Siraatउत्तरकाण्डः सर्गः 98
23 verses
रसातलं प्रविष्टायां वैदेह्यां सर्ववानराः। चुक्रुशुः साधुसाध्वीति मुनयो रामसंनिधौ॥
rasātalaṃ praviṣṭāyāṃ vaidehyāṃ sarvavānarāḥ| cukruśuḥ sādhusādhvīti munayo rāmasaṃnidhau||
Sītā having entered Rasātala, all the monkeys and Rșis repeatedly eulogised her before Rāma.
— M.N. Dutt (1891–94, public domain)
दण्डकाष्ठमवष्टभ्य बाष्पव्याकुलितेक्षणः। अवाक्शिरा दीनमना रामो ह्यासीत्सुदुःखितः॥
daṇḍakāṣṭhamavaṣṭabhya bāṣpavyākulitekṣaṇaḥ| avākśirā dīnamanā rāmo hyāsītsuduḥkhitaḥ||
Stricken with sorrow and grief and lowering down his head, Rāma, with eyes full of fears, face downwards, and a dejected mind, sat down.
— M.N. Dutt (1891–94, public domain)
स रुदित्वा चिरं कालं बहुशो बाष्पमुत्सृजन्। क्रोधशोकसमाविष्टो रामो वचनमब्रवीत्॥
sa ruditvā ciraṃ kālaṃ bahuśo bāṣpamutsṛjan| krodhaśokasamāviṣṭo rāmo vacanamabravīt||
And being possessed by grief and anger and shedding tears he wept for some time and ther said.
— M.N. Dutt (1891–94, public domain)
अभूतपूर्वं शोकं मे मनः स्पष्टुमिवेच्छति। पश्यतो मे यथा नष्टा सीता श्रीरिव रूपिणी॥
abhūtapūrvaṃ śokaṃ me manaḥ spaṣṭumivecchati| paśyato me yathā naṣṭā sītā śrīriva rūpiṇī||
My mind is about to be possessed by grief, which I had never experienced before, for in the very presence of mine the graceful Jānaki, like Lakşmī herself, has disappeared from view.
— M.N. Dutt (1891–94, public domain)
सादर्शनं पुरा सीता लङ्का पारे महोदधेः। ततश्चापि मयानीता किं पुनर्वसुधातलात्॥
sādarśanaṃ purā sītā laṅkā pāre mahodadheḥ| tataścāpi mayānītā kiṃ punarvasudhātalāt||
Formerly, in my absence, Janaki was once carried away into the city her back; what wonder it is that I shall get her back from Pātāla?
— M.N. Dutt (1891–94, public domain)
वसुधे देवि भवति सीता निर्यात्यतां मम। दर्शयिष्यामि वा रोषं यथा मामवगच्छसि॥
vasudhe devi bhavati sītā niryātyatāṃ mama| darśayiṣyāmi vā roṣaṃ yathā māmavagacchasi||
O goddess Vasudhā, do you soon bring Sità in my vies, or else, worked up with ire I shall give you the fruits of your negligence.
— M.N. Dutt (1891–94, public domain)
कामं श्वश्रूर्ममैव त्वं त्वत्सकाशात्तु मैथिली। कर्षता फालहस्तेन जनकेनोद्धृता पुरा ।७।।
kāmaṃ śvaśrūrmamaiva tvaṃ tvatsakāśāttu maithilī| karṣatā phālahastena janakenoddhṛtā purā |7||
You are my mother-in-law, since the royal saint Janaka obtained Sītā from your womb while cultivating you with plough share.
— M.N. Dutt (1891–94, public domain)
तस्मानिर्यात्यतां सीता विवरं वा प्रयच्छ मे। पाताले नाकपृष्ठे वा वसेयं सहितस्तया॥
tasmāniryātyatāṃ sītā vivaraṃ vā prayaccha me| pātāle nākapṛṣṭhe vā vaseyaṃ sahitastayā||
Do you therefore bring back my Sītā or give me a region of the celestials, I wish to live with Sītā in nether world or heaven.
— M.N. Dutt (1891–94, public domain)
आनय त्वं हि तां सीतां मत्तोऽहं मैथिलीकृते। न मे दास्यसि चेत्सीतां यथारूपां महीतले।।९ सपर्वतवनां कृत्स्नां व्यथयिष्यामि ते स्थितिम्। नाशयिष्याम्यहं भूमिं सर्वमापो भवन्त्विह॥
ānaya tvaṃ hi tāṃ sītāṃ matto'haṃ maithilīkṛte| na me dāsyasi cetsītāṃ yathārūpāṃ mahītale||9 saparvatavanāṃ kṛtsnāṃ vyathayiṣyāmi te sthitim| nāśayiṣyāmyahaṃ bhūmiṃ sarvamāpo bhavantviha||
I am beside myself for her; do you therefore bring back Sita. If you do not render back Sītā to me O Vasudha, I shall deluge the earth with Waters, having assailed, destroyed and drowned into water your huge compass with mountains and forests.
— M.N. Dutt (1891–94, public domain)
एवं ब्रुवाणे काकुत्स्थे क्रोधशोकसमन्विते। ब्रह्मा सुरगणैः सार्धमुवाच रघुनन्दनम्॥
evaṃ bruvāṇe kākutsthe krodhaśokasamanvite| brahmā suragaṇaiḥ sārdhamuvāca raghunandanam||
Rāma, having given vent to those accents under the influence of ire, the patriarch Brahmā, with the consent of the celestials, said.
— M.N. Dutt (1891–94, public domain)
राम राम न संतापं कर्तुमर्हसि सुव्रत। स्मर त्वं पूर्वकं भावं मन्त्रं चामित्रकर्शन॥
rāma rāma na saṃtāpaṃ kartumarhasi suvrata| smara tvaṃ pūrvakaṃ bhāvaṃ mantraṃ cāmitrakarśana||
O Rāma of firm vows, O slayer of enemies, you should not grieve thus, Recollect your former state of Vişņu and the counsels.
— M.N. Dutt (1891–94, public domain)
न खलु त्वां महाबाहो स्मारयेयमनुत्तमम्। इमं मुहूर्त दुर्धर्ष स्मर त्वं जन्म वैष्णवम् ॥
na khalu tvāṃ mahābāho smārayeyamanuttamam| imaṃ muhūrta durdharṣa smara tvaṃ janma vaiṣṇavam ||
I would not have reminded you of this secret but for the present necessity. Do you now once more remember your birth from Vişnu.
— M.N. Dutt (1891–94, public domain)
सीता हि विमला साध्वी तव पूर्वपरायणा। नागलोकं सुखं प्रायात्त्वदाश्रयतपोबलात्॥
sītā hi vimalā sādhvī tava pūrvaparāyaṇā| nāgalokaṃ sukhaṃ prāyāttvadāśrayatapobalāt||
By nature, Sītā is pure, chaste and ever dependent upon you. And by virtue of her ascetic dependence upon you she has gone to the region of Nagas.
— M.N. Dutt (1891–94, public domain)
स्वर्गे ते संगमो भूयो भविष्यति न संशयः। अस्यास्तु परिषन्मध्ये यद्ब्रवीमि निबोध तत्॥
svarge te saṃgamo bhūyo bhaviṣyati na saṃśayaḥ| asyāstu pariṣanmadhye yadbravīmi nibodha tat||
You shall again meet her in heaven. Hear, what I communicate to you before the assembly.
— M.N. Dutt (1891–94, public domain)
एतदेव हि काव्यं ते काव्यानामुत्तमं श्रुतम्। सर्व विस्तरतो राम व्याख्यास्यति न संशयः॥
etadeva hi kāvyaṃ te kāvyānāmuttamaṃ śrutam| sarva vistarato rāma vyākhyāsyati na saṃśayaḥ||
You shall be informed of everything by listening to this excellent poem describing your own actions.
— M.N. Dutt (1891–94, public domain)
जन्मप्रभृति ते वीर सुखदुःखोपसेवनम्। भविष्यदुत्तरं चेह सर्वं वाल्मीकिना कृतम्॥
janmaprabhṛti te vīra sukhaduḥkhopasevanam| bhaviṣyaduttaraṃ ceha sarvaṃ vālmīkinā kṛtam||
O hero, Vālmīki had described herein all miseries and joys you have experienced since your birth and what shall happen in future after SIta's entrance into Patala.
— M.N. Dutt (1891–94, public domain)
आदिकाव्यमिदं राम त्वयि सर्वं प्रतिष्ठितम्। नह्यन्योऽर्हति काव्यानां यशोभाग्राघवादृते॥
ādikāvyamidaṃ rāma tvayi sarvaṃ pratiṣṭhitam| nahyanyo'rhati kāvyānāṃ yaśobhāgrāghavādṛte||
O Rāma, this first epic poem, Rāmāyaṇa, has been composed describing your works. None but you is worthy of the fame of this poem.
— M.N. Dutt (1891–94, public domain)
श्रुतं ते पूर्वमेतद्धिमया सर्वं सुरैः सह। दिव्यमद्भुतरूपं च सत्यवाक्यमनावृतम्॥
śrutaṃ te pūrvametaddhimayā sarvaṃ suraiḥ saha| divyamadbhutarūpaṃ ca satyavākyamanāvṛtam||
Even before you I have heard this complete poem with gods, which is wonderful, truthful and unveiled.
— M.N. Dutt (1891–94, public domain)
स त्वं पुरुषशार्दूल धर्मेण सुसमाहितः। शेषं भविष्यं काकुत्स्थ काव्यं रामायणं शृणु।२०
sa tvaṃ puruṣaśārdūla dharmeṇa susamāhitaḥ| śeṣaṃ bhaviṣyaṃ kākutstha kāvyaṃ rāmāyaṇaṃ śṛṇu|20
O lion among the men, Odescended of Raghu, you may hear the remaining portion of Rāmāyaṇa epic with religious mind.
— M.N. Dutt (1891–94, public domain)
उत्तरं नाम काव्यस्य शेषमत्र महायशः। तच्छृणुष्व महातेज ऋषिभिः सार्धमुत्तमम्॥ न खल्वन्येन काकुत्स्थ श्रोतव्यमिदमुत्तमम्। परमऋषिणा वीर त्वयैव रघुनन्दन॥
uttaraṃ nāma kāvyasya śeṣamatra mahāyaśaḥ| tacchṛṇuṣva mahāteja ṛṣibhiḥ sārdhamuttamam|| na khalvanyena kākutstha śrotavyamidamuttamam| paramaṛṣiṇā vīra tvayaiva raghunandana||
O Rāghava, O highly illustrious one, do you hear with the Rsis, Uttarakandam, the last portion of this poem. O descendant of Raghu, this is not worthy of being heard by any but those who are the foremost of the royal saints.
— M.N. Dutt (1891–94, public domain)
एतावदुक्त्वा वचनं ब्रह्मा त्रिभुवनेश्वरः। जगाम त्रिदिवं देवो देवैः सह सबान्धवैः॥ ये च तत्र महात्मान ऋषयो ब्राह्मलौकिकाः। ब्रह्मणा समनुज्ञाता न्यवर्तन्त महौजसः॥ उत्तरं श्रोतुमनसो भविष्यं यच्च राघवे।
etāvaduktvā vacanaṃ brahmā tribhuvaneśvaraḥ| jagāma tridivaṃ devo devaiḥ saha sabāndhavaiḥ|| ye ca tatra mahātmāna ṛṣayo brāhmalaukikāḥ| brahmaṇā samanujñātā nyavartanta mahaujasaḥ|| uttaraṃ śrotumanaso bhaviṣyaṃ yacca rāghave|
Having said this, the deity Brahmă, the lord of the three worlds, with other deities, repaired to the region of immortals. The high-souled and the highly effulgent ascetics, living in Brahma's region, who were present in the assembly, obtaining Brahma's permission, waited there, to hear Rama's future career in the Uttarakandam.
— M.N. Dutt (1891–94, public domain)
ततो रामः शुभां वाणी देवदेवस्य भाषिताम्॥ श्रुत्वा परमतेजस्वी वाल्मीकिमिदमब्रवीत्। भगवश्रोतुमनस ऋषयो ब्राह्मलौकिकाः॥ भविष्यदुत्तरं यन्मे श्वोभूते संप्रवर्तताम्।
tato rāmaḥ śubhāṃ vāṇī devadevasya bhāṣitām|| śrutvā paramatejasvī vālmīkimidamabravīt| bhagavaśrotumanasa ṛṣayo brāhmalaukikāḥ|| bhaviṣyaduttaraṃ yanme śvobhūte saṃpravartatām|
Hearing the words of the great Patriarch instinct with well-being, the highly effulgent Rāma said to Vālmīki. O illustrious sir, the Rşis living in Brahmă's region have grown desirous of hearing my future history. So let it be taken up next morning.
— M.N. Dutt (1891–94, public domain)
एवं विनिश्चयं कृत्वा संप्रगृह्य कुशीलवौ॥ तं जनौघं विसृज्याथ पर्णशालामुपागमत्। तामेव शोचतः सीतां सा व्यतीता च शर्वरी॥
evaṃ viniścayaṃ kṛtvā saṃpragṛhya kuśīlavau|| taṃ janaughaṃ visṛjyātha parṇaśālāmupāgamat| tāmeva śocataḥ sītāṃ sā vyatītā ca śarvarī||
Having thus settled and taken with him Kuća and Lava and sent away the assembled people he entered his palace and spent the night mourning for Sită.
— M.N. Dutt (1891–94, public domain)