ग्रीवा तस्याभवद्देवी वीणा चापि सरस्वती। नास्त्यौ श्रवणे चोभौ नेत्रे च शशिभास्करौ॥ वेदाङ्गानि च यज्ञाच तारारूपाणि यानि च। सुवृत्तानि च वाक्यानि तेजांसि च तपांसि च॥ एतानि नररूपस्य तस्य देहाश्रितानि वै। तेन वज्रप्रहारेण लब्धमात्रेण लीलया।॥ पाणिना पीडितं रक्षो निपपात महीतले। पतितं राक्षसं ज्ञात्वा विद्राव्य स निशाचरान्॥ ऋग्वेदप्रतिमः सोऽथ पद्ममालाविभूषितः। प्रविवेश च पातालं निजं पर्वतसंनिभः॥ उत्थाय च दशग्रीव आहूय सचिवान्स्वयम्। क्व गतः सहसा बूत प्रहस्तशुकसारणाः॥ एवमुक्ता रावणेन राक्षसास्ते तदाब्रुवन्। प्रविष्टः स नरोऽत्रैव देवदानवदर्पहा॥
grīvā tasyābhavaddevī vīṇā cāpi sarasvatī| nāstyau śravaṇe cobhau netre ca śaśibhāskarau|| vedāṅgāni ca yajñāca tārārūpāṇi yāni ca| suvṛttāni ca vākyāni tejāṃsi ca tapāṃsi ca|| etāni nararūpasya tasya dehāśritāni vai| tena vajraprahāreṇa labdhamātreṇa līlayā||| pāṇinā pīḍitaṃ rakṣo nipapāta mahītale| patitaṃ rākṣasaṃ jñātvā vidrāvya sa niśācarān|| ṛgvedapratimaḥ so'tha padmamālāvibhūṣitaḥ| praviveśa ca pātālaṃ nijaṃ parvatasaṃnibhaḥ|| utthāya ca daśagrīva āhūya sacivānsvayam| kva gataḥ sahasā būta prahastaśukasāraṇāḥ|| evamuktā rāvaṇena rākṣasāste tadābruvan| praviṣṭaḥ sa naro'traiva devadānavadarpahā||
English Meaning
Sarasvati, the goddess of speech, is his neck, the two Asvins are his ears, the sun and the moon are his two eyes. O Rāma, all the divisions of the Vedas, Aagamas, the whole host of stars, good words, energy, asceticism, all these are being supported by his body, assuming the shape of a man. Thereupon that Puruşa easily struck Rāvana with his hands hard as thunder. Being assailed thereby Rāvana immediately fell on the ground. Beholding that Raksasa fallen and having distressed others that huge person, like to the Rgveda, resembling a mountain and be-decked with lotus garlands, entered the region under the earth. Ravana addressed his councillors thus, "0 Prahasta, O Sukasarana and other ministers, where has that person suddenly gone? Do you tell me this." Hearing those words of Ravana the nightrangers said, “That man, who crush down the pride of the celestials and demons, has entered hither.”
— M.N. Dutt (1891–94, public domain)