एवमुक्तस्तु सुग्रीवो विनतं नाम यूथपम्। अब्रवीद् रामसांनिध्ये लक्ष्मणस्य च धीमतः॥ शैलाभं मेघनिर्घोषमूर्जितं प्लवगेश्वरम्। सोमसूर्यनिभैः सार्धं वानरैर्वानरोत्तम॥ देशकालनयैर्युक्तो विज्ञः कार्यविनिश्चये। वृतः शतसहस्रेण वानराणां तरस्विनाम्॥ अधिगच्छ दिशं पूर्वां सशैलवनकाननाम्। तत्र सीतां च वैदेहीं निलयं रावणस्य च॥ मार्गध्वं गिरिदुर्गेषु वनेषु च नदीषु च।
evamuktastu sugrīvo vinataṃ nāma yūthapam| abravīd rāmasāṃnidhye lakṣmaṇasya ca dhīmataḥ|| śailābhaṃ meghanirghoṣamūrjitaṃ plavageśvaram| somasūryanibhaiḥ sārdhaṃ vānarairvānarottama|| deśakālanayairyukto vijñaḥ kāryaviniścaye| vṛtaḥ śatasahasreṇa vānarāṇāṃ tarasvinām|| adhigaccha diśaṃ pūrvāṃ saśailavanakānanām| tatra sītāṃ ca vaidehīṃ nilayaṃ rāvaṇasya ca|| mārgadhvaṃ giridurgeṣu vaneṣu ca nadīṣu ca|
English Meaning
Thus addressed, Sugrīva in presence of Rāma and the intelligent Lakşmaņa, said to a leader of herds of lord of apes, named Vinata, having the splendour of a hill, blazing and emitting sounds as those of clouds, O foremost of monkeys, accompanied with apes resembling the sun and the moon, you cognizant of time, place and morals, and sagacious in deciding course of action,-surrounded by hundreds and thousands are of active apes, march towards the Estern quarter, furnished with woods, forests and hills. There, in mountain fastnesses, and forests and rivers, do you search Videha's daughter, Sītā, as well as the abode of Rāvana.
— M.N. Dutt (1891–94, public domain)