एवमुक्ताः सुराः सर्वे प्रत्यूचुर्मुनिपुङ्गवम्। एवं भवतु भद्रं ते तिष्ठन्त्वेतानि सर्वशः॥ गगने तान्यनेकानि वैश्वानरपथाद् बहिः। नक्षत्राणि मुनिश्रेष्ठ तेषु ज्योतिःषु जाज्वलन्॥ अवाक्शिरास्त्रिंशङ्कुश्च श्च तिष्ठत्वमरसंनिभः। अनुयास्यन्ति चैतानि ज्योतींषि नृपसत्तमम्॥ कृतार्थं कीर्तिमन्तं च स्वर्गलोकगतं यथा। विश्वामित्रस्तु धर्मात्मा सर्वदेवैरभिष्टुतः॥
evamuktāḥ surāḥ sarve pratyūcurmunipuṅgavam| evaṃ bhavatu bhadraṃ te tiṣṭhantvetāni sarvaśaḥ|| gagane tānyanekāni vaiśvānarapathād bahiḥ| nakṣatrāṇi muniśreṣṭha teṣu jyotiḥṣu jājvalan|| avākśirāstriṃśaṅkuśca śca tiṣṭhatvamarasaṃnibhaḥ| anuyāsyanti caitāni jyotīṃṣi nṛpasattamam|| kṛtārthaṃ kīrtimantaṃ ca svargalokagataṃ yathā| viśvāmitrastu dharmātmā sarvadevairabhiṣṭutaḥ||
English Meaning
Thus addressed, the deities answered that best of ascetics saying, 'So be it, good betide you! All these innumerable stars, O foremost of anchorets, shall remain in the firmament outside the path of Vaiśvānara (Zodiac); and shining in their splendour, Trisanku shall dwell with bended head, like to an immortal. And all these luminous bodies shall follow that best of kings, illustrious and successful, as if he had attained heaven itself.' And the virtuous and exceedingly energetic Viśvāmitra, thus assured by the celestials, said in the midst of the saints, 'You gods, excellent well.'
— M.N. Dutt (1891–94, public domain)