Siraatअयोध्याकाण्डः सर्गः 8
38 verses
मन्थरा त्वभ्यसूय्यैनामुत्सृज्याभरणं हि तत्। उवाचेदं ततो वाक्यं कोपदुःखसमन्विता॥
mantharā tvabhyasūyyaināmutsṛjyābharaṇaṃ hi tat| uvācedaṃ tato vākyaṃ kopaduḥkhasamanvitā||
Mantharā, making Kaikeyi the object of her wrath, threw off the noble ornament, and spoke these words, in anger and grief.
— M.N. Dutt (1891–94, public domain)
हर्ष किमर्थमस्थाने कृतवत्यसि बालिशे। शोकसागरमध्यस्थं नात्मानमबबुध्यसे॥
harṣa kimarthamasthāne kṛtavatyasi bāliśe| śokasāgaramadhyasthaṃ nātmānamababudhyase||
You senseless girl, wherefore do you display your joy on such an unfit occasion. You did not see that you are in the bosom of an ocean of grief. Being grieved at heart do I laugh at you inwardly.
— M.N. Dutt (1891–94, public domain)
मनसा प्रसहामि त्वां देवि दुःखादिता सती। यच्छोचितव्ये हृष्टासि प्राप्य त्वं व्यसनं महत्॥
manasā prasahāmi tvāṃ devi duḥkhāditā satī| yacchocitavye hṛṣṭāsi prāpya tvaṃ vyasanaṃ mahat||
O worshipful lady, because you having met with signal calamity, rejoices even in what should be lamented.
— M.N. Dutt (1891–94, public domain)
शोचामि दुर्मतित्वं ते का हि प्राज्ञा प्रहर्षयेत्। अरेः सपत्नीपुत्रस्य वृद्धिं मृत्योरिवागताम्॥
śocāmi durmatitvaṃ te kā hi prājñā praharṣayet| areḥ sapatnīputrasya vṛddhiṃ mṛtyorivāgatām||
I lament you for your perversion of sense. What sensible woman can rejoice in the advancement of a co-wife's son, like to death itself?
— M.N. Dutt (1891–94, public domain)
भरतादेव रामस्य राज्यसाधारणाद्भयम्। तद्विचिन्त्य विषण्णास्मि भयं भीताद्वि जायते॥
bharatādeva rāmasya rājyasādhāraṇādbhayam| tadvicintya viṣaṇṇāsmi bhayaṃ bhītādvi jāyate||
From Bharata proceeds Rāma's fear concerning the kingdom to which both have an equal claim. Thinking of this, I am pressed down with sorrow, because fear proceeds from the person who fears much.
— M.N. Dutt (1891–94, public domain)
लक्ष्मणो हि महाबाहू रामं सर्वात्मना गतः। शत्रुघ्नश्चापि भरतं काकुत्स्थं लक्ष्मणो यथा॥
lakṣmaṇo hi mahābāhū rāmaṃ sarvātmanā gataḥ| śatrughnaścāpi bharataṃ kākutsthaṃ lakṣmaṇo yathā||
The mighty armed Laksmana has for certain in all ways taken refuge in Rāma; and Satrughna like to Lakşmaņa has taken refuge in the Kakutstha, Bharata.
— M.N. Dutt (1891–94, public domain)
प्रत्यासत्रक्रमेणापि भरतस्यैव भामिनि । राज्यक्रमो विसृष्टस्तु तयोस्तावद्यवीयसोः॥ विदुषः क्षत्रचारित्रे प्राज्ञस्य प्राप्तकारिणः। भयात्प्रवेपे रामस्य चिन्तयन्ती तवात्मजम्॥
pratyāsatrakrameṇāpi bharatasyaiva bhāmini | rājyakramo visṛṣṭastu tayostāvadyavīyasoḥ|| viduṣaḥ kṣatracāritre prājñasya prāptakāriṇaḥ| bhayātpravepe rāmasya cintayantī tavātmajam||
With reference to gradation of birth, the probability is in favour of Bharata's attempting the kingdom; yet by reason (of Rāma's being the elder) of the two Bharata has been thrown off. Anticipating the peril that might spring to your son from Rāma, learned and versed in the functions of the Kșatriya, and of quick decision, I tremble.
— M.N. Dutt (1891–94, public domain)
सुभगा किल कौसल्या यस्याः पुत्रोऽभिषेक्ष्यते। यौवराज्येन महता श्वः पुष्येण द्विजोत्तमैः॥
subhagā kila kausalyā yasyāḥ putro'bhiṣekṣyate| yauvarājyena mahatā śvaḥ puṣyeṇa dvijottamaiḥ||
Surely Kausalya is of blessed fortune, for tomorrow under Puşya the foremost of the twiceborn ones will install her son as the mighty heir apparent to the empire.
— M.N. Dutt (1891–94, public domain)
प्राप्तां वसुमती प्रीतिं प्रतीतां हतविद्विषम्। उपस्थास्यसि कौसल्यां दासीवत्त्वं कृताञ्जलिः॥
prāptāṃ vasumatī prītiṃ pratītāṃ hatavidviṣam| upasthāsyasi kausalyāṃ dāsīvattvaṃ kṛtāñjaliḥ||
You will, with clasped hands, serve as a slave the illustrious Kausalyā, mistress of the world, and brimming over with joy, with all her foes discomfited.
— M.N. Dutt (1891–94, public domain)
एवं च त्वं सहास्माभिस्तस्याः प्रेष्या भविष्यसि। पुत्रश्च तव रामस्य प्रेष्यत्वं हि गमिष्यति॥
evaṃ ca tvaṃ sahāsmābhistasyāḥ preṣyā bhaviṣyasi| putraśca tava rāmasya preṣyatvaṃ hi gamiṣyati||
Thus along with us you will attend her commands, and your son also will await the pleasure of Rāma
— M.N. Dutt (1891–94, public domain)
हृष्टाः खलु भविष्यन्ति रामस्य परमाः स्त्रियः। अप्रहृष्टा भविष्यन्ति स्नुषास्ते भरतक्षये॥
hṛṣṭāḥ khalu bhaviṣyanti rāmasya paramāḥ striyaḥ| aprahṛṣṭā bhaviṣyanti snuṣāste bharatakṣaye||
And Ráma's wives* together with their handmaids will be filled with delight' and in consequence of Bharata's name, your daughtersin-law will be afflicted with sorrow. *Historically Rāma had but one wife. Manthară here anticipated that Rāma would marry many wives like his father after the installation.
— M.N. Dutt (1891–94, public domain)
तां दृष्ट्वा परमप्रीतां ब्रुवन्ती मन्थरां ततः। रामस्यैव गुणान्देवी कैकयी प्रशशंस ह॥
tāṃ dṛṣṭvā paramaprītāṃ bruvantī mantharāṃ tataḥ| rāmasyaiva guṇāndevī kaikayī praśaśaṃsa ha||
Seeing Manthară dead set against Rāma, and speaking in this wise, the noble Kaikeyi praised the virtues of Rāma.
— M.N. Dutt (1891–94, public domain)
धर्मज्ञो गुणवान्दान्तः कृतज्ञः सत्यवाञ्छुचिः। रामो राजसुतो ज्येष्ठो यौवराज्यमतोऽर्हति॥
dharmajño guṇavāndāntaḥ kṛtajñaḥ satyavāñchuciḥ| rāmo rājasuto jyeṣṭho yauvarājyamato'rhati||
Rāma is cognizant of morality, and filled with perfections, and accomplished, and grateful, and endowed with truth, and pure. And as he is the eldest son of the King, he deserves the Kingdom as heir-apparent.
— M.N. Dutt (1891–94, public domain)
भ्रातृन्भृत्याश्च दीर्घायुः पितृवत्पालयिष्यति। संतप्यसे कथं कुब्ने श्रुत्वा रामाभिषेचनम्॥
bhrātṛnbhṛtyāśca dīrghāyuḥ pitṛvatpālayiṣyati| saṃtapyase kathaṃ kubne śrutvā rāmābhiṣecanam||
That long-lived one shall maintain his brothers and his retainers even like a father. Why then, O hump-backed one, do you grieve, hearing Rāma's installation.
— M.N. Dutt (1891–94, public domain)
भरतश्चापि रामस्य ध्रुवं वर्षशतात्परम्। पितृपैतामहं राज्यमवाप्स्यति नरर्षभः ॥
bharataścāpi rāmasya dhruvaṃ varṣaśatātparam| pitṛpaitāmahaṃ rājyamavāpsyati nararṣabhaḥ ||
And for certain, that foremost of men, Bharata also, an hundred years after Rāma, will attain the kingdom bequeathed by his father and grandfather.
— M.N. Dutt (1891–94, public domain)
सा त्वमभ्युदये प्राप्ते दह्यमानेव मन्थरे। भविष्यति च कल्याणे किमिदं परितप्यसे॥
sā tvamabhyudaye prāpte dahyamāneva manthare| bhaviṣyati ca kalyāṇe kimidaṃ paritapyase||
O Mantharā, you burn (with grief) in this auspicious time. Our good fortune will come (after this in the shape of Bharata's installation); why then do you grieve.
— M.N. Dutt (1891–94, public domain)
यथा वै भरतो मान्यस्तथा भूयोऽपि राघवः। कौसल्यातोऽतिरिक्तं च मम शुश्रूषते बहु ॥
yathā vai bharato mānyastathā bhūyo'pi rāghavaḥ| kausalyāto'tiriktaṃ ca mama śuśrūṣate bahu ||
Surely Rāma is dearer to me than Bharata; and he also loves me more tian he does Kausalyā.
— M.N. Dutt (1891–94, public domain)
राज्यं यदि हि रामस्य भरतस्यापि तत्तदा। मन्यते हि यथात्मानं तथा भ्रातृ॑स्तु राघवः॥
rājyaṃ yadi hi rāmasya bharatasyāpi tattadā| manyate hi yathātmānaṃ tathā bhrātṛ̭stu rāghavaḥ||
And if the Kingdom be Rāma's it will be also Bharata's at the same time. Rāma regards his brothers even as his own self.
— M.N. Dutt (1891–94, public domain)
कैकैय्या वचनं श्रुत्वा मन्थरा भृशदुःखिता। दीर्घमुष्णं विनिःश्वस्य कैकेयीमिदमब्रवीत्॥
kaikaiyyā vacanaṃ śrutvā mantharā bhṛśaduḥkhitā| dīrghamuṣṇaṃ viniḥśvasya kaikeyīmidamabravīt||
Hearing Kaikeyi's words, Mantharā exceedingly aggrieved, sighing hot and hard, thus addressed Kaikeyi, saying.
— M.N. Dutt (1891–94, public domain)
अनर्थर्शिनी मौानात्मानमवबुध्यसे। शोकव्यसनविस्तीर्णे मज्जन्ती दुःखसागरे॥
anartharśinī mauānātmānamavabudhyase| śokavyasanavistīrṇe majjantī duḥkhasāgare||
Regarding that to be evil which is your good, you do not through your want of understanding know that you are going to be drowned in a sea of grief and peril.
— M.N. Dutt (1891–94, public domain)
भविता राघवो राजा राघवस्य च यः सुतः। राजवंशात्तु भरतः कैकेयि परिहास्यते॥
bhavitā rāghavo rājā rāghavasya ca yaḥ sutaḥ| rājavaṃśāttu bharataḥ kaikeyi parihāsyate||
Rāghava will become king; and after Raghava his son; so that, O Kaikeyi, Bharata will come to be at once cut off from the royal line.
— M.N. Dutt (1891–94, public domain)
नहि राज्ञः सुताः सर्वे राज्ये तिष्ठन्ति भामिनि। स्थाप्यमानेषु सर्वेषु सुमहाननयो भवेत्॥
nahi rājñaḥ sutāḥ sarve rājye tiṣṭhanti bhāmini| sthāpyamāneṣu sarveṣu sumahānanayo bhavet||
O emotional one, surely all the sons of the king do not obtain the kingdom. And if all were placed on the throne, mighty would be the disturbance therefrom.
— M.N. Dutt (1891–94, public domain)
तस्माज्ज्येष्ठे हि कैकैयि राज्यतन्त्राणि पार्थिवाः। स्थापयन्त्यनवद्याङ्गि गुणवत्स्वितरेष्वपि॥
tasmājjyeṣṭhe hi kaikaiyi rājyatantrāṇi pārthivāḥ| sthāpayantyanavadyāṅgi guṇavatsvitareṣvapi||
Therefore it is that kings, O Kaikeyi, lay the task of Government on the eldest son if worthy, or else upon a younger most meritorious.
— M.N. Dutt (1891–94, public domain)
असावत्यन्तनिर्भग्नस्तव पुत्रो भविष्यति। अनाथवत्सुखेभ्यश्च राजवंशाच्च वत्सले॥
asāvatyantanirbhagnastava putro bhaviṣyati| anāthavatsukhebhyaśca rājavaṃśācca vatsale||
This your son, O affectionate one, cast off from the royal race, and deprived of happiness, will fare like one forlorn.
— M.N. Dutt (1891–94, public domain)
साहं त्वदर्थे संप्राप्ता त्वं तु मां नावबुध्यसे। सपत्निवृद्धौ या मे त्वं प्रदेयं दातुमर्हसि ॥
sāhaṃ tvadarthe saṃprāptā tvaṃ tu māṃ nāvabudhyase| sapatnivṛddhau yā me tvaṃ pradeyaṃ dātumarhasi ||
You do not understand that I am taking such pains, and it is evident that you does not understand that I have come to you for your good. You are conferring on me rewards on the advancement of your co-wife.
— M.N. Dutt (1891–94, public domain)
ध्रुवं तु भरतं रामः प्राप्य राज्यमकण्टकम्। देशान्तरं नाययिता लोकान्तरमथापि वा॥
dhruvaṃ tu bharataṃ rāmaḥ prāpya rājyamakaṇṭakam| deśāntaraṃ nāyayitā lokāntaramathāpi vā||
For certain, Rāma having attained the kingdom without let, will send Bharata either to a distant land, or to the other world.
— M.N. Dutt (1891–94, public domain)
बाल एव तु मातुल्यं भरतो नायितस्त्वया। संनिकर्षाच्च सौहार्द जायते स्थावरेष्विव॥
bāla eva tu mātulyaṃ bharato nāyitastvayā| saṃnikarṣācca sauhārda jāyate sthāvareṣviva||
Bharata is a mere boy, and by you it is that he has been sent to his maternal uncle's mansion. Even in immobile objects attachment grows by virtue of nearness.
— M.N. Dutt (1891–94, public domain)
भरतानृवशात्सोऽपि शत्रुघ्नस्तत्समं गतः। लक्ष्मणो हि यथा रामं तथायं भरतं गतः॥
bharatānṛvaśātso'pi śatrughnastatsamaṃ gataḥ| lakṣmaṇo hi yathā rāmaṃ tathāyaṃ bharataṃ gataḥ||
Śatrughna also ever following Bharata has gone with him. He is attached to Bharata as Lakşmaņa is attached to Rāma.
— M.N. Dutt (1891–94, public domain)
श्रूयते हि द्रुमः कश्चिच्छेत्तव्यो वनजीवनैः। संनिकर्षादिषीकाभिर्मोचितः परमाद्भयात्॥
śrūyate hi drumaḥ kaścicchettavyo vanajīvanaiḥ| saṃnikarṣādiṣīkābhirmocitaḥ paramādbhayāt||
It is heard that once upon a time the woodsmen had intended to cut down a tree; but it was relived from the high peril because of the proximity of prickly shrubs around it.
— M.N. Dutt (1891–94, public domain)
गोप्ता हि रामं सौमित्रिर्लक्ष्मणं चापि राघवः। अश्विनोरिव सौभ्रात्र तयोर्लोकेषु विश्रुतम्॥
goptā hi rāmaṃ saumitrirlakṣmaṇaṃ cāpi rāghavaḥ| aśvinoriva saubhrātra tayorlokeṣu viśrutam||
Sumitrā's son protects Rāma and Rāghava protects Lakşmaņa. Their fraternal love like that of the Asvins is celebrated in the world,
— M.N. Dutt (1891–94, public domain)
तस्मान्न लक्ष्मणे रामः पापं किंचित्करिष्यति। रामस्तु भरते पापं कुर्यादेव न संशयः॥
tasmānna lakṣmaṇe rāmaḥ pāpaṃ kiṃcitkariṣyati| rāmastu bharate pāpaṃ kuryādeva na saṃśayaḥ||
Therefore Rāma will never do any wrong to Lakşmaņa; but he will do wrong to Bharata, there is no doubt about this.
— M.N. Dutt (1891–94, public domain)
तस्माद्राजगृहादेव वनं गच्छतु राघवः। एतद्धि रोचते मह्यं भृशं चापि हितं तव॥
tasmādrājagṛhādeva vanaṃ gacchatu rāghavaḥ| etaddhi rocate mahyaṃ bhṛśaṃ cāpi hitaṃ tava||
Therefore let that son of Raghu be sent to the woods from the palace. This pleases me; and this also is for your supreme welfare; and in this wise also will be realised the good of your relations.
— M.N. Dutt (1891–94, public domain)
एवं ते ज्ञातिपक्षस्य श्रेयश्चैव भविष्यति। यदि चेद्भरतो धर्मात्पित्र्यं राज्यमवाप्स्यति॥
evaṃ te jñātipakṣasya śreyaścaiva bhaviṣyati| yadi cedbharato dharmātpitryaṃ rājyamavāpsyati||
But if Bharata can get at his ancestral kingdom by just means, that would also be welcome to your kindred.
— M.N. Dutt (1891–94, public domain)
स ते सुखोचितो बालो रामस्य सहजो रिपुः। समृद्धार्थस्य नष्टार्थो जीविष्यति कथं वशे ॥
sa te sukhocito bālo rāmasya sahajo ripuḥ| samṛddhārthasya naṣṭārtho jīviṣyati kathaṃ vaśe ||
That boy deserving of happiness is the natural enemy of Rāma. How can he live under the prosperous Rāma being deprived of all wealth.
— M.N. Dutt (1891–94, public domain)
अभिदुतमिवारण्ये सिंहेन गजयूथपम्। प्रच्छाद्यमानं रामेण भरतं त्रातुमर्हसि ॥
abhidutamivāraṇye siṃhena gajayūthapam| pracchādyamānaṃ rāmeṇa bharataṃ trātumarhasi ||
Therefore it behoves you to save Bharata about to be overcome by Rāma, like a lion pursuing the leader of an elephant herd in a forest.
— M.N. Dutt (1891–94, public domain)
दनिराकृता पूर्वं त्वया सौभाग्यवत्तया। राममाता सपत्नी ते कथं वैरं न यापयेत्॥
danirākṛtā pūrvaṃ tvayā saubhāgyavattayā| rāmamātā sapatnī te kathaṃ vairaṃ na yāpayet||
Your co-wife, Rāma's mother, had formerly through pride and good fortune been slighted by you. Why will not she upon you wreak her revenge now.
— M.N. Dutt (1891–94, public domain)
यदा च रामः पृथिवीमवाप्स्यते प्रभूतरत्नाकरशैलसंयुताम्। तदा गमिष्यस्यशुभं पराभवं सहैव दीना भरतेन भामिनि॥
yadā ca rāmaḥ pṛthivīmavāpsyate prabhūtaratnākaraśailasaṃyutām| tadā gamiṣyasyaśubhaṃ parābhavaṃ sahaiva dīnā bharatena bhāmini||
When Rāma will obtain the earth furnished witr many oceans and mountains, then, O proud dame, you rendered forlorn, will along with Bharata, sustain sorry discomfiture.
— M.N. Dutt (1891–94, public domain)
यदा हि रामः पृथिवीमवाप्स्यते ध्रुवं प्रणष्टो भरतो भविष्यति। अतो हि संचिन्तय राज्यमात्मजे परस्य चैवास्य विवासकारणम्॥
yadā hi rāmaḥ pṛthivīmavāpsyate dhruvaṃ praṇaṣṭo bharato bhaviṣyati| ato hi saṃcintaya rājyamātmaje parasya caivāsya vivāsakāraṇam||
And when Rāma will obtain the earth, Bharata will certainly meet with destruction, therefore do you ponder as to how you can place your son on the throne and banish your enemy.
— M.N. Dutt (1891–94, public domain)