Siraatकिष्किन्धाकाण्डः सर्गः 61
11 verses
ततस्तद् दारुणं कर्म दुष्करं सहसा कृतम्। आचचक्षे मुनेः सर्वं सूर्यानुगमनं तथा॥
tatastad dāruṇaṃ karma duṣkaraṃ sahasā kṛtam| ācacakṣe muneḥ sarvaṃ sūryānugamanaṃ tathā||
Thereat Sampāti related to the ascetic all about his fearful, arduous, and rash act of following up the sun.
— M.N. Dutt (1891–94, public domain)
भगवन् व्रणयुक्तत्वाल्लज्जया चाकुलेन्द्रियः। परिश्रान्तो न शक्नोमि वचनं परिभाषितुम्॥
bhagavan vraṇayuktatvāllajjayā cākulendriyaḥ| pariśrānto na śaknomi vacanaṃ paribhāṣitum||
O reverend sire, in consequence of my body suffering from sores, I, my senses bewildered from shame, and myself fatigued, cannot utter words.
— M.N. Dutt (1891–94, public domain)
अहं चैव जटायुश्च संघर्षाद् गर्वमोहितौ। आकाशं पतितौ दूराज्जिज्ञासन्तौ पराक्रमम्॥ कैलासशिखरे बद्ध्वा मुनीनामग्रतः पणम्। रविः स्यादनुयातव्यो यावदस्तं महागिरिम्॥
ahaṃ caiva jaṭāyuśca saṃgharṣād garvamohitau| ākāśaṃ patitau dūrājjijñāsantau parākramam|| kailāsaśikhare baddhvā munīnāmagrataḥ paṇam| raviḥ syādanuyātavyo yāvadastaṃ mahāgirim||
From pride for power of flight, I and Jatayu, being intoxicated by conceit, began to voyage the sky afar off, with the view of testing each other's prowess, binding ourselves by the vow that we would follow the Sun so long as he did not enter that mighty Setting mountain,-and appear before the ascetics on the summit of Kailāsa.
— M.N. Dutt (1891–94, public domain)
अप्यावां युगपत् प्राप्तावपश्याव महीतले। रथचक्रप्रमाणानि नगराणि पृथक् पृथक् ॥ क्वचिद् वादित्रघोषश्च क्वचिद् भूषणनिःस्वनः। गायन्ती: स्माङ्गना बह्वीः पश्यावो रक्तवाससः॥
apyāvāṃ yugapat prāptāvapaśyāva mahītale| rathacakrapramāṇāni nagarāṇi pṛthak pṛthak || kvacid vāditraghoṣaśca kvacid bhūṣaṇaniḥsvanaḥ| gāyantī: smāṅganā bahvīḥ paśyāvo raktavāsasaḥ||
And simultaneously plunging into the serial deep) we saw on the earth beneath separate cities resembling car-wheels; and here the sound of musical instruments, and there the tinklings of ornaments. And (at places) we beheld many a damsel clad in red attire, engaged in singing.
— M.N. Dutt (1891–94, public domain)
तूर्णमुत्पत्य चाकाशमादित्यपतमास्थितौ। आवामालोकयावस्तद् वनं शाद्वलसंस्थितम्॥
tūrṇamutpatya cākāśamādityapatamāsthitau| āvāmālokayāvastad vanaṃ śādvalasaṃsthitam||
And swiftly darting up into the sky and approaching the path of the Sun, we saw a wood interspersed with swards.
— M.N. Dutt (1891–94, public domain)
उपलैरिव संछन्ना दृश्यते भूः शिलोच्चयैः। आपगाभिश्च संवीता सूत्रैरिव वसुंधरा॥
upalairiva saṃchannā dṛśyate bhūḥ śiloccayaiḥ| āpagābhiśca saṃvītā sūtrairiva vasuṃdharā||
We saw the earth covered with crags and masses of rocks, and intersected by streams resembling threads.
— M.N. Dutt (1891–94, public domain)
हिमवांश्चैव विन्ध्यश्च मेरुश्च सुमहागिरिः। भूतले सम्प्रकाशन्ते नागा इव जलाशये॥ तीव्रः स्वेदश्च खेदश्च भयं चासीत् तदावयोः। समाविशत मोहश्च ततो मूर्छा च दारुणा॥
himavāṃścaiva vindhyaśca meruśca sumahāgiriḥ| bhūtale samprakāśante nāgā iva jalāśaye|| tīvraḥ svedaśca khedaśca bhayaṃ cāsīt tadāvayoḥ| samāviśata mohaśca tato mūrchā ca dāruṇā||
Himavān, and Vindhya, and that mighty mountain, Meru, appeared on the earth like elephants in a tank. Then we began to sweat, and to be filled with regret; and fear seized us both. And we became bewildered; and fainted away frightfully.* *Consequent on Jațāyu having dropped down.
— M.N. Dutt (1891–94, public domain)
न च दिग्ज्ञायते याम्या न चाग्नेयी न वारुणी। युगान्ते नियतो लोको हतो दग्ध इवाग्निना ॥
na ca digjñāyate yāmyā na cāgneyī na vāruṇī| yugānte niyato loko hato dagdha ivāgninā ||
We knew not the south, or the west, or the quarter presided over by Fire;' and the world that was still burning at the end of a Yuga, appeared (to us) as if it had been consumed quite.? 1. South-east. 2. The passage is obscure. This is however, all the explanation that the commentator has to give.
— M.N. Dutt (1891–94, public domain)
मनश्च मे हतं भूयश्चक्षुः प्राप्य तु संश्रयम्। यत्नेन महता ह्यस्मिन् मनः संधाय चक्षुषी॥ यत्नेन महता भूयो भास्करः प्रतिलोकितः। तुल्यपृथ्वीप्रमाणेन भास्करः प्रतिभाति नौ॥
manaśca me hataṃ bhūyaścakṣuḥ prāpya tu saṃśrayam| yatnena mahatā hyasmin manaḥ saṃdhāya cakṣuṣī|| yatnena mahatā bhūyo bhāskaraḥ pratilokitaḥ| tulyapṛthvīpramāṇena bhāskaraḥ pratibhāti nau||
My mind, combined with my eyes waxed feebler. And then fixing with might and main my eyes as well as my mind (on the sun), I could by a violent exercise of my energy behold the sun. And the sun shining, appeared to us like the earth in extent.
— M.N. Dutt (1891–94, public domain)
जटायुर्मामनापृच्छ्य निपपात महीं ततः। तं दृष्ट्वा तूर्णमाकाशादात्मानं मुक्तवानहम्॥ पक्षाभ्यां च मया गुप्तो जटायुर्न प्रदह्यत। प्रमादात् तत्र निर्दग्धः पतन् वायुपथादहम्॥ आशङ्के तं निपतितं जनस्थाने जटायुषम्। अहं तु पतितो विन्ध्ये दग्धपक्षो जडीकृतः॥
jaṭāyurmāmanāpṛcchya nipapāta mahīṃ tataḥ| taṃ dṛṣṭvā tūrṇamākāśādātmānaṃ muktavānaham|| pakṣābhyāṃ ca mayā gupto jaṭāyurna pradahyata| pramādāt tatra nirdagdhaḥ patan vāyupathādaham|| āśaṅke taṃ nipatitaṃ janasthāne jaṭāyuṣam| ahaṃ tu patito vindhye dagdhapakṣo jaḍīkṛtaḥ||
Then, without asking me Jațāyu dropped to the earth. Seeing him, I at once descended form the sky and Jațāyu and not burnt in consequence of having been shielded by my wings. And scathed through the agitation* I fell through the serial way. I guessed that Jațāyu fell in Janasthāna. And I myself, my wings blasted, and rendered inert, fell on Vindhya. *Rāmanuya comments: the confusion seized them as the sun was midway. They lost all ense of direction. The faint succeeded.
— M.N. Dutt (1891–94, public domain)
राज्याच्च हीनो भ्रात्रा च पक्षाभ्यां विक्रमेण च। सर्वथा मर्तुमेवेच्छन् पतिष्ये शिखराद् गिरेः॥
rājyācca hīno bhrātrā ca pakṣābhyāṃ vikrameṇa ca| sarvathā martumevecchan patiṣye śikharād gireḥ||
Deprived of my kingdom, and my brother, and my wings, and my prowess, I wishing to put a period to my existence, will hurl myself headlong from this summit of the mountain.
— M.N. Dutt (1891–94, public domain)