निवातकवचास्तत्र दैतेया लब्धवरा वसन्। राक्षसस्तान्समागम्य युद्धाय समुपाह्वयत्॥ ते तु सर्वे सुविक्रान्ता दैतेया बलशालिनः। नानाप्रहरणास्तत्र प्रहृष्टा युद्धदुर्मदाः॥ शूलैस्त्रिशूलैः कुलिशैः पट्टिशासिपरश्वधैः। अन्योन्यं बिभिदुः कृद्धा राक्षसा दानवास्तथा॥ तेषां तु युध्यमानानां साग्रः संवत्सरो गतः। न चान्यतरतस्तत्र विजयो वा क्षयोऽपि वा।।।।
nivātakavacāstatra daiteyā labdhavarā vasan| rākṣasastānsamāgamya yuddhāya samupāhvayat|| te tu sarve suvikrāntā daiteyā balaśālinaḥ| nānāpraharaṇāstatra prahṛṣṭā yuddhadurmadāḥ|| śūlaistriśūlaiḥ kuliśaiḥ paṭṭiśāsiparaśvadhaiḥ| anyonyaṃ bibhiduḥ kṛddhā rākṣasā dānavāstathā|| teṣāṃ tu yudhyamānānāṃ sāgraḥ saṃvatsaro gataḥ| na cānyataratastatra vijayo vā kṣayo'pi vā||||
English Meaning
There dwelt the Nivātakavacas, who had obtained boons. Those Daityas were possessed of prowess and endowed with strength, carrying various weapons, breathing high spirits and invincible in battle. And the Dānavas and Rāks asas growing enraged fell to raving each other with darts and tridents, Kuliśas and axes and pațțiśas. And as they fought one entire year passed away and neither side obtained victory or was worsted.
— M.N. Dutt (1891–94, public domain)