एतच्छ्रुत्वा तु वै रामः सचिवानाह्वयत्स्वयम्॥ धृष्टिर्जयन्तो विजयः सिद्धार्थो राष्ट्रवर्धनः। अशोको धर्मपालश्च सुमन्त्रश्च महाबलः॥ एते रामस्य सचिवा राज्ञो दशरथस्य च। नीतियुक्ता महात्मानः सर्वशास्त्रविशारदाः॥ ह्रीमन्तश्च कुलीनश्च नये मन्त्रे च कोविदाः। तानाहूय च धर्मात्मा पुष्पकादवतीर्य च॥ गृधोलूकविवादं तं पृच्छति स्म रघूत्तमः। कति वर्षाणि वै गृध्र तवेदं निलयं कृतम्॥ एतन्मे कारणं ब्रूहि यदि जानासि तत्त्वतः। एतच्छ्रुत्वा तु वै गृध्रो भाषते राघवं स तम्॥ इयं वसुमती राम मनुष्यैः परितो यदा। उत्थितैरावृता सर्वा तदा प्रभृति मे गृहम्॥
etacchrutvā tu vai rāmaḥ sacivānāhvayatsvayam|| dhṛṣṭirjayanto vijayaḥ siddhārtho rāṣṭravardhanaḥ| aśoko dharmapālaśca sumantraśca mahābalaḥ|| ete rāmasya sacivā rājño daśarathasya ca| nītiyuktā mahātmānaḥ sarvaśāstraviśāradāḥ|| hrīmantaśca kulīnaśca naye mantre ca kovidāḥ| tānāhūya ca dharmātmā puṣpakādavatīrya ca|| gṛdholūkavivādaṃ taṃ pṛcchati sma raghūttamaḥ| kati varṣāṇi vai gṛdhra tavedaṃ nilayaṃ kṛtam|| etanme kāraṇaṃ brūhi yadi jānāsi tattvataḥ| etacchrutvā tu vai gṛdhro bhāṣate rāghavaṃ sa tam|| iyaṃ vasumatī rāma manuṣyaiḥ parito yadā| utthitairāvṛtā sarvā tadā prabhṛti me gṛham||
English Meaning
Hearing those words, Rāma sent for his councillors. The ministers of Dasaratha and Rāma, Brhaspati, Yayanta, Vijaya, Siddhartha, Rast ravarddhana, Asoka, Daramapāla the highly powerful Sumantra and others were all versed in laws, high-minded, conversant with all the Sastras, intelligent, born in respectable families, and adepts in counsel. Having invited them all and ascending his Puspaka car, he went to the place in question, and, descending there, asked the vulture, “How long has this nest been made? Tell me, if you remember it." Whereto the vulture replied:"From the time when mankind were first born and spread over the four quarters of the globe have I been living in this nest."
— M.N. Dutt (1891–94, public domain)