Siraatउत्तरकाण्डः सर्गः 70
14 verses
हते तु लवणे देवाः सेन्द्राः साग्निपुरोगमाः। ऊचुः सुमधुरां वाणीं शत्रुघ्नं शत्रुतापनम्॥
hate tu lavaṇe devāḥ sendrāḥ sāgnipurogamāḥ| ūcuḥ sumadhurāṃ vāṇīṃ śatrughnaṃ śatrutāpanam||
Lavana being slain the celestials headed by Agni and Indra said in sweet accents to Śatrughna the represser of enemies.
— M.N. Dutt (1891–94, public domain)
दिष्ट्या ते विजयो वत्स दिष्ट्या लवणराक्षसः। हतः पुरुषशार्दूल वरं वरय सुव्रत।२।।
diṣṭyā te vijayo vatsa diṣṭyā lavaṇarākṣasaḥ| hataḥ puruṣaśārdūla varaṃ varaya suvrata|2||
O child, fortunate it is that you have been crowned with success after slaying the Rākṣasa Lavaņa. Do you, therefore, O foremost of men, O you of firm vows, accept boons.
— M.N. Dutt (1891–94, public domain)
वरदास्तु महाबाहो सर्व एव समागताः। विजयाकाङ्क्षिणस्तुभ्यममोघं दर्शनं हि नः॥
varadāstu mahābāho sarva eva samāgatāḥ| vijayākāṅkṣiṇastubhyamamoghaṃ darśanaṃ hi naḥ||
O you having long arms, all those who can confer boons have arrived here; they all wish for your victory; seeing us does not go without fruits.
— M.N. Dutt (1891–94, public domain)
देवानां भाषितं श्रुत्वा शूरो मूर्ध्नि कृताञ्जलिः। प्रत्युवाच महाबाहुः शत्रुघ्नः प्रयतात्मवान्॥
devānāṃ bhāṣitaṃ śrutvā śūro mūrdhni kṛtāñjaliḥ| pratyuvāca mahābāhuḥ śatrughnaḥ prayatātmavān||
Hearing the words of the celestials the largearmed and self-controlled Satrughna placed his hands on his head and said.
— M.N. Dutt (1891–94, public domain)
इयं मधुपुरी रम्या मधुरा देवनिर्मिता। निवेशं प्राप्नुयाच्छीघ्रमेष मेऽस्तु वरः परः॥
iyaṃ madhupurī ramyā madhurā devanirmitā| niveśaṃ prāpnuyācchīghrameṣa me'stu varaḥ paraḥ||
Let this picturesque and charming city of Madhu, built by the celestials, by my capital; this is the only excellent boon I can beg.
— M.N. Dutt (1891–94, public domain)
तं देवाः प्रीतमनसो बाढमित्येव राघवम्। भविष्यति पुरी रम्या शूरसेना न संशयः॥
taṃ devāḥ prītamanaso bāḍhamityeva rāghavam| bhaviṣyati purī ramyā śūrasenā na saṃśayaḥ||
The celestials, with a delighted heart, said to the descendant of Raghu.-Your desire shall be fulfilled and forsooth shall your city be turned into a picturesque capital under the name of Surasena.
— M.N. Dutt (1891–94, public domain)
ते तथोक्त्वा महात्मानो दिवमारुरुहुस्तदा। शत्रुघ्नोऽपि महातेजास्तां सेनां समुपानयत्॥
te tathoktvā mahātmāno divamāruruhustadā| śatrughno'pi mahātejāstāṃ senāṃ samupānayat||
The high-souled celestials having ascended the welkin saying this, the highly effulgent Śatrughna brought the soldiers there, that were encamped on the banks of the Gangā.
— M.N. Dutt (1891–94, public domain)
सा सेना शीघ्रमागच्छच्छुत्वा शत्रुघ्नशासनम्। निवेशनं च शत्रुघ्नः श्रावणेन समारभत्॥
sā senā śīghramāgacchacchutvā śatrughnaśāsanam| niveśanaṃ ca śatrughnaḥ śrāvaṇena samārabhat||
When the soldiers arrived there on hearing the commands of Satrughna he engaged in making encampments in the month of Śrāvan.
— M.N. Dutt (1891–94, public domain)
स पुरा दिव्यसंकाशो वर्षे द्वादशमे शुभे। निविष्टः शूरसेनानां विषयश्चाकुतोभयः॥ क्षेत्राणि सस्ययुक्तानि काले वर्षति वासवः। अरोगवीरपुरुषा शत्रुघ्नभुजपालिता ॥
sa purā divyasaṃkāśo varṣe dvādaśame śubhe| niviṣṭaḥ śūrasenānāṃ viṣayaścākutobhayaḥ|| kṣetrāṇi sasyayuktāni kāle varṣati vāsavaḥ| arogavīrapuruṣā śatrughnabhujapālitā ||
In this wise the fearlessness of the celestial host, taking the shape of a country, that beautiful and picturesque city was reared in the course of twelve years. All the fields there were filled with crops and Indra began to pour showers in due seasons. And being protected by the strength of Śatrughna's arms all men there became valiant and were freed from deseases.
— M.N. Dutt (1891–94, public domain)
अर्धचन्द्रप्रतीकाशा यमुनातीरशोभिता। शोभिता गृहमुख्यैश्च चत्वरापणवीथिकैः। चातुर्वर्ण्यसमायुक्ता नानावाणिज्यशोभिता॥
ardhacandrapratīkāśā yamunātīraśobhitā| śobhitā gṛhamukhyaiśca catvarāpaṇavīthikaiḥ| cāturvarṇyasamāyuktā nānāvāṇijyaśobhitā||
That city on the banks of Yamună appeared beautiful like the half moon and was filled with yards, shops, streets beautiful houses, men of four orders and various articles of trade.
— M.N. Dutt (1891–94, public domain)
यच्च तेन पुरा शुभ्रं लवणेन कृतं महत्। तच्छोभयति शत्रुघ्नो नानावर्णोपशोभिताम्॥
yacca tena purā śubhraṃ lavaṇena kṛtaṃ mahat| tacchobhayati śatrughno nānāvarṇopaśobhitām||
Śatrughna now engaged in beautifying the spacious, white houses that were made by Lavana before, with various ornamental works.
— M.N. Dutt (1891–94, public domain)
आरामैश्च विहारैश्च शोभमानं समन्ततः। शोभितां शोभनीयैश्च तथान्यैर्दैवमानुषैः॥ तां पुरीं दिव्यसंकाशां नानापण्योपशोभिताम्। नानादेशगतैश्चापि वणिग्भिरुपशोभिताम्॥ तां समृद्धां समृद्धार्थः शत्रुघ्नो भरतानुजः। निरीक्ष्य परमप्रीतः परं हर्षमुपागमत्॥
ārāmaiśca vihāraiśca śobhamānaṃ samantataḥ| śobhitāṃ śobhanīyaiśca tathānyairdaivamānuṣaiḥ|| tāṃ purīṃ divyasaṃkāśāṃ nānāpaṇyopaśobhitām| nānādeśagataiścāpi vaṇigbhirupaśobhitām|| tāṃ samṛddhāṃ samṛddhārthaḥ śatrughno bharatānujaḥ| nirīkṣya paramaprītaḥ paraṃ harṣamupāgamat||
Beholding the city interspersed with various excellent gardens, pleasure grounds and prosperously filled with celestials and men and diverse articles of trade and merchants hailing from various countries, Satrughna, the younger brother of Bharata, attained to the satisfaction of desire and excess of delight.
— M.N. Dutt (1891–94, public domain)
तस्य बुद्धिः समुत्पन्ना निवेश्य मधुरां पुरीम्। रामपादौ निरीक्षेऽहं वर्षे द्वादश आगते॥
tasya buddhiḥ samutpannā niveśya madhurāṃ purīm| rāmapādau nirīkṣe'haṃ varṣe dvādaśa āgate||
Having thus reared the beautiful city he resolved within himself The twelfth year has come. I shall now behold the feet of Rāma.
— M.N. Dutt (1891–94, public domain)
ततः स ताममरपुरोपमां पुरी निवेश्य वै विविधजनाभिसंवृताम्। नराधिपो रघुपतिपाददर्शने दधे मतिं रघुकुलवंशवर्धनः॥
tataḥ sa tāmamarapuropamāṃ purī niveśya vai vividhajanābhisaṃvṛtām| narādhipo raghupatipādadarśane dadhe matiṃ raghukulavaṃśavardhanaḥ||
There upon having set up the city resembling the region of the celestials and filled with various men, the king Satrughna, the enhancer of Raghu's race, determined on beholding Rāma's feet.
— M.N. Dutt (1891–94, public domain)