अन्योन्यं प्लावयन्ति स्म शैलमारुह्य वानराः। फलान्यमृतगन्धीनि मूलानि कुसुमानि च।८७।। बभञ्जुर्वानरास्तत्र पादपानां मदोत्कटाः। द्रोणमात्रप्रमाणानि लम्बमानानि वानराः॥ ययुः पिबन्तः स्वस्थास्ते मधूनि मधुपिङ्गलाः। पादपानवभञ्जन्तो विकर्षन्तस्तथा लताः॥ विधमन्तो गिरिवरान्प्रययुः प्लवगर्षभाः। वृक्षेभ्योऽन्ये तु कपयो नदन्तो मधुदर्पिताः॥ अन्ये वृक्षान्प्रपद्यन्ते प्रपिबन्त्यपि चापरे। बभूव वसुधा तैस्तु संपूर्णा हरिपुङ्गवैः । यथा कलमकेदारैः पक्वैरिव वसुंधरा ॥
anyonyaṃ plāvayanti sma śailamāruhya vānarāḥ| phalānyamṛtagandhīni mūlāni kusumāni ca|87|| babhañjurvānarāstatra pādapānāṃ madotkaṭāḥ| droṇamātrapramāṇāni lambamānāni vānarāḥ|| yayuḥ pibantaḥ svasthāste madhūni madhupiṅgalāḥ| pādapānavabhañjanto vikarṣantastathā latāḥ|| vidhamanto girivarānprayayuḥ plavagarṣabhāḥ| vṛkṣebhyo'nye tu kapayo nadanto madhudarpitāḥ|| anye vṛkṣānprapadyante prapibantyapi cāpare| babhūva vasudhā taistu saṃpūrṇā haripuṅgavaiḥ | yathā kalamakedāraiḥ pakvairiva vasuṃdharā ||
English Meaning
Ascending the mount these monkeys continually bounded. And excited with drink, they crumbled into pieces the ambrosia-smelling fruits, roots and flowers of the trees. And those monkeys yellow as honey, delighted, feasted on mangoes, long and measuring a Drona. Breaking down the trees, blasting the creepers, bounding from one tree to another and making the mount Sahya echo, those leading monkeys went on delighted and excited with drink. Some ascending the trees, and others drinking, the whole earth was enveloped with those monkeys, and seemed as if beautified with ripe paddy crops.
— M.N. Dutt (1891–94, public domain)