अथ गत्वा स वै शीघ्रं पञ्चमं वायुगोचरम्। दशैव च सहस्राणि योजनानां तथैव च॥ गङ्गा यत्र सरिच्छ्रेष्ठा नागा वै कुमुदादयः। कुञ्जरास्तत्र तिष्ठन्ति ये तु मुञ्चन्ति सीकरम्॥ गङ्गातोयेषु क्रीडन्ति पुण्यं वर्षन्ति सर्वशः। ततो रविकरभ्रष्टं वायुना पेशलीकृतम्॥ जलं पुण्यं प्रपतति हिमं वर्षति राघव। ततो जगाम षष्ठं स वायुमार्ग महाद्युते॥ योजनानां सहस्राणि दशैव तु स राक्षसः। यत्रास्ते गरुडो नित्यं ज्ञातिबान्धवसत्कृतः॥१२ दशैव तु सहस्राणि योजनानां तथोपरि। सप्तमे वायुमार्गे च यत्रैते ऋषयः स्मृताः॥ अत अर्वं तु गत्वा वै सहस्राणि दशैव तु। अष्टमं वायुमार्ग तु यत्र गङ्गा प्रतिष्ठिता॥ आकाशगङ्गा विख्याता आदित्यपथसंस्थिता। वायुना धार्यमाणा सा महावेगा महास्वना॥ अत अर्ध्वं प्रवक्ष्यामि चन्द्रमा यत्र तिष्ठति। अशीतिं तु सहस्राणि योजनानां प्रमाणतः॥ चन्द्रमास्तिष्ठते यत्र नक्षत्रग्रहसंयुतः। शतं शतसहस्राणि रश्मयश्चन्द्रमण्डलात्॥ प्रकाशयन्ति लोकांस्तु सर्वसत्त्वसुखावहाः। ततो दृष्ट्वा दशग्रीवं चन्द्रमा निर्दहन्निव॥ स तु शीताग्निना शीघ्रं प्रादहद्रावणं तदा। नासहंस्तस्य सचिवाः शीताग्निभयपीडिताः॥
atha gatvā sa vai śīghraṃ pañcamaṃ vāyugocaram| daśaiva ca sahasrāṇi yojanānāṃ tathaiva ca|| gaṅgā yatra saricchreṣṭhā nāgā vai kumudādayaḥ| kuñjarāstatra tiṣṭhanti ye tu muñcanti sīkaram|| gaṅgātoyeṣu krīḍanti puṇyaṃ varṣanti sarvaśaḥ| tato ravikarabhraṣṭaṃ vāyunā peśalīkṛtam|| jalaṃ puṇyaṃ prapatati himaṃ varṣati rāghava| tato jagāma ṣaṣṭhaṃ sa vāyumārga mahādyute|| yojanānāṃ sahasrāṇi daśaiva tu sa rākṣasaḥ| yatrāste garuḍo nityaṃ jñātibāndhavasatkṛtaḥ||12 daśaiva tu sahasrāṇi yojanānāṃ tathopari| saptame vāyumārge ca yatraite ṛṣayaḥ smṛtāḥ|| ata arvaṃ tu gatvā vai sahasrāṇi daśaiva tu| aṣṭamaṃ vāyumārga tu yatra gaṅgā pratiṣṭhitā|| ākāśagaṅgā vikhyātā ādityapathasaṃsthitā| vāyunā dhāryamāṇā sā mahāvegā mahāsvanā|| ata ardhvaṃ pravakṣyāmi candramā yatra tiṣṭhati| aśītiṃ tu sahasrāṇi yojanānāṃ pramāṇataḥ|| candramāstiṣṭhate yatra nakṣatragrahasaṃyutaḥ| śataṃ śatasahasrāṇi raśmayaścandramaṇḍalāt|| prakāśayanti lokāṃstu sarvasattvasukhāvahāḥ| tato dṛṣṭvā daśagrīvaṃ candramā nirdahanniva|| sa tu śītāgninā śīghraṃ prādahadrāvaṇaṃ tadā| nāsahaṃstasya sacivāḥ śītāgnibhayapīḍitāḥ||
English Meaning
He quickly went to the fifth aerial region which also extends over ten thousand Yojanas where exist Gangā, the foremost of rivers, and the elephants headed by Kumuda, who pour down waters. They sport in the waters of the Ganges and pour down her holy waters. And those waters, parched by the rays of the sun and softened by the wind, pour down holy waters and dews, O Rāghava. Thereupon that Rākṣasa went to the sixth aerial region, you gifted with high radiance, which also extends over ten thousand Yojanas and were dwells Garuda perpetually respected of his kinsmen and friends. He then went to the seventh aerial region which is ten thousand leagues above and where dwell the seven Rşis. and again going up ten thousand leagues he reached the eight aerial region where Gangā, known as the Gangă of the sky, having strong currents and sending high roars, and upheld by air, is situated on the sun's way. I shall now describe the region higher than that where resides the moon, and the extent whereof is counted by eighty thousand leagues. There dwells the moon encircled by stars and planets from whom proceed hundreds and thousands of rays which light up the worlds and conduce to the pleasure of all animals. Thereupon beholding the Ten-necked demon the moon as if burnt (him) down speedily with his cold fiery rays. And stricken with the fear of those rays his councillors could not stand them.
— M.N. Dutt (1891–94, public domain)