Siraatउत्तरकाण्डः सर्गः 73
12 verses
प्रस्थाप्य तु स शत्रुघ्नं भ्रातृभ्यां सह राघवः। प्रमुमोद सुखी राज्यं धर्मेण परिपालयन्॥
prasthāpya tu sa śatrughnaṃ bhrātṛbhyāṃ saha rāghavaḥ| pramumoda sukhī rājyaṃ dharmeṇa paripālayan||
Having bade adieu to Satrughna, Rama, the descendant of Raghu, was greatly delighted by governing his subjects piously in the company of Bharata and Laksmana.
— M.N. Dutt (1891–94, public domain)
ततः कतिपयाहःसु वृद्धो जानपदो द्विजः। मृतं बालमुपादाय राजद्वारमुपागमत्॥
tataḥ katipayāhaḥsu vṛddho jānapado dvijaḥ| mṛtaṃ bālamupādāya rājadvāramupāgamat||
Some days having passed in this wise-a villager, an old Brālimaņa, arrived at the palace gate with a dead boy.
— M.N. Dutt (1891–94, public domain)
किं नु मे दुष्कृतं कर्म पुरा देहान्तरे कृतम्। रुदन्बहुविधा वाचः स्नेहदुःखसमन्वितः। असकृत्पुत्र पुत्रेति वाक्यमेतदुवाच ह॥ किं नु मे दुष्कृतं कर्म पुरा देहान्तरे कृतम्। यदहं पुत्रमेकं तु पश्यामि निधनं गतम्॥
kiṃ nu me duṣkṛtaṃ karma purā dehāntare kṛtam| rudanbahuvidhā vācaḥ snehaduḥkhasamanvitaḥ| asakṛtputra putreti vākyametaduvāca ha|| kiṃ nu me duṣkṛtaṃ karma purā dehāntare kṛtam| yadahaṃ putramekaṃ tu paśyāmi nidhanaṃ gatam||
That Brāhmaṇa, stricken with affection, again and again bewailed in various piteous accents exclaiming What heinous crime had I committed in my pristine birth that I have been constrained to witness the death of my son.
— M.N. Dutt (1891–94, public domain)
अप्राप्तयौवनं बालं पञ्चवर्षसहस्रकम्। अकाले कालमापन्नं मम दुःखाय पुत्रक॥ अल्पैरहोभिनिधनं गमिष्यामि न संशयः। अहं च जननी चैव तव शोकेन पुत्रक॥
aprāptayauvanaṃ bālaṃ pañcavarṣasahasrakam| akāle kālamāpannaṃ mama duḥkhāya putraka|| alpairahobhinidhanaṃ gamiṣyāmi na saṃśayaḥ| ahaṃ ca jananī caiva tava śokena putraka||
My son, you have not as yet completed fourteen years. To my misery you have met with untimely death. Forsooth, for your grief, O my son, myself and your mother shall soon be snatched away by death.
— M.N. Dutt (1891–94, public domain)
न स्मराम्यनृतं ह्युक्तं न च हिंसां स्मराम्यहम्। सर्वेषां प्राणिनां पापं न स्मरामि कदाचन।७।। केनाद्य दुष्कृतेनायं बाल एव ममात्मजः। अकृत्वा पितृकार्याणि गतो वैवस्वतक्षयम्॥
na smarāmyanṛtaṃ hyuktaṃ na ca hiṃsāṃ smarāmyaham| sarveṣāṃ prāṇināṃ pāpaṃ na smarāmi kadācana|7|| kenādya duṣkṛtenāyaṃ bāla eva mamātmajaḥ| akṛtvā pitṛkāryāṇi gato vaivasvatakṣayam||
I do not remember to have ever uttered a falsehood, or injured an animal or perpetrated any other crime. Therefore for some other sinful action, this boy, without performing the son's duties towards his parents, has gone to the abode of death.
— M.N. Dutt (1891–94, public domain)
नेदृशं दृष्टपूर्वं मे श्रुतं वा घोरदर्शनम्। मृत्युरप्राप्तकालानां रामस्य विषये ह्ययम्॥
nedṛśaṃ dṛṣṭapūrvaṃ me śrutaṃ vā ghoradarśanam| mṛtyuraprāptakālānāṃ rāmasya viṣaye hyayam||
Save under the regime of Rama, I have never seen or heard of the dreadful death of such a boy who has not attained the age.
— M.N. Dutt (1891–94, public domain)
रामस्य दुष्कृतं किंचिन्महदस्ति न संशयः। यथा हि विषयस्थानां बालानां मृत्युरागतः॥
rāmasya duṣkṛtaṃ kiṃcinmahadasti na saṃśayaḥ| yathā hi viṣayasthānāṃ bālānāṃ mṛtyurāgataḥ||
Forsooth, Rāma has perpetrated a mighty iniquity for which boys, during his administration, have been meeting with untimely death.
— M.N. Dutt (1891–94, public domain)
नह्यन्यविषयस्थानां बालानां मृत्युतो भयम्। स राजञ्जीवयस्वैनं बालं मृत्युवशं गतम्॥ राजद्वारि मरिष्यामि पत्न्या सार्धमनाथवत्। ब्रह्महत्यां ततो राम समुपेत्य सुखी भव॥ भ्रातृभिः सहितो राजन्दीर्घमायुरवाप्स्यसि।
nahyanyaviṣayasthānāṃ bālānāṃ mṛtyuto bhayam| sa rājañjīvayasvainaṃ bālaṃ mṛtyuvaśaṃ gatam|| rājadvāri mariṣyāmi patnyā sārdhamanāthavat| brahmahatyāṃ tato rāma samupetya sukhī bhava|| bhrātṛbhiḥ sahito rājandīrghamāyuravāpsyasi|
In other governments boys have no fear of such an untimely death. Therefore, O king confer life upon this dead child. Or else with my spouse I shall renounce my life at this gate like one having no lord. O Rāma, soiled by the sin consequent upon the destruction of a Brāhmaṇa, do you live long happily with brother.
— M.N. Dutt (1891–94, public domain)
उषिताः स्म सुखं राज्ये तवास्मिन्सुमहाबल॥ इदं तु पतितं तस्मात्तव राम वशे स्थितान्। कालस्य वशमापन्नाः स्वल्पं हि नहि नः सुखम्॥
uṣitāḥ sma sukhaṃ rājye tavāsminsumahābala|| idaṃ tu patitaṃ tasmāttava rāma vaśe sthitān| kālasya vaśamāpannāḥ svalpaṃ hi nahi naḥ sukham||
O you of great prowess, up to this time we have lived happily in your kingdom. And now, O Räma, under your subjection we are being troubled with the sorrow or our son's death. We have been brought under the influence of Kāla; so in your kingdom there is not the least happiness for us.
— M.N. Dutt (1891–94, public domain)
संप्रत्यनाथो विषय इक्ष्वाकूणां महात्मनाम्। राम नाथमिहासाद्य बालान्तकरणं ध्रुवम्॥ राजदोषैविपद्यन्ते प्रजा ह्यविधिपालिताः। असद्धृत्ते हि नृपतावकाले म्रियते जनः॥ यद्वा पुरेष्वयुक्तानि जना जनपदेषु च। कुर्वते न च रक्षास्ति तदा कालकृतं भयम्॥
saṃpratyanātho viṣaya ikṣvākūṇāṃ mahātmanām| rāma nāthamihāsādya bālāntakaraṇaṃ dhruvam|| rājadoṣaivipadyante prajā hyavidhipālitāḥ| asaddhṛtte hi nṛpatāvakāle mriyate janaḥ|| yadvā pureṣvayuktāni janā janapadeṣu ca| kurvate na ca rakṣāsti tadā kālakṛtaṃ bhayam||
Having attained Rāma as its lord, the kingdom, of the high-souled Ikşvākus, has attained to the condition of one having no master, where during Rāma's regime the death of a boy has been brought about. For being impiously governed by a king, for his sin, the subjects meet with calamities. And a king following evil tracks and not governing the subjects righteously people meet with untimely death. Therefore, when a king does mot suppress the crimes committed by people either in cities, or provinces the fear, of untimely death, comes in.
— M.N. Dutt (1891–94, public domain)
सुव्यक्तं राजदोषो हि भविष्यति न संशयः। पुरे जनपदे चापि तथा बालवधो ह्ययम्॥
suvyaktaṃ rājadoṣo hi bhaviṣyati na saṃśayaḥ| pure janapade cāpi tathā bālavadho hyayam||
Evident it is therefore that undoubtedly the sin of the king has appeared in cities and provinces. And for that reason this boy has met with death.
— M.N. Dutt (1891–94, public domain)
एवं बहुविधैर्वाक्यैरुपरुध्य मुहुर्मुहुः। राजानं दुःखसंतप्तः सुतं तमुपगृहति॥
evaṃ bahuvidhairvākyairuparudhya muhurmuhuḥ| rājānaṃ duḥkhasaṃtaptaḥ sutaṃ tamupagṛhati||
Being overwhelmed with sorrow that old Brāhmaṇa again and again remonstrated with the king in these 'piteous words and afterwards covered the dead body (of his son.)
— M.N. Dutt (1891–94, public domain)