तस्मिन्नेव ततः काले राजपुत्री त्वनिन्दिता। रूपयौवनसम्पन्नं भूषणोत्तमभूषितम्॥ ततो दृष्ट्वैव वैदेही रावणं राक्षसाधिपम्। प्रावेपत वरारोहा प्रावते कदली यथा॥
tasminneva tataḥ kāle rājaputrī tvaninditā| rūpayauvanasampannaṃ bhūṣaṇottamabhūṣitam|| tato dṛṣṭvaiva vaidehī rāvaṇaṃ rākṣasādhipam| prāvepata varārohā prāvate kadalī yathā||
Thereupon beholding Răvaņa-the lord of Rākṣasas, gifted with youth and beauty and adorned with an excellent dress, that excellent and blameless daughter of a king, Vaidehī, trembled like to a plantain tree shaken by the wind.
— M.N. Dutt (1891–94, public domain)
ऊरुभ्यामुदरं छाद्य बाहुभ्यां च पयोधरौ। उपविष्टा विशालाक्षी रुदती वरवर्णिनी॥
ūrubhyāmudaraṃ chādya bāhubhyāṃ ca payodharau| upaviṣṭā viśālākṣī rudatī varavarṇinī||
Having covered her belly with her legs and her breast with her hands, that one, having charming colour and expansive eyes, cried aloud.
— M.N. Dutt (1891–94, public domain)
दशग्रीवस्तु वैदेहीं रक्षितां राक्षसीगणैः। ददर्श दीनां दुःखार्ती नावं सन्नामिवार्णवे॥ असंवृतायामासीनां धरण्यां संशितव्रताम्। छिन्नां प्रपतितां भूमौ शाखामिव वनस्पतेः॥
daśagrīvastu vaidehīṃ rakṣitāṃ rākṣasīgaṇaiḥ| dadarśa dīnāṃ duḥkhārtī nāvaṃ sannāmivārṇave|| asaṃvṛtāyāmāsīnāṃ dharaṇyāṃ saṃśitavratām| chinnāṃ prapatitāṃ bhūmau śākhāmiva vanaspateḥ||
Arriving there the Ten-necked one beheld Vaidehi, guarded by the Raksasis, poorly, racked with grief like to a boat sunk in an ocean. Subject to hard penances, she, seated on the bare earth, appeared like a branch of a tree fallen on the ground
— M.N. Dutt (1891–94, public domain)
मलमण्डनदिग्धाङ्गी मण्डनार्हाममण्डनाम्। मृणाली पङ्कदिग्धेव विभाति न विभाति च॥
malamaṇḍanadigdhāṅgī maṇḍanārhāmamaṇḍanām| mṛṇālī paṅkadigdheva vibhāti na vibhāti ca||
Her limbs, where he used to wear ornaments, were covered with dirt and albeit worthy of ornaments, appeared without any like to a lotus covered with clay and therefore shining very indistinctly.
— M.N. Dutt (1891–94, public domain)
समीपं राजसिंहस्य रामस्य विदितात्मनः। संकल्पहयसंयुक्तैर्यान्तीमिव मनोरथैः॥
samīpaṃ rājasiṃhasya rāmasya viditātmanaḥ| saṃkalpahayasaṃyuktairyāntīmiva manorathaiḥ||
She was proceeding as it were to that lion of a king-Rāma, knowing his own-self, in her mind's chariot drawn by the horses of resolution.
— M.N. Dutt (1891–94, public domain)
शुष्यन्तीं रुदतीमेकां ध्यानशोकपरायणाम्। दुःखस्यान्तमपश्यन्ती रामां राममनुव्रताम्॥
śuṣyantīṃ rudatīmekāṃ dhyānaśokaparāyaṇām| duḥkhasyāntamapaśyantī rāmāṃ rāmamanuvratām||
And not beholding the end of her grief, that damsel, attached to Rāma, was keeping alone and reduced to a skeleton and overwhelmed with anxious thoughts and grief.
— M.N. Dutt (1891–94, public domain)
चेष्टमानामथाविष्टां पन्नगेन्द्रवधूमिव। धूप्यमानां ग्रहेणेव रोहिणीं धूमकेतुना॥
ceṣṭamānāmathāviṣṭāṃ pannagendravadhūmiva| dhūpyamānāṃ graheṇeva rohiṇīṃ dhūmaketunā||
She was troubled like to the daughter-in-law of the lord of serpents, of impeded course by means of incantations, and stricken with grief like to Rohini, possessed by Ketu.
— M.N. Dutt (1891–94, public domain)
वृत्तशीले कुले जातामाचारवति धार्मिके। पुनः संस्कारमापन्नां जातामिव च दुष्कुले॥
vṛttaśīle kule jātāmācāravati dhārmike| punaḥ saṃskāramāpannāṃ jātāmiva ca duṣkule||
And although born in a pious family, well behaved and good-natured and married according to their rites, she appeared to have been sprung form a low race and wedded according to their base ceremonials.
— M.N. Dutt (1891–94, public domain)
सन्नामिव महाकीर्तिं श्रद्धामिव विमानिताम्। प्रज्ञामिव परिक्षीणामाशां प्रतिहतामिव ॥ आयतीमिव विध्वस्तामाज्ञां प्रतिहतामिव । दीप्तामिव दिशं काले पूजामपहतामिव ॥ पौर्णमासीमिव निशां तमोग्रस्तेन्दुमण्डलाम्। पद्मिनीमिव विध्वस्तां हतशूरां चमूमिव ॥ प्रभामिव तमोध्वस्तामुपक्षीणामिवापगाम्। वेदीमिव परामृष्टां शान्तामग्निशिखामिव ॥ उत्कृष्टपर्णकमलां वित्रासितविहङ्गमाम्। हस्तिहस्तपरामृष्टामाकुलामिव पद्मिनीम्॥
sannāmiva mahākīrtiṃ śraddhāmiva vimānitām| prajñāmiva parikṣīṇāmāśāṃ pratihatāmiva || āyatīmiva vidhvastāmājñāṃ pratihatāmiva | dīptāmiva diśaṃ kāle pūjāmapahatāmiva || paurṇamāsīmiva niśāṃ tamograstendumaṇḍalām| padminīmiva vidhvastāṃ hataśūrāṃ camūmiva || prabhāmiva tamodhvastāmupakṣīṇāmivāpagām| vedīmiva parāmṛṣṭāṃ śāntāmagniśikhāmiva || utkṛṣṭaparṇakamalāṃ vitrāsitavihaṅgamām| hastihastaparāmṛṣṭāmākulāmiva padminīm||
She seemed like mighty fame disappearing, like respect disregarded, like intellect waning and hope disappointed; like a sacred altar trampled, like royal mandate disobeyed, like the quarters burnt by a firebrand; like offerings to God soiled; like the disc of the full-moon stricken with darkness, a lotus distressed, an army without a leader; like the raves of the moon enveloped with gloom, like a river of shallow water, like a sacrificial altar possessed by an outcast, like the flame of fire extinguished; like water fowls terrified and lotuses disturbed and petals crushed by the trunks of elephants.
— M.N. Dutt (1891–94, public domain)
पतिशोकातुरां शुष्कां नदी विस्रावितामिव। परया मृजया हीनां कृष्णपक्षे निशामिव ॥
patiśokāturāṃ śuṣkāṃ nadī visrāvitāmiva| parayā mṛjayā hīnāṃ kṛṣṇapakṣe niśāmiva ||
And her grace greatly famished by the absence of her husband she appeared like a river whose liquid contents were dried up. And not cleaning her limbs she appeared like a dark night.
— M.N. Dutt (1891–94, public domain)
सुकुमारी सुजाताङ्गी रत्नगर्भगृहोचिताम्। तप्यमानामिवोष्णेन मृणालीमचिरोद्धृताम्॥
sukumārī sujātāṅgī ratnagarbhagṛhocitām| tapyamānāmivoṣṇena mṛṇālīmaciroddhṛtām||
That one of graceful limbs, tender and worthy of living in a jewelled abode, being stricken with grief, seemed like a dried lotus-stalk just extracted from its bed.
— M.N. Dutt (1891–94, public domain)
गृहीतां लाडितां स्तम्भे यूथपेन विनाकृताम्। निःश्वसन्ती सुदुःखात गजराजवधूमिव ॥
gṛhītāṃ lāḍitāṃ stambhe yūthapena vinākṛtām| niḥśvasantī suduḥkhāta gajarājavadhūmiva ||
And she like the daughter-in-law of the lord of elephants, caught, separated from her band and tied to a pillar, was overwhelmed with grief and was sighing again and again.
— M.N. Dutt (1891–94, public domain)
एकया दीर्घया वेण्या शोभमानामयत्नतः। नीलया नीरदापाये वनराज्या महीमिव ॥
ekayā dīrghayā veṇyā śobhamānāmayatnataḥ| nīlayā nīradāpāye vanarājyā mahīmiva ||
A long lock of dark-blue hair, taken not the least care of, was on her back; and with this she appeared like to the earth covered with dark-blue forests at the expiration of the rainy season.
— M.N. Dutt (1891–94, public domain)
उपवासेन शोकेन ध्यानेन च भयेन च। परिक्षीणां कृशां दीनामल्पाहारां तपोधनाम्॥
upavāsena śokena dhyānena ca bhayena ca| parikṣīṇāṃ kṛśāṃ dīnāmalpāhārāṃ tapodhanām||
With fasts and grief, anxiety and fear, she was greatly weakened and reduced and gave up cating and took recourse to asceticism only.
— M.N. Dutt (1891–94, public domain)
आयाचमानां दुःखार्ता प्राञ्जलिं देवतामिव। भावेन रघुमुख्यस्य दशग्रीवपराभवम्॥
āyācamānāṃ duḥkhārtā prāñjaliṃ devatāmiva| bhāvena raghumukhyasya daśagrīvaparābhavam||
Stricken with grief, she seemed to have been offering prayers to that foremost of Raghus for the destruction of the Ten-necked one, like those to the deities with folded hands.
— M.N. Dutt (1891–94, public domain)
समीक्षमाणां रुदतीमनिन्दितां सुपक्ष्मताम्रायतशुक्ललोचनाम्। अनुव्रतां राममतीव मैथिली प्रलोभयामास वधाय रावणः॥
samīkṣamāṇāṃ rudatīmaninditāṃ supakṣmatāmrāyataśuklalocanām| anuvratāṃ rāmamatīva maithilī pralobhayāmāsa vadhāya rāvaṇaḥ||
Beholding that blameless Maithili, having expansive eyes with beautiful eye lashes, greatly attached to Rāma, and weeping Rāvana tempted her for his own destruction.
— M.N. Dutt (1891–94, public domain)
