यस्तु मेघ इवाकाशं महानावृत्य तिष्ठति। मध्ये वानरवीराणां सुराणामिव वासवः॥ भेरीणामिव संनादो यस्यैष श्रूयते महान्। घोषः शाखामृगेन्द्राणां संग्राममभिकाङ्क्षताम्॥ एष पर्वतमध्यास्ते पारयात्रमनुत्तमम्। युद्धे दुष्प्रसहो नित्यं पनसो नाम यूथपः॥ एनं शतसहस्राणां शतार्धं पर्युपासते। यूथपा यूथपश्रेष्ठं येषां यूथानि भागशः॥
yastu megha ivākāśaṃ mahānāvṛtya tiṣṭhati| madhye vānaravīrāṇāṃ surāṇāmiva vāsavaḥ|| bherīṇāmiva saṃnādo yasyaiṣa śrūyate mahān| ghoṣaḥ śākhāmṛgendrāṇāṃ saṃgrāmamabhikāṅkṣatām|| eṣa parvatamadhyāste pārayātramanuttamam| yuddhe duṣprasaho nityaṃ panaso nāma yūthapaḥ|| enaṃ śatasahasrāṇāṃ śatārdhaṃ paryupāsate| yūthapā yūthapaśreṣṭhaṃ yeṣāṃ yūthāni bhāgaśaḥ||
English Meaning
And he that stay, like to a mighty mass of clouds covering up the sky, in the midst of the monkey-heroes, as does Vasava in the centre of the celestials, whose lofty shout is heard (mingled with the uproar set up by the foremost monkeys, burning for battle, dwell in the excellent hill Pārijātra; and, ever irrepressible in fight, is named Panasa, a leader of (monkey) bands. Fifty lacs of leaders with their forces arranged, environs this commander of monkeys.
— M.N. Dutt (1891–94, public domain)