नदी भागीरथीं रम्यां सरयूं कौशिकी तथा॥ कालिन्दी यमुनां रम्यां यामुनं च महागिरिम्। सरस्वती च सिन्धुं च शोणं मणिनिभोदकम्॥ महीं कालमहीं चापि शैलकाननशोभिताम्। ब्रह्ममालान् विदेहांश्च मालवान् काशिकोसलान्॥ मागांश्च महाग्रामान् पुण्ड्रांस्त्वङ्गांस्तथैव च। भूमिं च कोशकाराणां भूमिं च रजताकराम्॥ सर्वं च तद् विचेतव्यं मृगयद्भिस्ततस्ततः। रामस्य दयितां भार्यां सीतां दशरथस्नुषाम्॥ समुद्रमवगाढांश्च पर्वतान् पत्तनानि च। मन्दरस्य च ये कोटिं संश्रिताः केचिदालयाः॥ कर्णप्रावरणाश्चैव तथा चाप्योष्ठकर्णकाः। घोरलोहमुखाश्चैव जवनाश्चैकपादकाः॥ अक्षया बलवन्तश्च तथैव पुरुषादकाः। किरातास्तीक्ष्णचूडाश्च हेमाभाः प्रियदर्शनाः॥ आममीनाशनाश्चापि किराता द्वीपवासिनः। अन्तर्जलचरा घोरा नरव्याघ्रा इति स्मृताः॥ एतेषामाश्रयाः सर्वे विचेयाः काननौकसः। गिरिभिर्ये च गम्यन्ते प्लवनेन प्लवेन च॥ यत्नवन्तो यवद्वीपं सप्तराज्योपशोभितम्। सुवर्णरूप्यकद्वीपं सुवर्णाकरमण्डितम्॥
nadī bhāgīrathīṃ ramyāṃ sarayūṃ kauśikī tathā|| kālindī yamunāṃ ramyāṃ yāmunaṃ ca mahāgirim| sarasvatī ca sindhuṃ ca śoṇaṃ maṇinibhodakam|| mahīṃ kālamahīṃ cāpi śailakānanaśobhitām| brahmamālān videhāṃśca mālavān kāśikosalān|| māgāṃśca mahāgrāmān puṇḍrāṃstvaṅgāṃstathaiva ca| bhūmiṃ ca kośakārāṇāṃ bhūmiṃ ca rajatākarām|| sarvaṃ ca tad vicetavyaṃ mṛgayadbhistatastataḥ| rāmasya dayitāṃ bhāryāṃ sītāṃ daśarathasnuṣām|| samudramavagāḍhāṃśca parvatān pattanāni ca| mandarasya ca ye koṭiṃ saṃśritāḥ kecidālayāḥ|| karṇaprāvaraṇāścaiva tathā cāpyoṣṭhakarṇakāḥ| ghoralohamukhāścaiva javanāścaikapādakāḥ|| akṣayā balavantaśca tathaiva puruṣādakāḥ| kirātāstīkṣṇacūḍāśca hemābhāḥ priyadarśanāḥ|| āmamīnāśanāścāpi kirātā dvīpavāsinaḥ| antarjalacarā ghorā naravyāghrā iti smṛtāḥ|| eteṣāmāśrayāḥ sarve viceyāḥ kānanaukasaḥ| giribhirye ca gamyante plavanena plavena ca|| yatnavanto yavadvīpaṃ saptarājyopaśobhitam| suvarṇarūpyakadvīpaṃ suvarṇākaramaṇḍitam||
English Meaning
And while on the search around for Rama's beloved wife, Sita, daughter-in-law to Dasaratha, you should search the beautiful Bhāgirathi, and the Sarayu, and the Kausiki; the Kalindi, and the charming Yamunā, and the mighty hill bordering thereon; and the Saraswati, and the Sindhu, and the Sona with water resembling ruby; and the Mahi and Kālamahi, garnished with woods and hills,-the large tracts-Brahmamālas, Videhas, and Mālavāns, and Kāsikosalas, and Māgadhas, and Pundras, and Angas; and grounds native to silkworms, and containing mines of silver; and mountains and cities embosmed in the sea. Do you also search through the houses in Mandara,-belonging to people having ears resembling cloths, reaching their nether lips, and mouths resembling iron,-one-footed and fleet withal; and whose descendants never, deteriorate;-and to anthropophagi; and hunters dwelling on islands; having sharp hair, goldhued, pleasing, and subsisting on raw fish; and to creatures-tiger-man forms-~-terrible to behold; and, you dwellers of woods, do you carefully search those places that are accessible by crags and bounds, and the island of Yava, adorned by seven several kingdoms, and the island of Suvarna, and Rupayaka,-thronged by gold miners.
— M.N. Dutt (1891–94, public domain)