पन्नगैः सह दीप्तास्यैः समुद्रः प्रत्यदृश्यत। स्निग्धवैदूर्यसंकाशो जाम्बूनदविभूषणः॥ रत्नमाल्याम्बरधरः पद्मपत्रनिभेक्षणः। सर्वपुष्पमयीं दिव्यां शिरसा धारयन्स्रजम्॥ जातरूपमयैश्चैव तपनीयविभूषणैः। आत्मजानां च रत्नानां भूषितो भूषणोत्तमैः॥ धातुभिर्मण्डितः शैलो विविधैर्हिमवानिव। एकावलीमध्यगतं तरलं पाण्डरप्रभम्॥ विपुलेनोरसा बिभ्रत्कौस्तुभस्य सहोदरम्। आपूर्णिततरङ्गौघः कालिकानिलसंकुलः।। गङ्गासिन्धुप्रधानाभिरापगाभिः समावृतः।
pannagaiḥ saha dīptāsyaiḥ samudraḥ pratyadṛśyata| snigdhavaidūryasaṃkāśo jāmbūnadavibhūṣaṇaḥ|| ratnamālyāmbaradharaḥ padmapatranibhekṣaṇaḥ| sarvapuṣpamayīṃ divyāṃ śirasā dhārayansrajam|| jātarūpamayaiścaiva tapanīyavibhūṣaṇaiḥ| ātmajānāṃ ca ratnānāṃ bhūṣito bhūṣaṇottamaiḥ|| dhātubhirmaṇḍitaḥ śailo vividhairhimavāniva| ekāvalīmadhyagataṃ taralaṃ pāṇḍaraprabham|| vipulenorasā bibhratkaustubhasya sahodaram| āpūrṇitataraṅgaughaḥ kālikānilasaṃkulaḥ|| gaṅgāsindhupradhānābhirāpagābhiḥ samāvṛtaḥ|
English Meaning
And accompanied by Pannagas* of flaming faces, the Ocean showed himself, appearing like cool lapises, adorned with golden ornaments, wearing a wreath of gems and a jewelled vesture, with his eyes resembling lotus-leaves, bearing on his head a noble garland containing all flowers; decked with ornaments of polished gold; as well with excellent ornaments of gems originating in himself, like the mountains Himavān embellished with metals (sprung in himself).-(the Ocean arose) with wave on wave whirling around, and rife with winds blowing among clouds, surrounded by streams, Gangā, Sindhu (and others). *Semi-divine serpents.
— M.N. Dutt (1891–94, public domain)