Siraatबालकाण्डः सर्गः 21
23 verses
तच्छ्रुत्वा वचनं तस्य स्नेहपर्याकुलाक्षरम्। समन्युः कौशिकौ वाक्यं प्रत्युवाच महीपतिम् ॥
tacchrutvā vacanaṃ tasya snehaparyākulākṣaram| samanyuḥ kauśikau vākyaṃ pratyuvāca mahīpatim ||
Hearing those words of Dasaratha's composed of letters faltering with affection, Kusika's son, stirred up with anger, answered the monarch, saying,
— M.N. Dutt (1891–94, public domain)
पूर्वमर्थं प्रतिश्रुत्य प्रतिज्ञां हातुमिच्छसि। राघवाणामयुक्तोऽयं कुलस्यास्य विपर्यय॥
pūrvamarthaṃ pratiśrutya pratijñāṃ hātumicchasi| rāghavāṇāmayukto'yaṃ kulasyāsya viparyaya||
Having promised me first, you endeavour to renounce that proinise of yours. This surely is unworthy of a descendant of Raghu, and this can bring destruction upon the dynasty.
— M.N. Dutt (1891–94, public domain)
यदीदं ते क्षमं राजन् गमिष्यामि यथागतम्। मिथ्याप्रतिज्ञः काकुत्स्थ सुखी भव सुहृद्वृतः॥
yadīdaṃ te kṣamaṃ rājan gamiṣyāmi yathāgatam| mithyāpratijñaḥ kākutstha sukhī bhava suhṛdvṛtaḥ||
If, O king, in acting thus, you have acted properly, I will then repair to the place whence I had come. O Kākutstha's descendant false in promise, do you attain happiness, being surrounded by your friends.
— M.N. Dutt (1891–94, public domain)
तस्य रोषपरीतस्य विश्वामित्रस्य धीमतः। चचाल वसुधा कृत्स्ना देवानां च भयं महत्॥
tasya roṣaparītasya viśvāmitrasya dhīmataḥ| cacāla vasudhā kṛtsnā devānāṃ ca bhayaṃ mahat||
And when the intelligent Viśvāmitra was exercised with wrath, the entire earth began to tremble, and the gods even were inspired with awe.
— M.N. Dutt (1891–94, public domain)
त्रस्तरूपं तु विज्ञाय जगत् सर्वं महानृषिः। नृपतिं सुव्रतो धीरो वसिष्ठो वाक्यमब्रवीत्॥
trastarūpaṃ tu vijñāya jagat sarvaṃ mahānṛṣiḥ| nṛpatiṃ suvrato dhīro vasiṣṭho vākyamabravīt||
And knowing that the entire universe was in trepidation, that mighty saint, the sedate Vasiştha of excellent vows, said these words to the king.
— M.N. Dutt (1891–94, public domain)
इक्ष्वाकूणां कुले जातः साक्षाद् धर्म इवापरः। धृतिमान् सुव्रतः श्रीमान् न धर्म हातुमर्हसि॥
ikṣvākūṇāṃ kule jātaḥ sākṣād dharma ivāparaḥ| dhṛtimān suvrataḥ śrīmān na dharma hātumarhasi||
Born in the line of Ikşvāku, you are the very second self of virtue. And endowed with patience, and auspicious, and observing excellent vows, you ought not to renounce virtue.
— M.N. Dutt (1891–94, public domain)
त्रिषु लोकेषु विख्यातो धर्मात्मा इति राघवः। स्वधर्मं प्रतिपद्यस्व नाधर्मं वोढुमर्हसि।७।।
triṣu lokeṣu vikhyāto dharmātmā iti rāghavaḥ| svadharmaṃ pratipadyasva nādharmaṃ voḍhumarhasi|7||
The descendant of Raghu is famed over the three worlds as righteous-souled. Do you maintain your habit of adhering to promise; for it does not behove you to act unrighteously.
— M.N. Dutt (1891–94, public domain)
प्रतिश्रुत्य करिष्येति उक्तं वाक्यमकुर्वतः। इष्टापूर्तवधो भूयात् तस्माद् रामं विसर्जय॥
pratiśrutya kariṣyeti uktaṃ vākyamakurvataḥ| iṣṭāpūrtavadho bhūyāt tasmād rāmaṃ visarjaya||
If having promised, I will do so, you do not act up to your word, the merit you have achieved by digging tanks, shall come to naught, therefore do you renounce Rāma!
— M.N. Dutt (1891–94, public domain)
कृतास्त्रमकृतास्त्रं वा नैनं शक्ष्यन्ति राक्षसाः। गुप्तं कुशिकपुत्रेण ज्वलनेनामृतं यथा॥
kṛtāstramakṛtāstraṃ vā nainaṃ śakṣyanti rākṣasāḥ| guptaṃ kuśikaputreṇa jvalanenāmṛtaṃ yathā||
Accomplished or not accomplished in weapons, the Rākṣasas cannot bear him protected by Kusika's son, like ambrosia, by flaming fire.
— M.N. Dutt (1891–94, public domain)
एष विग्रहवान् धर्म एष वीर्यवतां वरः। एष विद्याधिको लोके तपसश्च परायणम्॥
eṣa vigrahavān dharma eṣa vīryavatāṃ varaḥ| eṣa vidyādhiko loke tapasaśca parāyaṇam||
This one is Virtue incarnate : this one is the foremost of those possessing prowess. This one surpass all others in learning, and is the refuge of asceticism.
— M.N. Dutt (1891–94, public domain)
एषोऽस्त्रान् विविधान् वेत्ति त्रैलोक्ये सचराचरे। नैनमन्यः पुमान् वेत्ति न च वेत्स्यन्ति केचन॥
eṣo'strān vividhān vetti trailokye sacarācare| nainamanyaḥ pumān vetti na ca vetsyanti kecana||
This one is congnizant of all that exist in the three worlds furnished with mobile and immobile things;. but others do not know him,-nor yet shall know him hereafter.
— M.N. Dutt (1891–94, public domain)
न देवा नर्षयः केचिन्नामरा न च राक्षसाः। गन्धर्वयक्षप्रवराः सकिन्नरमहोरगाः॥
na devā narṣayaḥ kecinnāmarā na ca rākṣasāḥ| gandharvayakṣapravarāḥ sakinnaramahoragāḥ||
And neither the gods, nor the saints, nor the immortals, nor the Rakşasas, nor the foremost of Gandharvas and Yaksas, nor the Kinnaras, nor the mighty Serpents can know him.
— M.N. Dutt (1891–94, public domain)
सर्वास्त्राणि कृशाश्वस्य पुत्राः परमधार्मिकाः। कौशिकाय पुरा दत्ता यदा राज्यं प्रशासति॥
sarvāstrāṇi kṛśāśvasya putrāḥ paramadhārmikāḥ| kauśikāya purā dattā yadā rājyaṃ praśāsati||
And formerly while the descendant of Kusika was ruling his kingdom, Siva conferred upon him the highly famous sons of Kțśāśva in the shape of all w apons.
— M.N. Dutt (1891–94, public domain)
तेऽपि पुत्राः कृशाश्वस्य प्रजापतिसुतासुताः। नैकरूपा महावीर्या दीप्तिमन्तो जयावहाः॥
te'pi putrāḥ kṛśāśvasya prajāpatisutāsutāḥ| naikarūpā mahāvīryā dīptimanto jayāvahāḥ||
Those sons of Krśāśva were the offspring of Prajāpati's daughters. And they were endowed with various forms, and were effulgent and dreadful.
— M.N. Dutt (1891–94, public domain)
जया च सुप्रभा चैव दक्षकन्ये सुमध्यमे। ते सूतेऽस्त्राणि शस्त्राणि शतं परमभास्वरम्॥
jayā ca suprabhā caiva dakṣakanye sumadhyame| te sūte'strāṇi śastrāṇi śataṃ paramabhāsvaram||
And Dakşa's daughters of elegant waists, Jayā and Suprabhā, brought forth an hundred exceedingly effulgent weapons.
— M.N. Dutt (1891–94, public domain)
पञ्चाशतं सुताँल्लेभे जया लब्धवरा वरान्। वधायासुरसैन्यानामप्रमेयानरूपिणः॥
pañcāśataṃ sutā~llebhe jayā labdhavarā varān| vadhāyāsurasainyānāmaprameyānarūpiṇaḥ||
And by virtue of her boon, Jayā obtained fifty sons of immeasurable strength and endued with the power of becoming invisible for the purpose of slaughtering the hosts of the Asuras.
— M.N. Dutt (1891–94, public domain)
सुप्रभाजनयच्चापि पुत्रान् पञ्चशतं पुनः। संहारान् नाम दुर्धर्षान् दुराक्रमान् बलीयसः॥
suprabhājanayaccāpi putrān pañcaśataṃ punaḥ| saṃhārān nāma durdharṣān durākramān balīyasaḥ||
Suprabhā also brought forth fifty sons named Sanhäras, incapable of being borne, and infallible and powerful.
— M.N. Dutt (1891–94, public domain)
तानि चास्त्राणि वेत्त्येष यथावत् कुशिकात्मजः। अपूर्वाणां च जनने शक्तो भूयश्च धर्मवित्॥
tāni cāstrāṇi vettyeṣa yathāvat kuśikātmajaḥ| apūrvāṇāṃ ca janane śakto bhūyaśca dharmavit||
Kuśika's son is adequately conversant with all those weapons. And that one knowing duty is also capable of creating wonderful weapons.
— M.N. Dutt (1891–94, public domain)
तेनास्य मुनिमुख्यस्य धर्मज्ञस्य महात्मनः। न किञ्चिदस्त्यविदितं भूतं भव्यं च राघव॥
tenāsya munimukhyasya dharmajñasya mahātmanaḥ| na kiñcidastyaviditaṃ bhūtaṃ bhavyaṃ ca rāghava||
O descendant of Raghu, there is nothing present, past, or future which is not known by that foremost of ascetics of high soul, and cognizant of morality.
— M.N. Dutt (1891–94, public domain)
एवंवीर्यो महातेजा विश्वामित्रो महायशाः। न रामगमने राजन् संशयं गन्तुमर्हसि ॥
evaṃvīryo mahātejā viśvāmitro mahāyaśāḥ| na rāmagamane rājan saṃśayaṃ gantumarhasi ||
Such is the prowess of that highly famous Viśvāmitra possessed of mighty energy. Therefore, O king, it behove you not to hesitate in the matter of Rāma's going.
— M.N. Dutt (1891–94, public domain)
तेषां निग्रहणे शक्तः स्वयं च कुशिकात्मजः। तव पुत्रहितार्थाय त्वामुपेत्याभियाचते॥
teṣāṃ nigrahaṇe śaktaḥ svayaṃ ca kuśikātmajaḥ| tava putrahitārthāya tvāmupetyābhiyācate||
The descendant of Kusika is himself capable of repressing the Rākşasas; and it is in order to your son's welfare that coming to you, he ask for him of you.
— M.N. Dutt (1891–94, public domain)
इति मुनिवचनात् प्रसन्नचित्तो रघुवृषभश्च मुमोद पार्थिवाग्र्यः। गमनमभिरुरोच राघवस्य प्रथितयशाः कुशिकात्मजाय बुद्ध्या॥
iti munivacanāt prasannacitto raghuvṛṣabhaśca mumoda pārthivāgryaḥ| gamanamabhiruroca rāghavasya prathitayaśāḥ kuśikātmajāya buddhyā||
At this speech of the ascetic, that foremost of Raghus, the king, well-pleased, became exceedingly delighted. And that famous one, relishing the journey of Rāma, began to reflect in his mind about consigning him to Kusika's son.
— M.N. Dutt (1891–94, public domain)
गमनमभिरुरोच राघवस्य प्रथितयशाः कुशिकात्मजाय बुद्ध्या॥
gamanamabhiruroca rāghavasya prathitayaśāḥ kuśikātmajāya buddhyā||
At this speech of the ascetic, that foremost of Raghus, the king, well-pleased, became exceedingly delighted. And that famous one, relishing the journey of Rāma, began to reflect in his mind about consigning him to Kusika's son. a
— M.N. Dutt (1891–94, public domain)