तथा वेगसहस्राणि संश्रितानि तमेव हि। धर्मस्तस्य तपश्चैव जगत: सिद्धिहेतुकौ॥ ऊरू ह्याश्रित्य तस्थाते मन्मथः शिश्नमाश्रितः। विश्वेदेवाः कटीभागो मरुतो बस्तिपार्श्वयोः॥ मध्येऽष्टौ वसवस्तस्य समुद्राः कुक्षितः स्थिताः। पार्थादिषु दिशः सर्वाः सर्वसंधिषु मारुतः॥ पृष्ठं च भगवान्रुद्रो हृदयं च पितामहः। पितस्थाश्रिताः पृष्ठं हृदयं च पितामहाः॥ गोदानानि पवित्राणि भूमिदानानि यानि च। सुवर्णवरदानानि कक्षलोमानुगानि च॥ हिमवान्हेमकूटश्च मन्दरो मेरुरेव च। नरं तु तं समाश्रित्य अस्थिभूता व्यवस्थिताः॥ पाणिर्वज्रोऽभवत्तस्य शरीरे द्यौरवस्थिता। कृकाटिकायां संध्या च जलवाहाश्च ये धनाः॥ बाहु धाता विधाता च तथा विद्याधरादयः। शेषश्च वासुकिश्चैव विशालाक्ष इरावतः॥ कम्बलाश्वतरौ चोभौ ककीटकथनंजयौ। स च घोरविषो नागस्तक्षकः सोपतक्षकः॥ करजानाश्रिताश्चैव विषवीर्यमुमुक्षवः। अग्निरास्यमभूत्तस्य स्कन्धौ रुद्रैरधिष्ठितौ॥ पक्षमासर्तवश्चैव दंष्ट्रयोरुभयोः स्थिताः। नासे कुहूरमावास्या छिद्रेषु वायवः स्थिताः॥
tathā vegasahasrāṇi saṃśritāni tameva hi| dharmastasya tapaścaiva jagata: siddhihetukau|| ūrū hyāśritya tasthāte manmathaḥ śiśnamāśritaḥ| viśvedevāḥ kaṭībhāgo maruto bastipārśvayoḥ|| madhye'ṣṭau vasavastasya samudrāḥ kukṣitaḥ sthitāḥ| pārthādiṣu diśaḥ sarvāḥ sarvasaṃdhiṣu mārutaḥ|| pṛṣṭhaṃ ca bhagavānrudro hṛdayaṃ ca pitāmahaḥ| pitasthāśritāḥ pṛṣṭhaṃ hṛdayaṃ ca pitāmahāḥ|| godānāni pavitrāṇi bhūmidānāni yāni ca| suvarṇavaradānāni kakṣalomānugāni ca|| himavānhemakūṭaśca mandaro merureva ca| naraṃ tu taṃ samāśritya asthibhūtā vyavasthitāḥ|| pāṇirvajro'bhavattasya śarīre dyauravasthitā| kṛkāṭikāyāṃ saṃdhyā ca jalavāhāśca ye dhanāḥ|| bāhu dhātā vidhātā ca tathā vidyādharādayaḥ| śeṣaśca vāsukiścaiva viśālākṣa irāvataḥ|| kambalāśvatarau cobhau kakīṭakathanaṃjayau| sa ca ghoraviṣo nāgastakṣakaḥ sopatakṣakaḥ|| karajānāśritāścaiva viṣavīryamumukṣavaḥ| agnirāsyamabhūttasya skandhau rudrairadhiṣṭhitau|| pakṣamāsartavaścaiva daṃṣṭrayorubhayoḥ sthitāḥ| nāse kuhūramāvāsyā chidreṣu vāyavaḥ sthitāḥ||
English Meaning
O Rāma, the might of that person was a thousand times greater than that of Rāvana which was dreadful to all the worlds. Piety and asceticism, which are at the root of attaining to every thing in the world, are at his thighs; Cupid is his male organ, the Viśvedevas are at his waist and the Maruts are at the sides of his Basti; the Vasus are in the middle portion of his body, the oceans are in his belly, the quarters are on his sides, the Maruts are at his joints, the manes are one his back and the grand-father has taken shelter in his heart; the pious acts of making gifts of kine, gold and lands are his downs; the mounts Himālaya, Hemakūța, Manādara, and Meru are his bones: the thunder-bolt is his paim, the sky his body: the evening and watery clouds are on his neck, the creator, the preserver and the Vidyadharas are on his two arms. Ananta, Vasuki, Visalaksa, Iravata, Kambala, Asvatara, Karkotaka, Dhananjaya, the venomous Takşaka, and Upatakşaka, have taken shelter under the nails of his hands, in order to vomit forth their venom. The fire is in his mouth, the Rudras are on his shoulders, the fortnights, months, years and seasons are on the rows of his teeth; the lunar half and the dark half of the month are in his nostrils, and the airy currents are in the pores of his body.
— M.N. Dutt (1891–94, public domain)