पाण्डुरेण तु शैलेन परिक्षिप्तं दुरासदम्। वानरेन्द्रगृहं रम्यं महेन्द्रसदनोपमम्॥ शुक्लैः प्रासादशिखरैः कैलासशिखरोपमैः। सर्वकामफलैर्वृक्षैः पुष्पितैरुपशोभितम्॥ महेन्द्रदत्तैः श्रीमद्भिर्नीलजीमूतसंनिभैः। दिव्यपुष्पफलैर्वृक्षैः शीतच्छायैर्मनोरमैः॥ हरिभिः संवृतद्वारं बलिभिः शस्त्रपाणिभिः। दिव्यमाल्यावृतं शुभ्रं तप्तकाञ्चनतोरणम्॥ सुग्रीवस्य गृहं रम्यं प्रविवेश महाबलः। अवार्यमाणः सौमित्रिर्महाभ्रमिव भास्करः॥
pāṇḍureṇa tu śailena parikṣiptaṃ durāsadam| vānarendragṛhaṃ ramyaṃ mahendrasadanopamam|| śuklaiḥ prāsādaśikharaiḥ kailāsaśikharopamaiḥ| sarvakāmaphalairvṛkṣaiḥ puṣpitairupaśobhitam|| mahendradattaiḥ śrīmadbhirnīlajīmūtasaṃnibhaiḥ| divyapuṣpaphalairvṛkṣaiḥ śītacchāyairmanoramaiḥ|| haribhiḥ saṃvṛtadvāraṃ balibhiḥ śastrapāṇibhiḥ| divyamālyāvṛtaṃ śubhraṃ taptakāñcanatoraṇam|| sugrīvasya gṛhaṃ ramyaṃ praviveśa mahābalaḥ| avāryamāṇaḥ saumitrirmahābhramiva bhāskaraḥ||
English Meaning
Unobstructed the highly powerful Saumitri entered the picturesque abode of Sugrīva like to the Sun entering into a collection of dense clouds. The abode of this lord of monkeys was like to the palace of the Lord of celestials, ornamented with the tops of white buildings resembling the summits of the Kailasa hill and flowery trees producing at all times, wished-for fruits, covered with beautiful trees having cool shades and bearing celestial fruits and flowers resembling the molten-god.
— M.N. Dutt (1891–94, public domain)