। प्राप्तश्च सर्वलोकेषु कीर्ति स्थानं च शाश्वतम्॥
somaśca rājasūyena iṣṭvā dharmeṇa dharmavit| prāptaśca sarvalokeṣu kīrti sthānaṃ ca śāśvatam||
And having celebrated the Soma sacrifice, conversant with piety, established eternal fame in the three worlds.
— M.N. Dutt (1891–94, public domain)
अस्मिन्नहनि यच्छ्रेयश्चिन्त्यतां तन्मया सह । हितं चायतियुक्तं च प्रयतौ वक्तुमर्हथः॥
asminnahani yacchreyaścintyatāṃ tanmayā saha | hitaṃ cāyatiyuktaṃ ca prayatau vaktumarhathaḥ||
Do you therefore consult with me even today as to what is proper. Do you consider carefully and tell me what is auspicious and productive of well-being in the long run.
— M.N. Dutt (1891–94, public domain)
श्रुत्वा तु राघवस्यैतद्वाक्यं वाक्यविशारदः। भरतः प्राञ्जलिर्भूत्वा वाक्यमेतदुवाच ह।।।।। त्वयि धर्मः परः साधो त्वयि सर्वा वसुंधरा। प्रतिष्ठिता महाबाहो यशश्चामितविक्रम॥
śrutvā tu rāghavasyaitadvākyaṃ vākyaviśāradaḥ| bharataḥ prāñjalirbhūtvā vākyametaduvāca ha||||| tvayi dharmaḥ paraḥ sādho tvayi sarvā vasuṃdharā| pratiṣṭhitā mahābāho yaśaścāmitavikrama||
Hearing the words of Raghava, Bharata, wellskilled in the are of speech, with folded hands, said O pious Sir, in you are established piety, earth and fame.
— M.N. Dutt (1891–94, public domain)
महीपालाश्च सर्वे त्वां प्रजापतिमिवामराः। निरीक्षन्ते महात्मानं लोकनाथं यथा वयम्॥ पुत्राश्च पितृवद्राजन्पश्यन्ति त्वां महाबल। पृथिव्या गतिभूतोऽसि प्राणिनामपि राघव॥ स त्वमेवंविधं यज्ञमाहर्तासि कथं नृप। पृथिव्या राजवंशानां विनाशो यत्र दृश्यते॥
mahīpālāśca sarve tvāṃ prajāpatimivāmarāḥ| nirīkṣante mahātmānaṃ lokanāthaṃ yathā vayam|| putrāśca pitṛvadrājanpaśyanti tvāṃ mahābala| pṛthivyā gatibhūto'si prāṇināmapi rāghava|| sa tvamevaṃvidhaṃ yajñamāhartāsi kathaṃ nṛpa| pṛthivyā rājavaṃśānāṃ vināśo yatra dṛśyate||
O you of unmitigated prowess, as the deities honour the patriarch so other kings hold you in reverence. O king, all creatures mobile and immobile consider you as their father. O you of great strength, you are the refuge of all animals and of the universe. Therefore of what use is such a sacrifice to you? In such a sacrifice all the royal families meet with ruin.
— M.N. Dutt (1891–94, public domain)
पृथिव्यां ये च पुरुषा राजन्पौरुषमागताः। सर्वेषां भविता तत्र संक्षयः सर्वकोपजः॥
pṛthivyāṃ ye ca puruṣā rājanpauruṣamāgatāḥ| sarveṣāṃ bhavitā tatra saṃkṣayaḥ sarvakopajaḥ||
O king! all those men, who are proud of manliness, being incensed with great ire on the occasion of this sacrifice, shall bring ruin upon all.
— M.N. Dutt (1891–94, public domain)
सर्वं पुरुषशार्दूल गुणैरतुलविक्रम। पृथिवी नार्हसे हन्तुं वशे हि तव वर्तते॥
sarvaṃ puruṣaśārdūla guṇairatulavikrama| pṛthivī nārhase hantuṃ vaśe hi tava vartate||
O foremost of men, the whole earth has been brought under your subjection so it is not proper to devastate it.
— M.N. Dutt (1891–94, public domain)
भरतस्य तु तद्वाक्यं श्रुत्वामृतमयं यथा। प्रहर्षमतुलं लेभे रामः सत्यपराक्रमः॥ उवाच च शुभं वाक्यं कैकेय्यानन्दवर्धनम्। प्रीतोऽस्मि परितुष्टोऽस्मि तवाद्य वचनेऽनघ।।१७
bharatasya tu tadvākyaṃ śrutvāmṛtamayaṃ yathā| praharṣamatulaṃ lebhe rāmaḥ satyaparākramaḥ|| uvāca ca śubhaṃ vākyaṃ kaikeyyānandavardhanam| prīto'smi parituṣṭo'smi tavādya vacane'nagha||17
Hearing those sweet accents of Bharata, Rāma, having truth for his prowess, attained to incomparable delight, and addressed the enhancer of Kaikeyi's delight with kind words, saying: O you freed from sins, I have been greatly delighted with you.
— M.N. Dutt (1891–94, public domain)
इदं वचनमक्लीबं त्वया धर्मसमागतम्। व्याहृतं पुरुषव्याघ्र पृथिव्याः परिपालनम्॥
idaṃ vacanamaklībaṃ tvayā dharmasamāgatam| vyāhṛtaṃ puruṣavyāghra pṛthivyāḥ paripālanam||
O foremost of men, for the preservation of earth, you have given vent to words, without any hesitation, pregnant with manliness and piety.
— M.N. Dutt (1891–94, public domain)
एष्यदस्मदभिप्रायाद्राजसूयात्क्रतूत्तमात्। निवर्तयामि धर्मज्ञ तव सुव्याहृतेन च॥
eṣyadasmadabhiprāyādrājasūyātkratūttamāt| nivartayāmi dharmajña tava suvyāhṛtena ca||
O you conversant with piety, according to your wise counsels, I refrain from celebrating this Rājasūya sacrifice.
— M.N. Dutt (1891–94, public domain)
लोकपीडाकरं कर्म न कर्तव्यं विचक्षणैः। बालानां तु शुभं वाक्यं ग्राह्यं लक्ष्मणपूर्वज। तस्माच्छृणोमि ते वाक्यं साधु युक्तं महाबल।।२०
lokapīḍākaraṃ karma na kartavyaṃ vicakṣaṇaiḥ| bālānāṃ tu śubhaṃ vākyaṃ grāhyaṃ lakṣmaṇapūrvaja| tasmācchṛṇomi te vākyaṃ sādhu yuktaṃ mahābala||20
The wise should never undertake all those works which give affliction to people. O elder brother of Lakşmaņa, it is proper to take wise counsels even from a boy. O you of great strength, I therefore, hear your speech
— M.N. Dutt (1891–94, public domain)