Siraatअरण्यकाण्डः सर्गः 70
18 verses
तौ तु तत्र स्थितौ दृष्ट्वा भ्रातरौ रामलक्ष्मणौ। बाहुपाशपरिक्षिप्तौ कबन्धो वाक्यमब्रवीत्॥
tau tu tatra sthitau dṛṣṭvā bhrātarau rāmalakṣmaṇau| bāhupāśaparikṣiptau kabandho vākyamabravīt||
Beholding both the brothers, Rāma and Laks maņa, clasping each other with their arms, the headless demon spoke:
— M.N. Dutt (1891–94, public domain)
तिष्ठतः किं नु मां दृष्ट्वा क्षुधार्तं क्षत्रियर्षभौ। आहारार्थं तु संदिष्टौ दैवेन हतचेतनौ॥
tiṣṭhataḥ kiṃ nu māṃ dṛṣṭvā kṣudhārtaṃ kṣatriyarṣabhau| āhārārthaṃ tu saṃdiṣṭau daivena hatacetanau||
O two best of Ksatryas, are you waiting here beholding me hungry? O you having lost your sense, you have been chosen by Destiny as my food.
— M.N. Dutt (1891–94, public domain)
तच्छ्रुत्वा लक्ष्मणो वाक्यं प्राप्तकालं हितं तदा। उवाचार्तिसमापनो विक्रमे कृतनिश्चयः॥
tacchrutvā lakṣmaṇo vākyaṃ prāptakālaṃ hitaṃ tadā| uvācārtisamāpano vikrame kṛtaniścayaḥ||
Hearing those words Laksmana, sore, distressed and determined to display his valour, addressed Rāma with words worthy of being said on that occasion.
— M.N. Dutt (1891–94, public domain)
त्वं च मां च पुरा तूर्णमादत्ते राक्षसाधमः। तस्मादसिभ्यामस्याशु बाहू छिन्दावहे गुरू ॥
tvaṃ ca māṃ ca purā tūrṇamādatte rākṣasādhamaḥ| tasmādasibhyāmasyāśu bāhū chindāvahe gurū ||
This vile Rākṣasa shall seize both of us; let us sunder soon its two huge arms with our daggers.
— M.N. Dutt (1891–94, public domain)
भीषणोऽयं महाकायो राक्षसो भुजविक्रमः। लोकं ह्यतिजितं कृत्वा ह्यावां हन्तुमिहेच्छति॥
bhīṣaṇo'yaṃ mahākāyo rākṣaso bhujavikramaḥ| lokaṃ hyatijitaṃ kṛtvā hyāvāṃ hantumihecchati||
This grim-visaged Raksasas, of huge proportions, gifted only with the strength of arms, defeating all other persons, has addressed itself at last to destroy us.
— M.N. Dutt (1891–94, public domain)
निश्चेष्टानां वधो राजन् कुत्सितो जगतीपतेः। क्रतुमध्योपनीतानां पशूनामिव राघव॥
niśceṣṭānāṃ vadho rājan kutsito jagatīpateḥ| kratumadhyopanītānāṃ paśūnāmiva rāghava||
It is odious for the Kșatriyas to make away with those who cannot defend themselves like to animals brought for sacrifice.* The purport is : Lakṣmaṇa wanted to chop off the arms of Kabandha and not to put an end to its life as it was not capable of fighting, being a headless demon. And it is not proper for the Ks atryas to destroy those who cannot fight.
— M.N. Dutt (1891–94, public domain)
एतत् संजल्पितं श्रुत्वा तयोः क्रुद्धस्तु राक्षसः। विदार्यास्यं ततो रौद्रं तौ भक्षयितुमारभत्॥
etat saṃjalpitaṃ śrutvā tayoḥ kruddhastu rākṣasaḥ| vidāryāsyaṃ tato raudraṃ tau bhakṣayitumārabhat||
Hearing their conversation, the Raksasa, inflamed with rage, widening its terrible mouth, prepared to devour them up. This has a special significance here-meaning to get hold of them by stretching forth its arms.
— M.N. Dutt (1891–94, public domain)
ततस्तौ देशकालज्ञौ खङ्गाभ्यामेष राघवौ। अच्छिन्दन्तां सुसंहृष्टौ बाहू तस्यांसदेशयोः ॥
tatastau deśakālajñau khaṅgābhyāmeṣa rāghavau| acchindantāṃ susaṃhṛṣṭau bāhū tasyāṃsadeśayoḥ ||
Thereat Rāma and Lakşmana, cognizant of time and place, pleased+, sundered its arms off its shoulders with their daggers. They were pleased because they cut off its arms with ease like to the trunks of a plantain tree.
— M.N. Dutt (1891–94, public domain)
दक्षिणो दक्षिणं बाहुमलक्तमसिना ततः। चिच्छेद रामो वेगेन सव्यं वीरस्तु लक्ष्मणः॥
dakṣiṇo dakṣiṇaṃ bāhumalaktamasinā tataḥ| ciccheda rāmo vegena savyaṃ vīrastu lakṣmaṇaḥ||
Rāma, stationed on the right side cut off in no time its right arm with his dagger and the heroic Laksmana, the left one. It may mean also expert.
— M.N. Dutt (1891–94, public domain)
स पपात महाबाहुश्छिन्नबाहुमहास्वनः। खं च गां च दिशश्चैव नादयञ्जलदो यथा॥
sa papāta mahābāhuśchinnabāhumahāsvanaḥ| khaṃ ca gāṃ ca diśaścaiva nādayañjalado yathā||
Having got its arms dissevered, the terriblevoiced, Kabandha, of huge arms, roaring like to the muttering of clouds and resounding the heaven, earth and all the quarters, fell flat on the ground.
— M.N. Dutt (1891–94, public domain)
स निकृत्तौ भुजौ दृष्ट्वा शोणितौघपरिप्लुतः। दीनः पप्रच्छ तौ वीरौ कौ युवामिति दानवः॥
sa nikṛttau bhujau dṛṣṭvā śoṇitaughapariplutaḥ| dīnaḥ papraccha tau vīrau kau yuvāmiti dānavaḥ||
Beholding both its arms cut off, the demon, with its person bathed in blood, asked them poorly Who are you?
— M.N. Dutt (1891–94, public domain)
इति तस्य ब्रुवाणस्य लक्ष्मणः शुभलक्षणः। शशंस तस्य काकुत्स्थं कबन्धस्य महाबलः॥
iti tasya bruvāṇasya lakṣmaṇaḥ śubhalakṣaṇaḥ| śaśaṃsa tasya kākutsthaṃ kabandhasya mahābalaḥ||
Being thus accosted by Kabandha, the mighty Lakşmana, gifted with auspicious marks, spoke to it, about Kākutstha.
— M.N. Dutt (1891–94, public domain)
अयमिक्ष्वाकुदायादो रामो नाम जनैः श्रुतः। तस्यैवावरजं विद्धि भ्रातरं मां च लक्ष्मणम्॥
ayamikṣvākudāyādo rāmo nāma janaiḥ śrutaḥ| tasyaivāvarajaṃ viddhi bhrātaraṃ māṃ ca lakṣmaṇam||
He is a descendant of the Ikşvākus known on earth by the name of Rāma, and know me as his younger brother, by name-Laksmana.
— M.N. Dutt (1891–94, public domain)
मात्रा प्रतिहते राज्ये रामः प्रव्राजितो वनम्। मया सह चरत्येष भार्यया च महद् वनम्॥ अस्य देवप्रभावस्य वसते विजने वने। रक्षसापहृता भार्या यामिच्छन्ताविहागतौ॥
mātrā pratihate rājye rāmaḥ pravrājito vanam| mayā saha caratyeṣa bhāryayā ca mahad vanam|| asya devaprabhāvasya vasate vijane vane| rakṣasāpahṛtā bhāryā yāmicchantāvihāgatau||
Being thwarted by mother (Kaikeyi) in his accession of kingdom, he, renouncing all, has fled as an exile to woods, and has, along with me and his spouse, been ranging this forest. While living in the dense forest the wife of Răma, effulgent like to the celestials has been ravished by a Raksasa. Searching her, have we come here.
— M.N. Dutt (1891–94, public domain)
त्वं तु को वा किमर्थं वा कवन्धसदृशो वने। आस्येनोरसि दीप्तेन भग्नजङ्घो विचेष्टसे॥
tvaṃ tu ko vā kimarthaṃ vā kavandhasadṛśo vane| āsyenorasi dīptena bhagnajaṅgho viceṣṭase||
Who are you? And what for are you ranging this forest like to a headless demon, having your thighs broken and your flaming face placed on your breast?
— M.N. Dutt (1891–94, public domain)
एवमुक्तः कबन्धस्तु लक्ष्मणेनोत्तरं वचः। उवाच वचनं प्रीतस्तदिन्द्रवचनं स्मरन्॥
evamuktaḥ kabandhastu lakṣmaṇenottaraṃ vacaḥ| uvāca vacanaṃ prītastadindravacanaṃ smaran||
Being thus addressed by Lakṣmaṇa with these goodly words, Kabandha, pleased, recollecting the words of Indra, bespoke him,
— M.N. Dutt (1891–94, public domain)
स्वागतं वा नरव्याघ्रौ दिष्ट्या पश्यामि वामहम्। दिष्ट्या चेमौ निकृत्तौ मे युवाभ्यां बाहुबन्धनौ॥
svāgataṃ vā naravyāghrau diṣṭyā paśyāmi vāmaham| diṣṭyā cemau nikṛttau me yuvābhyāṃ bāhubandhanau||
O two best of men, you are welcome! By my good luck it is that I do behold you. By my good fortune you have dissevered my shoulders today.
— M.N. Dutt (1891–94, public domain)
विरूपं यच्च मे रूपं प्राप्तं ह्यविनयाद् यथा। तन्मे शृणु नरव्याघ्र तत्त्वतः शंसतस्तव॥
virūpaṃ yacca me rūpaṃ prāptaṃ hyavinayād yathā| tanme śṛṇu naravyāghra tattvataḥ śaṃsatastava||
Do you hear; I shall relate truly to you how have I, by my haughtiness, come by this unsightly shape.
— M.N. Dutt (1891–94, public domain)