Siraatअयोध्याकाण्डः सर्गः 79
15 verses
ततः प्रभातसमये दिवसेऽथ चतुर्दशे। समेत्य राजकर्तारो भरतं वाक्यमब्रुवन्॥
tataḥ prabhātasamaye divase'tha caturdaśe| sametya rājakartāro bharataṃ vākyamabruvan||
Then on the morning of the fourteenth day, the ministers of the king assembled addressed Bharata in the following words.
— M.N. Dutt (1891–94, public domain)
गतो दशरथः स्वर्गं यो नो गुरुतरो गुरुः। रामं प्रव्राज्य वै ज्येष्ठं लक्ष्मणं च महाबलम्॥ त्वमद्य भव नो राजा राजपुत्र महायशः। संगत्या नापराध्नोति राज्यमेतदनायकम्॥...
gato daśarathaḥ svargaṃ yo no gurutaro guruḥ| rāmaṃ pravrājya vai jyeṣṭhaṃ lakṣmaṇaṃ ca mahābalam|| tvamadya bhava no rājā rājaputra mahāyaśaḥ| saṃgatyā nāparādhnoti rājyametadanāyakam||...
Having exiled his eldest son and the exceedingly strong Lakşmaņa, Dasaratha who was the superior of our superiors has gone to heaven. Do you, therefore, O illustrious prince, become our king. Having been permitted by the king you will commit no fault (by doing so), as this kingdom is without a master.
— M.N. Dutt (1891–94, public domain)
आभिषेचनिकं सर्वमिदमादाय राघव। प्रतीक्षते त्वां स्वजनः श्रेणयश्च नृपात्मज ॥
ābhiṣecanikaṃ sarvamidamādāya rāghava| pratīkṣate tvāṃ svajanaḥ śreṇayaśca nṛpātmaja ||
O Raghava, having procured all these necessaries for the installation, the counsellor and othe, as well as the citizens wait, О king's son.
— M.N. Dutt (1891–94, public domain)
राज्यं गृहाण भरत पितृपैतामहं ध्रुवम्। अभिषेचय चात्मानं पाहि चास्मान् नरर्षभ॥
rājyaṃ gṛhāṇa bharata pitṛpaitāmahaṃ dhruvam| abhiṣecaya cātmānaṃ pāhi cāsmān nararṣabha||
Do you, O Bharata, take charge of this secure kingdom bequeathed by your father and grandfather. Do you, O foremost of men, have yourself sprinkled, and rule over us.
— M.N. Dutt (1891–94, public domain)
आभिषेचनिकं भाण्डं कृत्वा सर्वं प्रदक्षणिम्। भरतस्तं जनं सर्वं प्रत्युवाच धृतव्रतः॥
ābhiṣecanikaṃ bhāṇḍaṃ kṛtvā sarvaṃ pradakṣaṇim| bharatastaṃ janaṃ sarvaṃ pratyuvāca dhṛtavrataḥ||
Thereupon, having gone round all the things procured for the sprinkling, Bharata from in his vows addressed those persons, saying.
— M.N. Dutt (1891–94, public domain)
ज्येष्ठस्य राजता नित्यमुचिता हि कुलस्य नः। नैवं भवन्तो मां वक्तुमर्हन्ति कुशला जनाः॥
jyeṣṭhasya rājatā nityamucitā hi kulasya naḥ| naivaṃ bhavanto māṃ vaktumarhanti kuśalā janāḥ||
In our line it is ever fit for the first-born alone to perform the task of government. It does not behove you who are wise to say so to me.
— M.N. Dutt (1891–94, public domain)
रामः पूर्वो हि नो भ्राता भविष्यति महीपतिः। अहं त्वरण्ये वत्स्यामि वर्षाणि नव पञ्च च॥
rāmaḥ pūrvo hi no bhrātā bhaviṣyati mahīpatiḥ| ahaṃ tvaraṇye vatsyāmi varṣāṇi nava pañca ca||
Certainly Rāma our eldest brother shall become the king; and I will abide in the forest for five all nine years.
— M.N. Dutt (1891–94, public domain)
युज्यतां महती सेना चतुरङ्गमहाबला। आनयिष्याम्यहं ज्येष्ठं भ्रातरं राघवं वनात्॥
yujyatāṃ mahatī senā caturaṅgamahābalā| ānayiṣyāmyahaṃ jyeṣṭhaṃ bhrātaraṃ rāghavaṃ vanāt||
Do you array the grand and mighty my consisting of fourfold forces. I will bring back from the forest my eldest brother Rāghava.
— M.N. Dutt (1891–94, public domain)
आभिषेचनिकं चैव सर्वमेतदुपस्कृतम्। पुरस्कृत्य गमिष्यामि रामहेतोर्वनं प्रति॥ तत्रैव तं नरव्याघ्रमभिषिच्य पुरस्कृतम्। आनयिष्यामि वै रामं हव्यवाहमिवाध्वरात्॥
ābhiṣecanikaṃ caiva sarvametadupaskṛtam| puraskṛtya gamiṣyāmi rāmahetorvanaṃ prati|| tatraiva taṃ naravyāghramabhiṣicya puraskṛtam| ānayiṣyāmi vai rāmaṃ havyavāhamivādhvarāt||
And taking all these necessaries for the investiture in front, I will go in the direction of the forest for Rāma. And sprinkling that chief of men on the spot, I will placing him in our front, bring Rāma back, like to fire brought in from the sacrifice.
— M.N. Dutt (1891–94, public domain)
न सकामां करिष्यामि स्वामिमां मातृगन्धिनीम्। वने वत्स्याम्यहं दुर्गे रामो राजा भविष्यति॥
na sakāmāṃ kariṣyāmi svāmimāṃ mātṛgandhinīm| vane vatsyāmyahaṃ durge rāmo rājā bhaviṣyati||
I will never fulfil the desire of this lady proud of her son. I will inhabit the impracticable woods, and Rāma shall become the monarch.
— M.N. Dutt (1891–94, public domain)
क्रियतां शिल्पिभिः पन्थाः समानि विषमाणि च। रक्षिणश्चानुसंयातु पथि दुर्गविचारकाः॥
kriyatāṃ śilpibhiḥ panthāḥ samāni viṣamāṇi ca| rakṣiṇaścānusaṃyātu pathi durgavicārakāḥ||
Let workmen lay out level roads in uneven tracts; and let those men that are adepts in threading places difficult to pass through, follow us.
— M.N. Dutt (1891–94, public domain)
एवं सम्भाषमाणं तं रामहेतोपात्मजम्। प्रत्युवाच जनः सर्वः श्रीमद्वाक्यमनुत्तमम्॥
evaṃ sambhāṣamāṇaṃ taṃ rāmahetopātmajam| pratyuvāca janaḥ sarvaḥ śrīmadvākyamanuttamam||
When the prince had spoken thus in behalf of Rāma, all those persons answered him in these excellent words.
— M.N. Dutt (1891–94, public domain)
एवं ते भाषमाणस्य पद्मा श्रीरुपतिष्ठताम्। यस्त्वं ज्येष्ठे नृपसुते पृथिवीं दातुमिच्छसि ॥
evaṃ te bhāṣamāṇasya padmā śrīrupatiṣṭhatām| yastvaṃ jyeṣṭhe nṛpasute pṛthivīṃ dātumicchasi ||
For saying this, may Lakşmi seated on the lotus remain at they side; inasmuch you wish to confer the earth on the eldest son of the monarch!
— M.N. Dutt (1891–94, public domain)
अनुत्तमं तद्वचनं नृपात्मजः प्रभाषितं संश्रवणे निशम्य च। प्रहर्षजास्तं प्रति बाष्पविन्दवो निपेतुरार्यानननेत्रसम्भवाः॥
anuttamaṃ tadvacanaṃ nṛpātmajaḥ prabhāṣitaṃ saṃśravaṇe niśamya ca| praharṣajāstaṃ prati bāṣpavindavo nipeturāryānananetrasambhavāḥ||
Hearing that graceful speech of the king's son, tear-drops. begot of delight began to trickle from their eyes and adorned those noble countenances.
— M.N. Dutt (1891–94, public domain)
ऊचुस्ते वचनमिदं निशम्य हृष्टाः सामात्याः सपरिषदो वियातशोकाः। पन्थानं नरवरभक्तिमान् जनश्च व्यादिष्टस्तव वचनाच्च शिल्पिवर्गः॥
ūcuste vacanamidaṃ niśamya hṛṣṭāḥ sāmātyāḥ sapariṣado viyātaśokāḥ| panthānaṃ naravarabhaktimān janaśca vyādiṣṭastava vacanācca śilpivargaḥ||
Their grief removed, with cheerful hearts, the counsellors, courtiers, and others hearing that speech (of the prince), said, “O best of men, according to your order artizans as well as people cherishing a high regard for you have been directed to lay out a read."
— M.N. Dutt (1891–94, public domain)