Siraatउत्तरकाण्डः सर्गः 56
26 verses
रामस्य भाषितं श्रुत्वा लक्ष्मणः परवीरहा। उवाच प्राञ्जलिर्भूत्वा राघवं दीप्ततेजसम्॥
rāmasya bhāṣitaṃ śrutvā lakṣmaṇaḥ paravīrahā| uvāca prāñjalirbhūtvā rāghavaṃ dīptatejasam||
Hearing the words of the effulgent Rāma, Lakşmaņa, the slayer of enemies, said with folded hands.
— M.N. Dutt (1891–94, public domain)
निक्षिप्य देहौ काकुत्स्थ कथं तौ द्विजपार्थिवौ। पुनर्देहेन संयोग जग्मतुर्देवसंमतौ॥
nikṣipya dehau kākutstha kathaṃ tau dvijapārthivau| punardehena saṃyoga jagmaturdevasaṃmatau||
Having thus cast off their bodies how did that Brāhmaṇa worshipped of the celestial and the king regain them?
— M.N. Dutt (1891–94, public domain)
लक्ष्मणेनैवमुक्तस्तु राम इक्ष्वाकुन्दनः। प्रत्युवाच महातेजा लक्ष्मणं पुरुषर्षभः॥
lakṣmaṇenaivamuktastu rāma ikṣvākundanaḥ| pratyuvāca mahātejā lakṣmaṇaṃ puruṣarṣabhaḥ||
Having been thus accosted by Lakşmaņa, Rāma, the descendant of Ikşvākus and the foremost of men, replied.
— M.N. Dutt (1891–94, public domain)
तौ परस्परशापेन देहमुत्सृज्य धार्मिकौ। अभूतां नृपविप्रर्षी वायुभूतौ तपोधनौ॥
tau parasparaśāpena dehamutsṛjya dhārmikau| abhūtāṃ nṛpaviprarṣī vāyubhūtau tapodhanau||
Having renounced their persons both Nimi and the pious Vasiştha, having asceticism for their wealth, were metamorphosed into air.
— M.N. Dutt (1891–94, public domain)
अशरीरः शरीरस्य कृतेऽन्यस्य महामुनिः। वसिष्द्वस्तु महातेजा जगाम पितुरन्तिकम्॥
aśarīraḥ śarīrasya kṛte'nyasya mahāmuniḥ| vasiṣdvastu mahātejā jagāma piturantikam||
Thereupon being thus deprived of his body like the highly effulgent and great ascetic Vasiştha went to the Patriarch Brahmā with the object of acquiring from his another.
— M.N. Dutt (1891–94, public domain)
सोऽभिवाद्य ततः पादौ देवदेवस्य धर्मवित्। पितामहमथोवाच वायुभूत इदं वचः॥
so'bhivādya tataḥ pādau devadevasya dharmavit| pitāmahamathovāca vāyubhūta idaṃ vacaḥ||
Being merged in the air, he, conversant with religion, bowed to his father and said.
— M.N. Dutt (1891–94, public domain)
भगवन्निमिशापेन विदेहत्वमुपागमम्। देवदेव महादेव वायुभूतोऽहमण्डज॥
bhagavannimiśāpena videhatvamupāgamam| devadeva mahādeva vāyubhūto'hamaṇḍaja||
O illustrious god of gods! O you lotus-sprung! by the imprecation of Nimi I have been now deprived of my body and been converted into air.
— M.N. Dutt (1891–94, public domain)
सर्वेषां देहहीनानां महद्दुःखं भविष्यति। लुप्यन्ते सर्वकार्याणि हीनदेहस्य वै प्रभो॥
sarveṣāṃ dehahīnānāṃ mahadduḥkhaṃ bhaviṣyati| lupyante sarvakāryāṇi hīnadehasya vai prabho||
O lord, the state of being bodiless is highly painful to all. The bodiless cannot perform any work; do you, therefore, by the favour, grant me another body.
— M.N. Dutt (1891–94, public domain)
देहस्यान्यस्य सद्भावे प्रसादं कर्तुमर्हसि । तमुवाच ततो ब्रह्मा स्वयंभूरमितप्रभः॥ मित्रावरुणज तेज आविश त्वं महायशः। अयोनिजस्त्वं भविता तत्रापि द्विजसत्तम्। धर्मेण महता युक्तः पुनरेष्यसि मे वशम्॥
dehasyānyasya sadbhāve prasādaṃ kartumarhasi | tamuvāca tato brahmā svayaṃbhūramitaprabhaḥ|| mitrāvaruṇaja teja āviśa tvaṃ mahāyaśaḥ| ayonijastvaṃ bhavitā tatrāpi dvijasattam| dharmeṇa mahatā yuktaḥ punareṣyasi me vaśam||
Whereto the self-sprung Brahma, of unmitigated prowess, replied. O great one, do you enter into the vital energy of Mitra and Varuņa; and even then, O foremost of twiceborn ones, you shall not be born of a woman and being greatly pious shall attain to the rank of a patriarch.
— M.N. Dutt (1891–94, public domain)
एवमुक्तस्तु देवेन अभिवाद्य प्रदक्षिणम्। कृत्वा पितामहं तूर्णं प्रययौ वरुणालयम्॥
evamuktastu devena abhivādya pradakṣiṇam| kṛtvā pitāmahaṃ tūrṇaṃ prayayau varuṇālayam||
The Patriarch Brahma having said this, Vasishtha, saluting and circumbulating him, repaired to the region of Varuņa.
— M.N. Dutt (1891–94, public domain)
तमेव कालं मित्रोऽपि वरुणत्वमकारयत्। क्षीरोदेन सहोपेतः पूज्यमानः सुरेश्वरैः॥
tameva kālaṃ mitro'pi varuṇatvamakārayat| kṣīrodena sahopetaḥ pūjyamānaḥ sureśvaraiḥ||
At that time Mitra in conjunction with Varuņa was reigning in Varuna's kingdom being worshipped by all celestials.
— M.N. Dutt (1891–94, public domain)
एतस्मिन्नेव काले तु उर्वशी परमाप्सराः। यदृच्छया तमुद्देशमागता सखिभित्ता॥
etasminneva kāle tu urvaśī paramāpsarāḥ| yadṛcchayā tamuddeśamāgatā sakhibhittā||
Meanwhile encircled by her mates the leading Apsarā Urvasi by name arrived there at her pleasure.
— M.N. Dutt (1891–94, public domain)
तां दृष्ट्वा रूपसंपन्नां क्रीडन्तीं वरुणालये। तदाविशत्परो हर्षो वरुणं चोर्वशीकृते॥
tāṃ dṛṣṭvā rūpasaṃpannāṃ krīḍantīṃ varuṇālaye| tadāviśatparo harṣo varuṇaṃ corvaśīkṛte||
Beholding the frolicsome and beautiful Urvasi, Varuna attained to an excess of delight.
— M.N. Dutt (1891–94, public domain)
स तां पद्मपलाशाक्षी पूर्णचन्द्रनिभाननाम्। वरुणो वरयामास मैथुनायाप्सरोवराम्॥
sa tāṃ padmapalāśākṣī pūrṇacandranibhānanām| varuṇo varayāmāsa maithunāyāpsarovarām||
Thereupon he expressed his intention of living with that queen of Apsarās, having a moon-like countenance and lotus-eyes.
— M.N. Dutt (1891–94, public domain)
प्रत्युवाच ततः सा तु वरुणं प्राञ्जलिः स्थिता। मित्रेणाहं वृता साक्षात्पूर्वमेव सुरेश्वर॥
pratyuvāca tataḥ sā tu varuṇaṃ prāñjaliḥ sthitā| mitreṇāhaṃ vṛtā sākṣātpūrvameva sureśvara||
Thereat Urvasi, with folded hands, said-0 lord of celestials, Mitra himself has already invited me for the same.
— M.N. Dutt (1891–94, public domain)
वरुणस्त्वब्रवीद्वाक्यं कंदर्पशरपीडितः। इदं तेजः समुत्स्रक्ष्ये कुम्भेऽस्मिन्देवनिर्मिते॥ एवमुत्सृज्य सुश्रोणि त्वय्यहं वरवर्णिनि। कृतकामो भविष्यामि यदि नेच्छसि संगमम्।।१८
varuṇastvabravīdvākyaṃ kaṃdarpaśarapīḍitaḥ| idaṃ tejaḥ samutsrakṣye kumbhe'smindevanirmite|| evamutsṛjya suśroṇi tvayyahaṃ varavarṇini| kṛtakāmo bhaviṣyāmi yadi necchasi saṃgamam||18
Being stricken by the bow of Kupid, Varuņa said to Urvasī I shall discharge my vital energy into this pot if you do not wish to live with me.
— M.N. Dutt (1891–94, public domain)
तस्य तल्लोकनाथस्य वरुणस्य सुभाषितम्। उर्वशी परमप्रीता श्रुत्वा वाक्यमुवाच ह॥
tasya tallokanāthasya varuṇasya subhāṣitam| urvaśī paramaprītā śrutvā vākyamuvāca ha||
Hearing those sweet words of the Patriarch Varuna, Urvasi was highly pleased and said.
— M.N. Dutt (1891–94, public domain)
काममेतद्भवत्वेवं हृदयं मे त्वयि स्थितम्। भावश्चाप्यधिकं तुभ्यं देहो मित्रस्य तु प्रभो॥
kāmametadbhavatvevaṃ hṛdayaṃ me tvayi sthitam| bhāvaścāpyadhikaṃ tubhyaṃ deho mitrasya tu prabho||
Do what you have said. Now my body is under the possession of Mitra but my mind is attached to your and you are equally attached to me.
— M.N. Dutt (1891–94, public domain)
उर्वश्या एवमुक्तस्तु रेतस्तन्महदद्भुतम्। ज्वलदग्निसमप्रख्यं तस्मिन्कुम्भे न्यवासृजत्।।२१
urvaśyā evamuktastu retastanmahadadbhutam| jvaladagnisamaprakhyaṃ tasminkumbhe nyavāsṛjat||21
Urvaśī having said this, Varuņa discharged his vital energy into the pot.
— M.N. Dutt (1891–94, public domain)
उर्वशी त्वगमत्तत्र मित्रो वै यत्र देवता। तां तु मित्रः सुसंक्रुद्धउर्वशीमिदमब्रवीत्॥
urvaśī tvagamattatra mitro vai yatra devatā| tāṃ tu mitraḥ susaṃkruddhaurvaśīmidamabravīt||
Thereupon Urvasi approached Mitra. And thereat highly enraged he said to her.
— M.N. Dutt (1891–94, public domain)
मयाभिमन्त्रिता पूर्वं कस्मात्त्वमवसर्जिता। पतिमन्यं वृतवती किमर्थ दुष्टचारिणि ॥ अनेन दुष्कृतेन त्वं मत्क्रोधकलुषीकृता। मनुष्यलोकमास्थाय कंचित्कालं निवत्स्यसि।।२४
mayābhimantritā pūrvaṃ kasmāttvamavasarjitā| patimanyaṃ vṛtavatī kimartha duṣṭacāriṇi || anena duṣkṛtena tvaṃ matkrodhakaluṣīkṛtā| manuṣyalokamāsthāya kaṃcitkālaṃ nivatsyasi||24
I invited you first; O you of vicious actions, why have, you, renouncing me, secured another. for this vile action, you shall, by my curse live in the land of mortals for some time.
— M.N. Dutt (1891–94, public domain)
बुधस्य पुत्रो राजर्षिः काशिराजः पुरूरवाः। तमभ्यागच्छ दुर्बुद्धे स ते भर्ता भविष्यति ॥
budhasya putro rājarṣiḥ kāśirājaḥ purūravāḥ| tamabhyāgaccha durbuddhe sa te bhartā bhaviṣyati ||
The royal saint Pururava, the king of kasi, is the son of Budha. Do you go to him, O you of a vicious intellect; he shall be your husband.
— M.N. Dutt (1891–94, public domain)
ततः सा शापदोषेण पुरूरवसमभ्यगात्। प्रतिष्ठाने पुरूरवं बुधस्यात्मजमौरसम्॥
tataḥ sā śāpadoṣeṇa purūravasamabhyagāt| pratiṣṭhāne purūravaṃ budhasyātmajamaurasam||
Thereupon being thus placed under the influence of curse Urvasi went to Pururavă.
— M.N. Dutt (1891–94, public domain)
तस्य जज्ञे ततः श्रीमानायुः पुत्रो महाबलः। नहुषो यस्य पुत्रस्तु बभूवेन्द्रसमद्युतिः॥
tasya jajñe tataḥ śrīmānāyuḥ putro mahābalaḥ| nahuṣo yasya putrastu babhūvendrasamadyutiḥ||
The king Paruravă was the begotten son of Budha. He reigned in the foremost of cities Pratişțaro. He begot on Urvaší a highly powerful and beautiful son by the name of Āyu. Nahuşa, powerful as Indra, was the son of
— M.N. Dutt (1891–94, public domain)
वज्रमुत्सृज्य वृत्राय श्रान्तेऽथ त्रिदिवेश्वरे। शतं वर्षसहस्राणि येनेन्द्रत्वं प्रशासितम्॥
vajramutsṛjya vṛtrāya śrānte'tha tridiveśvare| śataṃ varṣasahasrāṇi yenendratvaṃ praśāsitam||
When Indra, the king of the celestials, was assailed with thunderbolt by the Asura Větra, Nahuşa governed his kingdom for a hundred thousand years.
— M.N. Dutt (1891–94, public domain)
सा तेन शापेन जगाम भूमि तदोर्वशी चारुदती सुनेत्रा। बहूनि वर्षाण्यवसच्च सुभ्रूः शापक्षयादिन्द्रसदो ययौ च ॥
sā tena śāpena jagāma bhūmi tadorvaśī cārudatī sunetrā| bahūni varṣāṇyavasacca subhrūḥ śāpakṣayādindrasado yayau ca ||
In this wise Urvasi, having beautiful teeth, eyes and brow, remained on earth for many years and then returned to the region of Indra after the period of curse had been over.
— M.N. Dutt (1891–94, public domain)